24/07/2014 09:17 GMT+7 Email Print Like 0

ຜູ້ສະສົມ ຊຸດແຜນທີ່ກ່ຽວກັບ ອະທິປະໄຕ ທະເລ ໝູ່ເກາະ ຂອງຫວຽດນາມ

ນັກຄົ້ນຄວ້າ, ສາດສະດາຈານ ຫງວຽນດິ່ງເດົ່າ ໄດ້ສະຫງວນ ຕະຫຼອດຊີວິດ ຂອງຕົນ ເພື່ອການຄົ້ນຄວ້າບັນດາກິດຈະການ ກ່ຽວກັບດິນແດນ ເຂດແຄ້ວນ ຂອງຫວຽດນາມ ຜ່ານຫຼາຍ ໄລຍະ. ເພິ່ນມີຊຸດສະສົມກ່ຽວກັບແຜນທີ່ ຫວຽດ ນາມ ກວ່າ 3000 ແຜ່ນ, ໃນນັ້ນ ມີຫຼາຍແຜ່ນ ໂດຍຊາວຫວຽດນາມ ເປັນຜູ້ ແຕ້ມ, ຫຼາຍແຜ່ນໂດຍຊາວຈີນເປັນຜູ້ແຕ້ມ ຫຼື ຊາວ ຕາເວັນຕົກເປັນຜູ້ແຕ້ມ ກໍມີ. ສິ່ງທີ່ພິເສດວ່າ ແຜນທີ່ ແຜ່ນ ຕ່າງໆທີ່ມີຄ່ານັ້ນ ລ້ວນແຕ່ຢືນຢັນອະທິ ປະໄຕ ຂອງຫວຽດນາມທີ່ມີຕໍ່ ໝູ່ເກາະສອງແຫ່ງຄື ຮວ່າງຊາ ແລະ ເຈື່ອງຊາ.
 
ສາດສະດາຈານ ຫງວຽນດິ່ງເດົ່າເປັນທີ່ຮູ້ຈັກແຜ່ຫຼາຍ ໃນ ຂົງເຂດ ຄະນິດສາດ-ປະຫວັດສາດຫວຽດນາມ ແລະ ໄດ້ ຮັບການ ຕີລາຄາວ່າ ເປັນ ນັກວິທະຍາສາດມີຄວາມ ໝົດຈິດໝົດໃຈ ກັບວຽກງານ ແລະ ຍາດ ໄດ້ຜົນງານສຳຄັນ ຫຼາຍຢ່າງ ໃຫ້ແກ່ພື້ນຖານ ວິທະຍາສາດຫວຽດນາມ ຈາກ ວົງການຄົ້ນຄວ້າ.

ສາດສະດາຈານ ຫງວຽນດິ່ງເດົ່າ ເກີດເມື່ອປີ 1920 ທີ່ ຮ່າໂນ້ຍ. ແຕ່ຄາວຍັງນ້ອຍ, ເພິ່ນໄດ້ໄປນຳແມ່ ເພື່ອ ການຫາລ້ຽງຊີບ ແລະ ຮຳ່ຮຽນຢູ່ໂຮງຮຽນປະຖົມ ຝຣັ່ງ-ຫວຽດນາມ. ໃນໄລຍະແຕ່ ປີ 1940-1941, ອ້າຍ ບ່າວ ຫງວຽນດິ່ງເດົ່າ ໄດ້ ຮັບໜ້າທີ່ແຕ້ມແຜນທີ່ ໃນຂະນະຕິດຕາມນຳທ່ານ ຮວ່າງດ້າວຖຸ໋ຍ(1900-1994, ນັກປະຕິວັດ, ນັກເຄື່ອນໄຫວ ວັດທະນະທຳ ສັງຄົມຫວຽດນາມ) ໄປເຮັດວຽກງານ ເປັນຜູ້ ພາທາງ ຢູ່ອ້ອມ ຂ້າງ ໂຮ່ໄຕ(ໜອງໄຕ). ຈາກນັ້ນ, ໃນຕົວເພິ່ນ ກໍໄດ້ປະກົດອອກຄວາມເມົາມົວ ກັບແຜນທີ່ບູຮານຕ່າງໆ ກ່ຽວກັບຫວຽດນາມ. 
 

ສາດສະດາຈານ ຫງວຽນດິ່ງເດົ່າ, ນັກຄົ້ນຄວ້າແຖວໜ້າກ່ຽວກັບ
ທະເລຕາເວັນອອກ. (ເດືອນມິຖຸນາ 2014)


ສາດສະດາຈານ ຫງວຽນດິ່ງເດົ່າ ໃນການປະຊຸມຂ່າວ ແນະນຳປຶ້ມຂອງເພິ່ນກ່ຽວກັບຫົວເລື່ອງ “ອະທິປະໄຕ
ຫວຽດນາມບົນທະເລຕາເວັນອອກ ແລະ ຮວ່າງຊາ-ເຈື່ອງຊາ ໃນເດືອນ 6/2014. ພາບ: ເລມິນ


ຮອງສາດສະດາຈານ. ດຣ ຟານແທງບິ່ງ, ຜູ້ອຳນວຍການ ມະຫາວິທະຍາໄລແຫ່ງຊາດ ນະຄອນໂຮ່ຈີມິນ (ຜູ້ນອກສຸດ ຢູ່ເບື້ອງຊ້າຍ) ແນະນຳກ່ຽວກັບ ກິດຈະການຄົ້ນຄວ້າ “ອະທິປະໄຕຫວຽດນາມບົນທະເລຕາເວັນອອກ ແລະ  ຮ່ວາງຊາ-ເຈື່ອງຊາ” ຂອງສາດສະດາຈານ ຫງວຽນດິ່ງເດ່ົາ.

ທ່ານນາງ ຫວໍທິຢຸງ, ປະທານຄະນະກຳມະການສູນກາງ ແນວໂຮມປະເທດຊາດຫວຽດນາມ ນະຄອນໂຮ່ຈີມິນ
 ມອບຊໍ່ດອກໄມ້ ສະແດງຄວາມຍິນດີ ຕໍ່ທ່ານສາດສະດາຈານ ຫງວຽນດິ່ງເດົ່າ. 
ພາຍຫຼັງໄດ້ຮັບໃບປະກາດປະລິນຍາຕີ ຂະແໜງການ ວິທະຍາສາດ-ສັງຄົມ ສັງກັດມະຫາວິທະຍາໄລ ກາ ໂຕລິກ ປາຣີ(ຝຣັ່ງ), ປີ 1953, ທ່ານ ຫງວຽນດິ່ງເດົ່າ ໄດ້ໃຊ້ຊີວິດ ແລະ ເຮັດວຽກຢູ່ໄຊງ່ອນ(ປັດຈຸບັນ ແມ່ນ ນະຄອນໂຮ່ຈີມິນ). ເນື່ອງຈາກ ຄວາມຮັກມັກ ແລະ ມີພອນສາຫວັນ ກ່ຽວກັບການ ແຕ້ມແຜນທີ່ ທ່ານ ເດົ່າ ໄດ້ກ້າວເຂົ້າສູ່ການຄົ້ນຄວ້າ ປະຫວັດສາດ ຂອງບ້ານເມືອງ ຜ່ານແຜນທີ່ບູຮານແຜ່ນຕ່າງໆດ້ວຍ ຄວາມ ເບິ່ງລຳ່ຄຳ່ຄອຍທີ່ສຸດ.

ມາບັດນີ້, ສາດສະດາຈານ ຫງວຽນດິ່ງເດົ່າ ສະສົມແຜນທີ່ ຫວຽດນາມໄດ້ກວ່າ 3000 ແຜ່ນ, ລວມມີ ຫຼາຍ ຮ້ອຍ ແຜ່ນ ສຸດທີ່ມີຄ່າ ຊຶ່ງພັນລະນາກ່ຽວກັບ ທະເລ ໝູ່ເກາະ ແລະ ໄຫຼ່ທະວີບ ຂອງຫວຽດນາມຢ່າງ ລະ ອຽດ, ດ້ວຍເຫດນັ້ນ ຈຶ່ງມີ ຜົນປະໂຫຍດທີ່ສຸດ ສຳລັບ ບັນດານັກຄົ້ນຄວ້າ ຫວຽດນາມ ໃນການອີງໃສ່ ພະ ຍານຫຼັກຖານ ຢ່າງແຈ້ງຊັດເຫຼົ່ານີ້ ເພື່ອ ຢືນຢັນອະທິປະໄຕຂອງຫວຽດນາມທີ່ມີຕໍ່ໝູ່ເກາສອງແຫ່ງ ຄື ຮວ່າງຊາ, ເຈື່ອງຊາ. ມີແຜນທີ່ຫຼາຍແຜ່ນມີ ແຕ່ສະຕະວັດທີ XV, ຫຼາຍແຜ່ນອື່ນໆ ທີ່ກະຊວງຊັບພະ ຍາ ກອນ-ສິ່ງແວດລ້ອມຂອງຫວຽດນາມກໍບໍ່ມີ. ແຜນທີ່ໂລກ ເປັນ ສ່ວນຫຼາຍນັ້ນ ທ່ານຕ້ອງຊື້ມາຈາກຕ່າງ ປະ ເທດ ແລະ ມີແຜນທີ່ພຽງແຜ່ນໜຶ່ງ ຢູ່ຫໍສະໝຸດແຫ່ງຊາດຝຣັ່ງທີ່ປາຣີ, ເພິ່ນຕ້ອງແຕ້ມຄືນໃໝ່ ຍ້ອນບໍ່ໄດ້ ອະ ນຸຍາດໂຟໂຕກອບປິ.

ທ່ານສາດສະດາຈານ ຫງວຽນດິ່ງເດົ່າໄດ້ແບ່ງປັນວ່າ: “ຂ້າພະເຈົ້າຖືວ່າ ແຜນທີ່ເປັນ ພາຫະນະທີ່ສຳຄັນ ເພື່ອການ ຄົ້ນຄວ້າ, ຍ້ອນວ່າແຜນທີ່ແຜ່ນຕ່າງໆນັ້ນ ໄດ້ຊ່ວຍອະທິບາຍ ຫຼາຍຢ່າງ ທີ່ມີຄວາມກ່ຽວພັນ ເຖິງ ພູມສາດ ແລະ ປະຫວັດສາດ. ສິ່ງສຳຄັນຍິ່ງກວ່າອີກວ່າ, ແຜນທີ່ເປັນ ຫຼັກຖານພະຍານເດ່ັນຊັດ ແລະ ມີວິທະຍາສາດ ຊຶ່ງຊ່ວຍ ຊອກເຫັນຄວາມຈິງໃນປະຫວັດສາດ”.

ຜ່ານການຄົ້ນຄວ້າແຜນທີ່ນັບພັນໆແຜ່ນ, ທ່ານເດົ່າໄດ້ມີການ ສັງເກດເຫັນວ່າ, ແຜນທີ່ຈີນເກືອບທັງໝົດ ແຕ້ມກ່ຽວກັບ ຫວຽດນາມໃນສະຕະວັດທີ XV ຫຼືວ່າ ກ່ອນໜ້ານັ້ນອີກ, ເຖິງ ຕົ້ນສະຕະວັດທີ XX, ລ້ວນແຕ່ ຈົດຊື່ທະເລທາງທິດ ຕາເວັນອອກຂອງຫວຽດນາມ ແມ່ນ ຢາວຈີ່ເຢືອງ (ຢາວຈີ່ແມ່ນ ຊື່ຂອງຫວຽດນາມ ໃນ ເມື່ອກ່ອນ) ຫຼືວ່າ ໂດງເຢືອງດ້າຍຫາຍ ຫຼື ໂດງນາມຫາຍ ຊຶ່ງລ້ວນແຕ່ມີຄວາມໝາຍແມ່ນ ທະເລ ຂອງ ຢາວຈີ່ ຫຼືເອີ້ນແບບງ່າຍໆວ່າ ທະເລຕາເວັນອອກ ຂອງ ຫວຽດນາມ. ສ່ວນສຳລັບແຜນທີ່ຂອງນັກເດີນທະເລ Diogo Ribeir ຊາວປອກຕຸຍການ ໄດ້ຈົດກ່າຍວ່າ ຝັ່ງທະເລ Pracel(Costa de Pracel) ແມ່ນ ຢູ່ຍ່ານຝັ່ງທະເລ ຂອງ ແຂວງກວ່າງຫງາຍ ໃນປັດຈຸບັນ. ພາຍຫຼັງຄົ້ນພົບໝູ່ເກາະ Pracel(ການເອີ້ນຊື່ ຮວ່າງ ຊາ, ເຈື່ອງຊາຂອງຊາວຕາເວັນຕົກ) ນອນຢູ່ກາງທະເລຕາເວັນອອກ ໃນເມື່ອປີ 1525, ທ່ານ Diogo Ribeiro ໄດ້ກຳນົດ ໝູ່ເກາະທະເລດັ່ງກ່າວແມ່ນ ສັງກັດ ອະທິປະໄຕຂອງ Cochin (ການຜັນສຽງຂອງ ຊາວ ຕາເວັນຕົກ ເມື່ອເອີ້ນຊື່ ຢາວຈີ່).

ເວົ້າກ່ຽວກັບອະທິປະໄຕ ຂອງຫວຽດນາມ ທີ່ມີຕໍ່ຮວ່າງຊາ ແລະ ເຈື່ອງຊາ, ສາດສະດາຈານ ຫງວຽນດິ່ງເດົ່າ ໄດ້ອ້າງຫຼັກຖານ ທີ່ໄດ້ຍົກຂຶ້ນມາ ຈາກແຜນທີ່ແຜ່ນຕ່າງໆ ຂອງຊາວຕາເວັກຕົກ ແຕ່ສະຕະວັດທີ XVI-XIX ຊຶ່ງ ລ້ວນແຕ່ຈົດກ່າຍ ຫຼື ແຕ້ມ ໝູ່ເກາະ Paracel ຫຼື Pracel ຢູ່ລະຫວ່າງກາງທະເລ ຕາເວັນອອກ ແລະ ຝັ່ງທະເລ Paracel ຍາມໃດ ກໍຕັ້ງຢູ່ຝັ່ງ ທະເລແຂວງກວ່າງນາມ-ແຄ໋ງຮ່ວາຂອງ ຫວຽດນາມ. ທ່ານ ເດົ່າ ກໍຖື ວ່າ, ຕົວເອງເພິ່ນບໍ່ເຄີຍເຫັນ ແຜ່ນທີ່ໂລກແຜ່ນໃດ ຈົດກາຍວ່າ ຝັ່ງທະເລ Paracel ແມ່ນຢູ່ທາງທິດໃຕ້ ຂອງຈີນ, ຢູ່ຟີລິບປິນ ຫຼື ມາເລເຊຍ. ທັງໝົດ ສິ່ງດັ່ງກ່າວສະແດງ ໃຫ້ເຫັນວ່າ, ຮວ່າງຊາ ແລະ ເຈື່ອງຊາ ແມ່ນຂອງ ຫວຽດນາມ.

ສາດສະດາຈານ ຫງວຽນດິ່ງເດົ່າ ແນະນຳແຜນທີ່ບູຮານ ແຜ່ນໜຶ່ງໂດຍທ່ານເອງເປັນຜູ້ສະສົມ ຊຶ່ງໄດ້ພັນລະນາ
ກ່ຽວກັບເຂດທະເລໝູ່ເກາະ ແລະ ໄຫຼ່ທະວີບຂອງຫວຽດນາມ ຢ່າງລະອຽດ. ພາບ: ເລມິນ


ສາດສະດາຈານ ຫງວຽນດິ່ງເດົ່າ ຕອບສຳພາດ ຕໍ່ວົງການ ໜັງສືພິມ ກ່ຽວກັບບັນຫາຕ່າງໆ
ທີ່ກ່ຽວພັນເຖິງ ອະທິປະໄຕຂອງຫວຽດນາມຢູ່ທະເລຕາເວັນອອກ.


ຜົນການປະດິດແຕ່ງຂອງທ່ານເດົ່າ ທີ່ພາດຫົວເລື່ອງ: “ອະທິປະໄຕ ຂອງຫວຽດນາມ
ບົນທະເລຕາເວັນອອກ ແລະ ຮວ່າງຊາ-ເຈື່ອງຊາ”. ພາບ: ເລມິນ


ນອກຈາກຂໍ້ມູນຂ່າວສານທີ່ມີລັກສະນະວິຊາການຄົ້ນຄວ້າ, ປຶ້ມຫົວນີ້ກໍຍັງມີແຜນທີ່ຫຼາຍແຜ່ນທີ່ມີຄວາມກ່ຽວພັນເຖິງ ອະທິປະໄຕຂອງຫວຽດນາມທີ່ມີຕໍ່ສອງໝູ່ເກາະຮວ່າງຊາ ແລະ ເຈື່ອງຊາ. 
 
ເພື່ອສະແດງຄວາມຕັ້ງໝັ້ນ ຈິດໜຶ່ງໃຈດຽວກັບ ປະເທດຊາດບ້ານເມືອງ ແລະ ຢືນຢັນ ອະທິປະໄຕຂອງ ຫວຽດນາມທີ່ມີຕໍ່ຮວ່າງຊາ, ເຈື່ອງຊາ, ທີ່ ສັບປະດາ “ທະເລ ແລະ ໝູ່ເກາະຂອງຫວຽດນາມ” ຊຶ່ງ ໄດ້ຮັບ ການ ຈັດຂຶ້ນຢູ່ ນະຄອນໂຮ່ຈີມິນ ແຕ່ວັນທີ 1-8 ມິຖຸນາຜ່ານມາ, ສາດສະດາຈານ ຫງວຽນດິ່ງເດົ່າ ໄດ້ສະ ເໜີ ສູ່ມວນຊົນ ກິດຈະກຳຄົ້ນຄວ້າມີຄ່າ ທີ່ໃສ່ຫົວເລື່ອງ: “ອະທິປະໄຕຂອງ ຫວຽດນາມບົນທະເລຕາເວັນ ອອກ ແລະ ຮວ່າງຊາ-ເຈື່ອງຊາ”.

ເນື້ອໃນຂອງປຶ້ມຫົວນີ້ ເອົາໃຈໃສ່ເປັນສຳຄັນ ສອງປັດໃຈ ທີ່ມີ ລັກສະນະຕັດສິນ ໃນການກຳນົດ ອະທິປະ ໄຕ ຜືນແຜ່ນດິນ ແລະ ເຂດທະເລຂອງຫວຽດນາມ, ນັ້ນແມ່ນພະຍານຫຼັກຖານ ປະຫວັດສາດ ແລະ ພື້ນ ຖານນິຕິກຳ. ດ້ວຍເຫດນັ້ນ, ຜົນການ ປະດິດແຕ່ງນີ້ ແມ່ນລະບົບເອກະສານວິທະຍາສາດ, ພາວະວິໄສ ຢ່າງແທ້ຈິງ, ຊ່ວຍໃຫ້ບັນດານັກວິທະຍາສາດ, ນັກຄຸ້ມຄອງ ແລະ ທ່ານຜູ້ອ່ານ ມີຄວາມເຂົ້າໃຈ ກ່ຽວກັບ ບັນຫາຕ່າງໆທີ່ກ່ຽວພັນເຖິງ ອະທິປະໄຕຮວ່າງຊາ-ເຈື່ອງຊາ ຂອງຫວຽດນາມຢ່າງຊັດເຈນ. ຜົນການປະດິດ ແຕ່ງ ຂອງເພິ່ນກໍໄດ້ນຳໃຊ້ ຄືດັ່ງແຫຼ່ງເອກະສານວິທະຍາສາດ ທີ່ມີຄ່າ ໃນຕະຫຼອດໄລຍະດຳເນີນການ ແກ້ ໄຂຂໍ້ຂັດແຍ່ງ ຢູ່ທະເລຕາເວັນອອກ ຕາມກົດໝາຍສາກົນ.

ທ່ານຮອງສາດສະດາຈານ, ດຣ.ຟານແທງບິ່ງ, ຜູ້ອຳນວຍການ ມະຫາວິທະຍາໄລແຫ່ງຊາດ ນະຄອນ ໂຮ່ຈີ ມິນໃຫ້ວ່າ: “ຜົນ ການປະດິດຄິດແຕ່ງຂອງທ່ານເດົ່າ ບໍ່ພຽງແຕ່ເປັນຜົນສຳເລັດ ແຫ່ງການຄົ້ນຄວ້າ ແລະ ປະກາດເປັນທາງການ, ມີຄຸນຄ່າ ສູງດ້ານປະຫວັດສາດເທົ່ານັ້ນ, ຫາກຍັງສະແດງອອກ ຄວາມ ຮັບຜິດ ຊອບ ແລະ ການອອກແຮງງານຢ່າງຈິງຈັງ ຂອງ ນັກວິທະຍາສາດ, ຂອງຊາວຫວຽດນາມຮັກຊາດຜູ້ໜຶ່ງ. ນີ້ແມ່ນຜົນການປະດິດແຕ່ງອັນມີຄ່າກ່ຽວກັບຮວ່າງຊາ, ເຈື່ອງຊາຂອງສາດສະດາຈານ ຫງວຽນດິ່ງເດ່ົາ, ຜູ້ ໄດ້ອຸທິດຕະຫຼອດຊີວິດຂອງຕົນ ເພື່ອການຄົ້ນຄວ້າ ກ່ຽວກັບຫົວເລື່ອງ ອານາເຂດຫວຽດນາມ”.
ນັກຄົ້ນຄວ້າ ຫງວຽນດິ່ງເດົ່າໄດ້ຮັບລາງວັນ ເຈີ່ນວັນເຢົ່າ(ປີ 2005) ກ່ຽວກັບກິດຈະການ ຄົ້ນ ຄວ້າ ປຶ້ມບັນຊີຈົດກ່າຍສິດ ນຳໃຊ້ທີ່ດິນ ແລະ ດິນປູກຝັງສະໄໝລາຊະວົງຫງວຽນ ຢູ່ຫົກ ແຂວງພາກໃຕ້ ແລະ ລາງວັນ ຟານຈູຈິງ(ປີ 2008) ກ່ຽວກັບ ການອຸທິດຕົນຢ່າງດີເດັ່ນ ໃນຂົງ ເຂດຄົ້ນຄວ້າ. ເພິ່ນກໍເປັນ ຜູ້ຄອງສະຖິຕິ ຫວຽດນາມ ກັບປຶ້ມຫົວໜຶ່ງທີ່ຂຽນກ່ຽວກັບ ຊື່ປະເທດ, ຊາຍແດນປະເທດ ຂອງຫວຽດນາມ ແລະ ກໍເປັນ ຄົນສະສົມ ແຜນທີ່ບູຮານ ແລະ ທັນສະໄໝ ກ່ຽວກັບ ໝູ່ເກາະ ຮວ່າງຊາ, ເຈື່ອງຊາຂອງຫວຽດນາມ ດ້ວຍຈຳນວນຫຼາຍທີ່ສຸດ.
 
ບົດ: ຫງວຽນຫວູແທ່ງດາດ - ພາບ: ເລມິນ
ບັນດາບົດທີ່ຖືກນຳສະເໜີ