24/12/2014 09:55 GMT+7 Email Print Like 0

FTA ຫວຽດນາມ- ສ.ເກົາຫຼີ ແລະ ເປົ້າໝາຍ 70 ຕື້ USD

70 ຕື້ USD ເປັນເປົ້າໝາຍມູນຄ່າການຄ້າສອງສົ້ນ ທີ່ ຫວຽດນາມ ແລະ ສ.ເກົາຫຼີ ຫັນໄປເຖິງ ຫຼັງຈາກສອງປະເທດສຳເລັດ ວຽກງານເຊັນສັນຍາ ການຄ້າເສລີ (FTA).
ການຢ້ຽມຢາມ ສ.ເກົາຫຼີ ຂອງທ່ານນາຍົກລັດຖະມົນຕີ ຫງວຽນເຕິນຢຸງ (10-12/12/2014) ມີຄວາມໝາຍສຳຄັນ ໃນການປັບປຸງຄວາມໄວ້ເນື້ອເຊື່ອໃຈໃນດ້ານການເມືອງ ກໍ່ຄືຊຸກຍູ້ການຮ່ວມມື ລະຫວ່ງສອງຝ່າຍ, ເປັນຕົ້ນແມ່ນໃນ ຂົງເຂດເສດຖະກິດ.

ໃນຂອບເຂດຂອງການຢ້ຽມຢາມຄັ້ງນີ້, ທ່ານນາຍົກ ລັດຖະມົນຕີ ຫງວຽນເຕິນຢຸງ ມີການພົບປະແລກປ່ຽນ ຄວາມຄິດ ຄວາມເຫັນກັບທ່ານນາງປະທານາທິບໍດີ ສ.ເກົາຫຼີ Park Geun-hye, ພົບປະກັບເຈົ້າຄອງນະຄອນ Busan, ໄປຢ້ຽມຢາມ ເຂດອຸດສາຫະກຳເສລີ Busan-Chinhae ແລະ ອົງການມິດຕະພາບ ເກົາຫຼີ-ຫວຽດນາມ ຈຳນວນໜຶ່ງ.

ໃນການພົບປະກັບທ່ານນາງ Park Geun-hye, ສອງຝ່າຍເປັນເອກະພາບສູງຕໍ່ບັນດາທິດທາງ ແລະ ວິທີແກ້ໄຂຕົວຈິງ ເພື່ອຊຸກຍູ້ ແລະ ເຮັດໃຫ້ເລິກເຊິ່ງກວ່າເກົ່າ ສາຍພົວພັນຄູ່ຮ່ວມມືຍຸດທະສາດລະຫວ່າງ ຫວຽດນາມ ແລະ ເກົາຫຼີ ໃນເວລາ ຈະມາເຖິງ. ເປັນເອກະສັນວ່າ ຈະສືບຕໍ່ຮັກສາການແລກປ່ຽນຄະນະຜູ້ແທນຂັ້ນສູງ, ເປີດກວ້າງການຮ່ວມມື ລະຫວ່າງ ບັນດາກະຊວງ, ຂະແໜງການ, ທ້ອງຖິ່ນ, ຜັນຂະຫຍາຍກົນໄກສົນທະນາ ແລະ ການຮ່ວມມືຢ່າງມີປະສິດທິຜົນ.

ລັດຖະບານ ເກົາຫຼີ ຢືນຢັນຈະສືບຕໍ່ຖື ຫວຽດນາມ ເປັນຄູ່ຄ້າສຳຄັນແຖວໜ້າໃນນະໂຍບາຍ ODA ແລະ ສະຫງວນ ບຸລິມະສິດໃຫ້ແກ່ບັນດາໂຄງການຂຶ້ນກັບຂົງເຂດຄື: ພື້ນຖານໂຄງລ່າງ, ພັດທະນາແຫຼ່ງຊັບພະຍາ ກອນມະນຸດ. ບັນດາ ວິສາຫະກິດ ເກົາຫຼີ ກໍ່ສະແດງຄວາມສົນໃຈ ແລະ ຢາກເປີດກວ້າງການເຄື່ອນໄຫວລົງທຶນທີ່ ຫວຽດນາມ.

ສອງຝ່າຍກໍ່ຢືນຢັນຈະສົມທົບກັນຢ່າງແໜ້ນແຟ້ນໃນການປົກປ້ອງຜົນປະໂຫຍດອັນຊອບທຳຂອງປະຊາຊົນແຕ່ລະປະເທດ ໃນສະພາບການ ປະຊາຄົມຊາວ ຫວຽດນາມ ຢູ່ ເກົາຫຼີ ແລະ ຊາວ ເກົາຫຼີ ຢູ່ ຫວຽດນາມ ພວມຫັນໄປເຖິງຕົວເລກ 130.000 ຄົນ.
 

ທ່ານນາງປະທານາທິບໍດີ Park Geun-hye ຕ້ອນຮັບທ່ານນາຍົກລັດຖະມົນຕີ ຫງວຽນເຕິນຢຸງ. ພາບ: ດຶກຕ໋າມ/VNA

ການນຳສອງປະເທດປະຕິບັດການເຈລະຈາ. ພາບ: ດຶກຕ໋າມ/VNA

ທ່ານນາຍົກລັດຖະມົນຕີ ຫງວຽນເຕິນຢຸງ ແລະ ທ່ານນາງປະທານາທິບໍດີ Park Geun-hye
ເປັນສັກຂີພິຍານ ພິທີລົງນາມ ໃນຂໍ້ຕົກລົງສຳເລັດການເຈລະຈາ ສັນຍາການຄ້າເສລີ ຫວຽດນາມ-ເກົາຫຼີ. ພາບ: ດຶກຕ໋າມ/VNA

ການນຳສອງທ່ານພົບປະກັບຝ່າຍໜັງສືພິມ ຫຼັງຈາກສິ້ນສຸດການເຈລະຈາ. ພາບ: ດຶກຕ໋າມ/VNA

ເນື່ອງໃນໂອກາດນີ້, ສອງປະເທດໄດ້ປະກາດສຳເລັດການເຈລະຈາສັນຍາການຄ້າເສລີ ລະຫວ່າງ ຫວຽດນາມ-ເກົາຫຼີ (VKFTA) ຢ່າງເປັນທາງການ.

ສັນຍາ FTA ມີຄວາມໝາຍສຳຄັນຕໍ່ການຊຸກຍູ້ການ ຮ່ວມມືການຄ້າສອງສົ້ນ ຫັນໄປສູ່ເປົ້າໝາຍມູນຄ່າ 70 ຕື້ USD ເມື່ອປິ 2020, ສ້າງເງື່ອນໄຂເພື່ອໃຫ້ສິນຄ້າ ຫວຽດນາມ ສາມາດແກ່ງແຍ້ງດີກວ່າ ທີ່ຕະຫຼາດ ເກົາຫຼີ, ເປັນຕົ້ນແມ່ນ ໃນບັນດາ ຂົງເຂດກະສິກຳ, ເຄື່ອງຕ່ຳແຜ່ນຕັດຫຍິບ… ສັນຍາດັ່ງກ່າວ ກໍ່ຈະຊ່ວຍຊຸກຍູ້ການລົງທຶນຂອງບັນດາວິສາຫະກິດ ເກົາຫຼີ ເຂົ້າ ຫວຽດນາມ, ສົ່ງເສີມແລກປ່ຽນເຕັກໂນໂລຢີ ເພື່ອຍົກສູງລະດັບວິຊາການ ແລະ ກຳລັງການຜະລິດ, ຜ່ານນັ້ນ ຈະສ້າງໂອກາດໃໝ່ໃຫ້ການຮ່ວມມືດ້ານເສດຖະກິດ ລະຫວ່າງສອງປະເທດ, ປະກອບສ່ວນເຮັດໃຫ້ການພົວພັນ ຄູ່ຮ່ວມມື ຍຸດທະສາດລະຫວ່າງສອງປະເທດກ້າວ ຂຶ້ນສູ່ລະດັບສູງໃໝ່.

ໃນ 2 ເດືອນຜ່ານມານີ້, ຫວຽດນາມ ໄດ້ສຳເລັດການເຈລະຈາ 3 ສັນຍາການຄ້າເສລີລຸ້ນໃໝ່ ກັບບັນດາ ພື້ນຖານ ເສດຖະກິດໃຫຍ່ທີ່ສຸດໃນໂລກ ແລະ ກໍ່ເປັນຕະຫຼາດມີພົນລະເມືອງກວ່າ 700 ຄົນ, ນັ້ນແມ່ນສະຫະພາບເອີຣົບ ດ້ວຍ 28 ປະເທດເມື່ອເດືອນຕຸລາ, ກັບ ເກົາຫຼີ ແລະ ພັນທະພາບພາສີ ເມື່ອກາງເດືອນຜະຈິກຜ່ານມາ. ຫຼັງຈາກສັນຍາ 3 ສະບັບ ດັ່ງກ່າວໄດ້ລົງນາມຢ່າງເປັນທາງການໃນຕົ້ນປີ 2015, ຄາດຄະເນວ່າ ມູນຄ່າສົ່ງອອກຂອງ ຫວຽດນາມ ໂດຍສະເພາະ ແລະ ພື້ນຖານເສດຖະກິດ ຫວຽດນາມ ທີ່ເວົ້າລວມ ຈະມີການບຸກທະລຸຢ່າງແຮງ.
 

ທ່ານນາຍົກລັດຖະມົນຕີ ຫງວຽນເຕິນຢຸງ ແລະ ບັນດາຫົວໜ້າຄະນະທີ່ເຂົ້າຮ່ວມກອງປະຊຸມຂັ້ນສູງ
ສະເຫຼີມສະຫຼອງ 25 ປີແຫ່ງການພົວພັນສົນທະນາ ອາຊຽນ-ເກົາຫຼີ. ພາບ: ດຶກຕ໋າມ/VNA

ພາບໃນກອງປະຊຸມຂັ້ນສູງ ສະເຫຼີມສະຫຼອງ 25 ປີແຫ່ງການພົວພັນສົນທະນາ ອາຊຽນ-ເກົາຫຼີ. ພາບ: ດຶກຕ໋າມ/VNA

ທ່ານນາຍົກລັດຖະມົນຕີເຂົ້າຮ່ວມການສົນທະນາກັບປະຊາຄົມວິສາຫະກິດ ເກົາຫຼີ. ພາບ: ດຶກຕ໋າມ/VNA

ທ່ານນາຍົກລັດຖະມົນຕີ ພົບປະກັບເຈົ້າຄອງນະຄອນ Busan Suh Byung-soo. ພາບ: ດຶກຕ໋າມ/VNA

ທ່ານນາຍົກລັດຖະມົນຕີ ພົບປະກັບສະມາຄົມຊາວ ເກົາຫຼີ ມີນ້ຳໃຈຮັກ ຫວຽດນາມ (VESAMO). ພາບ: VNA

ທ່ານ Park Soo Kawan, ຫົວຫນ້າກົງສູນກິຕິມະສັກຂອງ ຫວຽດນາມ ປະຈຳ Busan
ຕ້ອນຮັບທ່ານນາຍົກ ລັດຖະມົນຕີ ຫງວຽນເຕິນຢຸງ. ພາບ: ດຶກຕ໋າມ/VNA 
ໂດຍ: VNA/VNP
ບັນດາບົດທີ່ຖືກນຳສະເໜີ