03/12/2016 14:55 GMT+7 Email Print Like 0

ສານສະຫະພັນສະຫະພັນລັດເຊຍຂອງປະທານາທິບໍດີລັດເຊຍ V.Putin


ທ່ານ​ປະ​ທາ​ນາ​ທິ​ບໍ​ດີ Vladimir Putin
(ພາບ: AFP/TTXVN)
      ເວ​ລາ 12 ໂນງ (ຕາມ​ເວ​ລາ​ມົດ​ສະ​ກູ) ວັນ​ທີ 01/12, ຢູ່​ວັງ Kremlin, ທ່ານ​ປະ​ທາ​ນາ​ທິ​ບໍ​ດີ Vladimir Putin ເລີ່ມ​ຕົ້ນ​ອ່ານ​ສານ​ສະ​ຫະ​​ພັນ​ປະ​ຈຳ​ປີ ຕໍ່​ໜ້າ​ 2 ສະ​ພາ​ຄື: ສະ​ພາ​ສະ​ຫະ​ພັນ ແລະ ສະ​ພາດູ​ມາ​ແຫ່ງ​ຊາດ. ນີ້​ແມ່ນ​ສານ​ສະ​ຫະ​​ພັນ​ຄັ້ງ​ທີ 23 ໃນ​ປະ​ຫວັດ​ສາດ​ທັນ​ສະ​ໄໝ​ຂອງ​ປະ​ເທດ​ລັ​ດ​ເຊຍ ແລະ ສານ​ສະ​ຫະ​ພັນ​ຄັ້ງ​ທີ 13 ຂອງ​ທ່ານ Putin. ບັນ​ດາ​ບັນ​ຫາ​ເສດ​ຖະ​ກິດ​ສັງ​ຄົມ ແລະ ນະ​ໂຍ​ບາຍ​ພົວ​ພັນ​ພາຍ​ໃນ​ປະ​ເທດ ໄດ້​ຮັບ​​ຄວາມ​ເອົາ​ໃຈ​ໃສ່​ຈາກ​ທ່ານປະ​ທາ​ນາ​ທິ​ບໍ​ດີ​ລັດ​ເຊຍ Vladimir Putin. ທ່ານປະ​ທາ​ນາ​ທິ​ບໍ​ດີ​ Putin ໄດ້​ຮັບ​ຮອງ​​ເອົາ​ບັນ​ດາ​ຜົນ​ງານ​ເປັນ​ພິ​ເສດເຊິ່ງ​ບັນ​ດາ​ຂະ​ແໜງ​ເສດ​ຖະ​ກິດ​ພາຍ​ໃນ​ປະ​ເທດ​ບັນ​ລຸ​ໄດ້ ໃນ​ສະ​ພາບ​ລັດ​ເຊຍ ພວມ​ປະ​ສົບ​ກັບ​ຄວາມ​ຫຍຸ້ງ​ຍາກ​ຈາກ​ພາຍນອກ​ຄື ບັນ​ດາ​ມາດ​ຕະ​ການ​ລົງ​ໂທດ​ຂອງ​ຝ່າຍ​ຕາ​ເວັນ​ຕົກ, ລາ​ຄາ​ນ້ຳ​ມັນ​ຫຼຸດ​ລົງ​. ຜົນ​ງານ​ດ້ານ​ກະ​ສິ​ກຳ​ລັດ​ເຊຍ ໄດ້​ຮັບ​ຮູ້​ເປັນ​ພິ​ເສດ. ນອກນັ້ນ, ອຸດ​ສາ​ຫະ​ກຳ​ປ້ອງ​ກັນ​ຊາດກໍ​ໄດ້​ເພີ່ມ​ສະ​ມັດ​ຕະ​ພາບ ການອ​ອກ​ແຮງ​ງານ​​ຫຼາຍ​ພໍ​ສົມ​ຄວນ.
        ກ່ຽວ​ກັບ​ການ​ຕ້ານກໍ່​ການ​ຮ້າຍ, ທ່ານ​ປະ​ທາ​ນາ​ທິ​ບໍ​ດີ ຢືນ​ຢັນ​ວ່າ ຈະ​ສືບ​ຕໍ່​ຕ້ານ​ລັດ​ທິ​ກໍ​ການ​ຮ້າຍ​ທັງ​ຢູ່​ພາຍ​ໃນ​ປະ​ເທດ. ກ່ຽວ​ກັບ​ການ​ພົວ​ພັນ​ກັບ​ສາ​ກົນ, ລັດ​ເຊຍ ຢືນ​ຢັນ ພ້ອມ​ແລ້ວ​ທີ່​ຈະ​ເຈ​ລະ​ຈາ​ສ້າງ​ຕັ້ງ​ລະ​ບົບ​ການ​ພົວ​ພັນ​ກັບ​ສາ​ກົນ​ຢ່າງ​ໝັ້ນ​ຄົງ. ທ່ານ​ປະ​ທາ​ນາ​ທິ​ບໍ​ດີ Putin ຫວັງ​ວ່າ​ຈະ​ບັນ​ລຸ​ບາດ​ກ້າວ​ທີ່​ມີ​ຄຸນ​ນະ​ພາບ​ໃນ​ການ​ພົວ​ພັນ​ກັບ​ຍີ່​ປຸ່ນ, ຊົມ​ເຊີຍ​ເລື່ອງ​ການ​ນຳ​ປະ​ເທດນີ້​ຢາກ​ພັດ​ທະ​ນາ​ການ​ພົວ​ພັນ​ດ້ານ​ເສດ​ຖະ​ກິດ​ກັບ​ລັດ​ເຊຍ. ມົດ​ສະ​ກູ ກໍ​ຢືນ​ຢັນ​ພ້ອມ​ແລ້ວ​ທີ່​ຈະ​ພັດ​ທະ​ນາ​ການ​ພົວ​ພັນ​ກັບ​ອຳ​ນາດ​ການ​ປົກ​ຄອງ​ໃໝ່​ຂອງ​ອາ​ເມ​ລິ​ກາ, ລວມ​ທັງ​ການ​ຫັນ​ການ​ພົວ​ພັນ​ເປັນ​ປົ​ກ​ກະ​ຕິ ແລະ ເລີ່ມ​ສ້າງ​ການ​ພົວ​ພັນ 2 ຝ່າຍ​ບົນ​ພື້ນ​ຖານ​ສະ​ເໜີ​ພາບ ແລະ ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍດ.
        ກ່ຽວ​ກັບ​ທິດ​ທາງ​ມຸ່ງ​ໄປ​ເຖິງ​ທິດຕາ​ເວັນ​ອອກ​ ແລະ ການ​ພົວ​ພ​ັນ​ກັບ​ຈີນ, ທ່ານ​ປະ​ທາ​ນາ​ທິ​ບໍ​ດີ Putin ​ໃຫ້​ຮູ້​​ວ່າ, ການ​ພົວ​ພັນ​ຄູ່​ຮ່ວມ​ມື​ຮອ​ບ​ດ້ານ​ລັດ​ເຊຍ - ຈີນ ແມ່ນ​ໜຶ່ງ​ໃນ​ບັນ​ດາ​ປັດ​ໃຈ​ຮັບ​ປະ​ກັນ​ຄວາ​ມ​ໝັ້ນ​ຄົງ​ທົ່ວ​ໂລກ ແລະ ພາກ​ພື້ນ.
        ການ​ພົວ​ພັນ​ກັບ​ອີນ​ເດຍ ເຊິ່ງ​ໄດ້​ຮັບ​ການ​ຕີ​ລາ​ຄາ​ຈາກ​ການ​ນຳ​ລັດ​ເຊຍ ແມ່ນ​ການ​ພົວ​ພັນ​ພິ​ເສ​ດ​ ແລະ ຮັບບຸ​ລິ​ມະ​ສິດ. ບັນ​ດາ​ບັນ​ຫາ​ພາຍ​ໃນ​ປະ​ເທດ ແລະ ສາ​ກົນ​ເຊິ່ງ​ລັດ​ເຊຍ ປະ​ເຊີນ​ໜ້າ​ຫວ່າງມໍ່​ໆ​ມານີ້​ກໍ​ໄດ້​ຮັບ​ການ​ເຕື້ອງ​ເຖິງ​ຈາກ​ທ່ານ Putin​ຄື: ຄວາມ​ເສ​ລີ​​ໃນ​ການປາກ​ເວົ້າ, ຕ້ານ​ການ​ສໍ້​ລາດ​ບັງ​ຫຼວງ, ພັດ​ທະ​ນາ​ສາ​ທາ​ສະ​ນະ​ສຸກ… ທ່ານ​ປະ​ທາ​ນາ​ທິ​ບໍ​ດີລັດ​ເຊຍ ໄດ້​ສິ້ນ​ສຸດ​ສານ​ສະ​ຫະ​​ພັນ 2016 ດ​້ວຍ​ຄຳ​ຮຽກ​ຮ້ອງ​ປະ​ຊາ​ຊົນ​ທຸກ​ຊັ້ນ​ຄົນ ພ້ອມ​ກັນ​ເປັນ​ເອ​ກະ​ພາບ​ມາ​ນະ​ພະ​ຍາ​ຍາມ “ອະ​ນາ​ຄົດ​ຂອງ​ປະ​ເທດ​ຊາດ​ອີງ​ໃສ່​ປະ​ຊາ​ຊົນ​ທຸກໆ​ຄົນ”.
(ແຫຼ່ງຄັດຈາກ VOV)
ບັນດາບົດທີ່ຖືກນຳສະເໜີ