ທ່ານ ເລຂາທິການໃຫຍ່ ຫງວຽນຟູ໋ຈ້ອງ ແລະ ທ່ານເລຂາທິການໃຫຍ່,
ປະທານປະເທດ ຈີນ ສີຈີ້ນຜີງ
ການຢ້ຽມຢາມຊຸກຍູ້ການພົວພັນ ຫວຽດນາມ - ຈີນ ພັດທະນາຢ່າງປອດໃສ, ຕັ້ງໜ້າ ແລະ ໝັ້ນຄົງກ່ວາ - ທ່ານ ຮ່ວາງບີ່ງກວນ, ກຳມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງໄດ້ຢັ້ງຢືນຄືແນວນັ້ນເມື່ອຕອບສຳພາດຕໍ່ສື່ມວນຊົນໃນວັນທີ 15/1, ກ່ຽວກັບໝາກຜົນຂອງການຢ້ຽມຢາມ ສປ ຈີນ ຢ່າງເປັນທາງການຂອງທ່ານເລຂາທິການໃຫຍ່ຄະນະບໍລິຫານງານສູນກາງພັກ ກອມມູນິດ ຫວຽດນາມ ຫງວຽນຟູ໋ຈ້ອງ. ທ່ານ ຮ່ວາງບີ່ງກວນ ໃຫ້ຮູ້ວ່າ ໃນຂອບເຂດການຢ້ຽມຢາມ, ຫວຽດນາມ ແລະ ຈີນ ເຫັນດີເປັນເອກະສັນອອກຖະແຫຼງການຮ່ວມມີ 10 ຂໍ້, ໃນນັ້ນໄດ້ເນັ້ນໜັກເຖິງການເພີ່ມທະວີການພົບປະຂັ້ນສູງ, ການຮ່ວມມື, ພົວພັນແລກປ່ຽນລະຫວ່າງ 2 ພັກ, ຊຸກຍູ້ການເຊື່ອມຕໍ່ຍຸດທະສາດ, ການເຊື່ອມຕໍ່ກຳລັງຄວາມສາມາດຜະລິດ, ຊຸກຍູ້ການຄ້າ, ການລົງທຶນ, ເປີດກ້ວາງ, ຊຸກຍູ້ການຮ່ວມມືດ້ານປ້ອງກັນຊາດ, ປ້ອງກັນຄວາມສະຫງົບ, ເພີ່ມທະວີການພົວພັນແລກປ່ຽນປະຊາຊົນ, ປັບປຸງພື້ນຖານສັງຄົມ. ໃນການຢ້ຽມຢາມ, ບັນດາອົງການຂອງ 2 ພັກ, 2 ລັດ ໄດ້ລົງນາມໃນເອກະສານສຳຄັນ 15 ສະບັບເພື່ອແນໃສ່ຊຸກຍູ້ການຮ່ວມມືໃນຫຼາຍຂົງເຂດ.ປະທານປະເທດ ຈີນ ສີຈີ້ນຜີງ
ທ່ານ ຮ່ວາງບີ່ງກວນ ກໍ່ໃຫ້ຮູ້ວ່າ: ການຢ້ຽມຢາມ ແມ່ນຂີດໝາຍສຳຄັນເພື່ອຊຸກຍູ້ການພົວພັນ 2 ພັກ, 2 ປະເທດໃຫ້ພັດທະນາຢ່າງປອດໃສ, ຕັ້ງໜ້າ ແລະ ໝັ້ນຄົງໜັກແໜ້ນກ່ວາອີກໃນໄລຍະຈະມາເຖິງ. ເລື່ອງຜັນຂະຫຍາຍການປະຕິບັດ ສະຕິຄວາມຮັບຮູ້ລວມ ແລະ ບັນດາຂໍ້ຕົກລົງທີ່ບັນລຸໄດ້ຢ່າງຄົບຖ້ວນ, ເຂັ້ມງວດນັ້ນຈະປະກອບສ່ວນເພີ່ມທະວີຄວາມໄວ້ເນື້ອເຊື່ອໃຈ, ປັບປຸງນ້ຳໃຈມິດຕະພາບ, ຍູ້ແຮງ ແລະ ຍົກສູງປະສິດທິຜົນການຮ່ວມມືໃນບັນດາຂົງເຂດ, ນຳມາເຊິ່ງຜົນປະໂຫຍດແທດຈິງກ່ວາອີກໃຫ້ແກ່ປະຊາຊົນ 2 ປະເທດ, ພ້ອມທັງປະກອບສ່ວນແທດຈິງເຂົ້າໃນການຮັກສາສັນຕິພາບ, ສະຖຽນລະພາບບົນທະເລຕາເວັນອອກໃນໄລຍະຈະມາເຖິງ.
(ແຫຼ່ງຄັດຈາກ VOV)
