• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ການເຄື່ອນໄຫວສະເຫລີມສະຫລອງ 55 ປີແຫ່ງວັນສ້າງຕັ້ງສາຍພົວພັນທາງການທູດຫວຽດນາມ-ລາວ

      ຕອນຄ່ຳວັນທີ 18 ກໍລະກົດ, ສະຖານີໂທລະພາບຫວຽດນາມ ສົມທົບກັບສະຖານີ ໂທລະພາບແຫ່ງຊາດລາວ ໄດ້ຈັດຕັ້ງ ລາຍການ “ຖ່າຍທອດສົດ ຫວຽດນາມ - ລາວ: ຮ່ວມເສັ້ນທາງດຽວ” ດ້ວຍຄວາມຍາວ 120 ນາທີ ແລະ ໄດ້ປະຕິບັດທັງຢູ່ນະຄອນຫລວງ ວຽງຈັນ ແລະ ນະຄອນຫລວງ ຮ່າໂນ້ຍ. 
 
ລາຍການສະແດງສິລະປະໃນລາຍການຖ່າຍທອດສົດ:ຫວຽດນາມ-ລາວ
ພາບ:Vietnamplus
      ໃນລາຍການດັ່ງກ່າວ ຍັງແນະນຳບັນດາບົດສາລະຄະດີກ່ຽວກັບສາຍພົວພັນຮ່ວມມື, ຊ່ວຍເຫລືອເຊິ່ງກັນ ແລະກັນລະຫວ່າງ ສອງຊາດ ຫວຽດນາມ ແລະລາວ ນັບແຕ່ໄລຍະສົງຄາມຕະຫລອດຮອດຊຸມວັນເດືອນປີໄດ້ຮັບສັນຕິພາບ ດ້ວຍບັນດາລາຍການສິລະປະທີ່ເຂັ້ມຂົ້ນໄປດ້ວຍສີສັນວັດທະນະທຳຫວຽດນາມ ແລະ ລາວ. ເຂົ້າຮ່ວມລາຍການ, ຜູ້ຊົມທັງສອງປະເທດ ໄດ້ພົບປະແລກປ່ຽນກັບບັນດາຕົວພະຍານປະຫວັດສາດ, ບັນດາຜູ້ທີ່ໄດ້ປະກອບສ່ວນເພີ່ມພູນຄູນສ້າງສາຍພົວພັນຫວຽດນາມ - ລາວ ຄື: ຮອງສາດສະດາຈານ, ປອ ດາມດືກເວື້ອງ ອະດີດຊ່ຽວຊານ ຫວຽດນາມ ຢູ່ ລາວ, ພົນຈັດຕະວາ ຮີ່ງດັກເຮືອງ, ອະດີດຫົວຫນ້າຄະນະຜູ້ຊ່ຽວຊານການທະຫານຫວຽດນາມ ຊ່ວຍເຫລືອລາວ, ພົນຈັດຕະວາ ບົວສ້ຽງ ຈຳປາພັນ, ອະດີດຮອງຫົວຫນ້າກົມໃຫຍ່ເສນາທິການ ກອງທັບປະຊາຊົນລາວ, ທ່ານ ຄຳຕາ ດວງທອງລາ, ອະດີດຮອງລັດຖະມົນຕີການຕ່າງປະເທດລາວ, ອະດີດເອກອັກຄະລັດຖະທູດຜູ້ທຳອິດຂອງລາວ ປະຈຳຫວຽດນາມ. ແລະກໍ່ໃນຕອນຄ່ຳວັນດຽວກັນ, ຢູ່ ແຂວງ ດ້ຽນບຽນກໍ່ໄດ້ດຳເນີນລາຍການພົບປະແລກປ່ຽນຊາວຫນຸ່ມກອງທັບຫວຽດນາມ ແລະ ລາວ ດ້ວຍຫົວຂໍ້ “ຮ່ວມສາຍພູຫລວງ- ຖານສະຫາຍອ້າຍນ້ອງ”. 
(ແຫຼ່ງຄັດຈາກ VOV)

ທ່ານນາຍົກລັດຖະມົນຕີ ຟ້າມມິງຈິງ ເປັນປະທານກອງປະຊຸມອະນຸກຳມະການເສດຖະກິດ - ສັງຄົມ ກອງປະຊຸມໃຫຍ່ຄັ້ງທີ XIV ຂອງພັກ

ທ່ານນາຍົກລັດຖະມົນຕີ ຟ້າມມິງຈິງ ເປັນປະທານກອງປະຊຸມອະນຸກຳມະການເສດຖະກິດ - ສັງຄົມ ກອງປະຊຸມໃຫຍ່ຄັ້ງທີ XIV ຂອງພັກ

ທ່ານນາຍົກລັດຖະມົນຕີ ຮຽກຮ້ອງສືບຕໍ່ສ້າງໂຄງຮ່າງບົດລາຍງານໃຫ້ສົມບູນແບບ ດ້ວຍເນື້ອໃນມີຂອບຂະໜາດຊີ້ນຳ, ນຳພາໃຫຍ່ ແຕ່ແທດຈິງ, ເຂົ້າໃຈງ່າຍ, ປະຕິບັດງ່າຍ

Top