11/09/2017 09:11 GMT+7 Email Print Like 0

APEC 2017: ວິສາຫະກິດຂະຫນາດກາງແລະນ້ອຍຕ້ອງປ່ຽນແປງເພື່ອພັດທະນາ

      ໃນຂອບເຂດບັນດາການປະຊຸມຢູ່ສັບປະດາກອງປະຊຸມລັດຖະມົນຕີຂະຫນາດກາງແລະນ້ອຍ APEC 2017 ຢູ່ ນະຄອນ ໂຮ່ຈິມີນ, ຕອນເຊົ້າວັນທີ 10 ກັນຍາ ໄດ້ດຳເນີນກອງປະຊຸມສຳມະນາ APEC O2O Forum ໂດຍມີການເຂົ້າຮ່ວມຂອງນັກຄຸ້ມຄອງ, ນັກຊ່ຽວຊານເສດຖະກິດ, ນັກປະຖະກະຖາຫລາຍທ່ານ ທີ່ມາຈາກບັນດາພື້ນຖານເສດຖະກິດສະມາຊິກ APEC.
 
ການປະຊຸມຂ່າວກ່ຽວກັບ APEC 2017
ພາບ:BNEWS
      ເວທີປາໄສວິສາຫະກິດຂະຫນາດກາງ ແລະ ນ້ອຍ APEC O2O ແມ່ນເຫດການທີ 5 ໃນຈຳນວນ 6 ເຫດການຈັດຕັ້ງໃນປີນີ້. ຈຸດໝາຍຂອງເວທີປາໄສ ແມ່ນຍົກສູງກຳລັງຄວາມສາມາດແກ້ງແຍ້ງ ແລະ ເໝາະສົມໃຫ້ແກ່ startups, ສະຫນອງໃຫ້ startup ພື້ນຖານຫນຶ່ງເພື່ອແນະນຳບັນດາແຜນການດຳເນີນທຸລະກິດ, ຍົກສູງຄວາມຮັບຮູ້ກ່ຽວກັບສິ່ງທ້າທາຍ ຊື່ງ SME ແລະ startups ອາດຈະປະສົບໃນພື້ນຖານເສດຖະກິດດີຈີຕອນ. ກອງປະຊຸມສຳມະນາໄດ້ຮັບຖືວ່າ ແມ່ນກາລະໂອກາດສຳຄັນເພ່ອໃຫ້ບັນດາວິສາຫະກິດຂະຫນາດກາງ ແລະ ນ້ອຍ, ບັນດາບໍລິສັດເລີ່ມທຸລະກິດຢູ່ຫວຽດນາມ ມີກາລະໂອກາດສຳຜັດ, ພົບປະແລກປ່ຽນກັບບັນດາວິສາຫະກິດບັນດາປະເທດໃນ APEC ເພື່ອຊອກຮູ້, ຖອດຖອນບົດຮຽນ, ຄາດຄະເນລ່ວງຫນ້າສິ່ງທ້າທາຍໃນໄລຍະເຊື່ອມໂຍງ. ທ່ານ ເຈີນວັນຟາດ, ຜູ້ອຳນວຍການຝ່າຍບໍລິຫານ ບໍລິສັດ Robot ໃຫ້ຮູ້ວ່າ:
        “ວິສາຫະກິດຫວຽດນາມ ຄວນເຂົ້າຮ່ວມບັນດາເວທີປາໄສເສດຖະກິດຫລາຍກວ່າ ເພາະເສດຖະກິດປະຈຸບັນແມ່ນເຊື່ອມໂຍງເຂົ້າກັບໂລກ. ພວກເຮົາຕ້ອງກະກຽມກ່ອນ, ເປີດກວ້າງການພົວພັນດ້ານເສດຖະກິດ. ເຮັດຄືແນວນັ້ນ ວິສາຫະກິດຂະຫນາດກາງ ແລະ ນ້ອຍ ຈຶ່ງມີກາລະໂອກາດຄົງຕົວ ແລະ ພັດທະນາ.”
 (ແຫຼ່ງຄັດຈາກ VOV)
ບັນດາບົດທີ່ຖືກນຳສະເໜີ