25/12/2014 08:34 GMT+7 Email Print Like 0

63 ວິສາຫະກິດ ຮັບລາງວັນເຄື່່ອງໝາຍການຄ້າ ແຫ່ງຊາດຫວຽດນາມ ຄັ້ງທີ 4

ທ່ານ​ຮອງ​ນາ​ຍົກ​ລັດ​ຖະ​ມົນ​ຕີ ຮ່​ວາງ​ຈູງ​ຫາຍມອບ​ລາງວັນ
ໃຫ້​ແກ່​ວິ​ສາ​ຫະ​ກິດ
ພາບ:
vnexpress.net

ທີ່​ພິ​ທີ​ມອບ​ລາງວັນ​ເຄືື່ອງ​ໝາຍ​ການ​ຄ້າ​ແຫ່ງ​ຊາດ​ຫວຽດ​ນາມ​ຄັ້ງ​ທີ4ຊື່ງ ດ​ຳ​ເນີນ​ໄປ​ໃນ​ຕອນ​ຄ່ຳ​ວັນ​ທີ 23/12 ຢູ່ ຮ່າ​ໂນ້ຍ, 63 ວິ​ສາຫະ​ກິດ​ຂຶ້ນ​ກັບ​ບັນ​ດາ​ຂົງ​ເຂດ​ຄື: ກົນ​ຈັກ, ອຸ​ປະ​ກອ​ນ, ເຄື່ອງ​ຕ່ຳ​ແຜ່ນ​ຕັດ​ຫຍິບ, ເຕັກ​ໂນ​ໂລ​ຊີ, ໂທ​ລະ​ຄົມ​ມະ​ນາ​ຄົມ, ກະ​ສິ​ກຳ, ສິນ​ໃນ​ນ້ຳ, ການ​ເງິນ​ທະ​ນາ​ຄານ, ການ​ຄ້າ​ບໍ​ລິ​ການ, ອະ​ສັງ​ຫາ​ລິ​ມະ​ຊັບ… ໄດ້​ຮັບ​ລາງວັນ​ເຄື່ອງ​ໝາຍ​ການ​ຄ້າ​ແຫ່ງ​ຊາດ​ຫວຽດ​ນາມ ຄັ້ງ​ທີ 4 ໂດຍ​ສະ​ພາ​ເຄື່ອງ​ໝາຍ​ການ​ຄ້າ​ແຫ່ງ​ຊາດ ແລະ ກະ​ຊວງ​ອຸດ​ສາ​ຫະ​ກຳ​ການ​ຄ້າ​ຫວຽດ​ນາມ ຈັດ​ຕັ້ງ​ຂຶ້ນ. ກ່າວ​ຄຳ​ເຫັນ​ນະ​ພິ​ທີ, ທ່ານ​ຮອງ​ນາ​ຍົກ​ລັດ​ຖະ​ມົນ​ຕີ ຮ່​ວາງ​ຈູງ​ຫາຍ ໄດ້​ສະ​ເຫນີ​ສະ​ພາ​ເຄື່ອງ​ໝາຍ​ການ​ຄ້າ​ແຫ່ງ​ຊາດ​ສືບ​ຕໍ່​ເສີມ​ຂະ​ຫຍາຍ​ບັນ​ດາ​ໝາກ​ຜົນ​ບັນ​ລຸ​ໄດ້ ແລະ ຮັບ​ເອົາ​ຄຳ​ເຫັນ​ຂອງ​ບັນ​ດາ​ວິ​ສາ​ຫະ​ກິດ ເພື່ອ​ສ້າງ​ລາຍ​ການ​ເຄື່ອງ​ໝາຍ​ການ​ຄ້າ​ແຫ່ງ​ຊາດ​ຢ່າງ​ມີ​ປະ​ສິດ​ທິຜົນ​ກວ່າ, ຕອບ​ສະ​ຫນອງ​ຄວາມ​ຮຽກ​ຮ້ອງ​ຕ້ອງ​ການ​ຂອງ​ການ​ເຊື່ອມ​ໂຍງ.  ທ່ານ​ຮອງ​ນາ​ຍົກ​ລັດ​ຖະ​ມົນ​ຕີ ຮ່​ວາງ​ຈູງ​ຫາຍ ເນັ້ນ​ຫນັກ​ວ່າ: ໃນ​ໄລ​ຍະ​ຈະ​ມາ​ເຖິງ, ລັດ​ຖະ​ບານ ສືບ​ຕໍ່​ປະ​ຕິ​ບັດ​ຈຸດ​ໝາຍ​ຮັກ​ສາ​ເສດ​ຖະ​ກິດ​ມະ​ຫາ​ພາກ​ເປັນ​ປົກ​ກະ​ຕິ, ສ້າງ​ສະ​ພາບ​ແວດ​ລ​້ອມ​ແຫ່ງການ​ດຳ​ເນີນ​ທຸ​ລະ​ກິດເພື່ອໃຫ້​​ບັນ​ດາ​ວິ​ສາ​ຫະ​ກິດ​ເຄື່ອນ​ໄຫວ​ຜະ​ລິດ​ດຳ​ເນີນ​ທຸ​ລະ​ກິດ​ຢ່າງ​ສະ​ດວກກວ່າ. ທ່ານ​ຮອງ​ນາ​ຍົກ​ລັດ​ຖະ​ມົນ​ຕີ ຮ່​ວາງ​ຈູງ​ຫາຍ ເນັ້ນ​ຫນັກ​ວ່າ:

        “ສຳ​ລັບ​ບັນ​ດາ​ວິ​ສາ​ຫະ​ກິດ, ຂ້າ​ພະ​ເຈົ້າ​ປາດ​ຖ​ະ​ຫນາ​ວ່າ ພວກ​ເຮົາ​ສືບ​ຕໍ່​ມາ​ນະ​ພະ​ຍາ​ຍາມ, ມີ​ຄວາມ​ຂະ​ຫ​ຍັນ​ຂັນ​ເຄື່ອນ, ມີ​ຫົວ​ຄິດ​ປະ​ດິດ​ສ້າງ ກວ່າ​ອີກ ເພື່ອ​ສ້າງ​ເຄື່ອງ​ໝາຍ​ການ​ຄ້າ​ຂອງ​ຕົນ. ວິ​ສາ​ຫະ​ກິດ​ສ້າງ​ເຄື່ອງ​ໝາຍ​ການ​ຄ້າ​ແຫ່ງ​ຊາດ​ໃຫ້​ແກ່​ຜະ​ລິດ​ຕະ​ພັນ​ຂອງ​ຕົນ ບໍ່​ພຽ​ງ​ແຕ່​ໃຫ້​ແກ່ສະ​ເພາະວິ​ສາ​ຫະ​ກິດ​ຕົນ​ເທົ່າ​ນັ້ນ ຫາກ​ນັບ​ທັງ​ປະ​ເທດ​ຊາດ​ອີກ​ດ້ວຍ.”

 (ແຫຼ່ງຄັດຈາກ VOV)

ບັນດາບົດທີ່ຖືກນຳສະເໜີ