10/02/2014 01:38 GMT+7 Email Print Like 0

ຫວຽດນາມສຳເລັດການລາຍງານກ່ຽວກັບສິດທິມະນຸດ

ວັນທີ 07 ກຸມພາ 2014, ກຸ່ມເຮັດວຽກກ່ຽວກັບກົນໄກທົບທວນ ປະຈຳ ດ້ານສິດທິມະນຸດ (UPR) ຂອງສະພາສິດທິມະນຸດ ສະຫະປະຊາຊາດ ຢູ່ເຊີແນວ ໄດ້ອະນຸມັດຜ່ານບົດລາຍງານໃນຂອບເຂດ UPR ຂອງຫວຽດນາມ ດ້ວຍການຕີລາຄາສູງ ແລະ ການຊົມເຊີຍຂອງເພື່ອນ ມິດສາກົນທັງຫຼາຍ. ຂ່າວພາບຫວຽດນາມ ຂໍຝາກເຖິງບັນດາທ່ານຜູ້ອ່ານ ເນື້ອໃນຂອງບົດ ສຳພາດ ທ່ານເອກອັກຄະລັດຖະທູດ ຫງວຽນຈຸງແທ່ງ, ຫົວໜ້າຄະນະຜູ້ແທນ ປະຈຳຂອງຫວຽດນາມ ຢູ່ຂ້າງສະຫະປະຊາຊາດ, ອົງການການຄ້າໂລກ ແລະ ບັນດາອົງການສາກົນຕ່າງໆ ຢູ່ ເຊີແນວ ກ່ຽວກັບບັນຫາດັ່ງກ່າວ.

 

 
ນັກຂ່າວສຳນັກຂ່າວສານຫວຽດນາມ: ຮຽນທ່ານເອກອັກຄະລັດຖະທູດ ຫງວຽນຈຸງແທ່ງ, ຂໍຖາມວ່າ ການເຄື່ອນໄຫວ ແລະ ຜົນສຳເລັດຂອງກອງປະຊຸມດັ່ງກ່າວ ເປັນຄືແນວໃດ?

ທ່ານເອກອັກຄະລັດຖະທູດ ຫງວຽນຈຸງແທ່ງ: ສຳລັບ ຫວຽດນາມ ນີ້ແມ່ນເຫດການໜຶ່ງທີ່ສຳຄັນ. ອາດ ເວົ້າໄດ້ວ່າ ພວກເຮົາສຳເລັດການບັນລະຍາຍບົດລາຍງານແຫ່ງຊາດ ແລະ ສົນທະນາກ່ຽວກັບສິດທິມະນຸດ ຕໍ່ສະພາສິດທິມະນຸດ ສະຫະປະຊາຊາດ ເປັນຢ່າງດີ ແລະ ໄດ້ຮັບການຕີລາຄາສູງ ຈາກບັນດາເພື່ອນມິດ ສາກົນ.

ບົດລາຍງານໄດ້ສະແດງໃຫ້ເຫັນຢ່າງຈະແຈ້ງ ຕໍ່ບັນດາຄຳໝັ້ນສັນຍາ ແລະ ຄວາມມານະພະຍາຍາມຂອງ ຫວຽດນາມ ຫຼັງຈາກການທົບທວນຄັ້ງກ່ອນ ຫ່າງຈາກນີ້ 4 ປີ. ເພື່ອນມິດສາກົນທັງຫຼາຍ ກໍ່ຊົມເຊີຍຕໍ່ຄວາມ ມານະພະຍາຍາມຂອງຫວຽດນາມໃນຊຸມປີຜ່ານມາ,ເປັນຕົ້ນແມ່ນບັນດາຜົນງານພົ້ນເດັ່ນຂອງ ຫວຽດນາມ ບັນລຸໄດ້ໃນການກໍ່ສ້າງປະເທດທີ່ມີອຳນາດໂດຍປະຊາຊົນເປັນເຈົ້າ, ໃນການພັດທະນາເສດຖະກິດ, ລົບລ້າງຄວາມທຸກຍາກ, ປະຕິບັດບັນດາເປົ້າໝາຍສະຫັດສະວັດ.

ຄວາມສົນໃຈຂອງເພື່ອນມິດສາກົນຕໍ່ ຫວຽດນາມ ເພີ່ມສູງຂຶ້ນບໍ່ໜ້ອຍ, ເປັນຕົ້ນແມ່ນໃນສະຖານະການ ຫວຽດນາມ ເທື່ອທຳອິດໄດ້ກາຍເປັນ ສະມາຊິກຂອງສະພາສິດທິມະນຸດ ສະຫະປະຊາຊາດ ອາຍຸການ 2014-2016 ດ້ວຍຈຳນວນບັດ ສະໜັບສະໜູນ ສູງກວ່າໝູ່ໃນການເລືອກຕັ້ງ ຂອງສະຫະປະຊາ ຊາດ. ຖ້າໃນການທົບທວນຄັ້ງກ່ອນ ມີການເຂົ້າຮ່ວມຂອງ 66 ປະເທດ ແລະ ມີຂໍ້ສະເໜີ 123 ຂໍ້, ສຳລັບຄັ້ງນີ້ ມີເຖິງ 107 ປະເທດເຂົ້າຮ່ວມ ແລະ ມີຂໍ້ສະເໜີ 227 ຂໍ້ ກ່ຽວກັບຫຼາຍບັນຫາທີ່ບັນດາປະເທດພວມສົນໃຈ. ສ່ວນຫຼາຍຂໍ້ສະເໜີພວກເຮົາສາມາດສະໜັບສະໜູນໄດ້, ແຕ່ສຳລັບຂໍ້ສະເໜີຈຳນວນໜຶ່ງ ພວກເຮົາຕ້ອງ ຄົ້ນຄວ້າ ຢ່າງລະອຽດກ່ຽວກັບຄວາມເໝາະ ສົມຂອງມັນ.

ທ່ານ ຮ່າກິມງອກ, ລັດຖະມົນຕີຊ່ວຍວ່າການກະຊວງການຕ່າງປະເທດ ຫວຽດນາມ ທີ່ກອງປະຊຸມ. ພາບ: ໂຕອວຽນ-VNA

ຄະນະຜູ້ແທນຫວຽດນາມ ພ້ອມກັບຄະນະບັນຊາວາລະປະຊຸມ UPR ທີ່ສະພາສິດທິມະນຸດ ສະຫະປະຊາຊາດ. ພາບ: ໂຕອວຽນ-VNA

ຄະນະຜູ້ແທນ ຫວຽດນາມ ທີ່ສະໄໝປະຊຸມຄັ້ງທີ 18 ກ່ຽວກັບ UPR ທີ່ສະພາສິດທິມະນຸດ ສະຫະປະຊາຊາດ. ພາບ: ໂຕອວຽນ-VNA 
ນັກຂ່າວສຳນັກຂ່າວສານຫວຽດນາມ: ຂໍຖາມວ່າ ການຕີລາຄາ ຂອງເພື່ອນມິດສາກົນຕໍ່ບົດລາຍງານ ຂອງຫວຽດນາມ ຄືແນວໃດ?

ທ່ານເອກອັກຄະລັດຖະທູດ ຫງວຽນຈຸງແທ່ງ: ບັນດາບົດກ່າວປາໄສຂອງ 107 ປະເທດທີ່ເຂົ້າຮ່ວມໄດ້ ຮັບຮອງເຖິງຄຳໝັ້ນສັນຍາ, ລັກສະນະເຂັ້ມງວດ, ຄວາມຮັບຜິດຊອບ ແລະ ການຮ່ວມມືຢ່າງຕັ້ງໜ້າ ຂອງ ຫວຽດນາມ ໃນການກໍ່ສ້າງ ແລະ ບັນລະຍາຍບົດລາຍການກ່ຽວກັບ UPR. ຫຼາຍປະເທດໄດ້ຖື ຫວຽດນາມ ແມ່ນແບບແຜນໃນຂົງເຂດລົບລ້າງຄວາມທຸກຍາກ, ພັດທະນາເສດຖະກິດຢ່າງໝັ້ນຄົງ, ສ້າງວຽກເຮັດ ງານທຳ, ຍົກສູງຄຸນນະພາບດ້ານການສຶກສາ, ສາທາລະນະສຸກ, ຕັ້ງໜ້າຍູ້ແຮງການຮ່ວມມື ສາກົນໃນຂົງເຂດສິດທິມະນຸດ… ບັນດາປະເທດຍັງສະແດງເຖິງຄວາມມຸ່ງຫວັງໃໝ່ ຍ້ອນຄວາມຈະເລີນ ກ້າວໜ້າໃດກໍ່ໄດ້ສ້າງໂອກາດໃໝ່ໃຫ້ແກ່ການຜັນຂະຫຍາຍ, ເປີດກວ້າງຜົນສຳເລັດ ແລະ ແກ້ໄຂສິ່ງ ທ້າທາຍຢ່າງມີປະສິດທິພາບ.

ການສົນທະນາ ກັນແມ່ນວິທີໜຶ່ງເພື່ອເພີ່ມຄວາມເຂົ້າໃຈ ແລະ ຮ່ວມມືເຊິ່ງກັນ ແລະ ກັນ. ແຕ່ໃນການ ສົນທະນາກໍ່ຈະມີການຮັບຮູ້ທີ່ແຕກຕ່າງກັນ. ພ້ອມກັນເຂົ້າຮ່ວມໃນສົນທິສັນຍາໜຶ່ງ, ຖືກຜູກມັດຍ້ອນ ພາລະໜ້າທີ່ແຫ່ງກົດໝາຍ, ບັນທັດຖານສາກົນ, ເງື່ອນໄຂຕົວຈິງ, ລະດັບພັດທະນາແຕກຕ່າງກັນ, ສະນັ້ນ ຈຶ່ງມີຄວາມຮັບຮູ້, ຄວາມມຸ່ງຫວັງແຕກຕ່າງກັນ. ສິ່ງສຳຄັນແມ່ນການສົນທະນາຖາມຕອບກັນ ຕ້ອງສືບຕໍ່ ປະຕິບັດບົນຈິດໃຈຊື່ສັດ ແລະ ມີລັກສະນະສ້າງສັນ.

ໂດຍຖານະເປັນສະມາຊິກຂອງສະພາສິດທິມະນຸດ, ຫວຽດນາມ ກໍ່ຢາກປະກອບສ່ວນຢ່າງຕັ້ງໜ້າເຂົ້າ ໃນການສົນທະນາ ແລະ ຮ່ວມມືບົນພື້ນຖານສະເໝີພາບ, ບໍ່ມີການບັງຄັບ, ສ້າງຄວາມສະດວກໃຫ້ການ ພັດທະນາຂອງທຸກໆ ປະເທດ.ພວກເຮົາທັງເສີມຂະຫຍາຍຖານະບົດບາດເປັນສະມາຊິກ ຂອງສະຫະ ປະຊາຊາດ, ທັງເສີມຂະຫຍາຍຈິດໃຈແບ່ງປັນ ແລະ ຮຽນຮູ້, ກໍ່ຄືສົນທະນາ, ຮ່ວມມືຢ່າງແໜ້ນແຟ້ນໃນ ປະຊາຄົນ ສະມາຊິກຂອງສະຫະປະຊາຊາດອີກດ້ວຍ.
 





ບັນດາປະເທດອວຍພອນຄະນະຜູ້ແທນ ຫວຽດນາມ. ພາບ: ໂຕອວຽນ-VNA

ໂດຍ: VNA/VNP
ບັນດາບົດທີ່ຖືກນຳສະເໜີ