26/02/2014 16:01 GMT+7 Email Print Like 0

ຫວຽດນາມໜູນຊ່ວຍລາວ ພັດທະນາແນວພັນປູກ

ພິທີເປີດສະໜອງຫ້ອງການ 
ວັນທີ 25 ກຸມພາ 2014 ທີ່ນະຄອນຫຼວງ ວຽງຈັນ, ບໍລິສັດຫຸ້ນສ່ວນ ແນວພັນປູກພາກໃຕ້ ຫວຽດນາມ ສົມທົບກັບກະຊວງກະສິກຳ-ປ່າໄມ້ ລາວ ຈັດຕັ້ງການເປີດສະຫຼອງຫ້ອງການຕາງໜ້າ ບໍລິສັດແນວພັນປູກຢູ່ ລາວ.
ເຂົ້າຮ່ວມມີທ່ານ ເຈີ່ນບ໋າວຢາມ, ທີ່ປຶກສາທູດດ້ານການຕ່າງປະເທດ ສະຖານທູດ ຫວຽດນາມ ປະຈຳລາວ, ຜູ້ຕາງໜ້າກະຊວງກະສິກຳ-ປ່າໄມ້ ລາວ ແລະ ອຳນາດປົກຄອງນະຄອນຫຼວງວຽງຈັນ.
ກ່າວຄຳເຫັນທີ່ພິທີ, ທ່ານ ຮວ່າງຝີກວາງ, ຜູ້ອຳນວຍການໃຫຍ່ບໍລິສັດ ຫຸ້ນສ່ວນແນວພັນປູກພາກໃຕ້ ໃຫ້ຮູ້ວ່າ, ແຕ່ປີ 1998-2013, ຜ່ານກະຊວງກະສິກຳ-ປ່າໄມ້ ລາວ, ບໍລິສັດໄດ້ມີການຊ່ວຍເຫຼືອແນວພັນສາລີທຸກຊະນິດ ເກືອບ 700 ໂຕນໃຫ້ແກ່ປະຊາຊົນ ລາວ. ກວມເກືອບ 20% ຈຳນວນແນວພັນສາລີທຸກຊະນິດຢູ່ ລາວ .
ບໍລິສັດຫຸ້ນສ່ວນແນວພັນປູກພາກໃຕ້ ໄດ້ເປີດຫ້ອງການຕາງໜ້າຢູ່ ລາວ ໂດຍຈຸດປະສົງເພື່ອເປີດກວ້າງຕະຫຼາດ, ມຸ່ງໄປເຖິງເປົ້າໝາຍບັນລຸ ໄດ້ກວ່າ 30% ຈຳນວນແນວພັນສາລີທຸກຊະນິດຢູ່ ລາວ ໃນຮອບເວລາ 2 – 3 ປີຈະມາເຖິງ. ນອກຈາກພັນສາລີ LVN10  ທີ່ໄດ້ຢືນຢັນ ເຄື່ອງໝາຍການຄ້າແລ້ວ, ບໍລິສັດຍັງມີການສະໜອງພັນສາລີ, ພັນເຂົ້າ ແລະ ແນວພັນປູກຫຼາຍຊະນິດຕ່າງໆ ໃຫ້ປະຊາຊົນລາວອີກດ້ວຍ.
ໄປຄຽງຄູ່ກັບການສະໜອງກ່ຽວກັບແນວພັນປູກແລ້ວ, ບໍລິສັດຍັງຈັດການຝຶກອົບຮົມ, ປະຕິບັດຮູບແບບທີ່ເປັນແບບຢ່າງ, ຂັ້ນຕອນການປູກຝັງ ມີປະສິດທິຜົນທີ່ສຸດ... ຊ່ວຍເຫຼືອຊາວກະສິກອນ ລາວ ຍົກສູງຄວາມຮູ້ກ່ຽວກັບກະສິກຳ.
ສ່ວນຜູ້ຕາງໜ້າກະຊວງກະສິກຳ ລາວ ໄດ້ສະແດງຄວາມຊົມເຊີຍຕໍ່ການມີໜ້າຂອງບໍລິສັດຫຸ້ນສ່ວນແນວພັນປູກພາກໃຕ້ ຫວຽດນາມ ຢູ່ລາວ ແລະ ຫວັງວ່າ ບໍລິສັດຈະຊ່ວຍໃຫ້ປະຊາຊົນ ລາວ ມີແນວພັນປູກຫຼາຍຊະນິດທີ່ດີ, ເປັນຕົ້ນແມ່ນສາລີ, ເພື່ອຮັບໃຊ້ໃຫ້ 8 ແຂວງທາງພາກ ເໜືອລາວ, ຊຸກຍູ້ວຽກງານລົບລ້າງຄວາມອຶດຫິວ - ຫຼຸດຜ່ອນຄວາມທຸກຍາກ, ປະກອບສ່ວນເພີ່ມພູນຄູນສ້າງສາຍພົວພັນແບບພິເສດລະຫວ່າງ 2 ປະເທດ ລາວ - ຫວຽດນາມ ໃຫ້ນັບມື້ນັບພັດທະນາຢ່າງໝັ້ນຄົງຕະຫຼອດການ.
ໂດຍ: ຮວ່າງເຈືອງ
ບັນດາບົດທີ່ຖືກນຳສະເໜີ