05/06/2017 12:54 GMT+7 Email Print Like 0

ເພີ່ມທະວີການຮ່ວມມືລະຫວ່າງກະຊວງຕຳຫຼວດຫວຽດນາມ ແລະ ກະຊວງພາຍໃນສະໂລວາເກຍ

      ຕອນບ່າຍວັນທີ 3/6, ຢູ່ຮ່າໂນ້ຍ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກໄດ້ໃຫ້ການຕ້ອນຮັບທ່ານຮອງນາຍົກລັດຖະມົນຕີ ທັງເປັນລັດຖະມົນຕີກະຊວງພາຍໃນ ສະໂລວາເກຍ Robert Kalinak ຊຶ່ງພວມຢ້ຽມຢາມ ແລະ ເຮັດວຽກຢູ່ຫວຽດນາມ

ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ທ່ານຮອງນາຍົກລັດຖະມົນຕີ
ທັງເປັນລັດຖະມົນຕີກະຊວງພາຍໃນ ສະໂລວາເກຍ Robert Kalinak
      ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກໄດ້ຊົມເຊີຍຄະນະທີີ່ມາຢ້ຽມຢາມເພື່ອແນໃສ່ເພີ່ມທະວີການຮ່ວມມືລະຫວ່າງ 2 ກະຊວງ. ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກໄດ້ຊົມເຊີຍໝາກຜົນການເຈລະຈາລະຫວ່າງ 2 ກະຊວງຕຳຫຼວດ, ເປັນຕົ້ນແມ່ນການປະຕິບັດບັນດາຂໍ້ຕົກລົງທີ່ບັນລຸໄດ້ ພິເສດໃນການຮ່ວມມືຕ້ານອາດຊະຍາກຳ. ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກສະເໜີ ສະໂລວາເກຍ ຊຸກຍູ້ສະຫະພາບເອີລົບລົງນາມໃນສັນຍາການຄ້າເສລີ ຫວຽດນາມ- ສະຫະພາບເອີລົບໂດຍໄວ.
   ສ່ວນທ່ານຮອງນາຍົກລັດຖະມົນຕີ ທັງເປັນລັດຖະມົນຕີກະຊວງພາຍໃນ ສະໂລວາເກຍ Robert Kalinak ເນັ້ນໜັກເຖິງສາຍພົວພັນເພື່ອນມິດທີ່ເປັນມູນເຊື້ອລະຫວ່າງຫວຽດນາມ-ສະໂລວາເກຍ. ທ່ານໃຫ້ຮູ້ວ່າ 2 ກະຊວງໄດ້ເຫັນດີຍູ້ແຮງການຮ່ວມມືກໍ່ສ້າງພະນັກງານ, ສ້າງຕັ້ງບັນດາໜ່ວຍງານລົງເລິກວິຊາສະເພາະເພື່ອປຶກສາຫາລືກ່ຽວກັບຮູບແບບເນື້ອໃນການຮ່ວມມື. 
(ແຫຼ່ງຄັດຈາກ VOV)
ບັນດາບົດທີ່ຖືກນຳສະເໜີ