ວັນທີ 5 ຕຸລາ 2016, ສັນຍາການຄ້າເສລີລະຫວ່າງ ຫວຽດນາມ ແລະ ສະຫະພັນເສດຖະກິດ ອາຊີ-ເອີຣົບ (FTA ຫວຽດນາມ - EAEU) ມີຜົນສັກສິດຢ່າງເປັນທາງການ, ສ້າງແງ່ຫວັງທີ່ ຍິ່ງໃຫຍ່ໃຫ້ແກ່ການສົ່ງອອກຂອງ ຫວຽດນາມ ເຂົ້າສູ່ໜຶ່ງໃນບັນດາຕະຫຼາດໃຫຍ່ ແລະ ເຕັມໄປດ້ວຍທ່າແຮງບົ່ມຊ້ອນໃນໂລກ ດ້ວຍພົນລະເມືອງກວ່າ 180 ລ້ານຄົນ ແລະ ມີຕົວເລກຈີດີປີ ບັນລຸໄດ້ກວ່າ 2.000 ຕື້ໂດລາສະຫະລັດ, ພ້ອມກັບ ມູນຄ່າການຄ້າບັນລຸປະມານ 1.000 ຕື້ໂດລາສະຫະລັດ.
ນີ້ແມ່ນສັນຍາການຄ້າເສລີສະບັນທຳອິດທີ່ສະຫະພັນ ເສດຖະກິດ ອາຊີ-ເອີຣົບ (ລວມມີ: ລັດເຊຍ, ອາກເມນີ, ເບລາຣຸດ, ກາຊັກສະຖານ ແລະ ກຽກກິດສະຖານ) ລົງນາມກັບປະເທດທີສາມ, ແລະ ກໍ່ເປັນສັນຍາສັນບັບທຳອິດທີ່ຫວຽດນາມໄດ້ລົງນາມກັບບັນດາຄູ່ຄ້າເຈລະຈາມູນເຊື້ອ.FTA ຫວຽດນາມ - EAEU ແມ່ນສັນຍາການຄ້າເສລີລຸ້ນໃໝ່, ຮອບດ້ານ, ກວມເອົາທຸກຂົງເຂດການຮ່ວມມືດ້ານເສດຖະກິດ-ການຄ້າລະຫວ່າງ ຫວຽດນາມ ແລະ EAEU.
ຄຽງຂ້າງກັບການສ້າງຄວາມສະດວກໃຫ້ແກ່ການນຳເຂົ້າ-ສົ່ງອອກສິນຄ້າຜ່ານການຫຼຸດຜ່ອນພາສີ, ສັນຍາລວມມີຄຳໝັ້ນສັນຍາຂອງທຸກຝ່າຍຕໍ່ການປົກປັກຮັກສາກຳມະສິດທາງປັນຍາ,ພັດທະນາແບບຍືນຍົງຄົງຕົວ, ການຄ້າເອເລັກໂຕນິກ, ການຊື້ຂາຍລັດຖະບານ ແລະ ຄວາມແກ່ງແຍ້ງກັນ.
ທ່ານນາຍົກລັດຖະມົນຕີ ຫງວຽນຊວນຟຸກ ເຂົ້າຮ່ວມໃນພິທີໄຂ
ສາຂາທະນາຄານການຄ້າຫຸ້ນສ່ວນລົງທຶນ ແລະ ພັດທະນາ
ຫວຽດນາມ (BIDV) ທີ່ ສະຫະພັນ ລັດເຊຍ. ພາບ: ຖົ໋ງເຍີດ/ VNA
ເວທີປາໄສວິສາຫະກິດ ຫວຽດນາມ-ສະຫະພັນເສດຖະກິດ
ອາຊີ-ເອີຣົບ ທີ່ໄດ້ຈັດຂຶ້ນຢູ່ ຮ່າໂນ້ຍ ເມື່ອປີ 2015. ພາບ: ຕວ໋ນແອງ/VNA
ກຸ່ມບໍລິສັດ TH True Milk ຂອງ ຫວຽດນາມ ຫາກໍ່ເປີດການ
ເຄື່ອນໄຫວກໍ່ສ້າງໂຄງການລ້ຽງງົວແມ່ນົມ ແລະ ປຸງແຕ່ງນຳ້ນົມ
ແຫ່ງທີ 2 ຢູ່ສະຫະພັນ ລັດເຊຍ. ພາບ: ເຢືອງຈີ໋/VNA
ຕາມຄຳໝັ້ນໃນສັນຍາ, EAEU ໄດ້ສ້າງເງື່ອນໄຂອຳນວຍ ຄວາມສະດວກໃຫ້ແກ່ສິນຄ້າຂອງ ຫວຽດນາມ ຫຼາຍປະເພດທີ່ມີທ່າແຮງບົ່ມຊ້ອນຄື: ກະສິກຳ, ສິນໃນນຳ້ ແລະ ຜະລິດຕະພັນອຸດສາຫະກຳຄືຕຳ່ແຜ່ນຕັດຫຍິບ, ໜັງເກີບ, ເຄື່ອງໄມ້ ແລະ ອື່ນໆ.
ສະຫະພັນເສດຖະກິດ ອາຊີ-ເອີຣົບ ແມ່ນຕະຫຼາດໃຫຍ່ດ້ວຍພົນລະເມືອງກວ່າ 180 ລ້ານຄົນ, ມີແຫຼ່ງຊັບພະຍາກອນທຳມະຊາດທີ່ອຸດົມສົມບູນ, ລວມຕົວເລກ ຈີດີປີ ບັນລຸໄດ້ກວ່າ 2.000 ຕື້ໂດລາສະຫະລັດ, ວົງເງິນການຄ້າບັນລຸໄດ້ປະມານ 1.000 ຕື້ໂດລາສະຫະລັດ. ຫວຽດນາມ ສົ່ງອອກເຂົ້າສູ່ຕະຫຼາດແຫ່ງນີ້ ບັນດາປະເພດສິນຄ້າຕົ້ນຕໍ່ຄື: ໂທລະສັບ, ເຄື່ອງຄອມຜິວເຕີ, ເຄື່ອງຕຳ່ແຜ່ນຕັດຫຍິບ, ເກີບ, ສິນໃນນຳ້, ກາເຟ, ເຂົ້າສານ, ໝາກໄມ້… ແລະ ນຳເຂົ້າຈາກ EAEU ບັນດາປະເພດສິນຄ້າຄື: ນຳ້ມັນອາຍແກັດ, ເຫຼັກກ້າ, ເຄື່ອງຈັກ ແລະ ອຸປະກອນຕ່າງ. |
ພ້ອມກັບການຍົກເລີກພາສີ, ສອງຝ່ານຈະຜັນຂະຫຍາຍບັນດາມາດຕາກ່ຽວກັບສັດຕະວະແພດ ແລະ ກັກກັນພະຍາດສັດ ແລະ ພືດ (SPS); ຊຸກຍູ້ການຮ່ວມມື, ຜັນຂະຫຍາຍບັນດາຫົວຄິດປະດິດສ້າງເພື່ອຫັນເປັນຄວາມສະດວກການຄ້າ, ຊ່ວຍເຫຼືອເຕັກນິກ ແລະ ກໍ່ສ້າງກົນໄກທີ່ປຶກສາຢ່າງມີປະສິດທິຜົນ ລະຫວ່າງສອງຝ່າຍ.
ຝ່າຍ ຫວຽດນາມ ໃຫ້ຄຳໝັ້ນສັນຍາຈະເປີດປະຕູການຕະຫຼາດໃຫ້ EAEU ສຳລັບຜະລິດຕະພັນຮັບໃຊ້ການລ້ຽງສັດຈຳນວນ ໜຶ່ງ, ສິນຄ້າອຸດສາຫະກິດຈຳນວນໜຶ່ງຄື: ເຄື່ອງຈັກ, ອຸປະກອນ, ພາຫະນະຂົນສົ່ງ… ເບິ່ງລວມແລ້ວ, ບັນດາສິນຄ້າປະເພດນີ້ບໍ່ຕ້ອງແກ່ງແຍ້ງກັບສິນຄ້າ ຫວຽດນາມ, ມັນຍັງປະກອບສ່ວນເຮັດໃຫ້ຕະຫຼາດສິນຄ້າໃຊ້ສອຍພາຍໃນມີຫຼາຍຮູບແບບກວ່າ.
ສັງລວມແລ້ວ, ມີ 90% ປະເພດສິນຄ້າໄດ້ຮັບການເປີດປະຕູ,ເທົ່າກັບປະມານກວ່າ 90% ວົງເງິນການຄ້າສອງຝ່າຍ.
ນອກຈາກນັ້ນ, FTA ສະບັບນີ້ ກໍ່ກຳນົດບັນດາວິທີແກ້ໄຂເພື່ອເພີ່ມຄວາມຈະແຈ້ງຂອງບັນດາການເຄື່ອນໄຫວຄຸ້ມຄອງລັດໃນການຄ້າ, ເພີ່ມທະວີການຮ່ວມມືລະຫວ່າງບັນດາອົງການ ຄຸ້ມຄອງລັດຂອງສອງຝ່າຍກ່ຽວກັບດ່ານພາສີຊາຍແດນ, ຄຸ້ມຄອງຄຸນນະພາບ, ກັກກັນພະຍາດສັດ ແລະ ພືດ, ຄວາມສະອາດປອດໄພດ້ານສະບຽງອາຫານ. ຄຽງຂ້າງນັ້ນ, ສັນຍາກໍ່ມີມາດຕາໜຶ່ງກຳກົດກ່ຽວກັບການຄ້າບໍລິການ, ການລົງທຶນ ແລະ ຍົກຍ້າຍຜູ້ອອກແຮງງານ.
ການຮ່ວມທຸລະກິດ ຫວຽດນາມ-ລັດເຊຍ (Vietsovpetro),
ສັນຍະລັກແຫ່ງຜົນສຳເລັດໃນການຮ່ວມມືດ້ານເສດຖະກິດ ຫວຽດນາມ-ລັດເຊຍ.
ໃນພາບ: ຖານເຕັກໂນໂລຊີໃຈກາງ ເລກ 2 ຢູ່ບໍ່ນຳ້ມັນອາຍແກັດ,
ໜຶ່ງໃນ 40 ກິດຈະການກໍ່ສ້າງເທິງທະເລຂອງ Vietsovpetro. ພາບ: ຮຸຍຮຸ່ງ/VNA
ຂະແໜງສິນໃນນຳ້ຂອງ ຫວຽດນາມ ໄດ້ຮັບການຕີລາຄາວ່າ
ຈະມີໂອກາດເພີ່ມວົງເງິນການຄ້າເຂົ້າສູ່ຕະຫຼາດ EAEU. ພາບ: ກິມເຟືອງ/VNP
ຕະຫຼາດ EAEU ໄດ້ນຳເຂົ້າສິນຄ້າກະສິກຳຂອງ ຫວຽດນາມ ດ້ວຍຈຳນວນຫຼວງຫຼາຍ. ພາບ: ແທງຮ່າ/VNA
ຂະແໜງຕຳ່ແຜ່ນຕັດຫຍິບຂອງ ຫວຽດນາມ ຈະໄດ້ຮັບຄວາມ
ສະດວກຫຼາຍຢ່າງເມື່ອ FTA ຫວຽດນາມ -EAEU ມີຜົນສັກສິດຢ່າງເປັນທາງການ. ພາບ: ກິມເຟືອງ/VNP
ຄາດຄະເນວ່າ ບັນດາປະເພດສິນຄ້າຄື: ກາເຟ, ເຂົ້າສານ, ຜັກ, ໝາກໄມ້…
ຈະມີການປ່ຽນແປງໃໝ່ ເມື່ອໄດ້ເຂົ້າຮ່ວມໃນຕະຫຼາດ EAEU. ພາບ: ກວາງຮຸຍ/VNA
ຕາມທ່ານ ເຢືອງຮວ່າງມິນ, ທູດການຄ້າ ຫວຽດນາມ ປະຈຳສະຫະພາບ ລັດເຊຍ ແລ້ວ, FTA ຫວຽດນາມ - EAEU ຈະສ້າງກາລະໂອກາດທີ່ສະດວກໃຫ້ແກ່ການສົ່ງອອກ, ກໍ່ຄືການຮ່ວມມືດ້ານເສດຖະກິດການຄ້າໃຫ້ແກ່ບັນດາວິສາຫະກິດ ຫວຽດນາມ. ແຕ່ວ່າ ເພື່ອໄດ້ຮັບຜົນປະໂຫຍດຈາກສັນຍາ ດັ່ງກ່າວ, ບັນດາວິສາຫະກິດ ຫວຽດນາມ ຕ້ອງຄົ້ນຄວ້າຢ່າງ ລະອຽດບັນຫາຈຳນວນໜຶ່ງຄື: ເຄີຍໃຊ້ຈ່າຍ, ຄວາມນິຍົມຊົມຊອບກ່ຽວກັບຄຸນນະພາບ, ແບບແຜນຜະລິດຕະພັນຂອງຊາວ ລັດເຊຍ ແລະ ບັນດາປະເທດໃນ EAEU; ຄວາມຕ້ອງການ ທາງດ້ານກົດໝາຍ; ລະບົບມາດຕະຖານເຕັກນິກ, ຄວາມສະອາດປອດໄພດ້ານສະບຽງອາຫານສະເພາະ ຂອງຕະຫຼາດແຫ່ງນີ້ ແລະ ບັນຫາກ່ຽວກັບພາສາ ລັດເຊຍ ທີ່ໄດ້ນຳໃຊ້ແບບທົ່ວໄປທີ່ຕະຫຼາດແຫ່ງນີ້ ອີກດ້ວຍ.
ເວົ້າເຖິງແງ່ຫວັງຂອງ FTA ຫວຽດນາມ-EAEU, ທ່ານ Popov Aleksei, ກົງສູນໃຫຍ່ສະຫະພາບ ລັດເຊຍ ປະຈຳນະຄອນ ໂຮ່ຈີມິນ ໃຫ້ຮູ້ວ່າ ເລື່ອງສ້າງຕັ້ງຂົງເຂດການຄ້າເສລີລະຫວ່າງຫວຽດນາມ ແລະ ສະຫະພັນເສດຖະກິດ ອາຊີ-ເອີຣົບ ຈະຊຸກຍູ້ເພີ່ມທະວີວົງເງິນການຄ້າແຕ່ 4 ຕື້ໂດລາສະຫະລັດຄືປະຈຸບັນຂຶ້ນ 8-10 ຕື້ໂດລາສະຫະລັດໃນ 2-3 ປີຈະມາເຖິງ. ສິນຄ້າທີ່ມີທ່າແຮງຈຳນວນໜຶ່ງຂອງ ຫວຽດນາມ ຄື: ສິນໃນນຳ້, ຕຳ່ແຜ່ນຕັດຫຍິບ… ຈະມີໂອກາດເພີ່ມປະລິມານ ການສົ່ງອອກ. ກົງກັນຂ້າມ, ຂະແໜງຜະລິດລົດໃຫຍ່ຂອງລັດເຊຍ ກໍ່ມີໂອກາດຢ່າງຍິ່ງໃຫຍ່ ເມື່ອເຂົ້າຮ່ວມໃນຕະຫຼາດ ຫວຽດນາມ.
ຕາມທ່ານສາດສະດາຈານ Nikolay Nikolayevych, ສະຖາປັນຄົ້ນຄວ້າເສດຖະກິດມະຫາພາກຂອງ ລັດເຊຍ, EAEU ມີທ່າແຮງບົ່ມຊ້ອນຢ່າງຍິ່ງໃຫຍ່ ຍ້ອນທີ່ນີ້ ແມ່ນອົງການເຊື່ອມໂຍງໃຫຍ່ທີ່ສຸດຂອງທະວີບ ອາຊີ-ເອີຣົບ. ເພາະສະນັ້ນ, ຫວຽດນາມ ເຊັນສັນຍາການຄ້າເສລີກັບ EAEU ຈະອະນຸຍາດໃຫ້ເພີ່ມວົງເງິນສິນຄ້າ, ຈາກນັ້ນ ຈະເພີ່ມລາຍຮັບຈາກການຄ້າຕ່າງປະເທດ ແລະ ສ້າງວຽກເຮັດໃໝ່ໃຫ້ແກ່ຜູ້ອອກແຮງງານ.
ຕາມການຄິດໄລ່ຂອງຄະນະກຳມະການເສດຖະກິດ ອາຊີ-ເອີຣົບ, ການສ້າງຕັ້ງເຂດການຄ້າເສລີ ລະຫວ່າງ EAEU ກັບ ຫວຽດນາມ ອາດສາມາດຍົກວົງເງິນການຄ້າສອງຝ່າຍແຕ່ 4 ຕື້ ໂດລາສະຫະລັດ ຂຶ້ນເປັນ 8-10 ຕື້ໂດລາສະຫະລັດ. ໃນປີ ທຳອິດເມື່ອສັນຍາສະບັບນີ້ ມີຜົນສັກສິດ, ບັນດາວິສາຫະກິດ ສົ່ງອອກຂອງ EAEU ຈະປະຢັດເງິນໃຊ້ຈ່າຍພາສີອາກອນໄດ້ ປະມານ 40 ລ້ານໂດລາສະຫະລັດ. ຕາມສັນຍາ, ຫວຽດນາມຈະຍົກເລີກພາສີໃຫ້ແກ່ 59% ປະເພດສິນຄ້າທີ່ນຳເຂົ້າມາຈາກ EAEU, ໃນນັ້ນ ມີຜະລິດຕະພັນຄື: ຊີ້ນ, ແປ້ງເຂົ້າ, ເຫຼົ້າ, ເຫຼັກກ້າ… ພາສີສຳລັບ 30% ປະເພດສິນຄ້າຕ່າງໆ ຈະໄດ້ຫຼຸດລົງສູ່ລະດັບ 0% ໃນໄລຍະຍາວເກີນໄປ.
|
ຈັດທຳໂດຍ: VNA/VNP