| ຫວ່າງມໍ່ໆ ນີ້, ທີ່ໂຮງແຮມ Hotel De L’Opera, ຢູ່ເລກທີ 29 ຈ່າງຕ່ຽນ, ຮ່າໂນ້ຍ, ບໍລິສັດແຟຊັ່ນຊຸດເຄື່ອງແບບສຳນັກຊັ້ນນຳ Eva de Eva ຂອງຫວຽດນາມ ໄດ້ຈັດງານ ລາຕີສະໂມສອນແຟຊັ່ນ “Eva de Eva fall winter 2011-2012” ທີ່ມີຊຸດອາ ພອນອັນສຸນທະລີຍະ, ສຸພາບນາໆແບບ ຊຶ່ງໃຫ້ເຫັນທ່າອຽງໃໝ່ໃນແຟຊັ່ນລະດູໃບໄມ້ຫຼົ່ນ - ລະດູໜາວ 2011-2012. |
|
ໃນງານລາຕີສະໂມສອນແຟຊັ່ນ“Eva de Eva fall winter 2011-2012”, ເຖິງວ່າ ທ່ານຈະໄດ້ຊົມຊຸດອາພອນຍິງທີ່ສຸນທະລີຍະ, ລະມຸນລະໄມ ແລະ ຕຶງໃຈ ແຕ່ກໍເປັນແບບເກົ່າ ທີ່ມີບຸກຄະລິກລັກສະນະຂະຫຍັນຂັນເຄື່ອນ ແລະ ໜຸ່ມແໜ້ນ ເໝາະກັບທ່າອຽງຂອງໂລກແຟຊັ່ນ. ການອອກແບບຈະໄປໃນທາງສິລະປະ ແຕ່ກໍມີລັກສະນະນຳໃຊ້ສູງ,ສະແດງໃຫ້ເຫັນຊັ້ນວັນນະຂອງເຄື່ອງໝາຍການຄ້າໃນຊຸດອາພອນ Eva de Eva. ງານລາຕີສະໂມສອນແຟຊັ່ນ ໄດ້ເລີ່ມຕົ້ນລາຍການດ້ວຍແບບອາພອນໃໝ່ລ້າສຸດ 30 ຊຸດຂອງລະດູໃບໄມ້ຫຼົ່ນ-ລະດູໜາວ “Eva de Eva fall winter 2011-2012” ນີ້, ຊຶ່ງໄດ້ມີການອອກແບບປະສົມປະສານລະຫວ່າງກະໂປງທີ່ລະມຸນລະໄມ ແລະ ໂສ້ງຂາຕັ້ງທີ່ມີບຸກຄະລິກ ລັກສະນະ ກັບເສື້ອນາໆສີ ສ້າງຄວາມອ່ອນໂຍນ, ໜຸ່ມແໜ້ນໃຫ້ແກ່ຜູ້ນຸ່ງຖື. ຊຸດອາພອນຈຳນວນໜຶ່ງ ໃນງານລາຕີສະໂມສອນແຟຊັ່ນ “Eva de Eva fall winter 2011-2012”
ຈຸດສຸມຂອງການສະແດງແມ່ນຊຸດເຄື່ອງແບບ, ຊຸດລາຕີກວ່າ 50 ຊຸດຂອງນັກອອກແບບ ຫງວຽນຢ້ຽວຮວ່ຽນ. ຊຸດເຄື່ອງແບບ 50 ຊຸດແມ່ນ ມາຈາກ 50 ແນວຄວາມຄິດ ທີ່ໄດ້ຮັບການຄັດຈ້ອນຢ່າງລະອຽດລະອໍ ນັບຕັ້ງແຕ່ຮູບຊົງສີສັນ ຈົຮເຖິງລາຍລະອຽດຍ່ອຍໆ. ນອກຈາກບັນດາ ວັດຖຸປະກອບມູນເຊື້ອແບບສຳນັກ ເປັນຕົ້ນແມ່ນຜ້າຕລິດຊີ, ຜ້າສັກກະຫຼາດຊັ້ນສູງແລ້ວ ກໍຍັງມີວັດຖຸປະກອບທີ່ຖືວ່າເປັນທ່າອຽງໃໝ່ຂອງໂລກ ປີນີ້ຄື: ຜ້າຕີ້ວ, ຜ້າຂົນສັດ, ແລນເນື້ອກ້ຽງ ແລະ ເນື້ອຊາ. ນັກອອກແບບ ຫງວຽນຢ້ຽວຮວ່ຽນ ໃຫ້ຮູ້ວ່າ ເພື່ອອອກແບບຊຸດສະສົມດັ່ງກ່າວ, ລາວ ໄດ້ນຳໃຊ້ວິທີ 3 ມິຕິ (3D), ຊຶ່ງເປັນວິທີອອກແບບທີ່ທັນສະໄໝທີ່ສຸດໃນຂະແໜງການອຸດສາຫະກຳແຫ່ງໂລກແຟຊັ່ນປະຈຸບັນນີ້.ດ້ວຍວິທີນີ້, ການອອກແບບບໍ່ພຽງແຕ່ລ່າງເທິງສະບັບວາດແຕ້ມເທຟົ່ານັ້ນ,ແຕ່ຍັງໄດ້ປະຕິບັດໂດຍກົງກັບວັດຖຸປະກອບຕົວຈິງ ໃຫ້ຄວາມແມ່ນຢຳໃນແຕ່ ລະຕາລາງມີນລິແມັດ, ຍ້ອນແນວນັ້ນ ຜະລິດຕະພັນຈິ່ງສາມາດຮັບປະກັນຕໍ່ຄວາມຮຽກຮ້ອງຕ້ອງການກ່ຽວກັບຮູບຊົງ ແລະ ເຕັກໂນໂລຢີໄດ້ເປັນຢ່າງດີ. |
