10/12/2014 09:55 GMT+7 Email Print Like 0

ອາເມລິກາ ປະຕິເສດ ເສັ້ນທາງ 9 ຕອນຂອງ ຈີນ ຢູ່ທະເລຕາເວັນອອກ


 (ພາບ: KT)

ກະຊວງ​ການ​ຕ່າງປະ​ເທດ​ອາ​ເມລິ​ກາ ຫາ​ກໍ່​ປະກາດ​ບົດ​ລາຍ​ງານ​ປະຕິ​ເສດ​ເສັ້ນທາງ 9 ຕອນ ຫຼື​ເອີ້ນ​ວ່າ “ເສັ້ນລີ້ນງົວ“ ຊື່​ງຈີນ​ຍົກ​ອອກ​ມາ​ຢູ່​ທະ​ເລ​ຕາ​ເວັນ​ອອກພຽງ​ລຳ​ຟັງ​ຝ່າຍ​ດຽວ. ບົດ​ລາຍ​ງານ​ໂດຍ​ກົມ​ມະຫາ​ສະໝຸດ ແລະ ບັນດາ​ ບັນຫາ​ສິ່ງ​ແວດ​ລ້ອມ ແລະ ວິທະຍາສາດ​ສາກົນ ສັງກັດກະຊວງ​ການ​ຕ່າງປະ​ເທດ​ອາ​ເມລິ​ກາ ໃຫ້​ຮູ້​ວ່າ: ປີ 2009, ຈີນ​ຝາກ​ເອກະສານ​ທາງ​ການ​ຂຶ້ນ​ທ່ານ​ເລຂາທິການ​ໃຫ່ຍ ສປຊ ໃນ​ນັ້ນມີແຜນ​ທີ່​​ເສັ້ນທາງ 9 ຕອນຕິດ​ພ້ອມ​ ​​ ຊື່​ງລວມມີ​ບັນດາ​ເຂດ​ເກາະ, ເຂດ​ນ້ຳ​​ ແລະ​ ໂຄງ​ປະກອບ​ພູມສາ​ດອື່ນ​ຢູ່​ທະ​ເລ​ຕາ​ເວັນ​ອອກ. ເສັ້ນທາງ 9 ຕອນ​ລວມທັງ​ບັນດາ​ເຂດ​ໝູ່​ເກາະ​ຮ່ວາງຊາ, ເຈື່ອງ​ຊາ ແລະ ເຂດ Scaborough. ບົດ​ລາຍ​ງານ​​ເນັ້ນໜັກ​ວ່າ, ມາ​ຮອດ​ປະຈຸ​ບັນ, ຈີນ​ຍັງ​ບໍ່​ທັນ​ເຮັດ​ແຈ້ງ​ບັນດາ​ຄຳ​ຮຽກຮ້ອງ​ກ່ຽວ​ຂ້ອງ​ເຖິງ​ເສັ້ນທາງ 9 ຕອນ​ຕາມ​ວິທີ​ການ​ສອດຄ່ອງ​ກັບ​ກົດໝາຍ​ສາກົນ.

ຕາມກະຊວງ​ການ​ຕ່າງປະ​ເທດ​ອາ​ເມລິ​ກາ, ທະ​ເລ​ຕາ​ເວັນ​ອອກ​ແມ່ນ​ເຂດ​ທະ​ເລ​ກ້ວາງໃຫ່ຍ, ໃນ​ນັ້ນ, ຫຼາຍ​ປະ​ເທດ​ຢູ່​ແຄມ​ທະ​ເລ​ໄດ້​ຊົມ​ໃຊ້​ສິດ​ມີ​ເຂດ​ເສດຖະກິດຈຳ​ເພາະ ແລະ ໄຫຼ່​ທະວີບ​ຕາມ​ກົດໝາຍ​ວ່າ​ດ້ວຍ​ທະ​ເລ. ກົດໝາຍ​ວ່າ​ດ້ວຍ​ທະ​ເລບໍ່​ອະນຸຍາດ​ບັນດາ​ຄຳ​ຮຽກຮ້ອງ​ກ່ຽວ​ກັບ​ທະ​ເລ​ຂອງ​ປະ​ເທດ​ໜຶ່ງ​ອີງ​ຕາມ​ປັດ​ໄຈ “ປະຫວັດສາດ“ ແລະ ສິດ​​ຂອງ​ປະ​ເທດ​ອື່ນ. ຈີນ​ກໍ່​ບໍ່​ຕອບ​ສະໜອງບັນດາ ຄາດໝາຍ​ດ້ານ​ກົດໝາຍ​ສຳລັບ​ຄຳຮຽກຮ້ອງ​ກ່ຽວ​ກັບ “ເຂດ​ນ່ານນ້ຳປະຫວັດ​ສາດ“ ໄດ້​, ລວມມີ​ການ​ປະຕິບັດ​ອະທິປະ​ໄຕ​ຢ່າງ​ເປີດ​ເຜີຍ, ໄດ້​ຮັບ​ການ​ຮູ້ຈັກ​ເຖິງ​ຢ່າງ​ກວ້າງຂວາງ, ຕໍ່​ເນື່ອງ ແລະ ມີ​ປະສິດທິ​ຜົນ​ຢູ່​ທະ​ເລ​ຕາ​ເວັນ​ອອກ; ແລະ ໄດ້​ຮັບ​ການ​ຮັບ​ຮູ້​ກ່ຽວ​ກັບການ​ປະຕິບັດ​​ຈາກ​ປະ​ເທດ​ຕ່າງໆ. ບົດ​ລາຍ​ງານ​ສະຫລຸບ​ວ່າ, ດ້ວຍ​ບັນດາ​ສາຍ​ເຫດ​ດັ່ງກ່າວ, ຄຳ​ຮຽກຮ້ອງ​ຂອງ​ຈີນ​ກ່ຽວ​ກັບ​ເສັ້ນທາງ 9 ຕອນ​ແມ່ນ​ບໍ່​ສອດຄ່ອງ​ກັບ​ກົດໝາຍ​ສາກົນ​ກ່ຽວ​ກັບ​ທະ​ເລ./.

 (ແຫຼ່ງຄັດຈາກ VOV)

ບັນດາບົດທີ່ຖືກນຳສະເໜີ