01/09/2017 00:01 GMT+7 Email Print Like 0

ໂຮ່ຈີມິນ City Street Show

ປະຊາຊົນ ແລະ ນັກທ່ອງທ່ຽວຫຼາຍໝື່ນຄົນໄດ້ເຕົ້າໂຮມກັນຢູ່ຖະໜົນຄົນຍ່າງ ຫງວຽນເຫວ້ ທີ່ໃຈກາງນະຄອນ ໂຮ່ຈີມິນ ໃນ ໄລຍະທ້າຍອາທິດ ເພື່ອຮັບຊົມລາຍການສະແດງສິລະປະຕາມທ້ອງຖະໜົນທີ່ມີຫົວຂໍ້ “ໂຮ່ຈີມິນ City Street Show”.
ເມື່ອເວທີສະແດງຢູ່ຖະໜົນ ຫງວຽນເຫວ້ ໄດ້ອອກແບບຕາມຮູບຊົງຂອງລົດເມຄັນໜຶ່ງທີ່ມີຫຼາຍສີສັນ, ຖະໜົນ ບຸ່ຍວ້ຽນ ເຕັ້ມໄປ ດ້ວຍກຳລັງຊີວິດ ແລະ ລົມຫາຍໃຈຂອງນະຄອນໃໝ່ທີ່ຂະຫຍັນຂັນແຂງ. ໃນບໍລິເວນຂອງຖະໜົນຍ່າງ, ເວທີ 6 ແຫ່ງພ້ອມກັນ ສະແດງບັນດາຮູບແບບສິລະປະທີ່ແຕກຕ່າງກັນ. ພິເສດ, ນັກສະແດງ ແລະ ທ່ານຜູ້ຊົມຈະມີໂອກາດໄດ້ພົບປະສັງສັນ, ສ້າງບັນຍາກາດທີ່ຟົດຟື້ນ ແລະ ໃກ້ຊິດຂຶ້ນມາ.
 
ບັນດາລາຍການສະແດງສິລະປະແມ່ນການປະສານສົມທົບລະຫວ່າງສິລະປະຍຸກປັດຈຸບັນ ແລະ ວັດທະນະທຳພື້ນເມືອງ ຂອງພາກເໜືອງ, ພາກກາງ ແລະ ພາກໃຕ້ ຫວຽດນາມ. ແຕ່ການສະແດງຫຼິ້ນກົນ, ດົນຕີ, ເຕັ້ນຟ້ອນ, ກາຍຍະສິນ... ຈົນເຖິງການສະແດງຂັບລຳພື້ນເມືອງ, ເດີ່ນກາຕາຍຕື, ຟ້ອນຄ້ອງ... ສະແດງໃຫ້ເຫັນຈຸດພິເສດໃນວັດທະນະທຳຂອງ ຫວຽດນາມ.
 
ການປະສານສົມທົບລະຫວ່າງຈັງຫວະເຕັ້ນ Flashmob ພ້ອມກັບກອງນ້ອຍ, ເຄື່ອງເສບດົນຕີ ໄວໂອລິນ ໄດ້ເຮັດໃຫ້ ບັນຍາກາດຟົ້ດຟື້ນຂຶ້ນ.
 
ສຽງດົນຕີຂອງ Nantashow (ສະແດງດ້ວຍເຄື່ອງມືຮັບໃຊ້ໃຫ້ແກ່ການຄົວກິນຄືໝໍ້, ໝໍ້ຂາງ) ໄດ້ບັນດາໄວໜຸ່ມສະແດງອອກ ມາເປັນບັນດາທຳນອງສຽງທີ່ຟົດຟື້ນ. 


ນັກສະແດງກາຍຍະສິນ ຢາງກວກເກີ ແລະ ຢາງກວກຮ້ຽບ ສະແດງເທິງເວທີ.


ເວທີສະແດງເຄື່ອງເສບດົນຕີພື້ນເມືອງ.


ລາຍການສະແດງສິລະປະຕາມທ້ອງຖະໜົນ ຈະໄດ້ຈັດຂຶ້ນເປັນ
ປະຈຳໃນຕອນຄຳ່ວັນເສົາ ແລະ ວັນອາທິດຢູ່ຖະໜົນຄົນຍ່າງ ຫງວຽນເຫວ້.



ລາຍການສະແດງເຕັ້ນ ຮີບຮອບ.


ແຕ້ມຮູບຄົນໃຫ້ແກ່ລູກຄ້າ.


ໄວໜຸ່ມຫຼາຍຄົນໄດ້ຈັບໃຈດ້ວຍບັນດາລາຍການສະແດງສິລະປະຢູ່ທີ່ນີ້.


ໂຮ່ຈີມິນ City Street Show ດຶງດູດໄດ້ຄວາມສົນໃຈຂອງ
ນັກທ່ອງທ່ຽວຕ່າງປະເທດຢ່າງຫຼວງຫຼາຍ.



ການສະແດງ Nantashow ດຶງດູດໄດ້ຄວາມສົນໃຈຂອງ
ນັກທ່ອງທ່ຽວຢ່າງຫຼວງຫຼາຍ.



ນັກທ່ອງທ່ຽວຕ່າງປະເທດ ລອງຫຼິ້ນບັບດາເຄື່ອນເສບດົນຕີ ພື້ນເມືອງ. 


ຟົດຟຶ້ນ ແລະ ຂຶ້ນໃຈ.


ນັກທ່ອງທ່ຽວຕ່າງປະເທດ ສະແດງດົນຕີຢູ່ທ້ອງຖະໜົນຄົນຍ່າງ


ບັນດາລາຍການທີ່ດີເດັ່ນ ແລະ ແປກໃໝ່ ໄດ້ນຳມາສະແດງເທື່ອທຳອິດຢູ່ຖະໜົນຄົນຍ່າງ ຫງວຽນເຫວ້.


ນັກທ່ອງທ່ຽວພົບປະສັງສັນກັບບັນດານັກສະແດງ.


ນັກທ່ອງທ່ຽວຕ່າງປະເທດ ເຕັ້ນຕາມທຳນອງເພງດ້ວຍຄວາມຂຶ້ນໃຈ.

ນາງ ແທງເຟືອງ, ນັກສຶກສາມະຫາວິທະຍາໄລ ຕົນດຶກຖັ໋ງ ໃຫ້ຮູ້ວ່າ: “ຂ້າພະເຈົ້າມັກບັນຍາກາດທີ່ຟົດຟື້ນ ຢູ່ທີ່ນີ້”.
  
ທ້າວ Shari Finch, ອາຍຸ 32 ປີ, ມາຈາກ ອົສຕຣາລີ ຖືກຈັບໃຈດ້ວຍເຄື່ອງເສບດົນຕືພື້ນເມືອງ: “ເຄື່ອງເສບດົນຕີປະເພດນີ້ ສ້າງຂຶ້ນທຳນອງສຽງທີ່ຈັບໃຈຫຼາຍ. ນີ້ແມ່ນເທື່ອ ທຳອິດ ຂ້າພະເຈົ້າໄດ້ເຫັນກັບຕາເຄື່ອງເສບດົນຕີປະເພດນີ້”.
 
ຫຼັງຈາກ “ໂຮ່ຈີມິນ City Street Show”, ລາຍການສະແດງສິລະປະຕາມທ້ອງຖະໜົນຈະໄດ້ໄຂຂຶ້ນເປັນປະຈຳໃນທຸກໆ ຕອນຄຳ່ຂອງວັນເສົາ ແລະ ວັນອາທິດທີ່ຂົງເຂດຖະໜົນຄົນຍ່າງ ຫງວຽນເຫວ້. ຫົວຂໍ້ຂອງການສະແດງຈະໄດ້ປ່ຽນແປງທຸກໆ ເດືອນ ເພື່ອແນະນຳກ່ຽວກັບການທ່ອທ່ຽວຢູ່ນະຄອນ ໂຮ່ຈີມິນ.
 
ທ່າຍ ບຸ່ຍຕາຮວ່າງຫວູ-ຜູ້ອຳນວຍການພະແນກທ່ອງທ່ຽວ ນະຄອນ ໂຮ່ຈີມິນ ໃຫ້ຮູ້ວ່າ: “ນອກຈາກບັນດາລາຍການ ສະແດງທີ່ໄດ້ຈັດຂຶ້ນເປັນປະຈຳ, ໂຮ່ຈີມິນ City Street Show ຈະຈັດຕັ້ງບັນດາການແຂ່ງຂັນໃຫ້ບັນດາວົງດົນຕີ, ນັກສະແດງ ທີ່ມີຄວາມສາມາດ ແລະ ຄວາມມັກເມົາມົວກັບການປະດິດສ້າງບັນດາຮູບແບບສິລະປະຕາມທ້ອງຖະໜົນ. ພວກຂ້າພະເຈົ້າ ຢາກຈັດຕັ້ງງານມະໂຫລານສາກົນກ່ຽວກັບການສະແດງ ສິລະປະຕາມທ້ອງຖະໜົນ ເປັນປະຈຳເພື່ອກາຍເປັນຜະລິດ ຕະພັນທ່ອງທ່ຽວ, ວັດທະນະທຳຂອງປະຊາຊົນນະຄອນ ໂຮ່ຈີມິນ”. 
ບົດ: ຫງວຽນແອງ - ພາບ: ທົງຫາຍ
ບັນດາບົດທີ່ຖືກນຳສະເໜີ