ພາຍຫຼັງໜຶ່ງເດືອນເປີດການນໍາໃຊ້, ຖ້ຽວລົດໄຟຊານເມືອງທີ່ອອກຈາກສະຖານີ ໄຊງ່ອນ ໄປຫາສະຖານີ ຢີອານ (ແຂວງ ບິ່ງເຢືອງ) ແລ້ວກັບຄືນມາສາມາດດຶງດູດປະຊາຊົນຈໍານວນຫລວງຫລາຍເຂົ້າຮ່ວມ. ຈ່າຍພຽງ 10.000 ດົ່ງ ຜູ້ໂດຍສານກໍ່ສາມາດເດີນທາງຢ່າງໜ້າປະທັບໃຈທີ່ສຸດ.
ພວກຂ້າພະເຈົ້າມີໜ້າຢູ່ສະຖານີລົດໄຟ ໄຊງ່ອນ ເມື່ອເວລາ 8 ໂມງເຊົ້າຂອງວັນອາທິດ, ລົດໄຟໝູນລໍ້ແລ່ນຜ່ານສະຖານີ ງໍ່ເວີບ, ບິ່ງຈ້ຽວ, ຊອງເທິ່ນ ແລະ ຈຸດສຸດທ້າຍແມ່ນສະຖານີຢີອານ. ໃນຕູ້ລົດໄຟບໍ່ມີຕັ່ງ ຫວ່າງຈັກບ່ອນ. ເມື່ອລົດໄຟແລ່ນຂ້າມຂົວ ຫຼື ແມ່ນຳ້ແຕ່ລະເທື່ອ, ພວກນ້ອງນ້ອຍກໍ່ຮ້ອງໂຮຂຶ້ນພ້ອມກັບຕົບມືຊົມເຊີຍດ້ວຍຄວາມດີໃຈ,ເຮັດໃຫ້ຜູ້ໂດຍສານໝົດທຸກຄົນຮູ້ສຶກສະບາຍໃຈ.ນີ້ແມ່ນການເດີນທາງທີ່ໜ້າຈື່ຈຳຂອງຄາວໄວເດັກ.
ສະຫະບໍລິສັດຫຸ້ນສ່ວນຂົນສົ່ງທາງລົດໄຟ ໄຊງ່ອນ ໄດ້ກໍ່ສ້າງສາຍທາງລົດໄຟຊານເມືອງນີ້ຂຶ້ນ ໂດຍຈຸດປະສົງເພື່ອຫຼຸດຜ່ອນສະພາບລົດຕິດຂອງນະຄອນ ໂຮ່ຈີມິນ ແລະ ກະຈາຍວຽກງານຂົນສົ່ງຜູ້ໂດຍສານໄປຍັງພາຫະນະຕ່າງໆ. ອາດສາມາດເວົ້າໄດ້ວ່າສາຍທາງລົດໄຟດັ່ງກ່າວ ຕອບສະໜອງໄດ້ຄວາມຕ້ອງການຂອງຜູ້ໂດຍສານຢ່າງທັນການ. ແຕ່ລະມື້ມີຜູ້ໂດຍສານທີ່ມານຳໃຊ້ ບໍລິການກວ່າ 3.500ເທື່ອຄົນ, ວັນທ້າຍອາທິດ ແລະ ວັນພັກລັດຖະການມີຜູ້ມາບໍລິການເຖິງ6.000 ກວ່າຄົນຕໍ່ມື້.
ສາຍທາງລົດໄຟອອກຊານເມືອງເລີ່ມຕົ້ນແຕ່ສະຖານີລົດໄຟ ໄຊງ່ອນ.
ຜູ້ໂດຍສານຫຼາຍຄົນເລືອກໃຊ້ບໍລິການດ້ວຍຖ້ຽວລົດໄຟອອກຊານເມືອງ.
ຖ້ຽວລົດໄຟອອກຊານເມືອງອອກຈາກສະຖານີລົດໄຟ ໄຊງ່ອນ
ໄປຮອດສະຖານີລົດໄຟ ຢີອານ (ແຂວງ ບິ່ງເຢືອງ) ແລ້ວກັບຄືນ.
ຜູ້ໂດຍສານຂຶ້ນລົດໄຟເພື່ອໄປຫາເຂດທ່ອງທ່ຽວ ຖຸຍເຈົາ (ແຂວງ ບິ່ງເຢືອງ).
ຫ້ອງນໍ້າສະອາດເທິງຖ້ຽວລົດໄຟຊານເມືອງ.
ເຄື່ອງເຟີນີເຈີພາຍໃນຕູ້ລົດໄຟຕົບແຕ່ງດ້ວຍໄມ້ ສະທ້ອນເຖິງຄວາມໂບຮານ ແລະຫລູຫລາ.
ຕັ່ງນັ່ງຂອງຜູ້ໂດຍສານອອກແບບງາມຕາແລະ ສະດວກສະບາຍ. |
ໄລຍະທາງລົດໄຟແຕ່ ໄຊງ່ອນ ໄປຮອດ ຢີອານ ຍາວປະມານ 30 ກິໂລແມັດ, ໃຊ້ເວລາປະມານ 40 ນາທີ. ຜູ້ໂດຍສານຂຶ້ນລົດຊື້ປີ້ ຄືປີ້ລົດເມ ແລະ ເດັກນ້ອຍອາຍຸຕໍ່າກວ່າ6 ປີບໍ່ຕ້ອງຊື້ປີ້. ຖ້າຜູ້ໂດຍສານເອົາລົດຈັກໄປນຳ ກໍ່ຈະຕ້ອງເສຍອີກ 5.000. ລົດໄຟມີທັງໝົດ 8 ຕູ້, ໄດ້ຮັບການອອກແບບທີ່ທັນສະໄໝ ແລະ ສະດວກສະບາຍ, ສະອາດ. ສຳລັບຜູ້ໂດຍສານທີ່ນຳໃຊ້ສາຍທາງລົດໄຟ ເໜືອ-ໃຕ້, ຕ້ອງໄປປ່ຽນຢູ່ສະຖານີລົດໄຟ ຊອງເທິ່ນ ເຖິງສະຖານີລົດໄຟ ບຽນຮວ່າ (ແຂວງ ດົ່ງນາຍ) ເພື່ອສືບຕໍ່ການ ເດີນທາງ.
ຄວາມພໍອົກພໍໃຈ ແລະ ຄວາມໃກ້ຊິດຂອງຜູ້ໂດຍສາຍແມ່ນສິ່ງທີ່ເຫັນໄດ້ງ່າຍເທິງສີໜ້າຂອງຜູ້ໂດຍສານ. ພະນັກງານຮັບໃຊ້ຜູ້ໂດຍສານດ້ວຍຄວາມ ສຸພາບ. ອ້າຍ ລອງ, ບ້ານຢູ່ເມືອງ ຝູຖ້ວນ ໃຫ້ຮູ້ວ່າ “ເຖິງວ່າ ລາຄາປີ້ລົດໄຟຈະຖືກ ແຕ່ຄຸນນະພາບຂອງບໍລິການແມ່ນດີທີ່ສຸດ, ລູກ ຂອງຂ້າພະເຈົ້າຍາມໃດກໍ່ແອ່ວຢາກໃຫ້ພໍ່ພາໄປທາງລົດໄຟ, ອາດຈະແມ່ນຄວາມແປກໃໝ່ເຮັດໃຫ້ເຂົາຮູ້ສຶກຈັບໃຈ”.
ສາຍທາງລົດໄຟອອກຊານເມືອງ ບໍ່ພຽງແຕ່ເປັນວິທີການແກ້ໄຂທີ່ດີກ່ຽວກັບການຄົມມະນາຄົມເທົ່ານັ້ນ, ຫາກຍັງເປັນການ ປະສານສົມທົບກັບການທ່ອງທ່ຽວອີກດ້ວຍ. ແນ່ນອນວ່າ ຜູ້ໂດຍສານຈະຮູ້ສຶກພໍອົກພໍໃຈເມື່ອໄດ້ໄປທ່ຽວດ້ວຍລົດໄຟ,ພິເສດ, ຜູ້ໂດຍສານສາມາດນຳໃຊ້ບໍລິການທ່ອງທ່ຽວດ້ວຍທາງລົດໄຟຊານເມືອງ ໄປຮອດເຂດທ່ອງທ່ຽວ ຖຸຍເຈົາ (ແຂວງ ບິ່ງເຢືອງ) ແລ້ວກັບຄືນດ້ວຍລາຄາ 160.000 ດົ່ງຕໍ່ຄົນສຳລັບ ຕຽງນອນ.
ໃນທ້າຍອາທິດ, ຕູ້ລົດໄຟບໍ່ມີຕັ່ງຫວ່າງຈັກບ່ອນ.
ພະນັກງານຮັບໃຊ້ຜູ້ໂດຍສານດ້ວຍຄວາມສຸພາບ ແລະ ຕັ້ງໃຈ.
ເດັກຊາຍຄົນໜຶ່ງກຳລັງຊົມທິວທັດທຳມະສາດຜ່ານປ່ອງຢ້ຽມຂອງລົດໄຟ.
ນັກທ່ອງທ່ຽວຕ່າງປະເທດໄປຊົມທິວທັດທຳມະຊາດ
ຢູ່ເຂດຊານເມືອງຂອງ ໄຊງ່ອນ ດ້ວຍລົດໄຟ.
ຜູ້ໂດຍສານໂອ້ລົມກັນຢ່າງມ່ວນຊື່ນເທິງຖ້ຽວລົດໄຟ.
ຖ້ຽວລົດໄຟແລ່ນຜ່ານໂບດຫຼັງໜຶ່ງຂອງສາສະໜາ ກາວດ່າຍ.
ການເດີນທາງທີ່ປະທັບໃຈດ້ວຍລົດໄຟອອກຊານເມືອງຂອງ
ບັນດາທ່ານຜູ້ໂດຍສານ. |
ທ່ານ ໂດ໋ກວາງວັນ, ຜູ້ອຳນວຍການສາຂາຂົນສົ່ງທາງລົດໄຟ ໄຊງ່ອນ ໃຫ້ຮູ້ວ່າ: “ຖ້ຽວລົດໄຟຊານເມືອງ ຊ່ວຍໃຫ້ປະຊາຊົນໄປມາຫາສູ່ໄດ້ຢ່າງສະດວກສະບາຍ, ພວກຂ້າພະເຈົ້າຮູ້ສຶກດີໃຈເມື່ອເຫັນສາຍທາງລົດໄຟອອກຊານເມືອງໄດ້ຮັບການນິຍົມຊົມໃຊ້ຈາກປະຊາຊົນ ແລະ ນັກທ່ອງທ່ຽວຢ່າງຫຼວງຫຼາຍ. ໃນຕໍ່ໜ້ານີ້, ພວກຂ້າພະເຈົ້າຈະມີການດັດປັບແລະ ຄົ້ນຄວ້າກໍ່ສ້າງຫຼາຍຈຸດທ່ອງທ່ອງທີ່ໜ້າຈັບໃຈຕື່ມອີກ ເພື່ອດຶງດູດ ຜູ້ໂດຍສານ ແລະ ນັກທ່ອງທ່ຽວພາຍໃນ ແລະ ຕ່າງປະເທດ”.
ບົດ: ຫງວຽນແອງ - ພາບ: ຫງວຽນລວນ