09/08/2015 21:59 GMT+7 Email Print Like 0

ຄວາມປະທັບໃຈ ຖາວດ່ຽນ Village

ຖາວດ່ຽນ Village ຕັ້ງຢູ່ແຄມແມ່ນ້ຳໄຊງ່ອນ, ຂຶ້ນກັບຕາແສງ ຖາວດ່ຽນ, ເມືອງ 2, ນະຄອນໂຮ່ຈີມິນ ເປັນເຂດທ່ອງທ່ຽວ ພັກຜ່ອນບຳລຸງສຸຂະພາບທີ່ໄດ້ມາດຕະຖານສາກົນ ແລະ ກໍາລັງກາຍເປັນຈຸດນັດໝາຍທີ່ໜ້າອ່າວຄະນິງຫາສຳລັບນັກທ່ອງທ່ຽວເມື່ອມາຢ້ຽມຢາມ ນະຄອນ ໂຮ່ຈີມິນ. 
ຖາວດ່ຽນ Village ເປັນເຂດທ່ອງທ່ຽວປະສົມ, ມີເນື້ອທີ່ທັງໝົດ ເກືອບ 20.000 ຕາລາງແມັດ, ມີ180 ແມັດຕິດກັບແມ່ນ້ຳ ໄຊງ່ອນ. ນັ່ງກຳປັ່ນດ່ວນພຽງ 15 ນາທີເທິງແມ່ນຳ້ໄຊງ່ອນ ຫຼື ເຄື່ອນຍ້າຍໄປຕາມທາງບົກ 7 ກິໂລແມັດ ຈາກໃຈກາງນະຄອນໂຮ່ຈີມິນ, ນັກທ່ອງທ່ຽວສາມາດພົບເຫັນເຂດພື້ນທີ່ສີຂຽວແຫ່ງໜຶ່ງ ທີ່ມີສະຖາປັດຕະຍະກຳມູນເຊື້ອຂອງຊາວຫວຽດນາມ.

ຖາວດ່ຽນ Village ເປັນເຂດພັກຜ່ອນບຳລຸງສຸຂະພາບມາດຕະຖານ 5 ດາວ ແຫ່ງທຳອິດຢູ່ນະຄອນໂຮ່ຈີມິນ, ປະກອບດ້ວຍເຂດທ່ອງທ່ຽວຕ່າງໆເຊັ່ນ: ເຂດບໍລິການເສີມສວຍ ແລະ ສປາ(Viet Authentic Spa); ເຂດຮ້ານອາຫານລວມ ມີ 4 ຮ້ານເຊ່ັນ: Ngon(ແຊບ) (ປະເພດອາຫານຫວຽດນາມ), Chaba Thai (ອາຫານໄທ), Tama Gawa Shushi Bar (ອາຫານຍີ່ປຸ່ນ), Villa Romain Italian(ອາຫານອີຕາລີ); ໂຮງແຮມ ຖາວດ່ຽນ (Thao Dien Village Hotel); ຕຶກເຫດການ(Van Mieu Event House); ໂຮງສະແດງຕຸກກະຕານ້ຳ, ຫ້ອງກິລາ ກາຍະກຳ-ເພາະກາຍ; ເດີ່ນຫຼິ້ນສຳລັບເດັກນ້ອຍ. ໂຮງແຮມ ຖາວດ່ຽນ Village ມີ 20 ຫ້ອງ, ປະກອບເຄື່ອງໃຊ້ອຸປະກອນຕ່າງໆຢ່າງຄົບຊຸດ, ທັນສະໄໝ ແລະ ມີຄຸນນະພາບສູງຊຶ່ງແນ່ນອນວ່າຈະສ້າງຄວາມພໍໃຈໃຫ້ແກ່ແຂກຜູ້ມາທ່ຽວທຸກທ່ານ.


ເຂດພື້ນທ່ີສີຂຽວຢູ່ ພາຍໃນຖາວດ່ຽນ Village.


ແບບສະຖາປັດຕະຍະກຳ ຢູ່ຖາວດ່ຽນ Villageເຕັມໄປດ້ວຍສີສັນ ຂອງຊາວເອີຣົບ. 


ທາງເດີນນໍາໄປເຖິງເຂດເຮືອນວິນລາຂອງຖາວດ່ຽນ Village ໄດ້ຮັບການອອກແບບຢ່າງປະສົມກົມກຽວກັບທຳມະຊາດ. 


ວິນາທີຜ່ອນຄາຍອາລົມຢູ່ຕາມຝັ່ງແມ່ນ້ຳໄຊງ່ອນ ຂອງນັກທ່ອງທ່ຽວຢູ່ ຖາວດ່ຽນ Village.


ຫ້ອງເຝິກຢີມຢູ່ ຖາວດ່ຽນ Village. 


ນັກທ່ອງທ່ຽວພັກຜ່ອນຢ່ອນໃຈຢູ່ສະລອຍນ້ຳ ທີ່ໃກ້ໆກັບ ແມ່ນ້ຳໄຊງ່ອນ ຢູ່ ຖາວດ່ຽນ Village. 


ຫ້ອງນອນທີ່ຫຼູຫຼາ ແລະ ມີເຄື່ອງໃຊ້ ຢ່າງຄົບຊຸດ. 


ຫາດຊາຍຂາວເປັນບ່ອນຫລິ້ນສຳລັບເດັກນ້ອຍເມື່ອມາທ່ຽວ ຖາວດ່ຽນ Village. 


ຫ້ອງເຝິກແອບກິລາທີ່ປະກອບດ້ວຍເຄື່ອງອຸປະກອນຄົບຊຸດ ແລະ ທັນສະໄໝ. 


ປະຈຸບັນ, ຖາວດ່ຽວ Village ພວມເປັນຈຸດນັດໝາຍ ທີ່ໜ້າດຶງດູດໃຈສຳລັບນັກທ່ອງທ່ຽວຕ່າງປະເທດ ເມື່ອມາ ຢ້ຽມຢາມນະຄອນໂຮ່ຈີມິນ. 
 
ມາທີ່ຖາວດ່ຽນ Village, ນັກທ່ອງທ່ຽວຈະມີໂອກາດ ໄດ້ສຳຜັດ ກັບພຶ້ນທີ່ສີຂຽວສົດໃສ ແລະ ປອດໂປ່ງ. ໃນສາຍລົມ ພັດໂຊຍມາກິ່ນຫອມອ່ອນໆ ຈາກຕົ້ນໄມ້ໃບຫຍ້າ ຢູ່ແຄມຝັ່ງແມ່ນ້ຳໄຊງ່ອນ ແລະ ແຖວຕົ້ນດອກຈຳປາ ຢູ່ຕາມເສັ້ນທາງເດີນພາໄປເຖິງ ແຕ່ລະເຂດເຮືອນວິນລາ. ຈາກຄວາມຄິດສ້າງສັນ “ທະເລໃນນະຄອນ” ຂອງຊາວຝຣັ່ງ, ຖາວດ່ຽນ Village ກໍເຮັດໃຫ້ນັກທ່ອງທ່ຽວມີຄວາມຮູ້ສຶກ ເໝືອນດັ່ງພວມໄດ້ໃຊ້ຊີວິດຢູ່ຊາຍຫາດທະເລກັບແຖວໆ ກົກພ້າວທີ່ຂຽວເຢັນ.

ນາງ Linda Wilson, ນັກທ່ອງທ່ຽວຊາວອັງກິດໄດ້ເວົ້າວ່າ: “ຂ້າພະເຈົ້າໄດ້ມີໂອກາດມາຜ່ອນຄາຍອາລົມຢູ່ທີ່ນີ້ແສນເປັນໜ້າຈັບໃຈອີຫລີ.  ຢູ່ຖາວດ່ຽນ Village ມີຫລາຍໆ ຈຸດທີ່ເປັນເອກະລັກຂອງຫວຽດນາມ ທີ່ຂ້າພະເຈົ້າເຄີຍໄດ້ ຮູ້ຈັກ”. 
ບົດ: ຫງວຽນຫວູແທ່ງດາດ - ພາບ: ທົງຫາຍ
ບັນດາບົດທີ່ຖືກນຳສະເໜີ