26/05/2017 10:55 GMT+7 Email Print Like 0

ຫວຽດນາມ ຍາມໃດກໍ່ຕ້ອນຮັບ ແລະ ຮ່ວມເດີນທາງກັບວິສາຫະກິດ ແອັດສະປາຍ

      ໃນຂອບເຂດການຢ້ຽມຢາມ ແອັດສະປາຍ ຢ່າງເປັນທາງການ, ວັນທີ 24 ພຶດສະພາ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຟ້າມບີງມິງ ເປັນປະທານພິທີໄຂເວທີປາໄສເສດຖະກິດ ຫວຽດນາມ - ແອັດສະປາຍ ດ້ວຍຫົວຂໍ້ວ່າ ພ້ອມກັນຮ່ວມເດີນທາງ

ພິທີລົງນາມຂໍ້ຕົກລົງຮ່ວມມືລະຫວ່າງວິສາຫະກິດ 2 ປະເທດ
      ກາລະໂອກາດຮ່ວມມືໃຫ້ວິສາຫະກິດ ຫວຽດນາມ ແລະ ແອັດສະປາຍ”. ເວທີປາໄສແມ່ນເຫດການເສດຖະກິດໃນບັນດາການເຄື່ອນໄຫວຂອງຂອບເຂດຊຸມວັນ ຫວຽດນາມ ທີ່ຈັດຕັ້ງຢູ່ ແອັດສະປາຍ ເນື່ອງໃນໂອກາດສະເຫຼີມສະຫຼອງ 40 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ 2 ປະເທດ (23/05/1977 – 23/05/2017). ກ່າວຄຳເຫັນທີ່ເວທີປາໄສ, ທ່ານ ຟ້າມບີງມິງ ຢືນຢັນຄຳໝັ້ນສັນຍາຂອງລັດຖະບານ ຫວຽດນາມ ວ່າຍາມໃດກໍ່ຕ້ອນຮັບ ແລະ ຮ່ວມເດີນທາງກັບວິສາຫະກິດ, ສືບຕໍ່ຊຸກຍູ້ການປະຕິຮູບ, ສ້າງຂໍ້ລິເລີ່ມສະພາບແວດລ້ອມແຫ່ງການດຳເນີນທຸລະກິດ, ການລົງທຶນຢ່າງສະດວກ ແລະ ສະເໝີພາບກ່ວາອີກ ໃຫ້ແກ່ບັນດານັກລົງທຶນຕ່າງປະເທດ, ໃນນັ້ນ ມີບັນດານັກລົງທຶນ ແອັດສະປາຍ.
        “ຫວຽດນາມ ໄດ້ຮັບຄວາມຮູ້ຈັກຈາກເພື່ອນມິດສາກົນດ້ວຍເລື່ອງປະສົບຜົນສຳເລັດກ່ຽວກັບເສດຖະກິດ, ແມ່ນຈຸດພົ້ນເດັ່ນກ່ຽວກັບການດຶງດູດການລົງທຶນ ແລະ ການທ່ອງທ່ຽວ. ມາຮອດປະຈຸບັນ, ຫວຽດນາມ ດຶງດູດທຶນ FDI ໄດ້ປະມານ 300 ຕື້ USD, ໃນນັ້ນ ທຶນປະຕິບັດກ່ວາ 154 ຕື້ USD. ສະເພາະປີ 2016 ດ້ວຍຄວາມຕັດສິນໃຈ ແລະ ຄວາມມານະພະຍາຍາມໃຫຍ່ຫລວງຂອງ ລັດຖະບານ, ສະພາບແວດລ້ອມແຫ່ງການດຳເນີນທຸລະກິດຂອງ ຫວຽດນາມ ໄດ້ເພີ່ມຂຶ້ນ 9 ຂັ້ນ.
        ໃນຂອບເຂດເວທີປາໄສ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຟ້າມບີງມິງ ເປັນສັກຂີພິຍານພິທີລົງນາມຂໍ້ຕົກລົງຮ່ວມມືລະຫວ່າງວິສາຫະກິດ 2 ປະເທດບາງສະບັບ.
 (ແຫຼ່ງຄັດຈາກ VOV)
ບັນດາບົດທີ່ຖືກນຳສະເໜີ