ສະຖານທູດຫວຽດນາມປະຈຳມົງໂກນ ຫາກໍຈັດພິທີຕ້ອນຮັບບຸນປິໃໝ່
(ພາບ: baogiaothong)
ສະຖານທູດຫວຽດນາມປະຈຳມົງໂກນ ຫາກໍຈັດພິທີຕ້ອນຮັບບຸນປິໃໝ່ໃຫ້ປະຊາຄົມ ເນື່ອງໃນໂອກາດບຸນເຕັດປີວອກ 2016. ທ່ານເອກອັກຄະລັດຖະທູດຫວຽດນາມ ປະຈຳມົງໂກນ ຟານດັງເດືອງ ໄດ້ອວຍພອນພໍ່ແມ່ປະຊາຊົນຊາວຫວຽດນາມ ທຸກຄົນ ແລະ ບັນດາແຂກເຂົ້າຮ່ວມ, ແຈ້ງໃຫ້ຊາບກ່ຽວກັບສະພາບເສດຖະກິດ, ສັງຄົມ ຂອງຫວຽດນາມ ໃນຊຸມປີຜ່ານມາ. ທ່ານເອກອັກຄະລັດຖະທູດປາດຖະໜາວ່າ ໃນໄລຍະຈະມາເຖິງ, ພໍ່ແມ່ປະຊາຄົມຊາວຫວຽດນາມ ອາໄສຢູ່ມົງໂກນ ສືບຕໍ່ສາມັກຄີ, ໜູນຊ່ວຍເຊິ່ງກັນ ແລະກັນ, ຮັກສາສີສັນວັດທະນະທຳຂອງຊາດໄວ້, ອວ່າຍໜ້າເມືອຫາບ້ານເກີດເມືອງນອນ…(ພາບ: baogiaothong)
ໃນຊຸມມື້ນີ້, ສະຖານທູດຫວຽດນາມ ປະຈຳຢູແກຼນ ຫງວຽນມິງຈິ໋ ໄດ້ນຳໜ້າຄະນະພະນັກງານສະຖານທູດ ໄປຢື້ຢາມຖາມຂ່າວ, ມອບຂອງຂວັນ ແລະ ອວຍພອນບຸນເຕັດພໍ່ແມ່ຊາວຫວຽດນາມ ທີ່ພວມດຳລົງຊີວິດ ແລະ ເຮັດວຽກຢູ່ທີ່ນີ້.
ຢູ່ກຳປູເຈຍ, ສະມາຄົມໃຫຍ່ຊາວກຳປູເຈຍ ເຊື້ອຊາດຫວຽດນາມ ໄດ້ຂົນຂວາຍບັນດາອົງການຈັດຕັ້ງ, ສ່ວນບຸກຄົນຢູ່ພາຍໃນ ແລະ ຕ່າງປະເທດ ໜູນຊ່ວຍຂອງຂວັນ 800 ພູດໃຫ້ພໍ່ແມ່ຊາວຫວຽດນາມ ທຸກຍາກຕ້ອນຮັບບຸນເຕັດ. ທ່ານ ເຈົາວັນຈິ, ປະທານສະມາຄົມໃຫຍ່ຊາວກຳປູເຈຍ ເຊື້ອຊາດຫວຽດນາມ ໃຫ້ຮູ້ວ່າ.
“ປີນີ້ຍ້ອນໄດ້ຮັບຄວາມເອົາໃຈໃສ່ຂອງສະຖານທູດບັນດາປະເທດ, ບັນດາສະຖານກົງສູນ, ບໍລິສັດ, ນັກລົງທຶນ, ຜູ້ໃຈບຸນໃຈກູ້ຊົນ ເອົາໃຈໃສ່ເຖິງພໍ່ແມ່ປະຊາຊົນຫວຽດນາມ ອາໄສຢູ່ກຳປູເຈຍ ເພື່ອໃຫ້ທຸກຄົນຕ້ອນຮັບບຸນເຕັດຢ່າງເບີກບ່ານມ່ວນຊື່ນ”.
(ແຫຼ່ງຄັດຈາກ VOV)
