24/12/2014 21:59 GMT+7 Email Print Like 0

ເຊື່ອມໂຍງເສດຖະກິດກັບສາກົນ ແລະບັນດາບັນຫາ ວາງອອກສຳລັບຫວຽດນາມ

(ເຊື່ອມໂຍງເສດຖະກິດກັບສາກົນ ແລະ 
ບັນດາບັນຫາວາງອອກສຳລັບຫວຽດນາມ)

ພາຍຫຼັງ 30 ປີ ແຫ່ງ​ການ​ປ່ຽນ​ໃໝ່, ເປີດ​ປະຕູ, ຫວຽດນາມ​ ໄດ້ ແລະ ພວມ​ເປັນ​ເຈົ້າ​ການ​ເຊື່ອມ​ໂຍງ​ເສດຖະກິດ​ກັບ​ສາກົນ​ຢ່າງ​ເລິກ​ເຊິ່ງ, ກວ້າງຂວາງ, ສ້າງ​ໂອກາດ​ເຕີບ​ໂຕ​ເສດຖະກິດ, ແຕ່​ຍັງ​ມີ​ການ​ທ້າ​ທາຍ​ຫຼາຍ​ຢ່າງ, ໃນ​ນັ້ນ​ມີ​ການ​ຍົກ​ກຳລັງ​ຄວາມ​ສາມາດ​ເຊື່ອມ​ໂຍງ​ເສດຖະກິດ​ຂອງ​ທ້ອງ​ຖີ່​ນ. ນີ້​ແມ່ນ​ຂໍ້​ສັງ​ເກດ​ທີ່​ຍົກ​ອອກ​ມາ​ໃນ​ກອງ​ປະຊຸມ “ແຜນ​ນະ​ໂຍບາຍ​ຂອງ​ພັກ, ລັດ​ກ່ຽວກັບ​ການ​ເຊື່ອມ​ໂຍງ​ເສດຖະກິດ - ບັນດາ​ບັນຫາ​ທີ່​ວາງ​ອອກ​ສຳລັບ​ວຽກ​ງານ​ເຊື່ອມ​ໂຍງ​ເສດຖະກິດ​ກັບ​ສາກົນ ແລະ ກຳນົດທິດ​ທາງ​ໃຫ້​ທ້ອງ​ຖີ່​ນ“ ໂດຍ​ກະຊວງ​ອຸດສາຫະກຳ - ການ​ຄ້າ ຈັດ​ຕັ້ງ​ໃນ​ວັນ​ທີ 23/12 ຢູ່​ຮ່າ​ໂນ້ຍ. ບັນດາ​ຜູ້​ແທນ​ຖື​ວ່າ, ການ​​ເຊື່ອມ​ໂຍງ​ກັບ​ສາກົນນັບ​ມື້​ນັບ​ເລິກ​ເຊິ່ງ, ກວ້າງຂວາງ​, ໄດ້​ປະກອບສ່ວນ​ປັບປຸງ ແລະ ເພີ່ມ​ອິດ​ທິພົນ​ຊື່​ສຽງ, ພາບ​ໂພດ, ກຳລັງ​ແກ່ງ​ແຍ້​ງຂອງ​ພື້ນຖານ​ເສດຖະກິດ​ຫວຽດນາມ​ ໃນ​ເວທີ​ສາກົນ. ບັນດາ​ສັນຍາ​ການ​ຄ້າ​ເສລີ​ເຊິ່ງຫວຽດນາມ ໄດ້​ລົງ​ນາມ ແລະ ພວມ​ເຈລະຈາ, ໄດ້​ສ້າງ​ເງື່ອນ​ໄຂ​ເປີດ​ກວ້າງ​ຕະຫຼາດ​ສົ່ງ​ອອກ; ດຶງ​ດູດ​ການ​ລົງທຶນ​ຈາກ​ຕ່າງປະ​ເທດ​ຕື່ມ​ອີກ… ມີ​ຫຼາຍ​ຄວາມ​ເຫັນ​ຖື​ວ່າ, ເພື່ອ​ໃຫ້​ວຽກ​ງານ​ເຊື່ອມ​ໂຍງ​ເສດຖະກິດ​ກັບສາກົນບັນລຸ​ຜົນງານ​ກວ່າ​ໃນ​ໄລຍະ​ຈະ​ມາ​ເຖິງ, ຫວຽດນາມ ຄວນ​ສ້າງ​ໂຄງ​ປະກອບ​ຂະ​ແໜງ​ສິນຄ້າ​ສົ່ງ​ອອກ​ຄືນ​ໃໝ່, ພິ​ເສດ​ແມ່ນ​ຄຸນ​ນະພາ​ບການ​ເຕີບ​ໂຕ. ສຳລັບ​ທ້ອງ​ຖີ່​ນ, ແມ່ນ​ຕ້ອງ​ມີ​ການ​ກຳນົດ​ທິດ​ທາງ​ຢ່າງ​ຖືກຕ້ອງ​ໃນ​ການ​ຜັນ​ຂະຫຍາຍ​ການ​ປະຕິບັດ, ເພື່ອ​ແນ​ໃສ່​ຍົກ​ສູງ​ກຳລັງ​​ເຊື່ອມ​ໂຍງ​ໃນ​ສະພາບ​ການ​ໃໝ່.

 (​ແຫຼ່ງຄັດ​ຈາກ VOV)

ບັນດາບົດທີ່ຖືກນຳສະເໜີ