19/02/2014 00:01 GMT+7 Email Print Like 0

ຫວຽດນາມ-ກຳປູເຈຍ ສູ້ຊົນບັນລຸເປົ້າໝາຍ 5 ຕື້ໂດລາສະຫະລັດ

ໃນຕອນເຊົ້າວັນທີ 11 ກຸມພາ 2014, ສະໄໝປະຊຸມ ຂອງຄະນະ ກຳມະການ ປະສົມ ລະຫວ່າງ ຫວຽດນາມ-ກຳປູເຈຍ ວ່າດ້ວຍເສດຖະກິດ, ວັດທະນະທຳ, ວິທະຍາສາດ ແລະ ເຕັກນິກ ຄັ້ງທີ 13 ໄດ້ຮັບການຈັດຂຶ້ນ ທີ່ນະຄອນຫຼວງ ພະນົມເປັນຂອງ ກຳປູເຈຍ.

 

ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ຟ້າມບິ່ງມິນ ແລະ ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ແລະ ຮ່ວມມືກັບສາກົນ ກຳປູເຈຍ ຮໍ ນາມຮົງ ໄດ້ເປັນປະທານຮ່ວມໃນກອງປະຊຸມດັ່ງກ່າວ.
ທີ່ກອງປະຊຸມ, ສອງຝ່າຍໄດ້ສຸມໃສ່ກວດກາການຜັນຂະຫຍາຍ ບັນດາຂໍ້ຕົກລົງໃນການຮ່ວມມື ຂອງສະໄໝ ປະຊຸມຄັ້ງທີ 12 ຂອງຄະນະກຳມະການປະສົມລະຫວ່າງ ຫວຽດນາມ-ກຳປູເຈຍ ແລະ ສະແດງຄວາມ ເພຶ່ງພໍໃຈ ທີ່ໄດ້ເຫັນ ສາຍພົວພັນມິດຕະພາບ, ການຮ່ວມມືຮອບດ້ານລະຫວ່າງ ສອງປະເທດນັບມື້ ນັບພັດທະນາຢ່າງດີງາມ, ນຳຜົນປະໂຫຍດອັນແທ້ຈິງມາໃຫ້ແກ່ປະຊາຊົນສອງປະເທດ.

ທ່ານ ຟ້າມບິ່ງມິນ ແລະ ທ່ານ ຮໍ ນາມຮົງ ໄດ້ແລກປ່ຽນບົດບັນທຶກວ່າດ້ວຍຂໍ້ຕົກລົງຂອງສະໄໝປະຊຸມດັ່່ງກ່າວ. ພາບ: ຊວນຄູ-VNA
ພາບທັງໝົດຂອງສະໄໝປະຊຸມຄັ້ງທີ 13. ພາບ: ຊວນຄູ-VNA
 
ການນຳຂັ້ນສູງຂອງສອງປະເທດໄດ້ມີການຢ້ຽມຢາມເຊິ່ງກັນ ແລະ ກັນຄື: ການຢ້ຽມຢາມ ກຳປູເຈຍ ຂອງ ທ່ານເລຂາທິການໃຫຍ່ ຫງວຽນຝູ໋ຈ້ອງ (ເດືອນທັນວາ 2011), ທ່ານນາຍົກລັດຖະມົນຕີ ຫງວຽນເຕິນຢຸງ (ເດືອນມັງກອນ 2014); ການຢ້ຽມຢາມ ຫວຽດນາມ ຂອງທ່ານນາຍົກລັດຖະມົນຕີ ຮຸນແຊນ (ເດືອນຜະຈິກ 2013), ທ່ານປະທານສະພາແຫ່ງຊາດ ກຳປູເຈຍ ເຮັງ ຊຳຣິນ ມາຢ້ຽມຢາມ ແລະ ເຂົ້າຮ່່ວມ ພິທີຊຸມນຸມມິດຕີງທີ່ ຮ່າໂນ້ຍ ເນື່ອງໃນໂອກາດສະເຫຼີມສະຫຼອງ 35 ປີ ແຫ່ງວັນໄຊຊະນະ ສົງຄາມປົກປັກ ຮັກສາເຂດຊາຍແດນ ທາງທິດຕາເວັນຕົກ ພາກໃຕ້ ແລະ ພ້ອມກັບທະຫານ, ປະຊາຊົນກຳປູເຈຍໄຊຊະນະ ລະບອບດັບສູນເຊື້ອຊາດ (7/1/1979-7/1/2014).
ການຮ່ວມມືໃນບັນດາຂົງເຂດເສດຖະກິດ, ການຄ້າ ແລະ ການລົງທຶນມີການພັດທະນາຢ່າງແຂງແຮງ, ເຮັດໃຫ້ມູນຄ່າສົ່ງອອກ ແລະ ນຳເຂົ້າຂອງສອງປະເທດບັນລຸໄດ້ 3,5 ຕື້ໂດລາສະຫະລັດເມື່ອປີ 2013. ມີ 128 ໂຄງການຂອງຫວຽດນາມ ລົງທຶນເຂົ້າ ກຳປູເຈຍ ດ້ວຍຍອດທຶນຈົດທະບຽນກວ່າ 3 ຕື້ໂດລາສະຫະລັດ.
ສອງຝ່າຍມີການແລກປ່ຽນ ແລະ ຕົກລົງກັນກ່ຽວກັບທິດທາງ ແລະ ບັນດາວິທີເພີ່ມທະວີການຮ່ວມມື ຮອບດ້ານ ລະຫວ່າງສອງປະເທດ ໃນເວລາຈະມາເຖິງ, ມານະພະຍາຍາມຍົກມູນຄ່າການຄ້າຂອງ ສອງ ປະເທດບັນລຸ 5 ຕື້ໂດລາສະຫະລັດໃນ ປີ 2015.
ສອງຝ່າຍກໍ່ຕົກລົງກັນຈະເພີ່ມທະວີການຮ່ວມມືຫຼາຍກວ່າເກົ່າໃນບັນດາຂົງເຂດຄື: ຊັບພະຍາກອນ ສິ່ງແວດ ລ້ອມ, ພະລັງງານ, ນ້ຳມັນອາຍແກັສ, ກຳລັງແຮງງານ, ສາທາລະນະສຸກ… ແລະ ຜັນຂະຫຍາຍການ ເຊື່ອມຕໍ່ລະຫວ່າງເສດຖະກິດຂອງ ສອງປະເທດ, ເປັນຕົ້ນແມ່ນໃນຂົງເຂດການຄົມມະນາຄົມ, ໂທລະຄົມ ມະນາຄົມ, ການເງິນ, ທະນາຄານ ແລະ ການທ່ອງທ່ຽວ ຄືທ່ານນາຍົກລັດຖະມົນຕີ ຂອງສອງປະເທດ ໄດ້ຕົກລົງກັນ.

ທ່ານນາຍົກລັດຖະມົນຕີ ຫງວຽນເຕິນຢຸງ ແລະ ທ່ານນາຍົກລັດຖະມົນຕີ ຮຸນແຊນ ໄດ້ເປັນປະທານຮ່ວມຂອງກອງປະຊຸມ
ຊຸກຍູ້ ການລົງທຶນ ແລະ ການຄ້າ ຫວຽດນາມ-ກຳປູເຈຍ ຄັ້ງທີ 4. ພາບ: ດຶກຕ໋າມ-VNA

ທ່ານນາຍົກລັດຖະມົນຕີ ຫງວຽນເຕິນຢຸງ ແລະ ທ່ານນາຍົກລັດຖະມົນຕີ ຮຸນແຊນ
ໄດ້ເຂົ້າຮ່ວມພິທີເປີດການກໍ່ສ້າງຂົວ ລອງບິ່ງ - ເຈີໄຣ ທອມ. ພາບ: ດຶກຕ໋າມ-VNA


ທ່ານນາຍົກລັດຖະມົນຕີ ຫງວຽນເຕິນຢຸງ ມາຢ້ຽມຢາມໂຮງງານຜະລິດຝຸ່ນ ສາກົນ 5 ດາວ ກຳປູເຈຍ. ພາບ: ດຶກຕ໋າມ-VNA

ພິທີມອບຮັບໂຄງການເຕັກໂນໂລຢີຂ່າວສານ ມີມູນຄ່າກວ່າ 1 ລ້ານໂດລາສະຫະລັດ
ໂດຍສະພາແຫ່ງຊາດ ຫວຽດນາມ ມອບໃຫ້ສະພາແຫ່ງຊາດ ກຳປູເຈຍ. ພາບ: ຊວນຄູ-VNA 

ພິທີເປິດຕະຫຼາດນັດວາງສະແດງການຄ້າ-ການບໍລິການ ຫວຽດນາມ-ກຳປູເຈຍ 2013. ຊວນຄູ-VNA

ໂຮງໝໍ ເຈີ້ໄຣ - ພະນົມເປັນ ຢູ່ນະຄອນຫຼວງ ພະນົມເປັນ ຂອງ ກຳປູເຈຍ. ພາບ: ດຶກຕ໋າມ-VNA

ບັນດາທ່ານໝໍອາສາສະໝັກ ຫວຽດນາມ ກວດ ແລະ ປິ່ນປົວພະຍາດໃຫ້ຄົນທຸກຍາກ ກຳປູເຈຍ. ພາບ: ຊວນຄູ-VNA

ຄະນະບັນຊາການກອງທັບພະລາຊະວົງກຳປູເຈຍ ໄດ້ມາວາງພວງມາລາ ທີ່ອະນຸສາວະລີ ທະຫານອາສາສະໝັກ ຫວຽດນາມ
ທີ່ນະຄອນຫຼວງ ພະນົມເປັນ ແຫ່ງລາຊະອານາຈັກ ກຳປູເຈຍ ເນື່ອງໃນໂອກາດສະເຫຼີມສະຫຼອງວັນສ້າງຕັ້ງກອງທັບປະຊາຊົນຫວຽດນາມ
ຄົບຮອບ 69 ປີ (22/12/1944-22/12/2013). ພາບ: ຊວນຄຸ-VNA
ສອງຝ່າຍໄດ້ຢືນຢັນວ່າ ຈະສຳເລັດວຽກງານປັກຫຼັກໝາຍຊາຍແດນທາງບົກໂດຍໄວ ເພື່ອກໍ່ສ້າງເສັ້ນ ທາງ ຊາຍແດນສັນຕິພາບ, ໝັ້ນຄົງ, ພ້ອມກັນຮ່ວມມືພັດທະນາ; ສືບຕໍ່ຮ່ວມມືຢ່າງແໜ້ນແຟ້ນ ໃນວຽກ ງານຄົ້ນຫາ, ທ້ອນໂຮມອັດຖິ ວິລະຊົນ, ຊ່ຽວຊານ ແລະ ທະຫານອາສາສະໝັກ ຫວຽດນາມ ໄດ້ເສຍ ສະຫຼະຊີວິດ ໃນປາງສົງຄາມຢູ່ ກຳປູເຈຍ ແລະ ສົ່ງເມືອປະເທດ; ຢືນຢັນຄືນຫຼັກການ ຈະບໍ່ອະນຸຍາດ ໃຫ້ກຳລັງສັດຕູ້ໃດ ໄດ້ນຳໃຊ້ດິນແດນຂອງປະເທດນີ້ ເພື່ອປະຕິບັດບັນດາການເຄື່ອນໄຫວທຳລາຍ ຄວາມ ສະຫງົບ ຂອງປະເທດອື່ນ. ສອງຝ່າຍກໍ່ຕົກລົງ ປະຕິບັດການຮັບປະກັນບັນດາສິດຖືກຕ້ອງຕາມກົດໝາຍ ຂອງຊາວຕ່າງດ້າວຂອງກັນໄດ້ທຳມາຫາກິນ ແລະ ດຳລົງຊີວິດຄືກັບຊາວຕ່າງປະເທດອື່ນຢູ່ແຕ່ລະປະເທດ.
ສອງຝ່າຍກໍ່ໄດ້ເນັ້ນໜັກເຖິງລະດັບຄວາມສຳຄັນຂອງການປົກປັກຮັກສາ ແລະ ນຳໃຊ້ແຫຼ່ງນ້ຳຂອງແມ່ນ້ຳຂອງ ຢ່າງໝັ້ນຄົງ; ເອກະພາບກັນ ຈະສືບຕໍ່ເພີ່ມທະວີການຮ່ວມມືໃນຂອບເຂດອາຊຽນ, ອາແຊມ ແລະ ບັນດາເວທີສາກົນຕ່າງໆ.
ສິ້ນສຸດການປະຊຸມ, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ຟ້າມບິ່ງມິນ ແລະ ທ່ານຮອງນາຍົກ ລັດຖະມົນຕີ, ລັດຖະມົນຕີການຕ່າງປະເທດ ແລະ ຮ່ວມມືກັບສາກົນ ກຳປູເຈຍ ຮໍ ນາມຮົງ ໄດ້ລົງນາມໃນບົດບັນທຶກວ່າດ້ວຍ ຂໍ້ຕົກລົງ ຂອງສະໄໝປະຊຸມດັ່່ງກ່າວ.
ຕາມຂໍ້ຕົກລົງ, ສະໄໝປະຊຸມຂອງຄະນະກຳມະການປະສົມລະຫວ່າງ ຫວຽດນາມ-ກຳປູເຈຍ ຄັ້ງທີ 14 ຈະໄດ້ຮັບການຈັດຂຶ້ນຢູ່ ຫວຽດນາມ ໃນປີ 2015 ທີ່ຈະມາເຖິງ.

ໂດຍ: VNA-VNP
ບັນດາບົດທີ່ຖືກນຳສະເໜີ