ກຸ່ມບໍລິສັດທຽນລອງໄດ້ຮັບການສ້າງຕັ້ງເມື່ອປີ 1981, ບໍລິສັດໄດ້ມີບາດກ້າວພັດທະນາທີ່ແຂງແຮງຢ່າງຕໍ່ເນື່ອງມາໂດຍ ຕະຫລອດຈົນມາເຖິງປະຈຸບັນນີ້, ບໍລິສັດຫຸ້ນສ່ວນ ກຸ່ມທຽນລອງ ໄດ້ກາຍເປັນກຸ່ມບໍລິສັດຜະລິດເຄື່ອງໃຊ້ຫ້ອງການ ອັນດັບທີໜຶ່ງຢູ່ ຫວຽດນາມ ບໍ່ພຽງແຕ່ສະໜອງຜະລິດຕະພັນຢູ່ພາຍໃນເທົ່ານັ້ນ, ຍັງສົ່ງອອກໄປ 40 ກວ່າປະເທດໃນໂລກອີກດ້ວຍ.
ເມື່ອຫາກໍ່ສ້າງຕັ້ງຂຶ້ນໃຫ່ມ, ທຽນລອງ ມີພຽງພື້ນຖານການຜະລິດຂະໜາດນ້ອຍຢູ່ທີ່ຄຸ້ມ 6, ນະຄອນ ໂຮ່ຈີມິນ. ຕອນນັ້ນ ຜູ້ຊົມໃຊ້ຮູ້ ທຽນລອງມີແຕ່ບິກຂຽນຍີ່ຫໍ້ທຽນລອງ ເທົ່ານັ້ນ. ມາເຖິງປີ 2008, ທຽນລອງ ໄດ້ລົງທຶນກໍ່ສ້າງເພີ່ມໂຮງງານ ທຽນລອງ-ລອງແທ່ງ (ດົ່ງນາຍ) ແລະ ລົງທຶນຍົກລະດັບປັບປຸງໂຮງ ງານຂອງຕົນຢ່າງຄົບຊຸດດ້ວຍລະບົບເຄື່ອງຈັກທີ່ທັນສະໄໝຂອງໂລກ. ພ້ອມທັງກຳນົດທິດທາງການ ຜະລິດແມ່ນ “ສະ ໜອງເຄື່ອງໃຊ້ຫ້ອງການ, ບິກຂຽນ ຮັບໃຊ້ໃຫ້ແກ່ການຮຳ່ ຮຽນ ແລະ ພິຊິດຈຸດສູງສຸດຂອງຄວາມຮູ້”, ທຽນລອງ ໄດ້ ຄ່ອຍໆ ຍົກສູງຄຸນນະພາບ ແລະ ຫັນຜະລິດຕະພັນເປັນຫຼາຍຮູບຫຼາຍແບບຂຶ້ນເທື່ອລະກ້າວ.
ບໍລິສັດຫຸ້ນສ່ວນ ທຽນລອງ ດຳເນີນການຜະລິດບິກຂຽນ ແລະ ເຄື່ອງໃຊ້ຫ້ອງການ.
ໂຮງງານຂອງ ທຽນລອງ ໄດ້ລົງທຶນ ແລະ ປະດິດເຄື່ອງຈັກແມ່ແບບດ້ວຍຕົນເອງ,
ເພື່ອຊ່ວຍດຳເນີນການຜະລິດໄດ້ໄວ ແລະ ຊັດເຈນຂຶ້ນ.
ທຸກໆລະບົບເຄື່ອງຈັກຂອງໂຮງງານທຽນລອງໄດ້ເຄື່ອນໄຫວຢ່າງແທດເຫມາະຕາມມາດຖານ
ເງືອ່ນໄຂຂອງສາກົນຄື: ISO 14001, SA 8000…
ນາຍຊ່າງຂອງ ທຽນລອງກຳລັງກວດກາເຄື່ອງຈັກ ເພື່ອຮັບປະກັນຄຸນນະພາບ, ຄວາມປອດໄພໃນການຜະລິດ.
ຜະລິດຕະພັນຕ່າງໆຂອງ ທຽນລອງ ໄດ້ຮັບການກວດກາໃນຂັ້ນຕອນດ້ວຍເຄື່ອງຈັກ ແລະ ດ້ວຍມື.
ໃນຂັ້ນຕອນໜຶ່ງຂອງການກວດປາກປາກກາດ້ວຍມືຂອງ ທຽນລອງ ຫຼັງຈາກຜ່ານການກວດກາດ້ວຍເຄື່ອງຈັກ.
ບາງປະເພດຜະລິດຕະພັນບິກຂຽນກະດານຂາວຊະນິດໜຶ່ງຂອງ ທຽນລອງ.
ບັນດາຜະລິດຕະພັນຂຶ້ນກັບຍີ່ຫໍ້ Colokid ຂອງ ທຽນລອງງາມຕາ ແລະ ທັງບໍ່ເປັນພິດຕໍ່ຜູ້ຊົມໃຊ້.
ບັນດາຜະລິດຕະພັນຂອງ ທຽນລອງ ໄດ້ຮັບການອອກແບບຢ່າງລະອຽດ, ເໝາະສົມກັບຜູ້ນຳໃຊ້.
|
ຜ່ານການສ້າງຕັ້ງ ແລະ ພັດທະນາມາເປັນເວລາກວ່າ 30 ປີ, ທຽນລອງ ບັນລຸໄດ້ຜົນງານດີເດັ່ນຫຼາຍດ້ານຄື: Top ໃນ 10 ລາງວັນດາວຄຳດິນແດນຫວຽດ 2013, Top ໃນ 50 ວິສາຫະກິດທີ່ມີການດຳເນີນທຸລະກິດມີປະສິດທິພາບ 2013, 2014 ໂດຍຄ້າຍໜັງສືພິມ ຍີບເກົ່າເດົ່າຕື ເປັນຜູ້ເລືອກ, ລາງວັນສິນຄ້າ ຫວຽດນາມ ມີຄຸນນະພາບສູງ ແຕ່ປີ 1997-2015 ພ້ອມກັບຫຼາຍລາງວັນທີ່ສຳຄັນອື່ນໆອີກ. |
ຜະລິດຕະພັນຕ່າງໆຂອງ ທຽນລອງ ໄດ້ຮັບການຄົ້ນຄວ້າຢ່າງລະອຽດໃນທຸກໆ ຂັ້ນຕອນການຜະລິດ. ໄສ້ບິກຂຽນຂອງ ທຽນລອງ ລ້ວນແຕ່ໄດ້ທົດລອງເປັນ 2 ຂັ້ນຕອນດ້ວຍເຄື່ອງ ຈັກ ແລະ ດ້ວຍມື, ຖ້ານ້ຳມຶກອອກມາບໍ່ສະໝຳ່ສະເໝີ ກໍ່ຈະຕ້ອງໄດ້ເຮັດຄືນໃໝ່. ປາກບິກຕ້ອງຮັບປະກັນໃຫ້ປະລິມານນ້ຳມຶກອອກທັງລຽບ, ເຫລື້ອມ ແລະ ງາມດີ. ສຳລັບຮູບຊົງຄັນປາກກາ ຫລື ເຄື່ອງໃຊ້ຫ້ອງການຕ່າງໆເຊັ່ນ: ແຟ້ມເອກະສານ, ຢາງກາວ, ປາກກາຂົນ, ບິກລຶບ… ທາງບໍລິສັດຈະມີການ ອອກແບບຮູບຊົງຕາມປົ້າຫມາຍການນຳໃຊ້ທີ່ເໝາະສົມ.
ຄຽງຄູ່ກັນນັ້ນ, ປະເພດຜະລິດຕະພັນສິລະປະກຳ Colokit ຂອງທຽນລອງ ໄດ້ຮັບການຄົ້ນຄວ້າ ແລະ ຜະລິດຕາມ “ມາດ ຕະຖານສີຂຽວ”, ບໍ່ເປັນພິດຕໍ່ຜູ້ນຳໃຊ້. ຜະລິດຕະບັນຂອງ ທຽນລອງ ມີຫລາກຫຼາຍຮູບແບບ, ນຳໃຊ້ງ່າຍດາຍ, ເໝາະສົມກັບຜູ້ຊົມໃຊ້ທຸກຄົນ. ໃນນັ້ນ, ມີບິກຂຽນຊັ້ນສູງ BIZNER ມີຮູບຊົງສະຫງ່າ, ສະຫລາດແຫລມຄົມເຫມາະສົມກັບ ນັກທຸ ລະກິດ, ເຄື່ອງໃຊ້ຫ້ອງການ FlexOffice ຫລາກຫຼາຍຊະນິດ ເປັນ “ຜູ້ຊ່ວຍ” ທີ່ຍອດຢ້ຽມໃຫ້ແກ່ພະນັກງານໃນຫ້ອງການ. ອຸປະກອນສິລະປະກຳ Colokit ຫຼື ອຸປະກອນຮັບໃຊ້ໃຫ້ແກ່ນັກຮຽນໄດ້ຄະແນນ 10 ຈະມີຮູບຊົງທີ່ປະຈັກຕາ, ຈັບອົກຈັບໃຈຊ່ວຍເຮັດໃຫ້ນັກຮຽນມີຄວາມຮູ້ສຶກສະບາຍໃຈໃນການຮຽນ ແລະ ມີຫົວຄິດປະດິດສ້າງ…
ເພື່ອເພີ່ມຄວາມອາດສາມາດໃນການແຂ່ງຂັນ, ຫຼຸດລາຄາຜະລິດຕະພັນ, ໂຮງງານຂອງທຽນລອງໄດ້ມີການລົງທຶນ ແລະ ປະດິດເຄື່ອງຈັກແມ່ແບບດ້ວຍຕົນເອງ, ເພື່ອຊ່ວຍດຳເນີນການຜະລິດໄດ້ໄວ ແລະ ຊັດເຈນຂຶ້ນ. ທຸກໆລະບົບເຄື່ອງຈັກຂອງໂຮງ ງານ ແລະ ຄຸນນະພາບຂອງຜະລິດຕະພັນ ແມ່ນໄດ້ດຳເນີນ ໄປຕາມມາດຕະຖານສາກົນຄື: ISO 9000, ISO 14001, SA 8000, OHSAS 18001 ແລະ ICTI CARE.
ຄຸນນະພາບຜະລິດຕະພັນຂອງ ທຽນລອງ ແມ່ນໄດ້ພິສູດຈາກການຄັດເລືອກ ແລະ ຄວາມໄວ້ເນື້ອເຊື່ອໃຈຂອງຜູ້ຊົມໃຊ້ ຢູ່ ຫວຽດນາມ ແລະ ຫລາຍປະເທດໃນໂລກ. ປະຈຸບັນ, ຜະລິດຕະພັນ ທຽນລອງ ໄດ້ມີໜ້າຢູ່ 63/63 ແຂວງ, ນະຄອນຫລວງໃນທົ່ວປະເທດ, ມີຕົວແທນຈຳໜ່າຍຫລາຍກວ່າ 145 ແຫ່ງ ແລະ ມີຮ້ານຄ້າຂາຍຍ່ອຍຫລາຍກວ່າ 100.000 ແຫ່ງ, ທຽນລອງ ໄດ້ສົ່ງ ຜະລິດຕະພັນອອກໄປ 40 ກວ່າປະເທດໃນໂລກ ມີຫ້ອງການຜູ້ຕາງໜ້າຕັ້ງຢູ່ບັນດາປະເທດຄື: ອັງກິດ, ເຢຍລະມັນ ແລະ ຂົງເຂດຕາເວັນຕົກສ່ຽງໃຕ້. ຊຸມປີຜ່ານມາ, ກຸ່ມບໍລິສັດ ທຽນລອງ ມີຈັງຫວະການເຕີບໂຕສະເລັ່ຍປະມານ 20% ຕໍ່ປີ, ລວມຍອດລາຍຮັບຂອງກຸ່ມບໍລິສັດປິ 2014 ບັນລຸໄດ້ 1.600 ຕື້ດົ່ງ./.
ປະເພດເຄື່ອງໃຊ້ຫ້ອງການທີ່ມີຍີ່ຫໍ້ Fleoffice ຂອງ ທຽນລອງ.
ປະເພດຜະລິດຕະພັນປາກການ້ຳມັນທີ່ຜະລິດຈາກ ທຽນລອງ .
ມາເຖິງປະຈຸບັນ, ທຽນລອງ ໄດ້ຈຳໜ່າຍອອກສູ່ຕະຫຼາດ ມີ 4 ປະເພດສິນຄ້າຕົ້ນຕໍຄື: ເຄື່ອງໃຊ້ຫ້ອງການ Fleoffice,
ບິກ ຂຽນຄຸນນະພາບ Bizner, ບິກຂຽນທຳມະດາທົ່ວໄປ ທຽນລອງ, ອຸປະກອນສິລະປະກຳ Colorkid
ແລະ ອຸປະກອນຮັບໃຊ້ໃຫ້ແກ່ນັກຮຽນຄະແນນ 10.
ບິກລະດັບສູງ ຊະນິດ Bizner ມີຮູບຊົງທີ່ສະຫງ່າງາມ, ສະຫລາດແຫລວຄົມ, ໄວ້ໃຊ້ສຳລັບນັກທຸລະກິດ.
ບັນດາຜະລິດຕະພັນ ທຽນລອງ ກຳລັງມີໜ້າຢູ່ທົ່ວທຸກ 63/63 ແຂວງໃນທົ່ວປະເທດ
ແລະ ສົ່ງອອກໄປຫລາຍກວ່າ 40 ປະເທດໃນໂລກ.
ລູກຄ້າຄັດເລືອກຜະລິດຕະພັນຂອງ ທຽນລອງ. |
ບົດ: ເຊີນເງ້ຍ - ພາບ: ດັ້ງກິມເຟືອງ
bichlien