03/06/2017 07:28 GMT+7 Email Print Like 0

ສ້າງທ່ວງທ່າໃຫ້ແກ່ການພົວພັນ ຫວຽດນາມ - ອາເມລິກາ ພັດທະນາອັນດີງາມ

      ຕອນເຊົ້າວັນທີ 2 ມິຖຸນາ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ແລະ ຄະນະຜູ້ແທນຂັ້ນສູງ ຫວຽດນາມ ໄດ້ກັບມາຮອດຮ່າໂນ້ຍ, ສິ້ນສຸດການຢ້ຽມຢາມ ອາເມລິກາ ຕາມຄຳເຊີນຂອງທ່ານປະທານາທິບໍດີ ອາເມລິກາ Donald Trump ຢ່າງຈົບງາມ. ການຢ້ຽມຢາມ ອາເມລິກາ ຢ່າງເປັນທາງການຄັ້ງທຳອິດຂອງທ່ານນາຍົກລັດຖະມົນຕີ ຫງວຽນຊວນຟຸກ ໃນຖານະຕຳແໜ່ງເປັນຜູ້ນຳສູງສຸດຂອງລັດຖະບານ ແລະ ແມ່ນການພົບປະຄັ້ງທຳອິດລະຫວ່າງການນຳຂັ້ນສູງ ຫວຽດນາມ ກັບທ່ານປະນາທິບໍດີ ອາເມລິກາ Donald Trump ນັບແຕ່ເມື່ອ 2 ປະເທດມີຄະນະການນຳໃໝ່ ທີ່ບັນລຸໄດ້ໝາກຜົນສຳຄັນຫຼາຍຢ່າງ, ສ້າງທ່ວງທ່າໃຫ້ແກ່ອະນາຄົດຂອງການພົວພັນ ຫວຽດນາມ - ອາເມລິກາ ພັດທະນາກ້າວຂຶ້ນສູ່ລະດັບສູງໃໝ່.
ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ແລະ ທ່ານປະທານາທິບໍດີ ອາເມລິກາ ຄົນໃໝ່ Donald Trump
(ພາບ: ũ Dũng-Phạm Huân/VOV)
      ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ແມ່ນຜູ້ນຳປະເທດ ອາຊີ ຕາເວັນອອກສ່ຽງໃຕ້ ທຳອິດໄປຢ້ຽມຢາມທຳນຽບຂາວ, ໃນອາຍຸການຂອງທ່ານປະທານາທິບໍດີ ອາເມລິກາ ຄົນໃໝ່ Donald Trump. ນີ້ແມ່ນເຫດການມີຄວາມໝາຍພິເສດ, ສ້າງທ່ວງທ່າໃຫ້ແກ່ການພັດທະນາການພົວພັນ ຫວຽດນາມ - ອາເມລິກາ ຢ່າງແຂງແຮງກ່ວາໃນໄລຍະໃໝ່.
      ມີໝາຍຜົນພົ້ນເດັ່ນຫຼາຍຢ່າງ
       ຜົນງານພົ້ນເດັ່ນທີ່ສຸດໃນການຢ້ຽມຢາມ ອາເມລິກາ ຢ່າງເປັນທາງການຂອງທ່ານນາຍົກລັດຖະມົນຕີ ຫງວຽນຊວນຟຸກ ນັ້ນແມ່ນ 2 ຝ່າຍໃຫ້ຄຳໝັ້ນສັນຍາຮັກສາ ແລະ ພັດທະນາທ່ວງທ່າ ການພົວພັນ, ພ້ອມທັງບັນລຸໄດ້ຄວາມຮັບຮູ້ລວມກ່ຽວກັບຂອບເຂດໃໝ່ໃນການພົວພັນຮອບດ້ານ ຫວຽດນາມ - ອາເມລິກາ ໃນໄລຍະຈະມາເຖິງ, ໂດຍອີງໃສ່ບັນດາການກຳລັງຊຸກຍູ້ໃໝ່ໃນການພົວພັນຄູ່ຮ່ວມມືຮອບດ້ານລະຫວ່າງ 2 ປະເທດ.
        ທີໜຶ່ງ, ກ່ຽວກັບດ້ານການເມືອງ - ການຕ່າງປະເທດ, 2 ຝ່າຍໃຫ້ຄຳໝັ້ນສັນຍາຮັກສາທ່າພັດທະນາການພົວພັນ, ເພີ່ມທະວີການສ້າງຄວາມໄວ້ເນື້ຶ້ອເຊື່ອໃຈ ແລະ ຊອກຫາຂອບເຂດ, ກຳລັງຊຸກຍູ້ໃໝ່ໃຫ້ແກ່ການພົວພັນ ຫວຽດນາມ - ອາເມລິກາ. ກ່ຽວກັບດ້ານເສດຖະກິດ, 2 ຝ່າຍໄດ້ລົງນາມໃນໂຄງການຮ່ວມມືຫຼາຍສະບັບທີ່ມີມູນຄ່ານັບຕື້ USD. ແຕ່ສຳຄັນກ່ວາໝູ່ແມ່ນ 2 ຝ່າຍບັນລຸໄດ້ຄວາມຮັບຮູ້ລວມເພື່ອແນໃສ່ມຸ່ງໄປເຖິງຂອບເຂດໃໝ່ໃຫ້ແກ່ການຮ່ວມມືຮອບດ້ານໃນບັນດາຂົງເຂດຄື: ເສດຖະກິດ - ການຄ້າ - ການລົງທຶນ ບົນຫຼັກການຍຸຕິທຳ, ຕ່າງຝ່າຍຕ່າງມີຜົນປະໂຫຍດ. ທີ່ການເຈລະຈາລະຫວ່າງທ່ານນາຍົກລັດຖະມົນຕີ ຫງວຽນຊວນຟຸກ ແລະ ທ່ານປະທານາທິບໍດີ Donald Trump, ຜູ້ນຳທຳນຽບຂາວ ຢືນຢັນວ່າ: ພື້ນຖານເສດຖະກິດ ຫວຽດນາມ ແລະ ອາເມລິກາ ມີລັກສະນະເພີ່ມເຕີມໃຫ້ກັນຍິ່ງກ່ວາການແກ່ງແຍ້ງ, ພ້ອມກັນມຸ່ງໄປເຖິງການຄ້າມີຄວາມດຸນດ່ຽງເໝາະສົມ, ຕ່າງຝ່າຍຕ່າງມີຜົນປະໂຫຍດ. ໃນຂົງເຂດປ້ອງກັນຊາດ - ປ້ອງກັນຄວາມສະຫງົບ, 2 ຝ່າຍເຫັນດີເປີດກ້ວາງການຮ່ວມມືໃນບັນດາຂົງເຂດສືບລາຊະການລັບ, ສ້າງກຳລັງ, ກູ້ໄພກູ້ຊີບ… ສິ່ງດັ່ງກ່າວນຳມາເຊິ່ງຄວາມຫວັງໃນໄລຍະຈະມາເຖິງ, 2 ຝ່າຍຈະສ້າງຂອບເຂດການຮ່ວມມືໃໝ່ໃນບັນດາຂົງເຂດປ້ອງກັນຊາດ - ປ້ອງກັນຄວາມສະຫງົບ.
      ບັນດາຈຸດໃໝ່ໃນຖະແຫຼງການຮ່ວມ ຫວຽດນາມ - ອາເມລິກາ
      ໝາກຜົນຂອງການຢ້ຽມຢາມ ອາເມລິກາ ຢ່າງເປັນທາງການຂອງທ່ານນາຍົກລັດຖະມົນຕີ ຫງວຽນຊວນຟຸກ ໄດ້ສະແດງໃຫ້ເຫັນໃນຖະແຫຼງການຮ່ວມລະຫວ່າງທັງ 2 ຝ່າຍ. ຖະແຫຼງການຮ່ວມໄດ້ສ່ອງແສງໃຫ້ເຫັນຄວາມມຸ່ງມາດປາດຖະໜາ ແລະ ຄວາມຫວັງຂອງທັງ 2 ຝ່າຍ, ເຕື້ອງເຖິງບັນດາເນື້ອໃນການແລກປ່ຽນແທດຈິງ, ສະແດງໃຫ້ເຫັນຄວາມສະເໝີພາບ, ເຄົາລົບນັບຖືເຊິ່ງກັນ ແລະ ກັນ ແລະ ພິເສດ, ຖະແຫຼງການຮ່ວມ ຫວຽດນາມ - ອາເມລິກາ ຄັ້ງນີ້ມີຫຼາຍຈຸດໃໝ່ຄືການຮ່ວມມືໃນຂົງເຂດສືບລາຊະການລັບ, ດ້ານອາດຊະຍາກຳທາງເຄືອຂ່າຍອີນເຕີເນັດ, ຫຼືການພົວພັນອາເມລິກາ - ອາຊຽນ.
ກ່ອນທີ່ດຳເນີນການຢ້ຽມຢາມມີຫຼາຍຂໍ້ສັງເກດທີ່ຖືວ່າ: ນະໂຍບາຍການຕ່າງປະເທດ, ພິເສດແມ່ນສຳລັບພາກພື້ນ ອາຊີ - ປາຊີຟິກ ຂອງອຳນາດການປົກຄອງໃໝ່ ອາເມລິກາ ຍັງບໍ່ທັນຈະແຈ້ງເທື່ອ. ແຕ່ເຖິງຢ່າງໃດກໍ່ຕາມ, ດ້ວຍໝາກຜົນຂອງການຢ້ຽມຢາມຄັ້ງນີ້ຂອງທ່ານນາຍົກລັດຖະມົນຕີ ຫງວຽນຊວນຟຸກ ໄດ້ສະແດງໃຫ້ເຫັນວ່າ ອາເມລິກາ ຖືພາກພື້ນ ອາຊີ - ປາຊີຟິກ ເປັນສຳຄັນ, ໃນນັ້ນ ຫວຽດນາມ ແມ່ນຄູ່ຮ່ວມມືນັບມື້ນັບສຳຄັນໃນຍຸດທະສາດຂອງ ອາເມລິກາ ສຳລັບພາກພື້ນ. ການຢ້ຽມຢາມຂອງທ່ານນາຍົກລັດຖະມົນຕີ ຫວຽດນາມ ໄດ້ຢືນຢັນຂໍ້ໃຫ້ສັງເກດຂອງຝ່າຍ ຫວຽດນາມ ນັບແຕ່ເມື່ອທ່ານ Donald Trump ຂຶ້ນກຳອຳນາດເປັນປະທານາທິບໍດີ, ນັ້ນແມ່ນ ເຖິງວ່າຈະສັງເກດພັກປະຊາທິປະໄຕ ຫຼື ສາທາລະນະກໍ່ຕາມ, ແຕ່ ຫວຽດນາມ ຍັງຄົງແມ່ນປັດໄຈນັບມື້ນັບສຳຄັນສຳລັບ ອາເມລິກາ, ນັບທັງກ່ຽວກັບຂອບເຂດ ສອງຝ່າຍ ແລະ ການຮ່ວມມືພາກພື້ນ ແລະ ຢູ່ໃນໂລກ.
 
ການເຈລະຈາລະຫວ່າງ 2 ຝ່າຍຢູ່ທຳນຽບຂາວ
(ພາບ: Vũ Dũng-Phạm Huân/VOV)
      ສານຂອງ ຫວຽດນາມ ຜ່ານການຢ້ຽມຢາມ
      ອາດຈະຢັ້ງຢືນໄດ້ວ່າ ການຢ້ຽມຢາມ ອາເມລິກາ ຂອງທ່ານນາຍົກລັດຖະມົນຕີ ຫງວຽນຊວນຟຸກ ໄດ້ສົ່ງສານຫຼາຍສະບັບອອກສູ່ໂລກ. ກ່ອນອື່ນໝົດ, ຫວຽດນາມ ແມ່ນຄູ່ຮ່ວມມືໄວ້ເນື້ອເຊື່ອໃຈ, ພວມພັດທະນາຂະຫຍັນຂັນເຄື່ອນ, ຫວັງວ່າ 2 ຝ່າຍຮ່ວມມື, ສືບຕໍ່ຮັກສາທ່ວງທ່າການພົວພັນກັບ ອາເມລິກາ. ຜ່ານບັນດາການເຄື່ອນໄຫວພົບປະກັບວົງການນັກທຸລະກິດ, ທ່ານນາຍົກລັດຖະມົນຕີ ຫງວຽນຊວນຟຸກ ຢາກຢືນຢັນວ່າ ຫວຽດນາມ ນັບມື້ນັບປ່ຽນໃໝ່, ເປີດປະຕູພ້ອມກັບຄວາມຕັດສິນໃຈປັບປຸງສະພາບການແວດລ້ອມແຫ່ງການລົງທຶນ ດຳເນີນທຸລະກິດ. ສຳລັບບັນດານັກຮຽນຮູ້, ນັກປັນຍາຊົນ ແລະ ປະຊາຊົນ ອາເມລິກາ, ທ່ານນາຍົກລັດຖະມົນຕີ ຢັ້ງຢືນຢ່າງຈະແຈ້ງວ່າ: ຫວຽດນາມ ແມ່ນປະເທດປອດໄພ, ປະຊາຊົນ ຫວຽດນາມ ສະໜິດສະໜົມ, ປະເທດ ຫວຽດນາມ ເປີດອົກເປິດໃຈ, ຂະຫຍັນຂັນເຄື່ອນ, ຮັກແພງແຂກຄົນ. ສອງຝ່າຍຈະສືບຕໍ່ຊຸກຍູ້ການພົວພັນແລກປ່ຽນປະຊາຊົນ, ແລກປ່ຽນບົດຮຽນ, ປະກອບສ່ວນສຳຄັນເຂົ້າໃນການຊຸກຍູ້ການພົວພັນ ຫວຽດນາມ - ອາເມລິກາ.
        ສຳລັບປະຊາຄົມ ຊາວ ຫວຽດນາມ ຢູ່ຕ່າງປະເທດ ແລ້ວ, ທ່ານນາຍົກລັດຖະມົນຕີ ຢືນຢັນຄືນໃໝ່ແຜນນະໂຍບາຍສະເໝີຕົ້ນສະເໝີປາຍຂອງພັກ ແລະ ລັດ ຫວຽດນາມ ຖືເຂົາເຈົ້າແມ່ນພາກສ່ວນໜຶ່ງທີ່ບໍ່ອາດຕັດແຍກອອກຈາກຂອງຊາດ ຫວຽດນາມ ໄດ້, ຮຽກຮ້ອງໃຫ້ພໍ່ແມ່ປະຊາຊົນພ້ອມກັນຮ່ວມແຮງຮ່ວມໃຈສ້າງສາບ້ານເກີດເມືອງນອນໃຫ້ວັດທະນາຖາວອນ. ແລະສຸດທ້າຍ, ສານສຳຄັນທີ່ສຸດເຊິ່ງ ຫວຽດນາມ ຢາກສົ່ງເຖິງປະຊາຄົມສາກົນ ແມ່ນການພົວພັນ ຫວຽດນາມ - ອາເມລິກາ ນັບມື້ນັບພັດທະນາ, ອັນນຳມາເຊິ່ງຜົນປະໂຫຍດໃຫ້ແກ່ທັງ 2 ຝ່າຍ, ປະກອບສ່ວນຕັ້ງໜ້າເຂົ້າໃນການຮັກສາສັນຕິພາບ, ສະຖຽນລະພາບ ແລະ ການພັດທະນາວັດທະຖາວອນໃນໂລກ, ໃນນັ້ນມີພາກພື້ນ ອາຊີຕາເວັນອອກສ່ຽງໃຕ້. ນອກນັ້ນ, ເລື່ອງທ່ານນາຍົກລັດຖະມົນຕີ ຫງວຽນຊວນຟຸກ ຢ້ຽມຢາມ, ເຮັດວຽກຢູ່ ສປຊ ແລະ ເຂົ້າຮ່ວມພິທີສະເຫຼີມສະຫຼອງ 40 ປີແຫ່ງວັນເຂົ້າເປັນສະມາຊິກ ສປຊ ໄດ້ຢັ້ງຢືນວ່າ: ຫວຽດນາມ ແມ່ນສະມາຊິກຕັ້ງໜ້າ, ເປັນເຈົ້າການ, ມີຄວາມຮັບຜິດຊອບໃນປະຊາຄົມສາກົນ ແລະ ກຽມພ້ອມປະກອບສ່ວນຫຼາຍກ່ວາໃຫ້ແກ່ປະຊາຄົມສາກົນ. ນີ້ກໍ່ແມ່ນຈຸດເວລາເໝາະສົມເພື່ອທົບທວນຄືນການປະກອບສ່ວນຕ່າງໆຂອງ ຫວຽດນາມ ໃຫ້ແກ່ ສປຊ ໃນ 4 ທົດສະວັດຜ່ານມາ, ມຸ່ງໄປເຖິງອະນາຄົດແຫ່ງການຮ່ວມມືອັນດີງາມ, ພ້ອມທັງຫວັງວ່າ ສປຊ ປະກອບສ່ວນຕັ້ງໜ້າກ່ວາອີກໃຫ້ແກ່ການຮັກສາສັນຕິພາບ, ສະຖຽນລະພາບຢູ່ ທະເລຕາເວັນອອກ ແລະ ພາກພື້ນ.
 (ແຫຼ່ງຄັດຈາກ VOV)
ບັນດາບົດທີ່ຖືກນຳສະເໜີ