ທ່ານ ເຈີ່ນກວາງຮ່ວາຍ, ຫົວໜ້າກົມໃຫຍ່ປ້ອງກັນ, ຕ້ານໄພພິບັດທຳມະຊາດ
(ພາບ: Phương Hoa – TTXVN)
ກ່າວເປີດກອງປະຊຸມ, ທ່ານ ເຈີ່ນກວາງຮວ່າຍ ຫົວໜ້າກົມໃຫຍ່ປ້ອງກັນ ແລະ ຕ້ານໄພທຳມະຊາດ (ກະຊວງກະສິກຳ ແລະ ພັດທະນາຊົນນະບົດ ຫວຽດນາມ), ໃຫ້ຮູ້ວ່າ ນັບແຕ່ຕົ້ນປີເຖິງປະຈຸບັນ, ພາກພື້ນ APEC ໄດ້ປະເຊີນໜ້າກັບໄພທຳມາະຊາດທີ່ຜິດປົກກະຕິກໍ່ຄືສິ່ງທ້າທາຍຂອງທົ່ວໂລກກ່ຽວກັບການປ່ຽນແປງຂອງດິນຟ້າອາກາດ. ທ່ານ ເຈີ່ນກວາງຫາຍ ສະເໜີບັນດາສະມາຊິກ APEC ກວດກາຄືນບັນດາຂໍ້ຕົກລົງ ແລະ ພ້ອມກັນສ້າງກົນໄກລວມ, ເປັນເອກະພາບກ່ຽວກັບການປະຕິບັດໜູນຊ່ວຍໄພທຳມະຊາດຢູ່ພາກພື້ນ APEC ຢ່າງຮີບດ່ວນ.
ທີ່ກອງປະຊຸມ, ບັນດາຜູ້ແທນໄດ້ປຶກສາຫາລືກ່ຽວກັບບັນດາໂຄງການລະຫວ່າງຂະແໜງກ່ຽວກັບການປ້ອງກັນ ແລະ ຕ້ານໄພທຳມະຊາດ, ນຳສະເໜີເນື້ອໃນໃນໄລຍະຈະມາເຖິງ. ຜູ້ຕາງໜ້າບັນດາພື້ນຖານເສດຖະກິດ APEC ກໍ່ໄດ້ແບ່ງປັນບົດຮຽນຫຼາຍຢ່າງ, ຮູບແບບກ່ຽວກັບການຮັບມືຢ່າງຮີບດ່ວນຢູ່ບັນດາປະເທດ; ວຽກງານແກ້ໄຂຜົນຮ້າຍພາຍຫຼັງໄພທຳມະຊາດ. ກອງປະຊຸມ ຄັ້ງທີ 12 ຂອງກຸ່ມປະຕິບັດງານກ່ຽວກັບການຮັບມືກັບສະພາບການ APEC ຢ່າງຮີບດ່ວນ ໄດ້ດຳເນີນເປັນເວລາ 2 ວັນຄື: 21-22 ສິງຫາ.
(ແຫຼ່ງຄັດຈາກ VOV)