08/12/2014 10:40 GMT+7 Email Print Like 0

ຫວຽດນາມ-ໄທ ຫັນໄປສູ່ເປົ້າໝາຍ 15 ຕື້ USD

ທ່ານນາຍົກລັດຖະມົນຕີ ລາຊະອານາຈັກ ໄທ ປຣາຢຸດ ຈັນໂອຈາ ຫາກໍ່ມີ ການຢ້ຽມຢາມ ຫວຽດນາມ ຢ່າງເປັນທາງການແຕ່ວັນທີ 27-28 ພະຈິກ 2014 ຕາມຄຳເຊື້ອເຊີນຂອງທ່ານນາຍົກລັດຖະມົນຕີ ຫງວຽນເຕິນຢຸງ. ນີ້ເປັນໂອກາດ ເພື່ອໃຫ້ສອງຝ່າຍຮັດແໜ້ນສາຍພົວພັນ ຄູ່ຮ່ວມມື ຍຸດທະສາດ ແລະ ສູ້ຊົນນຳວົງເງິນການຄ້າສອງສົ້ນ ໃຫ້ບັນລຸ 15 ຕື້ USD ໃນປີ 2020.

 

ໃນການຢ້ຽມຢາມຄັ້ງນີ້, ທ່ານນາຍົກລັດຖະມົນຕີ ປຣາຢຸດ ຈັນໂອຈາ ມີການພົບປະເຈລະຈາ ກັບທ່ານ ນາຍົກ ລັດຖະມົນຕີ ຫງວຽນເຕິນຢຸງ, ພົບປະແລກປ່ຽນຄວາມຄິດຄວາມເຫັນກັບທ່ານປະທານປະເທດ ເຈືອງເຕິນຊາງ ແລະ ທ່ານປະທານສະພາແຫ່ງຊາດ ຫງວຽນຊິງຮຸ່ງ.

ທີ່ການເຈລະຈາ, ທ່ານນາຍົກລັດຖະມົນຕີ ຫງວຽນເຕິນຢຸງ ໄດ້ຕີລາຄາສູງຕໍ່ເລື່ອງທ່ານນາຍົກລັດຖະມົນຕີ ປຣາຢຸດ ຈັນໂອຈາ ໄດ້ເລືອກ ຫວຽດນາມ ເປັນປະເທດຢ້ຽມຢາມທາງການ ພາຍຫຼັງດຳລົງຕຳແໜ່ງ, ຖືວ່າ ນີ້ແມ່ນການສະແດງອອກ ທີ່ມີຊີວິດຊີວາຂອງສາຍພົວພັນ ຄູ່ຮ່ວມມືຍຸດທະສາດລະຫວ່າງ ຫວຽດນາມ - ໄທ

ສອງຝ່າຍເຫັນດີເປັນເອກະສັນຈະສົມທົບກັນຢ່າງແໜ້ນແຟ້ນ, ສືບຕໍ່ເພີ່ມທະວີການແລກປ່ຽນຄະນະຜູ້ແທນ ຂັ້ນສູງ, ກໍ່ຄືຜັນຂະຫຍາຍ ບັນດາກົນໄກຮ່ວມມືສອງຝ່າຍທີ່ສຳຄັນຄື: ກອງປະຊຸມຄະນະລັດຖະບານລວມ, ຄະນະກຳມະການຮ່ວມມືສອງຝ່າຍ ຫວຽດນາມ-ໄທ, ເຫັນດີເປັນເອກະສັນຊີ້ນຳໃຫ້ບັນດາກະຊວງ, ຂະແໜງ, ທ້ອງຖິ່ນສອງຝ່າຍປະຕິບັດ ບັນດາຂໍ້ຕົກລົງຮ່ວມມື ຂອງການນຳຂັ້ນສູງ 2 ປະເທດ, ສູ້ຊົນ ນຳວົງເງິນການຄ້າສອງສົ້ນໃຫ້ບັນລຸ 15 ຕື້ USD ໃນປີ 2020.
 

ພິທີຕ້ອນຮັບທ່ານນາຍົກລັດຖະມົນຕີ ປຣາຢຸດ ຈັນໂອຈາ ໄດ້ຮັບການຈັດຂຶ້ນທີ່ສຳນັກງານປະທານປະເທດ. ພາບ: ດຶກຕ໋າມ/VNA

ທ່ານນາຍົກລັດຖະມົນຕີ ຫງວຽນເຕິນຢຸງ ເຊີນທ່ານນາຍົກລັດຖະມົນຕີ ປຣາຢຸດ ຈັນໂອຈາ
ກວດກອງກຽດຕິຍົດ ກອງທັບປະຊາຊົນ ຫວຽດນາມ. ພາບ: ດຶກຕ໋າມ/VNA


ທ່ານນາຍົກລັດຖະມົນຕີ ຫງວຽນເຕິນຢຸງ ຕ້ອນຮັບທ່ານນາຍົກລັດຖະມົນຕີ ປຣາຢຸດ ຈັນໂອຈາ. ພາບ: ດຶກຕ໋າມ/VNA

ນາຍົກລັດຖະມົນຕີສອງທ່ານ ດຳເນີນປະຕິບັດກອງປະຊຸມໃນວົງແຄບ. ພາບ: ດຶກຕ໋າມ/VNA

ທ່ານປະທານປະເທດ ເຈືອງເຕິນຊາງ ຕ້ອນຮັບທ່ານນາຍົກລັດຖະມົນຕີ ປຣາຢຸດ ຈັນໂອຈາ. ພາບ: ຫງວຽນຄາງ/VNP

ທ່ານປະທານສະພາແຫ່ງຊາດ ຫງວຽນຊິງຮຸ່ງ ຕ້ອນຮັບທ່ານນາຍົກລັດຖະມົນຕີ ປຣາຢຸດ ຈັນໂອຈາ. ພາບ: ຢວານເຕິນ/VNP

ທ່ານນາຍົກລັດຖະມົນຕີ ປຣາຢຸດ ຈັນໂອຈາ ມາວາງພວງມາລາ ແລະ ເຂົ້າຢ້ຽມສຸສານປະທານ ໂຮ່ຈີມິນ. ພາບ: ກວກແຄງ/VNA

ຫວຽດນາມ ຕີລາຄາສູງຄວາມມານະພະຍາຍາມຂອງ ໄທ ໃນການປະສານງານການພົວພັນລະຫວ່າງ ອາຊຽນ-ຈີນ ໃນໄລຍະຜ່ານມາ, ປະກອບສ່ວນຮັກສາຄວາມສາມັກຄີ ແລະ ທັດສະນະລວມຂອງ ອາຊຽນ ໃນບັນຫາຢູ່ທະເລຕາເວັນອອກ.

ສອງຝ່າຍເຫັນດີເປັນເອກະສັນຈະສືບຕໍ່ສົມທົບຢ່າງຕັ້ງໜ້າ ເພື່ອປະກອບສ່ວນແກ້ໄຂຂໍ້ຂັດແຍ່ງ ໃນທະເລ ຕາເວັນອອກ ໂດຍສັນຕິວິທີບົນ ພື້ນຖານເຄົາລົບກົດໝາຍສາກົນ, ເປັນຕົ້ນແມ່ນສົນທິສັນຍາຂອງສະຫະ ປະຊາຊາດ ວ່າດ້ວຍກົດໝາຍ ທະເລ ປີ 1982, ປະຕິບັດຖະແຫຼງການວ່າດ້ວຍການປະພຶດຕໍ່ ຂອງຝ່າຍ ຕ່າງໆ ຢູ່ທະເລຕາເວັນ ອອກ (DOC) ແລະ ມຸ່ງສູ່ການກໍ່ສ້າງປະມວນກົດລະບຽບ ຢູ່ທະເລຕາເວັນອອກ (COC).

ທ່ານນາຍົກລັດຖະມົນຕີ ປຣາຢຸດ ຈັນໂອຈາ ເຊີນທ່ານນາຍົກລັດຖະມົນຕີ ຫງວຽນເຕິນຢຸງ ໄປເຂົ້າຮ່ວມ ກອງປະຊຸມ GMS ເດືອນທັນວາ 2014 ແລະ ຈະມີການຢ້ຽມຢາມໄທຢ່າງເປັນທາງການ. ທ່ານນາຍົກ ລັດຖະມົນຕີ ຫງວຽນເຕິນຢຸງ ໄດ້ຮັບປາກ ແລະ ສະແດງຄຳຂອບອົກຂອບໃຈ ເຖິງທ່ານນາຍົກລັດຖະມົນຕີ ປຣາຢຸດ ຈັນໂອຈາ.

ເນື່ອງໃນໂອກາດນີ້, ນາຍົກລັດຖະມົນຕີ 2 ທ່ານ ໄດ້ເປັນສັກຂີພິຍານພິທີ ເຊັນເອກະສານຮ່ວມມື 3 ສະບັບລວມມີ: ແຜນການເຄື່ອນໄຫວ ຜັນຂະຫຍາຍ ການພົວພັນຄູ່ຮ່ວມມື ຍຸດທະສາດ ຫວຽດນາມ-ໄທ ໄລຍະ 2014-2018; ແຜນການຮ່ວມມືດ້ານວັດທະນະທຳ ຫວຽດນາມ-ໄທ ໄລຍະ 2014-2016; ຂໍ້ຕົກລົງ ຮ່ວມມືລະຫວ່າງນະຄອນ ເກີນເທີ ແລະ ແຂວງ ສະເຊີງເຊົາ ຂອງ ໄທ.
ໂດຍ: VNA/VNP
ບັນດາບົດທີ່ຖືກນຳສະເໜີ