07/03/2015 00:01 GMT+7 Email Print Like 0

ຮ່ວາຟາດ-ທ່າແຮງອັນໜຶ່ງ ຂອງກຸ່ມບໍລິສັດເສດຖະກິດເອກະຊົນ

ເປັນໜຶ່ງໃນບັນດາກຸ່ມບໍລິສັດຜະລິດອຸດສາຫະກຳເອກະຊົນແຖວໜ້າ ຫວຽດນາມ, ປະຈຸບັນ ກຸ່ມບໍລິສັດ ຮ່ວາຟາດ ໄດ້ຢືນຢັນເຄື່ອງໝາຍການຄ້າຂອງຕົນກັບຜູ້ບໍລິໂພກຢູ່ພາຍໃນ ແລະ ຕ່າງປະເທດ ດ້ວຍຜະລິດຕະພັນຫຼາຍຊະນິດທີ່ມີຄຸນນະພາບສູງ, ໂດຍສະເພາະແມ່ນ ທໍ່ເຫຼັກ, ເຄື່ອງຕົບແຕ່ງພາຍໃນ ແລະ ເຄື່ອງໄຟຟ້າ. 
ເລີ່​ມຈາກ​ເປັນ​ວິ​ສາ​ຫະກິດ​​ໜຶ່ງ​​ທີ່ເຄື່ອນ​ໄຫວ​ໃນ​ຂົງ​ເຂດ​ຜະລິດ​ເຄື່ອງ​ຈັກກໍ່ສ້າງ​​ເມື່ອ​ປີ 1992, ​ແຕ່​ດ້ວຍ​ຄວາມ​ຂະຫຍັນ​ຂັນ​ແຂງ ​ແລະ ສະດຸ້ງ​ໄວຕໍ່ກາລະໂອກາດການ​ລົງທຶນ​ໃໝ່ຂອງ​ຕົນ, ຮ່ວາ​ຟາດ​ໄດ້ ມີ​ການ​ຂະຫຍາຍ​ຂົງ​ເຂດ​ການ​ເຄື່ອນ​ໄຫວຂອງ​ຕົນ​ອອກ​​ໄປ​ສູ່​ຂົງ​ເຂດການ​ຜະລິດອື່ນ​ຄື:​ ​ເຄື່ອງ​ຕົບ​ແຕ່ງພາຍ​ໃນ, ທໍ່​​ເຫຼັກ, ​ເຫຼັກ​ກ້າ, ​ເຄື່ອງ​ເຢັນ, ຊັບ​ພະຍາກອນ​ແຮ່​ທາດ, ອຸປະກອນ​ຕົບ​ແຕ່ງ​ພາຍ​ໃນ ​ແລະ ອື່ນໆ. ປີ 2007, ຮ່ວາ​ຟາດ ​ໄດ້​ປັບປຸງ​ໂຄງປະກອບການ​ເຄື່ອນ​ໄຫວ​ຄືນ​ໃໝ່​ຕາມຮູບ​ແບບ​ກຸ່ມ​ບໍລິສັດ ​ແລະ ລົງທະບຽນ​ຫຸ້ນ​ໃນ​ຕະຫຼາດ​ຫຼັກຊັບ ຫວຽດນາມ.
 
ປະຈຸ​ບັນ, ກຸ່ມ​ບໍລິສັດ ຮ່ວາ​ຟາດ ມີ​ບໍລິສັດ​ທີ່​ເປັນ​ສະມາຊິກ 13 ​ແຫ່ງ ຊຶ່ງ​ດຳ​ເນີນ​ການເຄື່ອນ​ໄຫວ​ໃນ​ຂົງ​ເຂດຕ່າງໆ​ຕົ້ນຕໍ​ເຊັ່ນ​: ​ຜະ ລິດ​ເຫຼັກ​ກ້າ, ຂຸດ​ຄົ້ນບໍ່​ແຮ່, ຜະລິດຖ່ານ Coke, ທຸລະ​ກິດອະສັງຫ​າລິມະ​ຊັບ, ຜະລິດ​ເຄື່ອງ​ຕົບ​ແຕ່ງ​ພາຍ​ໃນ, ຜະລິດ​ເຄື່ອງ​ຈັກ, ອຸ​ປະກ​ອນຮັບ​ໃຊ້ການ​ກໍ່ສ້າງ ຊຶ່ງມີໂຮງງານ​​ຕັ້ງ​ຢູ່ ຮ່າ​ໂນ້ຍ, ຮື​ງອຽນ, ຫາຍ​ເຢືອງ, ລາວ​ກາຍ, ອຽນ​ບ້າຍ, ຮ່າ​ຢາງ, ນະຄອນ ​ໂຮ່ຈີ​ມິນ ​ແລະ ບິ່ງ​ເຢືອງ.
 
ມໍ່ໆ​ມາ​ນີ້, ພວກ​ຂ້າພະ​ເຈົ້າ​​ໄດ້ມີ​ໂອກາດ​ໄປ​ຢ້ຽມຢາມ​ໂຮງງານ​ໃຫຍ່ໆ ​ຈຳນວນ​ໜຶ່ງ​ຂອງ ຮ່ວາ​ຟາດ ທີ່ຕັ້ງ​ຢູ່ນະ​ຄອນ ຫາຍ​ເຢືອງ ​ແລະ ຮຶ​ງອຽນ. ​ເພາະສະ​ນັ້ນ, ຈຶ່ງ​ສາມາດ​ຮັບ​ຮູ້​ໄດ້ກ່ຽວ​ກັບຮູບ​ຮ່າງ ​ແລະ ຂະໜາດ​​​ໃຫຍ່ຂອງ​ກຸ່ມ​ບໍລິສັດ​ທີ່​ຂະຫຍັນ​ຂັນ​ແຂງແຫ່ງນີ້. ຈຸດ​ເດັ່ນ​ຂອງ​ກຸ່ມ​ບໍລິສັດຮ່ວາ​ຟາດ   ​ແມ່ນ​ເ​ຂດຜະລິດປະສົມ ຂາງ​ເຫຼັກກ້າ ​ທີ່​ຕັ້ງ​ຢູ່ ກິ​ງ​ໂມນ, ນະຄອນ ຫາຍ​ເຢືອງ ​ໂດຍ​ບໍລິສັດ​ຫຸ້ນ​ສ່ວນເຫຼັກກ້າ ຮ່ວາ​ຟາດ ​ເປັນ​ຜູ້ບໍລິຫານ​. ​ເຂດຜະລິດ​ປະສົມ​ແຫ່ງ​ນີ້ ​ໄດ້​ຮັບ​ການ​ກໍ່ສ້າງ​ເມື່ອ​ປີ 2007 ​ບົນ​ເນື້ອ​ທີ່ 132 ​ເຮັດ​ຕາ ດ້ວຍກຳ ລັງການຜະລິດ 850.000 ​ໂຕນ​ຕໍ່​ປີ ​ໂດຍ​ນໍາ​ໃຊ້​ເຕັກ​ໂນ​ໂລ​ຊີ​ເຕົາ​ຕັ້ງ​ຄົບ​ວົງ​ຈອນ​ຕັ້ງ​ແຕ່​ແຮ່​ເຫລັກ​ຈົນ​ເຖິງ​ເຫລັກ​ກ້າ​ສໍາ​ເລັດ​ຮູບ. ​ຊູ່​ມື້​ນີ້, ​ໂຮງງານ​ຫຼອມຂາງ, ຫຼໍ່​ເຫຼັກກ້າ​ຂອງ ຮ່ວາ​​ຟາດ​ແມ່ນ​ມີ​ການ​ເຄື່ອນ​ໄຫວ​ທັງ​ເວັນ​ທັງ​ຄືນ; ​ທີ່ເດີ່ນຂອງ​ໂຮງງານ​ເຕັມ​ໄປ​ດ້ວຍ​ແຮ່​ໂລຫະ ​ແລະ ຖ່ານຫີນ; ທ່າ​ເຮືອຄ່ຽນ​ຖ່າຍ​ຜະລິດຕະພັນ​ຍາມ​ໃດ​ກໍ່​ຄຶກ​ໂຄ​ມໜາ​ແໜ້ນ​ດ້ວຍ​ເຮືອ ​ແລະ ​ເຮືອ​ບັກ​ທີ່​ເຂົ້າ​ອອກ... ສິ່ງ​ດັ່ງກ່າວ​ສະ​ແດງ​ໃຫ້​ເຫັນ​ຄວາມ​​ເ​ຕີບ​​ໃຫຍ່​ເຂັ້ມ​ແຂງຂອງ​ກຸ່ມ​ບໍລິສັດ ຮ່ວາ​ຟາດ. 


ເຂດອຸດສາຫະກໍາ​ຜະລິດຂາງເຫຼັກ ຮ່ວາຟາດ ກໍ່ສ້າງບົນເນື້ອທີ່ 90 ເຮັດຕາ
ດ້ວຍກໍາລັງ​ການ​ຜະລິດ 850.000 ໂຕ່ນຕໍ່ປີ. ພາບ: ທົງຫາຍ


ະໜາມອັນ​ກ້ວາງ​ໃຫຍ່​ເພື່ອ​ຮັບຮອງ​ວັດຖຸ​ດິບ​ແຮ່​ເຫລັກຂອງ
​ເຂດ​ອຸດສາຫະກໍາ​ຜະລິດຂາງເຫຼັກ ຮ່ວາຟາດ. ພາບ: ທົງຫາຍ


ສູນບັນຊາ ແລະ ຄວບຄຸມການເຄື່ອນໄຫວຜະລິດຂອງໂຮງ
ງານຜະລິດເຫຼັກ ຮ່ວາຟາດ. ພາບ: ທົງຫາຍ


ຜະລິດຕະພັນທໍ່ເຫຼັກເຄືອບສັງກະສີຈຸ່ມຮ້ອນ ທີ່ມີຄຸນນະພາບສູງ
ຂອງ ຮ່ວາຟາດ. ພາບ: ເອກະສານ


ຜະລິດຕະພັນທໍ່ເຫຼັກຂອງ ຮ່ວາຟາດ ໄດ້ສົ່ງອອກໄປຫຼາຍປະເທດ
ອາເມລິກາເໜືອ ແລະ ອາຊຽນ. ພາບ: ເອກະສານ


ສາຍໃຍການຜະລິດເຫຼັກມ້ວນຂອງບໍລິສັດຜະລິດເຫຼັກ ຮ່ວາຟາດ ຈຳກັດ ທີ່ ຮືງອຽນ. ພາບ: ເອກະສານ 

ເຕົ້າຫຼອມຂາງຂອງໂຮງງານຜະລິດເຫຼັກ ຮ່ວາຟາດ ທີ່ ຫາຍເຢືອງ. ພາບ: ທົງຫາຍ

ຜະລິດຕະພັນສັງກະສີເຄືອບແບບມ້ວນຂອງ ຮ່ວາຟາດ ໄດ້ສົ່ງອອກໄປຫຼາຍປະເທດຄື: ຍີ່ປຸ່ນ, ອົສຕາລີ, ເກົາຫຼີ
ແລະ ຂົງເຂດ ອາຊຽນ, ພາກຕາເວັນອອກກາງ, ອາເມລິກາເໜືອ. ພາບ: ເອກະສານ


ຕ່ອງໂສ້ຜະລິດແບບອັດຕະໂນມັດຂອງໂຮງງານຜະລິດເຄື່ອງ
ຕົບແຕ່ງພາຍໃນ ຮ່ວາຟາດ ຢູ່ ຮືງອຽນ.


ຜະລິດຕະພັນຕັ່ງນັ່ງໃນຫ້ອງປະຊຸມຂອງບໍລິສັດຜະລິດເຄື່ອງຕົບແຕ່ງ ພາຍໃນ ຮ່ວາຟາດ. ພາບ: ເອກະສານ

ຕັ່ງ ຮ່ວາຟາດ ໄດ້ນຳໃຊ້ເພື່ອຕິດຕັ້ງໃນສະໜາມກິລາ ຮວ່າງແອງຢາລາຍ. ພາບ: ເອກະສານ

ຕ່ອງໂສ້ຜະລິດຕູ້ເຢັນ Funiki ທີ່ບໍລິສັດເຄື່ອງໄຟຟ້າ ສ້າງຄວາມເຢັນ ຮ່ວາຟາດ. ພາບ: ເອກະສານ

ຕ່ອງໂສ້ກວດກາຄຸນນະພາບຜະລິດຕະພັນແອເຢັນ Funiki ແບບອັດຕະໂນມັດ
ຂອງບໍລິສັດເຄື່ອງໄຟຟ້າສ້າງຄວາມເຢັນ ຮ່ວາຟາດ. ພາບ: ເອກະສານ


ພິທີລົງນາມໃນຂໍ້ຕົກລົງຮ່ວມມື ລະຫວ່າງ ກຸ່ມບໍລິສັດ ຮ່ວາຟາດ ແລະ ກຸ່ມບໍລິສັດ Messer ຂອງ ເຢຍລະມັນ.

ບັນດາພະນັກງານ, ກຳມະກອນຂອງກຸ່ມບໍລິສັດ ຮ່ວາຟາດ ໃນການຢ້ຽມຢາມ ແລະ ມອບຂອງຂວັນປີໃໝ່
ໃຫ້ແກ່ເດັກນ້ອຍ ເຂດພູສູງ. ພາບ: ເອກະສານ

«
      ກຸ່ມ​ບໍລິສັດ ຮ່ວາ​ຟາດ ດ້ວຍ​ເລກລະ​ຫັດ​ຫຸ້ນ HPG ມີຄຸນຄ່າ​ຫັນ​ເປັນ​ທຶນປະມານ 28.000 ຕື້ດົ່ງ. ແຕ່ປີ 2007 ມາ​ເຖິງ​ປະຈຸ​ບັນ, ກຸ່ມບໍລິສັດ ຮ່ວາຟາດ ລ້ວນ​ແຕ່ນອນຢູ່ໃນບັນຊີລາຍຊື່ຈັດອັນດັບ VNR 500 -​ເປັນ​ໜຶ່ງ​ໃນ 500 ວິສາຫະກິດລາຍໃຫຍ່ທີ່​ສຸດ ຂອງ ຫວຽດນາມ; ​ເປັນ​ໜຶ່ງ​ໃນ 500  ວິສາຫະກິດພັດທະນາໄວທີ່ ສຸດ ຂອງ ຫວຽດນາມ, ​ເປັນ​ໜຶ່ງ​ໃນ  50 ວິສາຫະກິດມີໃບຫຸ້ນດີທີ່ສຸດ,​ເປັນ​ໜຶ່ງ​ໃນ  50 ວິສາຫະກິດທີ່​ມີ​ປະສິດທິຜົນທີ່ສຸດ ຫວຽດນາມ.

»
ຄຽງ​ຂ້າງກັບເຫຼັກ​ກໍ່ສ້າງ, ຮ່ວາ​ຟາດ ກໍ່ຍັງ​ເປັນ​ເຄື່ອງໝາຍ​ການ​ຄ້າ​ທີ່​​ເຂັ້ມ​ແຂງ​ທີ່​ສຸດ​ໃ​ນຂົ​ງ​ເຂດ​ທໍ່​ເຫຼັກ. ປະຈຸ​ບັນ ທໍ່​ເຫຼັກ ຮ່ວາ​ຟາດ ກວມ​ເອົາ​ອັດຕາ​ສ່ວນຂອງ​ຕະຫຼາດອັນ​ດັບ​ໜຶ່ງ ຫວຽດນາມ ດ້ວຍກໍາລັງ​ການ​ຜະລິດ 200.000 ກວ່າ​ໂຕນ​ຕໍ່​ປີ. ຜະລິ​ດຕະພ​ັນຕົ້ນ​ຕໍ​ຂອງ​ບໍລິສັດແມ່ນ​ທໍ່​ເຫຼັກ​ຈອດ, ທໍ່​ເຫຼັກ​ເຄືອບ​ສັງກະສີ, ທໍ່​ເຫຼັກ​ເຄືອບ​ສັງ​ກະ​ສີຈຸ່ມ​ຮ້ອນ, ສັງກະສີ​ເຄືອບ​ແບບ​ມ້ວນ… ​ຜະລິດ​ຕະພັນ​ຂອງ​ບໍລິສັດ​ໄດ້​ສົ່ງ​ອອກ​ໄປ​ສູ່​ບັນດາ​ປະ​ເທດ ອາ​ເມ​ລິກາ​ເໜືອ, ອາ​ຊຽນ. ປະຈຸ​ບັນ, ຜະລິດ​ຕະພັນ​ເຫຼັກ ​ແລະ ຜະລິດ​ຕະພັນອື່ນໆ ທີ່​ກ່ຽວ ຂ້ອງ ກວມ​ປະ​ມານ 80% ລວມຍອດລາຍ​ຮັບ​ຂອງ​ກຸ່ມ​ບໍລິສັດ ​ແລະ ​ເປັນ​ໜຶ່ງ​ໃນຈໍານວນ 3 ບໍລິສັດ​ຜະລິດ​ເຫຼັກ​ລາຍ​ໃຫຍ່​ທີ່​ສຸດຢູ່  ຫວຽດນາມ.
 
​ໃນ​ຂົງ​ເຂດ​ຜະລິດ​ອຸປະກອນ​ຮັບ​ໃຊ້​ການກໍ່ສ້າງ, ​ຜະລິດ​ຕະພັນ​ຕົ້ນ​ຕໍຂອງຮ່ວາ​ຟາດ ແມ່ນ​ແທ່ນ​ຍົກ​, ຫລັກຮ້ານ​​ເຫລັກ ​ແລະ ຈັກຂົບ​ຫີນ​ຂະໜາດ​ໃຫຍ່ຊະນິດ​ຕ່າງໆ. ຮ່ວາ​ຟາດ ​ເປັນ​ກຸ່ມ​ບໍລິສັດ​ນຳ​ໜ້າ​ໃນ​ການນໍາ​ເອົາ​ບັນດາ​ຜະລິດຕະພັນ ດັ່ງກ່າວ ກາຍ​ເປັນ​ເຄື່ອງໝາຍ​ການ​ຄ້າ​ຂອງຊາວ ຫວຽດນາມ. ​​ເປັນ​ຄັ້ງ​ທຳ​ອິດ​ຢູ່ ຫວຽດນາມທີ່​ ບັນດາ​ຜະລິດ​ຕະພັນ​ກົນ​ຈັກປະດິດ​ສ້້າງຂຶ້ນທີ່ຮຽກຮ້ອງ​ເຕັກນິກ​ສູງ ​ດ້ວຍ​ມາດ​ຕາ​ສ່ວນຫັນ​ເປັນ​ພາຍ​ໃນ​ສູງ. ສິນຄ້າ​ຜະລິດ​ຕະພັນ​ຂອງ​ບໍ​ລິສັດ​ໄດ້​ສົ່ງ​ອອກ​ໄປ​ປະ​ເທດ ລາວ, ກຳປູ​ເຈຍ, ລັດ​ເຊຍ, ຢູ​ແກຼນ, ສີ​ລັງກາ ​ແລະ ຟີ​ລິບ​ປິນ.
 
​ຜະລິດ​ເຄື່ອງ​ຕົບ​ແຕ່ງ​ພາຍ​ໃນ​ກໍ່​ເປັນ​ທ່າ​ແຮງອັນ​ໜຶ່ງ​ຂອງ ຮ່ວາ​ຟາດ . ບໍລິສັດ​ຜະລິ​ດ​ເຄື່ອງ​ຕົບ​ແຕ່ງ​ພາຍ​ໃນ ຮ່ວາ​ຟາດ ພວມ​ນຳ​ໜ​້າ ຕະຫຼາດ ຫວຽດນາມ ​ໃນ​ການ​ສະໜອງ​ຜະລິດ​ຕະພັນ​ເຄື່ອງ​ຕົບ​ແຕ່ງ​ສໍາລັບຫ້ອງການ, ຄອບຄົວ, ​ໂຮງຮຽນ, ​ໂຄງການ​ກໍ່ສ້າງສາ ທາລະ ນະ… ​ເຄື່ອງ​ຕົບ​ແຕ່ງ​ພາຍ​ໃນ ຮ່ວາ​ຟາດ ​ມັກ​ຈະ​ມີ​ຕົວ​ແບບ​ຜະລິດ​ຕະພັນ​ປະດິດ​ສ້າງ​ບຸກທະ​ລຸ ຢູ່​ເລື້ອຍໆ, ​ເດັ່ນ​ກວ່າ​ໝູ່​ແມ່ນ​ໂຕະ​ໄມ້​ອຸດສາ ຫະກຳຊັ້ນ​ສູງ​ Royal ຊຶ່ງ​ໂຄງ​ເຮັດ​ດ້ວຍ​ທໍ່​ເຫລັກ​ຮູບສາມ​ແຈ ​​ໄດ້​ຮັບ​ການ​ຕີ​ລາຄາ​ວ່າ ມີ​ຄຸນ​ນະພາ​ບດີກ​ວ່າສິນຄ້າ​ນຳ​ເຂົ້າ. ​ແຕ່ລະ​ປີ, ບໍລິສັດ​ໄດ້​ປະກອບສ່ວນເຂົ້າ​ໃນ​ລາຍ​ຮັບ​ລວມ ຂອງ​ກຸ່ມ​ບໍລິສັດ ​ກວ່າ 1.000 ຕື້​ດົ່ງ.
 
ຊຸມ​ປີ​ມໍ່ໆ ມາ​ນີ້, ຊາວ ຫວຽດນາມ ກໍ່​​ເລີ່​ມຄຸ້ນ​ເຄີຍກັບ​ບັນດາ​​ຜະ ລິດ​ຕະພັນເຄື່ອງ​​ເຢັນ​ຂອງ ຮ່ວາ​ຟາດ. ນັ້ນ​ຄື​ເຕົ້າ​ນ້ຳ​ຮ້ອນ Funiki ນຳ​ໃຊ້​ລະບົບຕ້ານ​ໄຟ​ຟ້າຮົ່ວ ELCB. ​ເຕົ້າ​ນ້ຳ​ຮ້ອນ ​ແລະ ​​ເຄື່ອງ​ປັບ​ອາກາດ ຮ່ວາ​ຟາດ ພວມ​ມີ​ການ​ແກ້ງ​ແຍ່ງ​ກັນ​ຢ່າງ​ແຂງ​ແຮງ​ກັບ​ບັນດາ​ຜະລິດ​ພັນ​ເຄື່ອງໝາຍ​ການ​ຄ້າ​ລາຍໃຫຍ່​ຂອງ​ຕ່າງປະ​ເທດ ​ແລະ ​ໄດ້ຖືກ​ຄັດ​ເລືອກ​ເປັນ​ສິນຄ້າ ຫວຽດນາມທີ່ມີຄຸນ​ນະພາ​ບສູງ.
 
22 ປີ​ແຫ່ງ​ການ​​ເຕີບ​ໃຫຍ່​ຂະຫຍາຍຕົວ, ກຸ່ມ​ບໍລິສັດ ຮ່ວາ​ຟາດ ​ໄດ້​ປະກອບສ່ວນຢ່າງ​ໃຫຍ່​ຫລວງ​ໃຫ້​ແກ່ການ​ພັດທະນາ​ເສດຖະກິດ-​ສັງຄົມ​ຢູ່​​ທ້ອງຖິ່ນຕ່າງໆ​ໃນ​ທົ່ວ​ປະ​ເທດ, ​ເປັນ​ຕົ້ນ​ແມ່ນ​ແຂວງ ຮື​ງ ອຽນ, ຮ່າ​ຢາງ, ຫາຍ​ເຢືອງ, ລາວ​ກາຍ ​ແລະ ອຽນ​ບ້າຍ. ຮ່ວາ​ຟາດ ​ໄດ້​ສ້າງ​ວຽກ​ເຮັດ​ງານ​ທຳ​ ໃຫ້​​ແກ່ ​ 10.000 ແຮງ​ງານ ໂດຍທາງ​ກົງ ​ແລະ 20.000 ​ແຮງ​ງານ​ໂດ​ຍທາງອ້ອມ​ໃນ​ທົ່ວ​ປະ​ເທດ. ​ປີ 2013, ຮ່ວາ​ຟາດ ​ໄດ້​ມອບ​ງົບປະມານ​ແຫ່ງ​ລັດ 1.830 ຕື້​ດົ່ງ ​ແລະ ​ເປັນ​ໜຶ່ງ​ໃນ​ບັນດາ​ວິ​ສາ​ຫະກິດ​ນຳ​ໜ້າ​ໃນ​ວຽກ​ງານ​ຫັນ​​ເປັນ​ຜະລິດ​ພາຍ​ໃນ, ນໍາ​ເອົາ​ບັນດາຜະລິດ​ຕະພັນ​ທີ່ເປັນ​ເຄື່ອງໝາຍ​ການ​ຄ້າ​ຫວຽດ ນາມ​ທີ່​ມີ​ຄຸນ​ນະພາ​ບສູງ, ລາຄາ​ທີ່​ເໝາະສົມ​ມາສູ່​ຜູ້​ບໍລິ​ໂພ​ກ ຊາວ ຫວຽດນາມ.


ກຸ່ມບໍລິສັດ ຮ່ວມຟາດ
Hoa Phat Group
ຕັ້ງຢູ່: 39 ຫງວຽນດິງຈຽວ, ຕາແສງ ເລດ້າຍແຮ່ງ, ເມືອງ ຮາຍບ່າຈືງ, ນະຄອນ ຮ່າໂນ້ຍ.
ໄທ: 04.36282011 or 04.62848666
ແຟັກ: 04.62833456
ເວັບໄຊ: http://www.hoaphat.com.vn/

ບົດ: ບິ​ກ​ເວີນ - ພາບ: ທົງ​ຫາຍ ​ແລະ ​ເອກະສານ

ບັນດາບົດທີ່ຖືກນຳສະເໜີ