• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ເຫດການ ແລະ ບັນຫາ

ACMECS 7 ແລະ CLMV 8: ມຸ່ງໄປສູ່ອະນຸພາກພື້ນແມ່ນຳ້ຂອງທີ່ຂະຫຍັນຂັນເຄື່ອນ ແລະ ວັດທະນາຖາວອນ

ບັນຫາໃຫ້ຄຳໝັ້ນສັນຍາຈະປົກປັກຮັກສາ, ນຳໃຊ້ແຫຼ່ງນຳ້ແມ່ນຳ້ຂອງຢ່າງມີປະສິດທິຜົນ, ຊອກຫາວິທີແກ້ໄຂຕົວຈິງເພື່ອກໍ່ສ້າງເຂດອະນຸພາກພື້ນແມ່ນຳ້ຂອງກາຍເປັນໃຈກາງເສດຖະກິດທີ່ຂະຫຍັນ ແລະ ວັດທະນາຖາວອນ ແມ່ນ ຜົນງານດີເດັ່ນທີ່ກອງປະຊຸມຂັ້ນສູງຍຸດທະສາດການຮ່ວມມືເສດຖະກິດ ອາເຢວາດີ-ເຈົ້າພະຍາ-ແມ່ຂອງ ຄັ້ງທີ 7 (ACMECS 7), ກອງປະຊຸມສັ້ນສູງກ່ຽວກັບການຮ່ວມມື ກຳປູເຈຍ-ລາວ-ມຽນມາ-ຫວຽດນາມຄັ້ງທີ 8 (CLMV 8) ແລະ ກອງປະຊຸມເວທີປາໄສເສດຖະກິດໂລກກ່ຽວກັບເຂດແມ່ນ້ຳຂອງ (WEF ແມ່ຂອງ) ຫາກໍ່ໄຂຂຶ້ນຢູ່ ຮ່າໂນ້ຍ ໃນວັນທີ 25 ແລະ 26 ຕຸລາ 2016.

ເພີ່ມທະວີການພົວພັນພາຍໃນກຸ່ມ:
 
ໃນຕອນບ່າຍວັນທີ 26 ຕຸລາ, ເມື່ອກ່າວປາໄສທີ່ກອງປະຊຸມ ຂ່າວສາກົນພາຍຫຼັງສິ້ນສຸດບັນດາກອງປະຊຸມ, ທ່ານນາຍົກ ລັດຖະມົນຕີ ຫງວຽນຊວນຟຸກ ໃຫ້ຮູ້ວ່າ ຫວຽດນາມ ຈັດຕັ້ງ 3 ກອງປະຊຸມແມ່ນ ACMECS 7, CLMV 8, WEF ​ແມ່​ຂອງ ​ແລະ ບັນລຸ​ໄດ້ຜົນ​ສຳ​ເລັດ​ຫຼາຍ​ຢ່າງ, ​ໃນ​ນັ້ນ WEF ​ແມ່​ຂອງ​ແມ່ນ​ຫົວຄິດ​ປະດິດ​ສ້າງ​ຂອງ ຫວຽດນາມ.

​ເຂົ້າ​ຮ່ວມ​ກອງປະຊຸມ​ມີ​ການ​ນຳ​ບັນດາ​ປະ​ເທດ​ທີ່​ກ່ຽວຂ້ອງ. ພິ​ເສດ, ​ເຈົ້າພາບ​ ຫວຽດນາມ ​ໄດ້​ເຊີນ​ບັນດາ​ຄູ່​ເຈລະຈາ​ພັດທະນາ​ຄື: ທະ​ນາຄາ​ນ​ໂລກ, ສະຫະ​ປະຊາ​ຊາດ, ທະນາຄານ​ພັດທະນາ ອາຊີ, ບັນດາ​ກຸ່ມ​ບໍລິສັດ​ໃຫຍ່​ຂອງ​ເວທີ​ປາ​ໄສ​ເສດຖະກິດ​ໂລກ ​ແລະ ບັນດາ​ປະ​ເທດ​ໃນ​ພາກ​ພື້ນ, ​ໃນ​ນັ້ນ ມີ​ວິ​ສາ​ຫະກິດ ຫວຽດນາມ ຫຼາຍ​ແຫ່ງ… ມາ​ເຂົ້າ​ຮ່ວມ​ໃນ​ບັນດາ​ເຫດການ.
 
ກ່ຽວ​ກັບ​ຜົນງານ​ອັນເດັ່ນຊັດ​​ໃນ​ເນື້ອ​ໃນ​ຮ່ວມ​ມືທີ່​ສາມ​ກອງ​ປະຊຸມບັນລຸ​ໄດ້, ທ່ານ​ນາຍົກລັດຖະມົນຕີ ຫງວຽນ​ຊວນ​ຟຸກ ​ໃຫ້​ຮູ້​ວ່າກອງ​ປະຊຸມ​ໄດ້​ປຶກສາ​ຫາລື​ບັນດາ​ວິທີ​ລະດົມ​​​ແຫຼ່ງກຳລັງ​ເພື່ອ​ພັດທະນາ ​ແລະ ຄົ້ນ​ຂຶ້ນ​ທ່າ​ແຮງ​ບົ່ມ​ຊ້ອນຂອງພາກ​ພື້ນ​ແມ່​ນຳ້ຂອງ.
 
ກອງ​ປະຊຸມ​ຄັ້ງ​ນີ້ ​ໄດ້​ສະ​ເໜີ​ອອກ​ຫຼາຍ​ວິທີ​ແກ້​ໄຂ​ໃໝ່​ຄື: ການຂະຫຍາຍຕົວ​ສີ​ຂຽວ, ພະຍາຍາມ​ກໍ່ສ້າງ​ສັນ​ຄົນ​ໜຶ່ງມຸ່ງ​ໄປ​ເຖິງ​ປະຊາຊົນ, ຮັບ​ມື​ກັບ​ການ​ປ່ຽນ​ແປງ​ຂອງ​ດິນ​ຟ້າ​ອາກາ​ດຢ່າງ​ທັນ​ການ. ກອງ​ປະຊຸມ​ບໍ່​ພຽງ​ແຕ່​ປຶກສາ​ຫາລືບັນດາ​​ແຜນນະ​ໂຍບາຍ​ເທົ່າ​ນັ້ນ, ຫາກ​ຍັງ​ໄດ້​ສະ​ເໜີ​ອອກຫຼາຍ​ວິທີ​ແກ້​ໄຂ​ຕົວ​ຈິງ​ເພື່ອ​ເຊື່ອມ​ຕໍ່ ACMECS ​ແລະ CLMV ອີກ​ດ້ວຍ.

ທ່ານນາຍົກລັດຖະມົນຕີ ຫງວຽນຊວນຟຸກ ກ່າວປາໄສ
ທີ່ພິທີໄຂກອງປະຊຸມຂັ້ນສູງ
ACMECS 7 ແລະ CLMV8. ພາບ: VNA



ພາບໃນພິທີໄຂກອງປະຊຸມຂັ້ນສູງ ACMECS 7 ແລະ CLMV8. ພາບ: VNA


ທ່ານນາຍົກລັດຖະມົນຕີ ຫງວຽນຊວນຟຸກ ແລະ ບັນດາ ທ່ານຫົວໜ້າຄະນະ
ທີ່ເຂົ້າຮ່ວມ
ພິທີໄຂກອງປະຊຸມຂັ້ນສູງ ACMECS 7 ແລະ CLMV8. ພາບ: VNA



ບັນດາທ່ານຜູ້ແທນທີ່ເຂົ້າຮ່ວມພິທີໄຂກອງປະຊຸມຂັ້ນສູງ ACMECS 7 ແລະ CLMV8. ພາບ: VNA

ທີ່​ກອງ​ປະຊຸມ CLMV 8, ບັນດາ​ທ່ານ​ຜູ້ນຳ​ໄດ້​ເປັນ​ເອກະພາບ​ວ່າ ຈະ​ຜັນ​ຂະຫຍາຍ​ບັນດາ​ວິທີ​ແກ້​ໄຂ​ຕົວ​ຈິງ​ເພື່ອ​ເພີ່ມ​ທະວີ​ຄວາມ​ສະ​ໜິດຕິດ​ພັນພື້ນຖານ​ເສດຖະກິດ ​ແລະ ການ​ຕະຫຼາດ​ຂອງ 4 ປະ​ເທດ, ມຸ່ງ​ໄປ​ເຖິງ​ພາກ​ພື້ນ​ໜຶ່ງທີ່​ເຊື່ອມ​ຕໍ່​ຕະຫຼອດ. ​ໃນ​ນັ້ນ ມີ​ເລື່ອງ​ຍູ້​ໄວ​ການ​ກໍ່ສ້າງ​ບັນດາ​ເສັ້ນທາງ​ທີ່​ຍັງ​ຂາດ ​ແລະ ຍົກ​ລະດັບບັນດາ​​ເສັ້ນທາງ​ທີ່​ຂຶ້ນ​ກັບລະບຽງ​ເສດຖະກິດ ​ເໜືອ-​ໃຕ້ (NSEC), ​ລະບຽງ​ເສດຖະກິດ ຕາ​ເວັນ​ອອກ-​ຕາ​ເວັນ​ຕົກ (EWEC) ​ແລະ ລະບຽງ​ເສດຖະກິດ​ທາງ​​ໃຕ້ (SEC); ກໍ່ສ້າງ​ເສັ້ນທາງ​ດ່ວນ​ເຊື່ອມ​ຕໍ່ ວຽງ​ຈັນ ​ແລະ ຮ່າ​ໂນ້ຍ ​ເພື່ອ​ສ້າງ​ຄວາມ​ສະ​ດວກ​ໃຫ້​ແກ່​ການ​ຂົນ​ສົ່ງ​ສິນຄ້າ ​ແລະ ຜູ້​ໂດຍສານ ລະຫວ່າງ ສອງ​ນະຄອນຫຼວງ…
 
ທີ່​ກອງ​ປະຊຸມ ACMECS 7, ບັນດາ​ທ່ານ​ຜູ້ນຳ​ໄດ້​ອະນຸມັດຜ່ານ​ຖະ​ແຫຼ​ງການ ຮ່າ​​ໂນ້ຍ ດ້ວຍ​ເປົ້າ​ໝາຍ​ຈະ​ກໍ່ສ້າງ​​ພາກພື້ນ​ແມ່​ນຳ້ຂອງ​ໃຫ້​ກາຍ​ເປັນ​ໃຈ​ກາງ​ເສດຖະກິດ​ທີ່​ຂະຫຍັນຂັນ​ເຄື່ອນ ​ແລະ ພັດທະນາ​ຢ່າງ​ໝັ້ນຄົງ. ​ໃນ​ນັ້ນ ບຸລິມະສິດສຸມ​ໃສ່​ເຂົ້າ​​ໃນ​ບັນດາ​ຂົງ​ເຂດ​ຄື: ການ​ຄົມມະນາຄົມ, ການ​ຄ້າ-​ການ​ລົງທຶນ ​ແລະ ພັດທະນາ​ອຸດສາຫະກຳ, ການທ່ອງທ່ຽວ, ກະ​ສິກຳ ​ແລະ ສິ່ງ​ແວດ​ລ້ອມ​. 


ທ່ານນາຍົກລັດຖະມົນຕີ ຫງວຽນຊວນຟຸກ ແລະ ບັນດາທ່ານຫົວໜ້າຄະນະ
ຖ່າຍຮູບຮ່ວມກັນທີ່ກອງປະຊຸມ ຂັ້ນສູງ
ACMECS 7. ພາບ: VNA



ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເປັນປະທານ ໃນກອງປະຊຸມຂັ້ນສູງ ACMECS 7. ພາບ: VNA


ພາບທັງໝົດໃນກອງປະຊຸມຂັ້ນສູງ ACMECS 7. ພາບ: VNA


ທ່ານນາຍົກລັດຖະມົນຕີ ຫງວຽນຊວນຟຸກ ແລະ ບັນດາທ່ານຫົວໜ້າຄະນະ
ຖ່າຍຮູບຮ່ວມກັນທີ່ກອງປະຊຸມ ຂັ້ນສູງ
CLMV8. ພາບ: VNA



ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເປັນ ປະທານໃນກອງປະຊຸມຂັ້ນສູງ CLMV8. ພາບ: VNA


ພາບທັງໝົດໃນກອງປະຊຸມຂັ້ນສູງ CLMV8. ພາບ: VNA

ນຳ​ໃຊ້​ແຫຼ່ງນຳ້​ຢູ່​​ແມ່​ນຳ້ຂອງ​ຢ່າງ​ມີ​ປະສິດທິຜົນ ​ແລະ ສະ​ເໝີ​ພາບ
 
ໜຶ່ງ​ໃນບັນດາ​ບັນຫາ​ທີ່​ສຳຄັນ ກ່ຽວຂ້ອງ​ເຖິງ​ການ​ພັດທະນາຢ່າງ​ໝັ້ນຄົງ​ຂອງ​ບັນດາ​ປະ​ເທດ​​ໃນ​ຂົງ​ເຂດ​ອະນຸ​ພາກ​ພື້ນແມ່​ນຳ້ຂອງ, ນັ້ນ​ແມ່ນ​ບັນຫາ​ປົກ​ປັກ​ຮັກສາ, ຂຸດ​ຄົ້ນ ​ແລະ ນຳ​ໃຊ້ແຫຼ່ງນຳ້​ຢູ່​ແມ່​ນຳ້ຂອງ. ບັນຫາ​ນີ້ ບໍ່​ພຽງ​ແຕ່​ໄດ້​ເອົາ​ມາ​ພິຈາລະນາ​ຢູ່ ACMECS ຫຼື CLMV ​​ເທ່ົາ​ນັ້ນ, ຫາກ​ຍັງ​ໄດ້​ເອົາ​ມາ​ພິຈາລະນາ​ຢູ່​ຫຼາຍ​ເວທີ​ປາ​ໄສ​ຕ່າງໆ ຄື: ​ແມ່​ຂອງ-​ຍີ່ປຸ່ນ, ​ແມ່​ຂອງ- ສ.​ເກົາຫຼີ, ​ແມ່​ຂອງ-​ອາ​ເມ​ລິ​ກາ, ​ແມ່​ຂອງ-​ຈີນ ​ແລະ ອື່ນໆ.
 
ຄະນະ​ກຳມາ​ທິການ​ແມ່​ນຳ້ຂອງ​ສາກົນ (MRC) ​ເປັນ​ອົງການສາກົນ​ໜຶ່ງ​ທີ່ມີ​ບັນດາ​ຂໍ້​ຕົກລົງ, ຂໍ້​ສັນຍາ​ມີ​ຄວາມ​ຜູກ​ມັດ, ຮຽກຮ້ອງ​ໃຫ້​ບັນດາ​ສະມາຊິກ​ຂອງ​ອົງການ​ນັ້ນ ຕ້ອງ​ປະຕິບັດ​ຕາມ​ເມື​່ອນຳ​ໃຊ້​ແຫຼ່ງນຳ້ຂອງ​ແມ່​ນຳ້ຂອງ. 
ທ່ານນາຍົກລັດຖະມົນຕີ ຫງວຽນຊວນຟຸກ ແລະ ບັນດາທ່ານຫົວໜ້າຄະນະທີ່ເຂົ້າຮ່ວມເວທີປາໄສເສດຖະກິດ
ໂລກກ່ຽວກັບແມ່ນ້ຳຂອງ (WEF - ແມ່ຂອງ) ຖ່າຍຮູບ
ຮ່ວມກັນ. ພາບ: VNA



ພິທີໄຂເວທີປາໄສເສດຖະກິດໂລກກ່ຽວກັບແມ່ນ້ຳຂອງ
(WEF - ແມ່ຂອງ). ພາບ: VNA



ທ່ານນາຍົກລັດຖະມົນຕີ ຫງວຽນຊວນຟຸກ ກ່າວປາໄສ
ໃນພິທີໄຂເວທີປາໄສເສດຖະກິດໂລກກ່ຽວກັບແມ່ນ້ຳຂອງ (
WEF - ແມ່ຂອງ). ພາບ: VNA



ທ່ານນາຍົກລັດຖະມົນຕີ ຫງວຽນຊວນຟຸກ ສົນທະນາໃນ
ເວທີປາໄສເສດຖະກິດໂລກກ່ຽວກັບແມ່ນ້ຳຂອງ (
WEF - ແມ່ຂອງ). ພາບ: VNA



ບັນດາທ່ານຜູ້ແທນເຂົ້າຮ່ວມເວທີປາໄສເສດຖະກິດໂລກ
ກ່ຽວກັບແມ່ນ້ຳຂອງ (WEF - ແມ່ຂອງ). ພາບ: VNA

ເພາ​ະສະ​ນັ້ນ, ທ່ານ ຫວູກວາງ​ມິນ, ຫົວໜ້າ​ຄະນະ​ເຈົ້າ​ໜ້າ​ທີ່ຂັ້ນ​ສູງ ຫວຽດນາມ ທີ່​ກອງ​ປະຊຸມ​ຂັ້ນ​ສູງ ACMECS 7 ​ແລະ CLMV 8 ​ໃຫ້​ຮູ້​ວ່າ ​ໃນ​ຂອງ​ເຂດ​ຂອງ ACMECS 7 ​ແລະ CLMV 8 ຄັ້ງ​ນີ້, ​ເນື້ອ​ໃນ​ພັດທະນາ​ຢ່າງ​ໝັ້ນຄົງ ​ແລະ ປົກ​ປັກຮັກສາ, ນຳ​ໃຊ້​ຢ່າງ​ມີ​ປະສິດທິ​ຜົນ, ​ເໝາະ​ສົມ ​ແລະ ສະ​ເໝີ​ພາບ​ແຫຼ່ງນຳ້​ຢູ່​ແມ່​ນຳ້ຂອງ ​ເປັນ​ເນື້ອ​ໃນ​ໜຶ່ງ​ສຸດ​ທີ່​ສຳຄັນ, ​ໄດ້ສະ​ແດງ​ອອກ​ໃນ​ຖະ​ແຫຼ​ງການ​ຮ່ວມ​ກອງ​ປະຊຸມ​ຂັ້ນ​ສູງ CLMV 8 ​ແລະ ຖະ​ແຫຼ​ງການ​ຮ່ວມ ຮ່າ​ໂນ້ຍ ຂອງ ACMECS 7.
 
ຄຳໝັ້ນ​ສັນຍາ​ໃນ​ເອກະສານ​ສອງ​ສະບັບ​ນີ້ ມີ​ລັກສະນະຂອບ​ເຂດ​ຈຳກັດ, ກຳນົດ​ທິດ​ໃຫ້​ບັນດາ​ປະ​ເທດ​ກໍ່ສ້າງ​ແຜນ​ການພັດທະນາ​ຂອງ​ຕົນ, ກໍ່​ຄື​ເພື່ອ​ພັດທະນາ​ບັນດາ​ໂຄ​ງການ​ຮ່ວມ​ມື​ລະຫວ່າງ​ບັນດາ​ປະ​ເທດ​ອີກ​ດ້ວຍ. ບັນດາຖະແຫຼງການ ຄືຢຶນຢັນວ່າ ຕ້ອງເພີ່ມທະວີການຮ່ວມມືລະຫວ່າງບັນດາປະເທດທີ່ກ່ຽວຂ້ອງໃນການນຳໃຊ້ແຫຼ່ງຊັບພະຍາກອນທຳມະຊາດຂອງແມ່ນຳ້ຂອງ; ສັນຍາຈະພະຍາຍາມບັນລຸໄດ້ເປົ້າໝາຍພັດທະນາຢ່າງໝັ້ນຄົງ,​ ໃນນັ້ນ ມີບັນຫານຳໃຊ້ຢ່າງມີປະສິດທິຜົນ, ປະຢັດ, ສະເໝີພາບແຫຼ່ງນຳ້ ກໍ່ຄືແຫຼ່ງຊັບພະຍາກອນຕ່າງໆ. 


CLMV ແລະ ACMECS ແມ່ນສອງກົນໄກຮ່ວມມືພາຍໃນກຸ່ມລະຫວ່າງບັນດາປະເທດໃນຂົງເຂດອະນຸພາກພື້ນແມ່ນຳ້ຂອງ. ສອງກົນໄກດັ່ງກ່າວ ໄດ້ສ້າງຂຶ້ນໂດຍຈຸດປະສົງແມ່ນຫຍໍ້ເຂົ້າລະຍະຫ່າງພັດທະນາ,​ ຍົກສູງກຳລັງຄວາມສາມາດໃນການແກ່ງແຍ້ງກັນ, ຊຸກຍູ້ການຂະຫຍາຍຕົວ ແລະ ເຊື່ອມໂຍງເສດຖະກິດຂອງບັນດາປະເທດອະນຸພາກພື້ນໃນກຸ່ມ ອາຊຽນ ແລະ ບົນເວທີສາກົນ, ຊ່ວຍເຫຼືອໃຫ້ແກ່ການກໍ່ສ້າງປະຊາຄົມ ອາຊຽນ.
 
ການຮ່ວມມື CLMV ໄດ້ສຸມໃສ່ເຂົ້າໃນ 6 ຂົງເຂດແມ່ນ: (1) ການຄ້າ ແລະ ການລົງທຶນ; (2) ພັດທະນາແຫຼ່ງຊັບພະ ຍາກອນມະນຸດ; (3) ກະສິກຳ; (4) ອຸດສາຫະກຳ; (5) ການຄົມມະນາຄົມ; (6) ການທ່ອງທ່ຽວ. ໃນ 6 ຂົງເຂດ ດັ່ງກ່າວ, ຫວຽດນາມ ຮັບຜິດຊອບ 2 ຂົງເຂດແມ່ນການຄ້າ ແລະ ການລົງທຶນ, ພັດທະນາແຫຼ່ງຊັບພະ ຍາກອນມະນຸດ.
 
ການຮ່ວມມື ACMECS ລວມມີ 8 ຂົງເຂດແມ່ນ: (1) ການຄ້າ ແລະ ການລົງທຶນ; (2) ສາທາລະນະສຸກ; (3) ກະສິກຳ; (4) ພັດທະນາແຫຼ່ງຊັບພະຍາກອນມະນຸດ; (5) ອຸດສາຫະກຳ-ພະລັງງານ; (6) ການຄົມມະນາຄົມ; (7) ການທ່ອງທ່ຽວ; (8) ສິ່ງແວດລ້ອມ. ໃນນັ້ນ ຫວຽດນາມ ຮັບຜິດຊອບ 2 ຂົງເຂດແມ່ນ ພັດທະນາແຫຼ່ງຊັບພະຍາກອນ ມະນຸດ ແລະ ອຸດສາຫະກຳ-ພະລັງງານ. ນອກຈາກນັ້ນ, ຫວຽດນາມ ແລະ ກຳປູເຈຍ ໄດ້ເປັນປະທານຮ່ວມໃນການຈັດທຳຂົງເຂດຮ່ວມມືດ້ານສິ່ງແວດລ້ອມ. 

 
ປະຕິບັດໂດຍ: VNA/VNP

ເຊີດຊູຄຸນຄ່າ ຂອງ ງານບຸນ ຫວຽດນາມ

ເຊີດຊູຄຸນຄ່າ ຂອງ ງານບຸນ ຫວຽດນາມ

ທ່າມກາງບັນຍາກາດທີ່ຄຶກຄື້ນ, ຕື່ນເຕັ້ນ ໃນມື້ຕົ້ນລະດູບານ ໃໝ່, ບັນດາງານບຸນປະເພນີ ຖືກຈັດຂຶ້ນຢູ່ທົ່ວປະເທດ, ຕາມ ເສັ້ນທາງທຸກສາຍ, ປະຊາຊົນ ແລະ ຄອບຄົວພາກັນ ໄປຮ່ວມ ງານບຸນ ຢ່າງກະຕືລືລົ້ນ ເພື່ອນຶກເຖິງຄຸນງາມຄວາມດີ ຂອງ ຜູ້ທີ່ໄດ້ປະກອບສ່ວນ ໃຫ້ບ້ານເກີດເມືອງນອນ, ປະເທດຊາດ ແລະ ອະທິຖານ ຂໍໃຫ້ປີໃໝ່ ຝົນຟ້າອາກາດເອື້ອອຳນວຍ, ຜົນລະປູກ ທີ່ອຸດົມສົມບູນ. ນັ້ນແມ່ນຄວາມງາມ ດ້ານວັດທະນະທຳ ທ່ີຄົງຕົວມາເປັນເວລາຫຼາຍພັນປີ ຂອງ ງານບຸນ ຫວຽດນາມ ທີ່ຕ້ອງໄດ້ຮັບການເຊີດຊູ. 

Top