18/03/2015 08:51 GMT+7 Email Print Like 0

ເພີ່ມທະວີບົດບາດໜ້າທີ່ຕິດຕາມກວດກາ ຂອງສະພາແຫ່ງຊາດໃນການປະຕິບັດ ບັນດາຈຸດໝາຍພັດທະນາ


ກອງ​ປະຊຸມ​ສຳ​ມະ​ນາ “ຈາກ​ບັນດາ​​ເປົ້າໝາຍ​ສະຫັດ​ສະ​ວັດ 2000  2015
ເຖິງ​ຈຸດໝາຍ​ພັດທະນາ​​ແບບ​ຍືນ​ຍົງພາຍຫຼັງ​ປີ 2015: ບົດບາດ​ຂອງລັດຖະ​ສະພາ​”
(ພາບ: nhandan.com.vn)
        ວັນ​ທີ 17/03, ຢູ່​ຮ່າ​ໂນ້ຍ, ອະນຸ​ກຳມະການຮັບ​ຜິດ​ຊອບ​ດ້ານ​ເນື້ອ​ໃນ, ຄະນະ​ຈັດ​ຕັ້ງກອງ​ປະຊຸມ​ສະມັດຊາໃຫຍ່​ລັດຖະສະພາ​ລະຫວ່າງ​ຊາດ​ໂລກ​ຄັ້ງ​ທີ 132 (IPU – 132), ສະຖາບັນ​ຄົ້ນ​ຄວ້ານິຕິບັນຍັດສັງກັດ​ຄະນະ​ປະຈຳ​ສະພາ​ແຫ່ງ​ຊາດ ​​ແລະ ສະຫະ​ປະຊາ​ຊາດ​ປະຈຳ​ຫວຽດນາມ ​ໄດ້​ຈັດ​ກອງ​ປະຊຸມ​ສຳ​ມະ​ນາ “ຈາກ​ບັນດາ​​ເປົ້າໝາຍ​ສະຫັດ​ສະ​ວັດ 2000 – 2015 ​ເຖິງ​ຈຸດໝາຍ​ພັດທະນາ​​ແບບ​ຍືນ​ຍົງພາຍຫຼັງ​ປີ 2015: ບົດບາດ​ຂອງລັດຖະ​ສະພາ​”. ກ່າວ​ຄຳ​ເຫັນ​ຢູ່ທີ່​ນີ້, ທ່ານ​ນາງ​ຮອງ​ປະທານ​ສະພາ​ແຫ່ງ​ຊາດ ຕ່ອງ​ທິຟ໋ອງ ສະ​ເໜີ​ໃຫ້​ບັນດາ​ຜູ​້​ແທນ​ເຮັດ​ແຈ້ງ​ບົດບາດ​ຂອງ​ສະພາ​ແຫ່ງ​ຊາດ ​ໃນ​ການສະ​ເໜີ​ກົນ​ໄກ, ນະ​ໂຍບາຍ, ສ້າງ​ຕັ້ງ ​ແລະ ປະຕິບັດ​ບັນດາຈຸດໝາຍພັດທະນາ​ແບບ​ຍືນ​ຍົງ… ສິ່ງ​ດັງ​ກ່າວ​​ໄດ້​ປະກອບສ່ວນ​ຊ່ວຍ​ໃຫ້​ປະຕິບັດ​ສຳ​ເລັດ​ບັນດາ​​ເປົ້າໝາຍ​ສະຫັດ​ສະ​ວັດ ກໍ່​ຄື​ການ​ກໍ່ສ້າງ, ​ເຈລະຈາ ​ແລະ ກ້າວ​ໄປ​ເຖິງ​ການ​ປະຕິ​ບັດ​ຈຸດໝາຍພັດທະນາ​ແບບ​ຍືນ​ຍົງ ຖ້າ​ຫາກ​ໄດ້​ຮັບ​ການ​ຮັບຮອງ​ເອົາ, ນຳສະ​ເໜີ​​ບາງ​ການ​ກຳນົດ​ທິດ, ​ເນື້ອ​ໃນ​​ໃຫຍ່​​ເຊິ່ງ IPU 132 ຕ້ອງ​ມຸ່ງ​ໄປ​ເຖິງ ​ເມື່ອ​ພິຈາ​ລະ​ນາ​ປຶກສາ​ຫາລື ກ່ຽວ​ກັບ​ຫົວ​ຂໍ້ “ບັນດາ​ຈຸດໝາຍ​ພັດທະນາ​​ແບບ​ຍືນ​ຍົງ: ຫັນ​ຄຳ​​ເວົ້າ​ເປັນ​ການ​ກະທຳ”. ທີ່​ກອງ​ປະຊຸມ​ສຳ​ມະ​ນາ, ບັນດາ​ຜູ້​ແທນ​ໄດ້​ປຶກສາ​ຫາລື, ຕີ​ລາຄາ​ສະພາບ​ຕົວ​ຈິງ​ຂອງ​ວິວັດທະນາ​ການ​ປະຕິ​ບັດ​ເປົ້າໝາຍ​ສະຫັດ​ສະ​ວັດ; ຕີ​ລາຄາ​ກ່ຽວ​ກັບ 17 ຈຸດໝາຍ​ເຊິ່ງ​ໄດ້​ຮັບ​ການສະ​ເໜີ​ພັດທະນາ​ແບບ​ຍືນ​ຍົງ​ພາຍຫຼັງ​ປີ 2015…
(​ແຫຼ່ງຄັດ​ຈາກ VOV)
ບັນດາບົດທີ່ຖືກນຳສະເໜີ