18/05/2017 09:03 GMT+7 Email Print Like 0

ອາຊຽນແລະຈີນຂຶ້ນແຜນການຈັດກອງປະຊຸມກ່ຽວກັບ DOC

      ວັນທີ 16 ພຶດສະພາ, ຈີນ ໄດ້ແຈ້ງໃຫ້ຊາບວ່າ, ກອງປະຊຸມເຈົ້າໜ້າທີ່ອາວຸໂສຄັ້ງທີ 14 ກ່ຽວກັບການປະຕິບັດຖະແຫຼງການວ່າດ້ວຍການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ຈະໄດ້ດຳເນີນໃນວັນທີ 18/05 ຈະມາເຖິງ ຢູ່ນະຄອນກວຍຢາງ, ແຂວງກວຍເຈົາ, ທາງທິດຕາເວັນຕົກສ່ຽງໃຕ້ຈີນ.
ໂຄສົກກະຊວງການຕ່າງປະເທດຈີນ ຄວາຈວນຢິງ
(ພາບປະກອບ: Xinhua)
      ໂຄສົກກະຊວງການຕ່າງປະເທດຈີນ ຄວາຈວນຢິງ ໃຫ້ຮູ້ວ່າ, ວົງການເຈົ້າໜ້າທີ່ການຕ່າງປະເທດຂັ້ນສູງສັງກັດອາຊຽນ ແລະ ທ່ານຮອງລັດຖະມົນຕີການຕ່າງປະເທດຈີນ ລ້ຽວເຈີນມິນ ຈະເຂົ້າຮ່ວມກອງປະຊຸມ. ກ່ອນໜ້ານັ້ນຈະດຳເນີນກອງປະຊຸມກຸ່ມປະຕິບັດງານລວມຄັ້ງທີ 21 ກ່ຽວກັບການປະຕິບັດ DOC. ຕາມໂຄສົກ ຄວາຈວນຢິງ ແລ້ວ, ບັນດາປະເທດອາຊຽນ ແລະ ຈີນ ຈະສືບຕໍ່ປຶກສາຫາລືກ່ຽວກັບການປະຕິບັດ DOC, ຊຸກຍູ້ການຮ່ວມມືໃນສະພາບຕົວຈິງບົນທະເລ ແລະ ບັນດາບັນຫາກ່ຽວຂ້ອງເຖິງການເຈລະຈາກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC). ພາຍຫຼັງການພົບປະຄັ້ງຕ່າງໆ, ວັນທີ 19 ພຶດສະພາ, ບັນດາເຈົ້າໜ້າທີ່ອາວຸໄສອາຊຽນ ແລະ ຈີນ ຈະປຶກສາຫາລືກ່ຽວກັບບັນດາການພົວພັນ 2 ຝ່າຍ ແລະ ຮ່ວມມືໃນພາກພື້ນອາຊີຕາເວັນອອກ.
 (ແຫຼ່ງຄັດຈາກ VOV)
ບັນດາບົດທີ່ຖືກນຳສະເໜີ