09/04/2017 08:15 GMT+7 Email Print Like 0

ຫວຽດນາມ ກ່າວປະນາມເຫດເຫດບຸກໂຈມຕີດ້ວຍລົດບັນທຸກໃສ່ສາມັນຊົນ ຊູແອັດ


ໂຄສົກ​ກະຊວງ​ການ​ຕ່າງປະ​ເທດ ຫວຽດນາມ ທ່ານ​ນາງ ​ເລ​ທິທູ​ຮັ່ງ

      ໂດຍ​ໄດ້​ຮັບ​ຂ່າວ​ວ່າ ວັນ​ທີ 07/04/2017 ​ໄດ້​ເກີດ​ເຫດ​ບຸກ​ໂຈມ​ຕີ​ຢູ່​ນະຄອນຫລວງ Stockholm, ຊູ​ແອັດ ​ເຮັດ​ໃຫ້​ສາມັນ​ຊົນ​ຫລາຍ​ຄົນ​ເສຍ​ຊີວິດ ​ແລະ ຮັບ​ບາດ​ເຈັບ, ວັນ​ທີ 08/04/2017 ທ່ານ​ນາຍົກລັດຖະມົນຕີ ຫວຽດນາມ ຫງວຽນ​ຊວນ​ຟຸກ ​ໄດ້​ສົ່ງ​​ໂທລະ​ເລກ​ແບ່ງ​ເບົາ​ຄວາມ​ເສົ້າ​ສະຫຼົດ​ໃຈ​ເຖິງ​ທ່ານ​ນາຍົກລັດຖະມົນຕີ ຊູ​ແອັດ Stefan Lofven.
        ​ແລະ​ກໍ່​ໃນ​ວັນ​ດຽວ​ກັນ ​ເມື່ອ​ຕອບ​ສຳ​ພາດ​ກ່ຽວ​ກັບ​ປະຕິກິລິຍາ​ຂອງ ຫວຽດນາມ ຕໍ່​ເຫດການ​ບຸກ​ໂຈມ​ຕີ​ດ້ວຍ​ລົດ​ບັນທຸກ​ຢູ່ ຊູ​​ແອັດ, ​ໂຄສົກ​ກະຊວງ​ການ​ຕ່າງປະ​ເທດ ຫວຽດນາມ ທ່ານ​ນາງ ​ເລ​ທິທູ​ຮັ່ງ ຊີ້​ແຈ້ງວ່າ ຫວຽດນາມ ກ່າວ​ປະນາມ​ເຫດ​ບຸກ​ໂຈມ​ຕີ​ດັ່ງກ່າວ. ບັນດາ​ເຈົ້າ​ເລ່​​ໃນ​ເຫດ​ບຸກ​ໂຈມຕີ​ຈະ​ຖື​ກ​ລົງ​ໂທ​ດຢ່າງ​ສົມ​ເຫດ​ສົມ​ຜົນ
        ໂຄສົກ​ກະຊວງ​ການ​ຕ່າງປະ​ເທດ ຫວຽດນາມ ທ່ານ​ນາງ ​ເລ​ທິທູ​ຮັ່ງ ​ໃຫ້​ຮູ້​ວ່າ: ປະຈຸ​ບັນ ຍັງບໍ່​ທັນມີ​ຂ້ໍ​ມູນ​ຂ່າວ​ທີ່​ກ່ຽວ​ຂ້ອງ​ເຖິງ​ພົນລະ​ເມືອງ ຫວຽດນາມ ​ຖືກປະສົບ​ເຄາະ​ຮ້າຍ​ຈາກເຫດ​ບຸກ​ໂຈມ​ຕີດັ່ງກ່າວ​ເທື່ອ. ສະຖານ​ທູດ ຫວຽດນາມ ​ພວມ​ສືບ​ຕໍ່​ສົມທົບ​ກັບ​ບັນດາ​ອົງການ​ທີ່​ກ່ຽວຂ້ອງ​ປະຈຳ​ຖິ່ນຢ່າງ​​ແໜ້ນ​ແຟ້ນ ​ເພື່ອ​ຕິດ​ຕາມ​ສະພາບ​ການ, ມີ​ບັນດາ​ມາດ​ຕະການ​ໜູນ​ຊ່ວຍ​ພົນລະ​ເມືອງ ຫວຽດນາມ ​ໃນ​ກໍລະນີ​ຮີບ​ດ່ວນ.
(ແຫຼ່ງຄັດຈາກ VOV)
 
ບັນດາບົດທີ່ຖືກນຳສະເໜີ