10/03/2015 09:16 GMT+7 Email Print Like 0

ສືບຕໍ່ເອົາໃຈໃສ່ ໜູນຊ່ວຍປະຊາຊົນ ບັນດາເຜົ່າ ຫຼຸດພົ້ນອອກຈາກ ຄວາມທຸກຍາກ

ທ່ານປະທານປະເທດເຈືອງເຕີນຊາງທີ່ພິທີມອບຂອງຂວັນໃຫ້
ປະຊາຊົນ 7 ແຂວງ ຢູ່ ເຂດໄຕບັກ
ພາບ:thoibaotaichinh.vn
         ຕອນ​ເຊົ້າ​ວັນ​ທີ 9/3, ຢູ່​ຕາ​ແສງ​ດຳ​ຖຸຍ, ​ເມືອງ​ຈຸ​ງ​ແຄ໋ງ, ​ແຂວງ​ກາວ​ບັງ ​ໄດ້​ດຳ​ເນີນ​ພິທີ​ມອບ​ຂອງຂວັນ​ຮັບປະກັນ​ຊີວິດສັງຄົ​ມ​ໃຫ້​ແກ່​ຄອບຄົວ​ທີ່ທຸກ​ຍາກຢູ່​ບັນດາ​ຕາ​ແສງເຂດ​ຊາຍ​ແດນ​ຫວຽດນາມ-ຈີນ. 7 ​ແຂວງ​ຊາຍ​ແດນ​ພາກ​ເໜືອ​ຫວຽດນາມ, ​ໃນ​ນັ້ນ​ມີ​ແຂວງ​ກາວ​ບັງ​ເຊິ່ງ​ແມ່ນ​ແຂວງ​ທີ່​ມີ​ທີ່​ຕັ້ງ​ສຳຄັນ​ເປັນ​ຢ່າງ​ຍິ່ງ​ກ່ຽວ​ກັບ​ການ​ປ້ອງ​ກັນຊາ​ດປ້ອງ​ກັນ​ຄວາມ​ສະຫງົບ ​ແລະ ​ເສດຖະກິດ​ສັງຄົມ​ຂອງ​ປະ​ເທດ. ກ່າວ​ຄຳ​ເຫັນ​ທີ່​ພິທີ ທ່ານ​ປະທານ​ປະ​ເທດ ​ເຈືອງ​ເຕິ​ນຊາງ ສະ​ເໜີ ສືບ​ຕໍ່​ຂົນຂວາຍ​ບັນດາ​ອົງການ, ຫົວໜ່ວຍ, ວິ​ສາ​ຫະກິດ​ໜູນ​ຊ່ວຍ​ຊີມັງ, ​ແນວ​ພັນ​ປູກ, ​​ແນວ​ພັນ​ສັດລ້ຽງ, ກໍ່ສ້າງ​ລະບົບ​ຄົມມະນາຄົມ, ​ການ​ວາງແຜນຜັງ, ຈັດ​ຕັ້ງ​ການ​ຜະລິດ​ຄືນ​ໃໝ່….​ໃຫ້​ປະຊາຊົນ​ບັນດາ​ເຜົ່າ​ທົ່ວ​ປະ​ເທດ. ທ່ານ​ປະທານ​ປະ​ເທດສະ​ເໜີ​ໃຫ້​ຄະນະ​ຊີ້​ນຳ​ເຂດ​ໄຕ​ບັກ​ພ້ອມ​ກັບ​ບັນດາ​ແຂວງ​ພິຈາລະນາ, ກວດກາ​ບັນດາ​ນະ​ໂຍບາຍ, ​ ເພື່ອ​ສະ​ເໜີ​ປັບປຸງ ​ເພີ່ມ​ເຕີມ​, ສົ່ງ​ເສີມ​ບັນດາ​ວິ​ສາ​ຫະກິດ​ລົງທຶນ​ພັດທະນາ​ເສດຖະກິດ​ໃຫ້​ເຂດ​ຊາຍ​ແດນຢ່າງ​ທັນ​ການ, ​ແນ​ໃສ່​ຮັດ​ແຄບ​ຊ່ອງ​ຫວ່າງ ​ການ​ພັດທະນາ, ຍົກ​ສູງ​ຊີວິດ​ການ​ເປັນ​ຢູ່​ໃຫ້​ປະຊາຊົນ, ພ້ອມ​ທັງ​ສ້າງ​ເສັ້ນ​ຊາຍ​ແດນ​ສັນຕິພາບ, ມິດຕະພາບ, ສະຖຽນ​ລະ​ພາບ​ຮ່ວມ​ມື ​ແລະ ພັດທະນາ. ທີ່​ພິທີ, ບັນດາ​ຜູ້​ໃຈ​ບຸນ​ໃຈ​ກຸສົນ, ບັນດາ​ວິ​ສາ​ຫະກິດ​ໄດ້​ມອບ​ຊີມັງ 15.000 ​ໂຕນ, ງົວ 24.000 ​ໂຕ ໃຫ້​ປະຊາຊົນຜູ້​ທີ່​ທຸກ​ຍາກຢູ່​ບັນດາຕາ​ແສງ​ເຂດ​ຊາຍ​ແດນ​ຂອງ 7​ ​ແຂວງ. ທະຫານ​ຊາຍ​ແດນ​ມອບ​ເງິນ 1 ຕື້​ດົງ​ຊ່ວຍ​ປະຊາຊົນ​ຜູ້​ມີ​ເງື່​ອນ​ໄຂ​ຜ່ານ​ຜ່າ​ຄວາມ​ຫຍຸ້ງຍາກ ບືນ​ຕົວ​ຂຶ້ນ​ລົບ​ລ້າງ​ຄວາມ​ອຶດຫິວ​ຫຼຸດຜ່ອນ​ຄວາມທຸກ​ຍາກ.
 (ແຫຼ່ງຄັດຈາກ VOV)
ບັນດາບົດທີ່ຖືກນຳສະເໜີ