06/06/2017 14:07 GMT+7 Email Print Like 0

ສືບຕໍ່ບັນດາການເຄື່ອນໄຫວຂອງທ່ານນາຍົກລັດຖະມົນຕີ ຫງວຽນຊວນຟຸກ ຢູ່ຍີ່ປຸ່ນ

      ສືບຕໍ່ບັນດາການເຄື່ອນໄຫວໃນຂອບເຂດການຢ້ຽມຢາມ ຍີ່ປຸ່ນ ຢ່າງເປັນທາງການ, ຕອນບ່າຍວັນທີ 5 ມິຖຸນາ, ທ່ານນາຍົກລັດຖະມົນຕີ ຫງວຽນຊວນຟຸກ ເຂົ້າຮ່ວມກອງປະຊຸມສົ່ງເສີມການລົງທຶນ ຫວຽດນາມ ດ້ວຍການເຂົ້າຮ່ວມຂອງຜູ້ແທນ, ວິສາຫະກິດ 1.600 ຄົນ, ໃນນັ້ນມີນັກທຸລະກິດ ຫວຽດນາມ 200 ຄົນ.

ທ່ານນາຍົກລັດຖະມົນຕີ ຫງວຽນຊວນຟຸກ ແລະ ບັນດາຜູ້ແທນເຂົ້າຮ່ວມກອງປະຊຸມ
      ນີ້ແມ່ນກອງປະຊຸມສົ່ງເສີມການລົງທຶນ ຫວຽດນາມ ດ້ວຍຂອບຂະໜາດໃຫຍ່ທີ່ສຸດໃນປະຈຸບັນຢູ່ຍີ່ປຸ່ນ, ໂດຍອົງການສົ່ງເສີມການຄ້າ ຍີ່ປຸ່ນ (JETRO) ສົມທົບກັບກະຊວງແຜນການ ແລະ ການລົງທຶນ ຫວຽດນາມ, ທະນາຄານ BTMU, ທະນາຄານ Viettinbank ຈັດຕັ້ງ.
        ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຫງວຽນຊວນຟຸກ ຢືນຢັນວ່າ ສືບຕໍ່ກໍ່ສ້າງ, ສ້າງສັນບັນດາປັດໄຈເພື່ອສ້າງທ່າແຮງໃນການແກ່ງແຍ້ງໃຫ້ແກ່ພື້ນຖານເສດຖະກິດ, ຫວັງວ່າບັນດານັກລົງທຶນ ຍີ່ປຸ່ນ ສືບຕໍ່ເພີ່ມທະວີການລົງທຶນຢູ່ ຫວຽດນາມ. ທ່ານນາຍົກລັດຖະມົນຕີ ຫງວຽນຊວນຟຸກ ແລະ ທ່ານ ຫງວຽນຈີ້ຢູ້ງ, ລັດຖະມົນຕີກະຊວງແຜນການ ແລະ ການລົງທຶນ, ທ່ານ ເຈີ່ນຕ໋ວນແອງ, ລັດຖະມົນຕີກະຊວງອຸດສາຫະກຳ ການຄ້າ ມີການໂອ້ລົມສົນທະນາ, ແລກປ່ຽນກັບບັນດານັກລົງທຶນ ຍີ່ປຸ່ນ.
        ກ່ອນໜ້ານັ້ນ, ຕອນທ່ຽງວັນທີ 5 ມິຖຸນາ, ທ່ານນາຍົກລັດຖະມົນຕີ ຫງວຽນຊວນຟຸກ ເຂົ້າຮ່ວມການໂອ້ລົມສົນທະນາໂດຍກະຊວງແຜນການ ແລະ ການລົງທຶນສົມທົບກັບທະນາຄານອຸດສາຫະກຳ ການຄ້າ (Viettinbank) ແລະ ທະນາຄານ Bank of Tokyo – Mitsubishi UFJ (BTMU), ຍີ່ປຸ່ນຈັດຕັ້ງ.
(ແຫຼ່ງຄັດຈາກ VOV)

                                                                                            
ບັນດາບົດທີ່ຖືກນຳສະເໜີ