05/12/2014 09:48 GMT+7 Email Print Like 0

ຫວຽດນາມ-ເວເນຊູເອລາ: 25 ປີແຫ່ງການພົວພັນພັດທະນາຢ່າງໝັ້ນຄົງ

ຫວຽດນາມ ແລະ ເວເນຊູເອລາ ສ້າງຕັ້ງການພົວພັນທາງດ້ານການທູດ ຢ່າງເປັນທາງການ ເມື່ອເດືອນທັນວາ 1989. ປະຊາຊົນສອງປະເທດ ມີຄວາມເຂົ້າໃຈ ແລະ ຊ່ວຍເຫຼືອເຊິ່ງກັນ ແລະ ກັນ. ໃນການຕໍ່ສູ້ ຕ້ານການ ຮຸກຮານ ຂອງ ອາເມລິກາ, ປະຊາຊົນ ເວເນຊູເອລາ ໄດ້ມີຫຼາຍການ ເຄື່ອນໄຫວ ເພື່ອສະໜັບສະໜູນ ຫວຽດນາມ. ຕົວຢ່າງໃນເດືອນ ຕຸລາ 1964, ບັນດານັກຮົບເກົ່າ ກາຣາກາດ ໄດ້ເຂົ້າຮ່ວມໃນການລັກພາຕົວ ພັນຕີ Smolen ເພື່ອລັກປ່ຽນຄວາມ ເສລີພາບໃຫ້ວິລະຊົນ ຫງວຽນວັນໂຈຍ, ຜູ້ທີ່ຖືກອຳນາດການປົກຄອງ ຫວຽດນາມ ກົ້ງຮວ່າ ຈັບ ແລະ ຕັດສິນລົງໂທດ ປະຫານຊີວິດ.

 

ໃນການພົວພັນກັບຕ່າງປະເທດ, ເວເນຊູເອລາ ມີນະໂຍບາຍ ເປີດກວ້າງການພົວພັນຮ່ວມມື ກັບບັນດາປະເທດ ບົນຈິດໃຈ ຍົກສູງຄວາມເປັນເອກະລາດ ແລະ ອຳນາດ ອະທິປະໄຕ; ຍົກສູງຄວາມສາມັກຄີ, ການຮ່ວມມື ແລະ ເຊື່ອມຕໍ່ ລະຫວ່າງ ອາເມລິກາ ລາຕິນ-ກາຣີເບ, ເປັນຕົ້ນແມ່ນ ເພີ່ມທະວີການພົວພັນຮ່ວມມືຍຸດທະສາດກັບ ກູບາ ເພື່ອເປົ້າໝາຍ ລົບລ້າງຄວາມທຸກຍາກ, ຂາດຍຸຕິທຳ ແລະ ຂູດຮີດ. ຖານະບົດບາດຂອງ ເວເນຊູເອລາ ນັບນື້ນັບເພີ່ມ ສູງຂຶ້ນໃນພາກພື້ນ ແລະ ບົນເວທີສາກົນ.

ການພົວພັນມິດຕະພາບ ແລະ ຮ່ວມມືຫຼາຍດ້ານ ລະຫວ່າງ ຫວຽດນາມ- ເວເນຊູເອລາ ໃນໄລຍະຜ່ານມາ ມີການ ພັດທະນາຢ່າງຂັນແຂງ, ເປັນຕົ້ນແມ່ນຫຼັງຈາກ ຫວຽດນາມ ໄດ້ເປີດນຳໃຊ້ສະຖານທູດ ທີ່ນະຄອນຫຼວງ ກາຣາກາດ ເມື່ອ ເດືອນກັນຍາ 2005 ແລະ ເວເນຊູເອລາ ໃຫ້ເປີດນຳໃຊ້ສະຖານທູດ ທີ່ນະຄອນຫຼວງ ຮ່າໂນ້ຍ ເມື່ອເດືອນມັງກອນ 2006. ສອງປະເທດ ເພີ່ມທະວີການແລກປ່ຽນ ຄະນະຜູ້ແທນຂັ້ນສູງຢ່າງເລື່ອຍໆ. ສະມາຄົມມິດຕະພາບ ຫວຽດນາມ- ເວເນຊູເອລາ ໄດ້ຮັບການສ້າງຕັ້ງໃນວັນທີ 1 ສິງຫາ 2006 ໂດຍທ່ານສາດສະດາຈານ ຫວູວັນຮ່ຽນ, ກຳມະການ ສູນກາງພັກ, ຜູ້ອຳນວຍການໃຫຍ່ ສະຖານີວິທະຍຸກະຈາຍສຽງ ຫວຽດນາມ ເປັນປະທານ ເນື່ອງໃນການຢ້ຽມຢາມ ຫວຽດນາມ ຢ່າງເປັນທາງການ ຂອງທ່ານປະທານາທິບໍດີ ເວເນຊູເອລາ H.Chaver. ພົ້ນເດັ່ນແມ່ນການຢ້ຽມຢາມ ເວເນຊູເອລາ ຂອງທ່ານເລຂາທິການໃຫຍ່ ໂນງດຶກແມ້ງ (5/2007) ດ້ວຍຖະແຫຼງການຂັ້ນສູງ ຢັ້ງຢືນສອງຝ່າຍກໍ່ສ້າງ “ການພົວພັນຄູ່ຮ່ວມມືຮອບດ້ານ”.

ຫວຽດນາມ ແລະ ເວເນຊູເອລາ ມີຫຼາຍໂຄງການຮ່ວມມື, ຕົວຢ່າງຄື: ໂຄງການຂຸດຄົ້ນບໍ່ນ້ຳມັນ “Junin 2”, ໂຄງການລ້ຽງປາ, ລ້ຽງກຸ້ງໃນທົ່ງນາ; ໂຄງການປູກຢາງພາລາ; ໂຄງການຜະລິດຊອບແວ ແລະ ເຕັກໂນໂລຢີສື່ສານ; ໂຄງການຜະລິດດອກໄຟ, ດອກໄຟປະຢັດໄຟຟ້າ; ໂຄງການກໍ່ສ້າງພື້ນຖານໂຄງລ່າງຂົນສົ່ງທາງທະເລ; ໂຄງການກໍ່ສ້າງເຮືອນຢູ່…


ທ່ານຮອງນາຍົກລັດຖະມົນຕີ ຮວ່າງຈຸງຫາຍ ມາຢ້ຽມຢາມບັນດາພະນັກງານ, ນັກວິສາວະກອນ ຫວຽດນາມ
ແລະ ເວເນຊູເອລາ ທີ່ໂຄງການຂຸດຄົ້ນນ້ຳມັນເຊື້ອໄຟ Junin 2 ທີ່ ເວເນຊູເອລາ (2010). ພາບ: PVEP


ທ່ານປະທານສະພາແຫ່ງຊາດ ເວເນຊູເອລາ ໃນການຢ້ຽມຢາມກຸ່ມບໍລິສັດນ້ຳມັນອາຍແກັສ ຫວຽດນາມ (2011). ພາບ: PVEP

ທ່ານປະທານສະຫະພັນບັນດາອົງການຈັດຕັ້ງມິດຕະພາບ ຫວຽດນາມ
ພົບປະກັບທ່ານປະທານສະພາແຫ່ງຊາດ ເວເນຊູເອລາ (2011). ພາບ: ຫງວຽນຕວັນວຽດ

ທ່ານຜູ້ນຳ PetroVietnam ພົບປະກັບທ່ານຜູ້ນຳ PDVSA. ພາບ: PVEP

ພະນັກງານເຕັກນິກຂອງ PVEP & PDVSA ທີ່ໂຄງການຂຸດຄົ້ນນ້ຳມັນອາຍແກັສຢູ່ ເວເນຊູເອລາ. ພາບ: PVEP

ເວລາຜ່ອນຄາຍອາລົມເທິງຖານຂຸດເຈາະນ້ຳມັນອາຍແກັສ. ພາບ: PVEP

ມູນໜຶ່ງຂອງບໍ່ນ້ຳມັນ Orinoco ຢູ່ ເວເນຊູເອລາ, ຂົງເຂດທີ່ມີປະລິມານນ້ຳມັນຫຼາຍທີ່ສຸດໃນໂລກ. ພາບ: PVEP

ຄະນະສິລະປະຂອງ ເວເນຊູເອລາ ມາຢ້ຽມຢາມຫໍພິພິດທະພັນ ອາວຸດ ຫວຽດນາມ (2014). ພາບ: ຈິ້ງວັນໂບ້/VNP

ວັນທີ 27 ກັນຍາ 2012, ການຮ່ວມຜະລິດ ນ້ຳມັນອາຍແກັສ Petro Macareo ລະຫວ່າງສະຫະບໍລິສັດ ຂຸດຄົ້ນນ້ຳມັນອາຍແກັສ (PVEP) ຂຶ້ນກັບກຸ່ມບໍລິສັດ ນ້ຳມັນອາຍແກັສ ຫວຽດນາມ (PetroVietnam) ກັບສະຫະບໍລິສັດ ນ້ຳມັນເຊື້ອໄຟ ເວເນຊູເອລາ-ສາຂາຂອງກຸ່ມບໍລິສັດ ນ້ຳມັນເຊື້ອໄຟ Petroleos de Venezuela (PDVSA) ເລີ່ມຜະລິດ ຖັງນ້ຳມັນທຳອິດ ດ້ວຍຈຳນວນການຜະລິດ ເບື້ອງຕົ້ນ 800 ຖັງຕໍ່ມື້ ດ້ວຍສັນຍາຮ່ວມມື ທີ່ມີກຳນົດເວລາ 25 ປີ.

ການພົວພັນລະຫວ່າງ ຫວຽດນາມ-ເວເນຊູເອລາ ສືບຕໍ່ໄດ້ຮັບການປັບປຸງ ແລະ ພັດທະນາ. ກ່ຽວກັບການພົວພັນຂອງພັກ ແລະ ລັດຖະບານ, ສອງປະເທດມີການແລກປ່ຽນ ຄະນະຜູ້ແທນຂັ້ນສູງກວ່າ 10 ຄະນະ. ກ່ຽວກັບການພົວພັນ ຮ່ວມມື ເສດຖະກິດ, ສອງຝ່າຍໄດ້ລົງນາມ ໃນເອກະສານວ່າການຮ່ວມມືກວ່າ 50 ສະບັບ ໃນບັນດາຂົງເຂດຄື: ພະລັງງານ, ນ້ຳມັນອາຍແກັສ, ກະສິກຳ-ປ່າໄມ້-ການປະມົງ, ວັດທະນະທຳ, ການສຶກສາ, ກິລາ, ທ່ອງທ່ຽວ… ແລະ ມີການ ຜັນຂະຫຍາຍ, ປະຕິບັດຫຼາຍໂຄງການຮ່ວມມືຕົວຈິງ, ພາເຮັດໃຫ້ພາລະກິດຮ່ວມມືເສດຖະກິດ, ການຄ້າ, ການລົງທຶນ, ວິທະຍາສາດເຕັກໂນໂລຢີ ລະຫວ່າງສອງປະເທດ ນັບມື້ນັບພັດທະນາຂຶ້ນ.
 
ກ່ຽວກັບການພົວພັນລະຫວ່າງປະຊາຊົນສອງປະເທດ, ໄດ້ມີການພົບປະ, ຢ້ຽມຢາມເຊິ່ງກັນ ແລະ ກັນຂອງສິບກວ່າ ຄະນະ ເພື່ອແລກປ່ຽນສະພາບການເປັນຢູ່, ບົດຮຽນ, ສະເຫຼີມສະຫຼອງວັນບຸນໃຫຍ່ຂອງສອງປະເທດ, ເຊັນບັນດາສັນຍາ ຮ່ວມມື, ສະໜັບສະໜູນພາລະກິດສ້າງສາ ແລະ ພັດທະນາປະເທດຊາດ ຂອງກັນ ແລະ ພັນ.
ພາບຈຳນວນໜຶ່ງກ່ຽວກັບນະຄອນຫຼວງ ກາຣາກາດ ຂອງ ເວເນຊູເອລາ

ເສັ້ນທາງທີ່ສວຍງາມເຊື່ອມຕໍ່ ກາຣາກາດ ກັບສະໜາມບິນສາກົນ Simon Bolivar "Maiquetia". ພາບ: ຫງວຽນຖັ໋ງ/VNP

ກາຣາກາດ ທັງສວຍງາມ, ທັງທັນສະໄໝ ນອນຢູ່ເທິງລະດັບ ຄວາມສູງເກືອບ 1000 ແມັດ ທຽບກັບລະດັບນ້ຳທະເລ. ພາບ: ຫງວຽນຖັ໋ງ/VNP

ເຂດເຮືອນຂອງຄົນທຸກຍາກຢູ່ ກາຣາກາດ. ພາບ: ຫງວຽນຖັ໋ງ/VNP

ຖະໜົນຫຼວງ Simon Bolivar ມີລະບົບດອກໄຟ ທີ່ທັນສະໄໝ ໂດຍບໍລິສັດ Hapulico
ຂອງ ຫວຽດນາມ ເປັນຜູ້ປະຕິບັດການກໍ່ສ້າງ ແລະ ຕິດຕັ້ງ. ພາບ: ຫງວຽນຖັ໋ງ/VNP

ຮູບປັ້ນປະທານ ໂຮ່ຈີມິນ ແລະ ທຸງຊາດ ຫວຽດນາມ ໄດ້ຕັ້ງຢູ່ຖະໜົນຫຼວງ Simon Bolivar
ທີ່ນະຄອນຫຼວງ ກາຣາກາດ. ພາບ: ຫງວຽນຖັ໋ງ/VNP

ຈະຕຸລັດບັນດາບັນພະບູລຸດ, ສະຖານທີ່ຕັ້ງຮູບປັ້ນນັກວິລະຊົນຂອງ ເວເນຊູເອລາ ແລະ ອາເມລິກາ ລາຕິນ. ພາບ: ຫງວຽນຖັ໋ງ/VNP

ເສັ້ນທາງໜຶ່ງເຕັມໄປດ້ວຍສີຂຽວຂອງຕົ້ນໄມ້ໄຜ່ຄືຂອງ ຫວຽດນາມ ຢູ່ໃຈກາງນະຄອນຫຼວງ ກາຣາກາດ. ພາບ: ຫງວຽນຖັ໋ງ/VNP

ສຳນັກງານສະພາແຫ່ງຊາດຢູ່ນະຄອນຫຼວງ ກາຣາກາດ. ພາບ: ຫງວຽນຖັ໋ງ/VNP

ຫໍບູຊາແຫ່ງຊາດ Panteon Nacional, ສະຖານທີ່ ບູຊາບັນດານັກວິລະຊົນຂອງ ເວເນຊູເອລາ. ພາບ: ຫງວຽນຖັ໋ງ/VNP

ຈະຕຸລັດ Plaza Bolivar, ສະຖານທີ່ໄດ້ນຳໃຊ້ເພື່ອຈັດຕັ້ງບັນດາການເຄື່ອນໄຫວ
ດ້ານວັດທະນະທຳ ທີ່ສຳຄັນ ຢູ່ ກາຣາກາດ. ພາບ: ຫງວຽນຖັ໋ງ/VNP

ຮ້ານຂາຍເຄື່ອງທີ່ນະລຶກແຫ່ງໜຶ່ງຢູ່ນະຄອນຫຼວງ ກາຣາກາດ. ພາບ: ຫງວຽນຖັ໋ງ/VNP

ໄວໜຸ່ມຈຳນວນໜຶ່ງ ພວມຫຼິ້ນກິນເທິງທະໜົນ. ພາບ: ຫງວຽນຖັ໋ງ/VNP

ສູນການຄ້າທີ່ທັນສະໄໝແຫ່ງໜຶ່ງ ຢູ່ ກາຣາກາດ. ພາບ: ຫງວຽນຖັ໋ງ/VNP
ເນື່ອງໃນໂອກາດສະເຫຼີມສະຫຼອງ 25 ປີແຫ່ງວັນສ້າງຕັ້ງການພົວພັນທາງດ້ານການທູດ ລະຫວ່າງ ຫວຽດນາມ- ເວເນຊູເອລາ (1989-2014), ທ່ານເອກອັກຄະລັດຖະທູດ ເວເນຊູເອລາ ປະຈຳ ຫວຽດນາມ Jorge Rondon Uzcategui ໃຫ້ຮູ້ວ່າ ປີນີ້ ມີຫຼາຍເຫດການທີ່ສຳຄັນຂອງ ຫວຽດນາມ ແລະ ເວເນຊູເອລາ ຄື: 25 ປີແຫ່ງວັນສ້າງຕັ້ງການພົວພັນ ທາງດ້ານການທູດຂອງສອງປະເທດ, 203 ປີແຫ່ງວັນເອກະລາດຂອງ ເວເນຊູເອລາ, 50 ປີແຫ່ງວັນພົບປະລະຫວ່າງ ປະຊາຊົນ ຫວຽດນາມ- ເວເນຊູເອລາ ໃນເດືອນຕຸລາ 1964, ສະເຫຼີມສະຫຼອງການຢ້ຽມຢາມ ປະຫວັດສາດຂອງ ທ່ານປະທານາທິບໍດີ Hugo Chavez Frias ເຖິງ ຫວຽດນາມ ຄົບຮອບ 8 ປີ.

ກ່ຽວກັບການພົວພັນ ລະຫວ່າງສອງປະເທດ, ທ່ານ Jorge Rondon Uzcategui ເວົ້າວ່າ: “ຫວຽດນາມ- ເວເນຊູເອລາ ໄດ້ສ້າງຕັ້ງສາຍພົວພັນ ພັດທະນາຢ່າງໝັ້ນຄົງ ຍ້ອນສອງປະເທດ ມີຫຼາຍຈຸດຄ້າຍຄືກັນໃນການຕໍ່ສູ້ຮັກສາ ສັນຕິພາບ ກໍ່ຄືຊອກຫາ ທິດທາງດີທີ່ສຸດໃຫ້ແກ່ ການວັດທະນາຖາວອນ ຂອງປະຊາຊົນ.

ສອງປະເທດມີການຕໍ່ສູ້ໃຫ້ໂລກແຫ່ງຄວາມສະເໝີພາບ ແລະ ມະນຸດສະທຳ. ໃນໄລຍະສັ້ນ, ພວກເຮົາບັນລຸໄດ້ ຫຼາຍຜົນສຳເລັດ ແລະ ສ້າງຕັ້ງການຮ່ວມມືເພື່ອຜົນປະໂຫຍດລວມ ຜ່ານບັນດາການຢ້ຽມຢາມຂອງຄະນະຜູ້ແທນຂັ້ນສູງ ລະຫວ່ງສອງ ລັດຖະບານ, ເຊັນສັນຍາກວ່າ 50 ສະບັບວ່າດ້ວຍການສ້າງຕັ້ງສາຍພົວພັນສອງຝ່າຍ ໃນຫຼາຍ ຂົງເຂດ ທີ່ແຕກຕ່າງກັນ”.

ບົດ: ຫວີງຮືງ
ພາບ: ຫງວຽນຖັ໋ງ, ຈິ້ງວັນໂບ້ ແລະ ເອກະສານຂອງ PVEP, ຫງວຽນຕວັນວຽດ
ບັນດາບົດທີ່ຖືກນຳສະເໜີ