11/09/2017 09:10 GMT+7 Email Print Like 0

“The Innovators-ນຳໜ້າທ່າອຽງ”

“The Innovators-ນຳໜ້າທ່າອຽງ” ແມ່ນຊື່ງານສະແດງ ແຟຊັ່ນໂຊ ຂອງນັກອອກແບບ 21 ຄົນ ຮຽນຈົບ ປີ 2017 ມາຈາກ ສະຖາບັນອອກແບບ ແລະ ແຟຊັ່ນລອນດອນ ຮ່າໂນ້ຍ ໄດ້ນຳມາຊຶ່ງ ບັນດາຄວາມຮູ້ສຶກ ກ່ຽວກັບ ແຟຊັ່ນລ້ຳປະຍຸກ ແລະ ມີແບບແຜນສາກົນ ໃຫ້ແກ່ “ຜູ້ເຊື່ອຖື” ຫຼົງໄຫຼ ກັບອາພອນສະໄໝນັບຫຼາຍພັນຄົນ. ເຫດການດັ່ງກ່າວ ໄດ້ຮັບການຈັດຂຶ້ນ ໃນຕົ້ນເດືອນສິງຫາຜ່ານມາ ຢູ່ໂຮງແຮມ  Melia (ຮ່າໂນ້ຍ). 
ການສະແດງແຕ່ລະຊຸດສະສົມ ຂອງບັນດານັກອອກແບບ ໄດ້ເປີດສາກ ດ້ວຍການສາຍຕອນຮູບເງົາແຟຊັ່ນ ຫວນຄືນ ແນວຄວາມຄິດ ແລະ ຂະບວນວິວັດແຫ່ງການ ປະຕິບັດ ຊຸດສະສົມຂອງເຂົາເຈົ້າຢ່າງກະທັດລັດ. ຈາກນັ້ນ, ທ່ານຜູ້ຊົມສາມາດຮູ້ສຶກໄດ້ຄວາມຫຍຸ້ງຍາກລຳບາກ ຂອງບັນດານັກອອກແບບໜຸ່ມ ບົນເສັ້ນທາງຢືນຢັນຕົນເອງ, ເຖິງວ່າຈະປະສົບກັບສິ່ງກີດຂວາງໃດໆກໍຕາມ ແຕ່ເຂົາເຈົ້າ ຍັງສືບຕໍ່ ຮັກອາຊີບ ແລະ ມີຄວາມເຊື່ອໝັ້ນຢ່າງໝັ້ນແກ່ນ ບົນເສັ້ນທາງທີ່ຕົນເອງໄດ້ເລືອກ. 


ສາດສະດາຈານ Douglas Maclennan - ອະດີດຜູ້ອຳນວຍການບັນດາໂຄງການຮ່ວມມືສາກົນ, ມະຫາວິທະຍາໄລ Northumbria (ອັງກິດ)
ທັງເປັນທີ່ປຶກສາ ບັນດາໂຄງການບຳລຸງສ້າງ LCDF ກ່າວປາໄສ ເປີດຄືນສະແດງ. 



ຄືນສະແດງແຟຊັ່ນໂຊ  “The Innovators-ນຳໜ້າທ່າອຽງ” 2017. 


ຊຸດສະສົມ “ບັນຍາກາດໂຫລາສາດ” ຂອງນັກອອກແບບ ເລທິເຟືອງແທງ

ຄືນສະແດງແຟຊັ່ນໂຊທຳອິດ ໄດ້ແນະນຳ 11 ຊຸດສະສົມ ຂອງບັນດານັກອອກແບບໜຸ່ມ. ໃນຈຳນວນນັ້ນ, ໜ້າສົນໃຈ ແມ່ນຊຸດສະສົມ “ຕື໋ຝູ” (ຈະຕຸໂລກ) ໄດ້ນັກອອກແບບ ຫວູເຕື່ອງວີ ເອົາຄວາມຄິດສ້າງສັນ ຈາກຄວາມເຊື່ອຖື ບູຊາພະເຈົ້າແມ່ຂອງຄົນຫວຽດ. ລາວໄດ້ນຳໃຊ້ໂຄງປະກອບ, ສີສັນ, ວັດຖຸທາດ ແລະ ຮູບຖານ ຂອງເຄື່ອງສັງຄະທານ ທີ່ເປັນເຈ້ຍ ຊຶ່ງເປັນເຄື່ອງບູຊາທີ່ຂາດບໍ່ໄດ້ ໃນສາດສະໜາ ພະແມ່ເຈົ້າເວົ້າລວມ ກໍຄືໃນວັດທະນະທຳຂອງຄົນຫວຽດ ເວົ້າສະເພາະ, ປະສົມປະສານກັບ textile 3D ທີ່ເປັນເອກະລັກ ແລະ ລາຍດອກປະດັບເອ້ ມີລັກສະນະ ຮູບປະພັນ ແລະ ວັດຖຸທາດທີ່ເປັນສັນຍະລັກ ເພື່ອສ້າງຂຶ້ນ ຊຸດສະສົມ ທີ່ສະຫງວນໃຫ້ທັງຍິງ ແລະ ຊາຍໃນໄວອາຍຸແຕ່ 22-32 ປີ.

ໃນເວລາດຽວກັນນັ້ນ, ຊຸດສະສົມ “Sonia Delaunay” ຂອງ ນັກອອກແບບ ກາວຫງອກເຈີມ ລວມມີບັນດາຊຸດລາຕີ ຂອງ ຜູ້ຍິງ ຊຶ່ງແມ່ນແຮງບັນດານໃຈ ຈາກນັກຈິດຕະກອນຄົນຝຣັ່ງຍິງ ທີ່ມີຊື່ດຽວກັນ ແລະ ບັນດາຜົນການປະດິດແຕ່ງສິລະປະ ບໍ່ເປັນຕົວຈິງ ຂອງເພິ່ນ. ສ້າງຄວາມປະທັບໃຈທີສຸດ ແມ່ນຕ້ອງ ເວົ້າເຖິງ ຊຸດສະສົມ “Trolls” ທີ່ເອົາແນວຄວາມຄິດສ້າງສັນ ຈາກບ່ອນ ຈັດການຖ່າຍທຳ ແລະ ບັນດາຕົວລະຄອນ ໃນຮູບເງົາ Trolls ຂອງບໍລິສັດ Dreamworks ຂອງນັກອອກແບບ ບຸ່ຍຖາວນາມ ກັບສີສັນທີ່ສົດໃສ ປະສານສົມທົບກັບການປັກແສ່ວ, ປົກແພ, ຕິດໝາກປັດ ຊຶ່ງສູ່ກຸ່ມລູກຄ້າ ຊາວໜຸ່ມ ທີ່ໃຊ້ຊີວິດຢູ່ອັງກິດ, ອາເມລິກາ ແລະ ຍີ່ປຸ່ນ.

ນອກນີ້, ບັນດາຊຸດສະສົມທີ່ປະດິດຂຶ້ນ ຈາກສິ່ງຕ່າງໆ ໃກ້ຊິດກັບຊີວິດປະຈຳວັນເຊ່ັນ: “ບັນຍາກາດໂຫລາສາດ” ເອົາຄວາມຄິດສ້າງສັນຈາກ 12 ກຸ່ມດວງດາວໃນໂຫລາສາດ ຂອງ ນັກອອກແບບ ເລທິເຟືອງແທງ, “ບໍ່ມີຂອບເຂດ” ທີ່ເອົາຄວາມຄິດສ້າງສັນ ຈາກສ່ວນລະອຽດແນບນຽນຂອງໂມງ ແລະ ຄວາມໝາຍກ່ຽວກັບການເວລາ ຂອງນັກອອກແບບ ດັ້ງເງິນຮ່າ ແລະ “ເລື່ອງລາວກ່ຽວກັບໝາກຮຸກສາກົນ” (Checkmate) ທີ່ເອົາຄວາມຄິດສ້າງສັນ ຈາກການຫຼິ້ນໝາກຮຸກ ຂອງນັກອອກແບບ ໂຕໜື້ຫງອກຮ່າ... ໄດ້ນຳມາຜົນສຳເລັດ ໃຫ້ແກ່ຄືນສະແດງແຟຊັ່ນໂຊ.

ຖ້າຫາກວ່າ ບັນດາຊຸດສະສົມ ທີ່ສະເໜີໃນຄືນທຳອິດ ສ່ວນຫຼາຍໄດ້ຮັບການອອກແບບ ກັບສີສັນທີ່ສົດໃສ, 10 ຊຸດສະສົມໃນການສະແດງ ຄືນທີສອງ ພັດອ່ຽງໄປທາງ ສີມືດເຂັ້ມ. ໃນການສະແດງຄັ້ງນີ້, ທ່ານຜູ້ຊົມໄດ້ທ່ຽວຊົມ ແຕ່ເມືອງ ໂຮ້ຍອານ ຂອງຫວຽດນາມ ຜ່ານຊຸດສະສົມ “Eastern Grace” ຂອງນັກອອກແບບ  ໂງທິຮ່າຈາງ ເຖິງ ນະຄອນ ໂຣມ ຂອງ ອີຕາລີ ກັບຊຸດສະສົມ “ຄັ້ງການພັກຜ່ອນຢູ່ ໂຣມ” ຂອງນັກອອກແບບ ເລແອ໋ງຈີ. ເຂົາເຈົ້າກໍສາມາດໄດ້ຜ່ານປະສົບການຕົວຈິງ ໃນການຊອກຮູ້ ວັດທະນະທຳຕ້ອນຮັບປີໃໝ່ປະຈຳຊາດ ຢູ່ທະວີບອາຊີ ກັບບັນດາສັນຍະລັກຂອງຄວາມເດຊະບູນ, ສະຫງົບສຸກ  ແລະ ວັດຖະນາຖາວອນ ໂດຍຜ່ານຊຸດສະສົມ “ບຸນປີໃໝ່ປະຈຳຊາດ” ຂອງນັກອອກແບບ ໂດ໊ທິເວີນແອງ, ແລ້ວເຖິງການວົງໝູນຢູ່ເທິງມ້າໄມ້ ສະໄໝ Victoria ທີ່ເອີຣົບ ໂດຍຜ່ານຊຸດສະສົມ “Carousel” ຂອງນັກອອກແບບ ໂງເຢືອງຖາວຍີ.

ພ້ອມດຽວນັ້ນ, ທ່ານຜູ້ຊົມຍັງໄດ້ຜ່ອນຄາຍອາລົມ ກັບບັນດາ ບົດດົນຕີ ທີ່ບໍ່ອາດຈາງຫາຍໄປ ຕາມວັນເວລາ ຂອງນັກດົນຕີ Beethoven ໂດຍຜ່ານຊຸດສະສົມ “ຮູບຊົງຂອງນຳ້ສຽງ” ຂອງ ນັກອອກແບບ ຫງວຽນແຄ໋ງທື ແລະ ຈັງຫວະທີ່ຟົດຟື້ນ ກັບຊຸດສະສົມ “Glam rock” ທີ່ເອົາແຮງບັນດານໃຈ ຈາກບົດດົນຕີ ທີ່ມີຊື່ດຽວກັນ ແລະ ແຟຊັ່ນໃນທົດສະວັດ 70 ຂອງນັກອອກແບບ ໂງຮົ່ງມິງ. ພິເສດແມ່ນຊຸດສະສົມ “ແມ່ເຜິ້ງ” ຂອງນັກອອກແບບ ໂງທິຕວ໋ຽດເວີນ ກັບການຕັດ ແລະ ຮູບຊົງທີ່ອາດເອື້ອມ ແລະ ການສົມທົບຢ່າງອຸດົມຫຼາກຫຼາຍ ຂອງບັນດາວັດຖຸທາດ ແລະ textile ທີ່ແນບນຽນ ຊຶ່ງສະແດງອອກມາ ການປະກອບທີ່ສັບສົນ ແລະ ຫຼາກຫຼາຍສີສັນຂອງໂຕເຜີ້ງ ໄດ້ສ້າງຄວາມປະທັບໃຈ ຕໍ່ທ່ານຜູ້ຊົມ ດ້ວຍສານທີ່ວ່າ ຄົນມະນຸດຕ້ອງມີຄວາມຮັບຜິດຊອບ ໃນການປົກປັກຮັກສາສິ່ງແວດລ້ອມ.

ອາດເວົ້າໄດ້ວ່າ, 21 ຊຸດສະສົມ ກັບບັນດາເລື່ອງລາວ ກ່ຽວກັບແຟຊັ່ນ ໄດ້ບັນດານັກອອກແບບໜຸ່ມ ເລົ່າເລື່ອງ ດ້ວຍວິທີທີ່ແຕກຕ່າງກັນ. ທ່ານນາງ Donna Bramhall-ຄູສອນຂະແໜງການອອກແບບແຟຊັ່ນ, ເປັນຜູ້ນຳພາ ນັກສຶກສາໂດຍກົງ ໃນລາຍການສະແດງແຟຊັ່ນໂຊປີນີ້ ໄດ້ໃຫ້ຮູ້ວ່າ: “ດ້ວຍຊ່ວງເວລາຝຶກຝົນຫຼໍ່ຫຼອມພຽງໃນສອງປີ, ມີຊາວໜຸ່ມຫຼາຍຄົນ ມີຈຸດເລີ່ມຕົ້ນແຕ່ຕົວເລກ 0 ກ່ຽວກັບແຟຊັ່ນ, ແຕ່ຜົນສຳເລັດທີ່ເຂົາເຈົ້າບັນລຸໃນບັດນີ້ ໄດ້ກາຍເປັນສິ່ງທີ່ໜ້າຊື່ນຊົມຢ່າງແທ້ຈິງ.

ຊຸດສະສົມ “Trolls” ຂອງນັກອອກແບບ ບຸ່ຍຖາວນາມ

ຊຸດສຊຸດສະສົມ “Sonia Delaunay” ຂອງນັກອອກແບບ ກາວຫງອກເຈິມ

ຊຸດສະສົມ “ບໍ່ມີຂອບເຂດ” ຂອງນັກອອກແບບ ດັ້ງເງິນຮ່າ

ຊຸດສະສົມ “ບັນຍາກາດໂຫລາສາດ” ຂອງນັກອອກແບບ ເລທິເຟືອງແທງ

ຊຸດສະສົມ “ຕື໋ຝູ” (ຈະຕຸໂລກ) ຂອງນັກອອກແບບ ຫວູ້ເຕື່ອງວີ

ຊຸດສະສົມ “ບຸນປີໃໝ່ປະຈຳຊາດ” ຂອງນັກອອກແບບ ໂດ໊ທິເວີນແອງ

ຊຸດສະສົມ “ຄັ້ງການພັກຜ່ອນຢູ່ ໂຣມ” ຂອງນັກອອກແບບ ເລແອ໋ງຈີ

ຊຸດສະສົມ “Carousel” ຂອງນັກອອກແບບ ໂງເຢືອງຖາວຍີ

ຊຸດສະສົມ “Glam rock” ຂອງນັກອອກແບບ ໂງຮົ່ງມິງ

ຊຸດສະສົມ “ຮູບຊົງຂອງນຳ້ສຽງ” ຂອງນັກອອກແບບ ຫງວຽນແຄ໋ງທື

ຊຸດສະສົມ “Eastern Grace” ຂອງນັກອອກແບບ ໂງທິຮ່າຈາງ

ຊຸດສະສົມ “ແມ່ເຜິ້ງ” ຂອງນັກອອກແບບ ໂງທິຕວ໋ຽວເວີນ

ບົດ: ເງິນຮ່າ - ພາບ: ເຈິ່ນແທງຢາງ
ບັນດາບົດທີ່ຖືກນຳສະເໜີ