ໃນຂອບເຂດຂອງການຢ້ຽມຢາມຄັ້ງນີ້, ທ່ານບຸນຍັງ ວໍລະຈິດ ເລຂາທິການໃຫຍ່, ປະທານປະເທດແຫ່ງ ສປປ.ລາວ ໄດ້ມີການ ພົບປະເຈລະຈາກັບທ່ານ ຫງວຽນຝູ໋ຈ້ອງ ເລຂາທິການໃຫຍ່; ພົບປະແລກປ່ຽນຄຳຄິດຄຳເຫັນກັບທ່ານ ເຈິ່ນດ້າຍກວາງ ປະທານປະເທດ, ທ່ານຫງວຽນຊວນຟຸກ ນາຍົກລັດຖະມົນຕີ, ທ່ານນາງຫງວຽນທິກິມເງິນປະທານສະພາແຫ່ງຊາດ; ຢ້ຽມຢາມ ແລະ ໂອ້ລົມກັບພະນັກງານ, ນັກສຶກສາຢູ່ສະຖາບັນການເມືອງ ແຫ່ງຊາດໂຮ່ຈິມິນ; ຕ້ອນຮັບການເຂົ້າຢ້ຽມຂໍ່ານັບຂອງ ຄະນະ ຜູ້ແທນສະມາຄົມມິດຕະພາບຫວຽດນາມ-ລາວພ້ອມດ້ວຍຄະນະປະສານງານສະມາຄົມອະດີດຜູ້ຊ່ຽວຊານ, ທະຫານອາສາສະໝັກຫວຽດນາມຢູ່ລາວ; ພົບປະກັບທ່ານ ດິງລາທັງ ເລຂາຄະນະພັກນະຄອນໂຮ່ຈີມິນ. 

ພິທີຕ້ອນຮັບທ່ານບຸນຍັງ ວໍລະຈິດເລຂາທິການໃຫຍ່, ປະທານປະເທດແຫ່ງ ສປປ.ລາວ
ຈັດຂຶ້ນຢ່າງສົມກຽດ ທີ່ສຳນັກງານປະທານປະເທດ. ພາບ: ຈີ້ຢຸງ/VNA


ທ່ານ ຫງວຽນຝູ໋ຈ້ອງ ເລຂາທິການໃຫຍ່ ພົບປະເຈລະຈາ ກັບທ່ານ ບຸນຍັງ ວໍລະຈິດ ເລຂາທິການໃຫຍ່,
ປະທານປະເທດແຫ່ງ ສປປ.ລາວ. ພາບ: ຈີ້ຢຸງ/VNA


ທ່ານເຈິ່ນດ້າຍກວາງ ປະທານປະເທດ ພົບປະແລກປ່ຽນ ຄຳຄິດຄຳເຫັນກັບທ່ານ ບຸນຍັງ ວໍລະຈິດ
ເລຂາທິການໃຫຍ່, ປະທານປະເທດແຫ່ງ ສປປ.ລາວ. ພາບ: ຍານຊ໋າງ/VNA


ທ່ານຫງວຽນຊວນຟຸກ ນາຍົກລັດຖະມົນຕີ ພົບປະແລກປ່ຽນ ຄຳຄິດເຫັນກັບທ່ານ ບຸນຍັງ ວໍລະຈິດ
ເລຂາທິການໃຫຍ່, ປະທານປະເທດແຫ່ງສປປລາວ. ພາບ: ຖົ໋ງເຍິດ/VNA

ທ່ານນາງ ຫງວຽນທິກີມເງີນ ປະທານສະພາແຫ່ງຊາດ ພົບປະແລກປ່ຽນຄຳຄິດເຫັນກັບ ທ່ານບຸນຍັງ ວໍລະຈິດ
ເລຂາທິການໃຫຍ່, ປະທານປະເທດແຫ່ງ ສປປ.ລາວ. ພາບ: ຈ້ອງດຶກ/VNA
 

ໃນບັນດາການພົບປະເຈລະຈາ, ແລກປ່ຽນຄຳຄິດຄຳເຫັນຕ່າງໆເຫລົ່ານີ້, ທັງສອງຝ່າຍໄດ້ມີການສົນທະນາ ຢ່າງກວ້າງຂວາງ ເລິກເຊິ່ງ ກ່ຽວກັບແຜນນະໂຍບາຍ, ວິທີການຕ່າງໆແນໃສ່ ສືບຕໍ່ ນຳເອົາການພົວພັນມິດຕະພາບອັນເປັນມູນເຊື້ອ, ຄວາມ ສາມັກຄີແບບພິເສດ, ການຮ່ວມມືຮອບດ້ານລະຫວ່າງ ຫວຽດນາມ-ລາວໄປສູ່ການຂະຫຍາຍຕົວຢ່າງກວ້າງຂວາງ ເລິກເຊິ່ງ ແລະ ມີປະສິດທິຜົນ; ສືບຕໍ່ເປີດກວ້າງ ແລະ ຍົກສູງ ປະສິດທິຜົນການຮ່ວມມື ດ້ານເສດຖະກິດ, ວັດທະນະທຳ, ວິທະຍາສາດເຕັກນິກ ແລະ ສຶກສາກໍ່ສ້າງ, ໃນນັ້ນຖືສຳຄັນ ການກໍ່ສ້າງແຫຼ່ງຊັບພະຍາກອນມະນຸດ ຄຸນນະພາບສູງ; ເພີ່ມທະວີເຊື່ອມຕໍ່ເສດຖະກິດ, ພື້ນຖານໂຄງລ່າງ ການຄົມມະນາຄົມ ແລະ ພະລັງງານ; ສືບຕໍ່ອຳນວຍ ຄວາມສະດວກ ໃຫ້ແກ່ພົນລະເມືອງຂອງກັນ ແລະ ກັນດໍາລົງຊີວິດ, ເຮັດວຽກ ແລະ ສຶກສາຮໍ່າຮຽນ ຢູ່ແຕ່ລະປະເທດ ໂດຍສອດຄ່ອງກັບຂໍ້ກໍານົດ ກົດໝາຍຂອງແຕ່ລະຝ່າຍ.

ສອງຝ່າຍໄດ້ເປັນເອກະສັນກັນສືບຕໍ່ເພີ່ມທະວີ ການຮ່ວມມື ດ້ານວຽກງານປ້ອງກັນຊາດ, ປ້ອງກັນຄວາມສະຫງົບ, ຮັບປະກັນສະຖຽນລະພາບດ້ານການເມືອງ, ຄວາມສະຫງົບ, ຄວາມເປັນລະບຽບຮຽບຮ້ອຍສັງຄົມຢູ່ແຕ່ລະປະເທດເປັນຢ່າງດີ. ຫວຽດນາມສະໜັບສະໜູນຢ່າງຕັ້ງໜ້າ ແລະ ຮອບດ້ານຕໍ່ບົດບາດເປັນປະທານອາຊຽນຂອງລາວ. ສອງຝ່າຍສືບຕໍ່ເພີ່ມທະວີປະສານສົມທົບຢ່າງແໜ້ນແຟ້ນເຊີ່ງກັນ ແລະ ກັນ, ປະສານສົມທົບກັບບັນດາປະເທດ, ບັນດາອົງການຈັດຕັ້ງ ໃນການຄຸ້ມຄອງ, ນຳໃຊ້ ແຫຼ່ງແມ່ນ້ຳຂອງຢ່າງຍືນຍົງ ແລະ ມີປະສິດທິຜົນ.

ທ່ານບຸນຍັງ ວໍລະຈິດ ເລຂາທິການໃຫຍ່, ປະທານປະເທດແຫ່ງ ສປປ.ລາວ ພ້ອມກັບທ່ານ ຫງວຽນຝູ໋ຈ້ອງ ເລຂາທິການໃຫຍ່
ພັກຄອມມູນິດຫວຽດນາມ ຢ້ຽມຢາມສະຖາບັນການເມືອງ ແຫ່ງຊາດໂຮ່ຈີມິນ. ພາບ: ຢ໊ວານເຕິນ/VNA


ທ່ານ ດິງລາທັງ ເລຂາຄະນະພັກນະຄອນໂຮ່ຈີມິນ ຕ້ອນຮັບ ທ່ານ ບຸນຍັງ ວໍລະຈິດ ເລຂາທິການໃຫຍ່,
ປະທານປະເທດແຫ່ງ ສປປ.ລາວ ທີ່ມາຢ້ຽມຢາມ ນະຄອນ ໂຮ່ຈີມິນ. ພາບ: ຮວ່າງຫາຍ/VNA
 

ສອງຝ່າຍໄດ້ເປັນເອກະສັນກັນຊຸກຍູ້ແກ້ໄຂບັນດາຂໍ້ພິພາດ ຢູ່ທະເລຕາວັນອອກໂດຍສັນຕິວິທີ, ບົນພື້ນຖານກົດໝາຍ ສາກົນ; ພ້ອມກັບຝ່າຍຕ່າງໆປະຕິບັດຢ່າງຄົບຖ້ວນ ແລະ ມີປະສິດທິຜົນ ຂໍ້ຖະແຫຼງການວ່າດ້ວຍການປະພຶດຕໍ່ ຂອງ ຝ່າຍຕ່າງໆຢູ່ທະເລຕາເວັນອອກ(DOC) ແລະ ສ້າງໃຫ້ສຳເລັດ ໂດຍໄວປະມວນກົດລະບຽບການປະພຶດຕໍ່ ຢູ່ທະເລ ຕາເວັນອອກ (COC) ແນໃສ່ຮັກສາສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຢູ່ພາກພື້ນ ແລະ ໃນໂລກ. 

ປະຕິບັດໂດຍ: VNA/VNP