01/12/2014 16:21 GMT+7 Email Print Like 0

CLV-8 ຊຸກຍູ້ການຮ່ວມມືລະຫວ່າງ ຫວຽດນາມ-ລາວ-ກຳປູເຈຍ

ກອງປະຊຸມຂັ້ນສູງ ເຂດສາມຫຼ່ຽມພັດທະນາ ກຳປູເຈຍ-ລາວ-ຫວຽດນາມ ຄັ້ງທີ 8 (CLV-8) ຫາກໍ່ໄຂຂຶ້ນທີ່ນະຄອນ ຫຼວງ ວຽງຈັນ ແຫ່ງປະເທດ ລາວ ໄດ້ຖືວ່າ ເປັນໂອກາດ ສຳຄັນເພື່ອ ໃຫ້ສາມປະເທດ ເພີ່ມທະວີການຮ່ວມມືດ້ວຍ ເປົ້າໝາຍຫຼຸດລະຍະຫ່າງພັດທະນາ ແລະ ລົບລ້າງ ຄວາມ ທຸກຍາກ, ເປີດກວ້າງການພົວພັນທາງດ້ານການຄ້າ, ການ ລົງທຶນ ແລະ ກຳໄດ້ໂອກາດ ຮ່ວມມືພັດທະນາ ຈາກການ ສ້າງຕັ້ງປະຊາຄົມ ອາຊຽນ ເມື່ອປີ 2015.
ກອງປະຊຸມໄດ້ສຳຫຼວດກວດກາສະພາບການປະຕິບັດ “ແຜນສັງລວມພັດທະນາເສດຖະກິດ-ສັງຄົມ ໃນເຂດ ສາມຫຼ່ຽມພັດທະນາ ກຳປູເຈຍ-ລາວ-ຫວຽດນາມ ເຖິງປີ 2020 ສະບັບປັບປຸງ” ແລະ “ບົດບັນທຶກຊ່ວຍຈຳວ່າດ້ວຍນະໂຍບາຍພິເສດ ແລະ ສ້າງເງື່ອນໄຂອຳນວຍຄວາມ ສະດວກໃຫ້ແກ່ເຂດສາມຫຼ່ຽມພັດທະນາ ກຳປູເຈຍ-ລາວ-ຫວຽດນາມ”. 

ສາມຝ່າຍຕີລາຄາສູງຕໍ່ບັນດາຜົນງານທີ່ບັນລຸໄດ້ໃນການພັດທະນາພື້ນຖານໂຄງລ່າງ; ຊຸກຍູ້ການຄ້າ, ການລົງທຶນ ແລະ ທ່ອງທ່ຽວ ລະຫວ່າງ ສາມປະເທດ; ຊຸກຍູ້ການເຂົ້າຮ່ວມຂອງໄວໜຸ່ມຕໍ່ເຂດສາມຫຼ່ຽມພັດທະນາ ກຳປູເຈຍ-ລາວ-ຫວຽດນາມ; ແລະ ຮ່ວມມືຮັບປະກັນຄວາມ ສະຫງົບປອດໄພ ແລະ ສະພາບແວດລ້ອມທີ່ໝັ້ນຄົງຂອງພາກພື້ນ. ເພື່ອເພີ່ມທະວີການຮ່ວມມືຢ່າງມີປະສິດທິພາບ, ທ່ານຜູ້ນຳທັງສາມໄດ້ ເປັນ ເອກະພາບກັນໃນຫຼາຍວິທີແກ້ໄຂທີ່ສຳຄັນຄື: ສ້າງຮ່າງລາຍຊື່ບັນດາໂຄງການບຸລິມະສິດ ເພື່ອດຶງດູດການ ລົງທຶນ, ກໍ່ສ້າງນະໂຍບາຍພິເສດ ແລະ ແຜນສັງລວມ ພັດທະນາຂະແໜງການທ່ອງທ່ຽວ, ເພີ່ມທະວີການຮ່ວມມືດ້ານຄວາມສະຫງົບ, ກັນຕ້ານອາດຊະຍາກຳຂ້າມຊາດ ແລະ ຊຸກຍູ້ບັນດາແຜນການຮ່ວມມືລວມ ເພື່ອປົກປ້ອງສິ່ງແວດລ້ອມ ແລະ ຄຸ້ມຄອງແຫຼ່ງຊັບພະຍາກອນທຳມະ ຊາດ. 

ພິທີຕ້ອນຮັບທ່ານນາຍົກລັດຖະມົນຕີ ຫງວຽນເຕິນຢຸງ ໄດ້ຮັບການຈັດຂຶ້ນທີ່ສະໜາມບິນສາກົນ ວັດໄຕ
ທີ່ນະຄອນຫຼວງ ວຽງຈັນ ແຫ່ງປະເທດ ສປປ. ລາວ. ພາບ: ດຶກຕາມ/VNA

ທ່ານ ຫງວຽນເຕິນຢຸງ ພ້ອມທ່ານ ທອງສິງ ທຳມະວົງ ແລະ ທ່ານ ສົມເດັດ ຮຸນແຊນ ທີ່ພິທີໄຂກອງປະຊຸມຂັ້ນສູງ
ເຂດສາມຫຼ່ຽມພັດທະນາ ກຳປູເຈຍ-ລາວ-ຫວຽດນາມ ຄັ້ງທີ 8. ພາບ: ດຶກຕາມ/VNA

ທ່ານ ຫງວຽນເຕິນຢຸງ ກ່າວປາໄສທີ່ພິທີໄຂກອງປະຊຸມ. ພາບ: ດຶກຕາມ/VNA

ພາບໃນພິທີໄຂກອງປະຊຸມ CLV-8. ພາບ: ດຶກຕາມ/VNA

ນາຍົກລັດຖະມົນຕີສາມປະເທດເຊັນຖະແຫຼງການຮ່ວມຂອງກອງປະຊຸມ CLV-8. ພາບ: ດຶກຕາມ/VNA

ທີ່ກອງປະຊຸມ, ທ່ານນາຍົກລັດຖະມົນຕີ ຫງວຽນເຕິນຢຸງ ໄດ້ສະເໜີຫຼາຍຄຳເຫັນທີ່ສຳຄັນ ຕໍ່ການຮ່ວມມື ຢູ່ ເຂດສາມຫຼ່ຽມພັດທະນາ ກຳປູເຈຍ-ລາວ-ຫວຽດນາມ ແລະ ໄດ້ຮັບການຕີລາຄາສູງຈາກທ່ານຜູ້ນຳຂອງ ລາວ ແລະ ກຳປູເຈຍ.

ພິເສດ, ກອງປະຊຸມເປັນເອກະສັນຕໍ່ຂໍ້ສະເໜີຂອງທ່ານນາຍົກລັດຖະມົນຕີ ຫງວຽນເຕິນຢຸງ ກ່ຽວກັບການຍົກລະດັບ ແລະ ເປີດກວ້າງຂອບການ ຮ່ວມມືເຂດສາມຫຼ່ຽມພັດທະນາ ກຳປູເຈຍ-ລາວ-ຫວຽດນາມ ແລະ ມອບໃຫ້ຄະນະກຳມະການປະສານງາມລວມ ກໍ່ສ້າງແຜນຮ່າງເຊື່ອມຕໍ່
ເສດຖະກິດລະຫວ່າງສາມປະເທດ ເພື່ອຍື່ນຂຶ້ນກອງປະຊຸມຂັ້ນສູງ ເຂດສາມຫຼ່ຽມພັດທະນາ ກຳປູເຈຍ-ລາວ-ຫວຽດນາມ ຄັ້ງທີ 9.

ໃນຂອບເຂດຂອງກອງປະຊຸມ, ທ່ານນາຍົກລັດຖະມົນຕີ ຫງວຽນເຕິນຢຸງ ໄດ້ມາສະແດງຄວາມຄຳນັບຕໍ່ທ່ານເລຂາທິການໃຫຍ່, ປະທານ ປະເທດ ລາວ ຈູມມາລີ ໄຊຍະສອນ, ພົບປະກັບທ່ານນາຍົກລັດຖະມົນຕີ ລາວ ທອງສິງ ທຳມະວົງ ແລະ ພົບປະກັບທ່ານນາຍົກລັດຖະມົນຕີ ກຳປູເຈຍ ສົມເດັດ ຮຸນແຊນ ເພື່ອແລກປ່ຽນຄວາມຄິດຄວາມເຫັນ, ຊຸກຍູ້ບັນດາບັນຫາຮ່ວມມື ລະຫວ່າງ ຫວຽດນາມ-ລາວ-ກຳປູເຈຍ.

ທ່ານ ຫງວຽນເຕິນຢຸງ ພົບປະກັບທ່ານ ຈູມມາລີ ໄຊຍະສອນ. ພາບ: ດຶກຕາມ/VNA

ທ່ານ ຫງວຽນເຕິນຢຸງ ພົບປະກັບທ່ານ ທອງສິງ ທຳມະວົງ. ພາບ: ດຶກຕາມ/VNA

ທ່ານ ຫງວຽນເຕິນຢຸງ ພົບປະກັບທ່ານ ສົມເດັດ ຮຸນແຊນ. ພາບ: ດຶກຕາມ/VNA

ໃນການພົບປະກັບທ່ານຜູ້ນຳຂັ້ນສູງຂອງລາວ, ສອງຝ່າຍ ຢືນຢັນວ່າ ຈະສືບຕໍ່ເພີ່ມທະວີການແລກປ່ຽນຄະນະຜູ້ແທນຂັ້ນສູງ ແລະ ຜັນຂະຫຍາຍ ຜົນສຳເລັດຂອງບັນດາກົນໄກຮ່ວມມືສອງຝ່າຍ; ຕົກລົງກັນຕ້ອງສຳເລັດການພິຈາລະນາ ແລະ ເຊັນສັນຍາການຄ້າສະບັບໃໝ່ ລະຫວ່າງ ຫວຽດນາມ -ລາວ ໂດຍໄວ ເພື່ອສ້າງກອບກົດໝາຍໃຫ້ຄວາມມານະ ພະຍາຍາມພາເຮັດໃຫ້ມູນຄ່າການຄ້າສອງສົ້ນຂອງສອງປະເທດ ບັນລຸໄດ້ ລະດັບ 2 ຕື້ໂດລາສະຫະລັດເມື່ອປີ 2015.

ໃນການພົບປະກັບທ່ານນາຍົກລັດຖະມົນຕີ ກຳປູເຈຍ ຮຸນແຊນ, ສອງທ່ານນາຍົກຢືນຢັນຈະຕັດສິນໃຈຊຸກຍູ້ ການພົວພັນລະຫວ່າງສອງປະເທດ ໃຫ້ພັດທະນາຂຶ້ນ, ສືບຕໍ່ຮ່ວມມືຢ່າງແໜ້ນແຟ້ນໃນບັນດາຂົງເຂດຄືເສດຖະກິດ, ການຄ້າ, ການລົງທຶນ, ຄວາມສະຫງົບ, ປ້ອງກັນປະເທດ…
ມານະພະຍາຍາມພາເຮັດໃຫ້ມູນຄ່າສອງສົ້ນບັນລຸໄດ້ເປົ້າໝາຍ 5 ຕື້ໂດລາສະຫະລັດເມື່ອປີ 2015; ຢືນຢັນຈະຕັດສິນໃຈສຳເລັດ ວຽກງານ ຂີ້ນເສັ້ນຊາຍແດນ ແລະ ປັກຫຼັກໝາຍຊາຍແດນທາງບົກໂດຍໄວ ເພື່ອປະກອບສ່ວນກໍ່ສ້າງເສັ້ນຊາຍແດນແຫ່ງສັນຕິພາບ, ມິດຕະພາບ, ສະຖຽນນະພາບ ແລະ ພັດທະນາລະຫວ່າງສອງປະເທດ.
ໂດຍ: VNA//VNP
ບັນດາບົດທີ່ຖືກນຳສະເໜີ