• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ທ່ອງທ່ຽວ

“ການເດີນທາງ” ກັບສູ່ໂລກແຫ່ງຈິດວິນຍານ

ນັບວ່າເປັນຄັ້ງທຳອິດ, ພິທີເຂົ້າຊົງຕາມຄວາມເຊື່ອ “ບູຊາ ພະແມ່ເຈົ້າຈະຕຸໂລກ” ຂອງຊາວຫວຽດໄດ້ຫວນກັບຄືນມາໃຫ້ເຫັນອີກຢ່າງຍອດຍ້ຽມ, ຫລາກຫລາຍສີສັນພິເສດ ແລະ ຖືກກັບຕົ້ນສະບັບເດີມ ເທິງເວທີສະແດງທີ່ໂຮງລະຄອນກົງເຍີນ (ເຮືອນ ເລກ 42 ຖະໜົນຈ່າງຕ່ຽນ, ເມືອງຮ່ວານກ໋ຽມ, ຮ່າໂນ້ຍ). ການ ສະແດງເໝືອນກັບວ່າໄດ້ນໍາພາແຂກຜູ້ຊົມ “ເດີນທາງ” ກັບສູ່ໂລກແຫ່ງຈິດວິນຍານ. 
ຕາມສາດສະດາຈານ ໂງດຶກຖິ້ງ ຊ່ຽວຊານແຖວໜ້າກ່ຽວກັບ ສາສະໜາພະແມ່ເຈົ້ານີ້ທ່ານໃຫ້ຮູ້ວ່າ, ໃນສາສະໜານີ້ມີ 4 ບັນຫາທີ່ຕິດພັນກັບວົງຄະນາຍາດຄື: ໜຶ່ງແມ່ນສາສະໜາພະແມ່ເຈົ້າຖືທຳມະຊາດເປັນມານດາຜູ້ໜຶ່ງ ຈຶ່ງມີການບູຊານັບຖື. ສອງແມ່ນສາສະໜານີ້ນໍາມາສູ່ຜູ້ຄົນໃນໂລກ 3 ປະການຄື: ບາລາມີ-ໂຊກລາບ-ອາຍຸຍືນ. ສາມ, ມັນສະແດງໃຫ້ເຫັນຈິດໃຈຮັກຊາດຢ່າງໂດດເດັ່ນທີ່ໄດ້ຫັນມາ ເປັນຄວາມເຊື່ອຖືທາງໃຈ.  ແລະ ສີ່,ສາສະໜານີ້ແມ່ນລະບົບແຫ່ງຄວາມເຊື່ອໜຶ່ງທີ່ປະກອບດ້ວຍຫຼາກຫຼາຍວັດທະນະທຳ.

ໃນຈຳນວນເທບພະເຈົ້າປະມານ 50 ອົງທີ່ສາສະໜາພະແມ່ເຈົ້ານັບຖືບູຊາ, ມີສິບກວ່າພະອົງແມ່ນຄົນຊົນເຜົ່າສ່ວນໜ້ອຍ. ໃນສາສະໜາພະແມ່ເຈົ້າບ່ໍມີການຈຳແນກຊົນເຜົ່າສ່ວນຫລາຍ ຫລື ສ່ວນໜ້ອຍ, ເປັນສາສະໜາໜຶ່ງທີ່ມີຄວາມສະເໝີພາບ ແລະ ຢາມໃດກໍ່ພ້ອມເປີດປະຕູຮັບເອົາຫລາກຫລາຍວັດທະນະທໍາ. ນີ້ແມ່ນຄວາມໝາຍໜຶ່ງດຽວມີຢູ່ໃນຄວາມເຊື່ອຂອງຊາວຫວຽດນາມເທົ່ານັ້ນ ແລະ ກໍແມ່ນບັນຫາທີ່ມວນມະນຸດ ແລະ ທົ່ວໂລກຕ່າງກໍຮຽກຮ້ອງຕ້ອງການ. ຍ້ອນແນວນັ້ນ, ສຳນວນ ເອກະສານກ່ຽວກັບ “ຄວາມເຊື່ອຖືບູຊາພະແມ່ເຈົ້າຂອງຊາວຫວຽດນາມ” ຈຶ່ງໄດ້ຖືກຍື່ນໄປຍັງອົງການ UNESCO ເພື່ອຂໍການຮັບຮອງເປັນມໍລະດົກ ວັດທະນະທຳທີ່ບ່ໍແມ່ນວັດຖຸຂອງມວນມະນຸດ

ສວມເຄືອງປະດັບໃຫ້ແກ່ຕົວລະຄອນໃນພິທີເຂົ້າຊົງ.  ພາບ: ເຈີ່ນແທງຢາງ


ເກີບແມ່ນເຄື່ອງປະດັບອັນໜຶ່ງຂອງຕົວລະຄອນເອກໃນແຕ່ລະ ສາກ. ພາບ: ເຈີ່ນແທງຢາງ


ເຄື່ອງປະດັບເອ້ເຊັ່ນ: ແຫວນ, ປອກແຂນ… ຮັບໃຊ້ໃນແຕ່ລະ ປະເພດຂອງພິທີເຂົ້າຊົງ. ພາບ: ເຈີ່ນແທງຢາງ

ເວທີການສະແດງ “ຈະຕຸໂລກ ” ຖືກຈັດວາງໂດຍມີການ ປະກອບໜ້າຈໍໃຫຍ່ເພື່ອສາຍຄຳພາກເປັນສອງພາສາພ້ອມໆກັນຄືອັງກິດ-ຫວຽດນາມ
ກ່ຽວກັບຄວາມເປັນມາຂອງບັນດາ ຕົວລະຄອນໃນແຕ່ລະສາກ. ສອງເບື້ອງທາງຂ້າງ ແມ່ນ ວົງດົນຕີເສບ. ພາບ: ເອກະສານ



ສິລະປິນຜູ້ສະແດງເປັນຕົວລະຄອນໃນພິທີເຂົ້າຊົງຈະມີຄົນໃຊ້ສອງຄົນເພື່ອຊ່ວຍໃນການປ່ຽນຊຸດແຕ່ງກາຍ ແລະແຕ້ມໜ້າ.
ພາບ: ເອກະສານ


ສາກຕື້ຝູ (ຈະຕຸໂລກ)ປະກົດໃຫ້ເຫັນຢ່າງມີຊີວິດຊີວາ ແລະ ຕົວຈິງພິທີກໍາຕ່າງໆໃນ “ຈະຕຸໂລກ ” ພາບ: ເອກະສານ


ລັກສະນະຄຶກຂືມຂອງສາກພິທີເຝົ້າເດ້ຍີ້. ພາບ: ເອກະສານ


ສິລະປິນແຕ່ງກາຍເຂົ້າການສະແດງສາກພິທີເຝົ້າເດ້ຍີ້. ພາບ: ເອກະສານ


ສາກເຝົ້າພະອົງຮ່ວາງເມື່ອຍ. ພາບ: ເອກະສານ


ສິລະປິນແຕ່ງກາຍເຂົ້າໃນສາກພິທີເຂົ້າຊົງເປັນນາງນ້ອຍ.
ພາບ: ເຈີ່ນແທງຢາງ



ຄົນໃຊ້ຂອງຕົວລະຄອນເອກພວມກະກຽມເຄື່ອງຂອງໃຫ້ແກ່ ສາກພິທີເຂົ້າຊົງເປັນນາງນ້ອຍ.  ພາບ: ເອກະສານ


ສາກພິທີເຂົ້າຊົງເປັນນາງນ້ອຍສະແດງໃຫ້ເຫັນຄວາມໂສມະນັດ, ສົດຊື່ນ. ພາບ: ເອກະສານ


ເຄື່ອງສັງຄະທານທີ່ເປັນເຈ້ຍໄດ້ຖືກຈັດວາງເໝືອນດັ່ງຜົນການປະດິດຄິດສ້າງສິລະປະປະເພດໜຶ່ງຢູ່ກົມມະລຽນຊັ້ນ 1 ທີ່ເປັນບ່ອນ ຈັດການສະແດງ.
ເຄື່ອງເງິນຄຳເປັນເຈ້ຍແມ່ນພາກສ່ວນໜຶ່ງທີ່ຂາດບໍ່ໄດ້ໃນພິທີ ເຂົ້າຊົງ, ມັນແມ່ນສັນຍາລັກຂອງວັດທະນະທຳບູຊາພະແມ່ເຈົ້າ ແລະ ກໍແມ່ນຈຸດເອກະລັກຂອງວັດທະນະທຳພື້ນເມືອງ ຫວຽດນາມ. ພາບ: ເຈີ່ນແທງຢາງ


“ຈະຕຸໂລກ” ໄດ້ຮັບການສະແດງ 12ຄັ້ງ/ເດືອນ ແລະ ໄດ້ຜູ້ຊົມທັງ ຢູ່ພາຍໃນແລະ ຕ່າງປະເທດຫລາຍໆຄົນມີຄວາມນິຍົມຊົມຊອບ. ພາບ: ເຈີ່ນແທງຢາງ


ແຂກຄົນຊາວຕ່າງປະເທດຮູ້ສຶກຈັບໃຈກັບການແຈກຢາຍໂຊກລາບໃນລາຍການ.  ພາບ: ເຈີ່ນແທງຢາງ
 

“ຈະຕຸໂລກ” ແມ່ນຈິນຕະນາການຂອງຊາວຫວຽດນາມກ່ຽວກັບ ຈັກກະວານດຶກດໍາບັນເຊິ່ງໄດ້ແບ່ງເປັນ 4 ພາກໂດຍພະແມ່ເຈົ້າ 4 ອົງເປັນຜູ້ປົກຄອງ, ນັ້ນຄື: ພະແມ່ເຈົ້າເທື້ອງທຽນປົກຄອງພາກຟ້າ; ພະແມ່ເຈົ້າເທື້ອງງ່ານປົກຄອງພາກພູສູງ; ພະແມ່ເຈົ້າ ທໍລະນີປົກຄອງເຂດທົ່ງພຽງ; ພະແມ່ເຈົ້າຖວາຍປົກຄອງພາກ ແມ່ນ້ຳລຳເຊ.
ແລະ ກໍເນື່ອງຈາກຄວາມໝາຍດ້ານມະນຸດສະລິຍະທໍາທີ່ໂດດເດັ່ນເລິກເຊິ່ງນີ້, ເມື່ອສາກ “ຈະຕຸໂລກ” ຖືກນໍາມາສະແດງ ເທິງ ເວທີມັນຈຶ່ງໄດ້ດຶງດູດເອົາຄວາມສົນໃຈເປັນພິເສດຈາກຜູ້ຊົມ ທັງຢູ່ພາຍໃນ ແລະ ຕ່າງປະເທດນັບເປັນພັນໆຄົນ. ພິເສດ ຕະຫລອດໄລຍະ 6 ເດືອນທຳການສະແດງສາກ “ຈະຕຸໂລກ” ຄະນະຖືເປັນກຽດຢ່າງສູງທີ່ໄດ້ຕ້ອນຮັບບັນດາທ່ານເອກອັກ ຄະລັດຖະທູດ, ທູດວັດທະນະທຳຈາກຝຣັ່ງ, ອີຕາລີ, ໂປໂລຍ, ຮຸງກາຣິ, ການາດາ, ອູນີແຊບ…

ໃນພິທີການເຂົ້າຊົງພື້ນເມືອງມີທັງໝົດ 36 ສາກ. ແຕ່ຍ້ອນເວທີ ສະແດງບ່ໍອຳນວຍ, ລາຍການ “ຈະຕຸໂລກ” ຈຶ່ງໄດ້ຄັດເລືອກເອົາ 3 ສາກທີ່ເປັນສັນຍາລັກນຳມາສະເໜີ. ນັ້ນຄື: ສາກເຝົ້າເດ້ຍີ້ (ສະແດງໃຫ້ເຫັນຄວາມງົດງາມ, ເອກະລັກໃນຊຸດເສື້ອຜ້າອາພອນຂອງຊາວຫວຽດ); ສາກພະອົງຮ່ວາງເມື່ອຍ (ສະແດງກຳລັງແຮງ, ເຈດຈຳນົງ, ນ້ຳໃຈຮັກຊາດຂອງຄົນຫວຽດ); ສາກ ນາງນ້ອຍ(ສະແດງອັດທະຍາໄສເພີນຈິດ, ຮັກຊີວິດ).

ທັງສາມສາກຂອງ“ຈະຕຸໂລກ” ໄດ້ນໍາມາສະແດງຕໍ່ເນື່ອງກັນ, ເຂົ້າກັນດີໂດຍບ່ໍຖືກຕັດຕອນພາໃຫ້ຜູ້ຊົມຮູ້ສຶກຄືວ່າເປັນເລື່ອງໜຶ່ງເລື່ອງດຽວແຕ່ຍັງແຍກແຍະໄດ້ເນື້ອໃນຂອງແຕ່ລະສາກຢ່າງຈະແຈ້ງ. ນອກນີ້, ເພື່ອຮັບປະກັນໃຫ້ມີປະສິດທິຜົນສູງຂຶ້ນຕື່ມອີກ, ຮູບແບບການສະແດງຜ່ານວິດີໂອຍັງໄດ້ ປະກອບ ຮູບພາບຕ່າງໆຂອງການບູຊາໃນສະໄໝກ່ອນເຂົ້າຕື່ມເຮັດໃຫ້ຈັງຫວະກິລິຍາ ທ່າທາງເຂົ້າຊົງຂອງນັກສະແດງຍິ່ງມີຊີວິດຊີວາ, ຈູງໃຈຜູ້ຊົມ ປັບຕົວກັບການສະແດງ.



ເດືອນມີນາ 2015, ໂດຍໄດ້ຮັບການເຫັນດີຈາກທ່ານນາຍົກ ລັດຖະມົນຕີ, ຫວຽດນາມໄດ້ສົ່ງສໍານວນເອກະສານກ່ຽວກັບ “ຄວາມເຊື່ອບູຊາພະແມ່ເຈົ້າຂອງຊາວຫວຽດນາມ” ໄປຍັງ ອົງການ UNESCO ເພື່ອຂໍການຮັບຮອງເປັນມໍລະດົກ ວັດທະນະທຳທີ່ບ່ໍເປັນວັດຖຸຂອງມວນມະນຸດ. ສໍານວນເອກະສານຊຸດນີ້,  ອົງການ UNESCO ຈະພິຈາລະນາ, ຕີລາຄາໃນເດືອນທັນວາ 2016 ໜ້ານີ້.


ບົດ:  ຖາວວີ  -  ພາບ: ເຈີ່ນແທງຢາງ, ເອກະສານ

ຄົ້ນພົບ ວັນມ໋ຽວ - ກວກຕືຢ໋າມ ໃນຕອນກາງຄືນ

ຄົ້ນພົບ ວັນມ໋ຽວ - ກວກຕືຢ໋າມ ໃນຕອນກາງຄືນ

ຫວ່າງມໍ່ໆມານີ້, ທົວທ່ອງທ່ຽວຄົ້ນພົບ ວັນມ໋ຽວ-ກວັກຕືຢາມ ໃນຕອນກາງຄືນ ໃນຫົວຂໍ້ “ແກ່ນແທ້ ຂອງ ຄຸນນະທໍາ” ໄດ້ຈັດຂຶ້ນ ແລະ ຕ້ອນ ຮັບນັກທ່ອງທ່ຽວ ຢ່າງເປັນທາງການ. ໂຄງການດັ່ງກ່າວຖືກຈັດຂຶ້ນ ໂດຍສູນວັດທະນະທຳ ແລະ ວິທະຍາສາດ ວັນມ໋ຽວ-ກວກຕືຢາມ (ຮ່າໂນ້ຍ) ດ້ວຍຈຸດປະສົງ ໂຄສະນາ ຄຸນຄ່າທີ່ເປັນເອກະລັກສະເພາະ ຂອງ ການສຶກສາ ເພື່ອດຶງດູດນັກທ່ອງທ່ຽວມາຢ້ຽມຢາມຊອກຫາເຂດອະນຸສອນ ສະຖານໃນ ຕອນກາງຄືນ,  ປະກອບສ່ວນເຮັດໃຫ້ ຜະລິດຕະພັນ ທ່ອງທ່ຽວ ຮ່າໂນ້ຍ ອຸດົມສົມບູນຍິ່ງຂຶ້ນ.

Top