26/03/2015 00:01 GMT+7 Email Print Like 0

ສະພາແຫ່ງຊາດ ຫວຽດນາມ-ສ.ເກົາຫຼີ ເພີ່ມທະວີການຮ່ວມມື

ວັນທີ 21 ມີນາ 2015, ທ່ານ Chung Ui-Hwa,  ປະທານສະພາແຫ່ງຊາດ ສ.ເກົາຫຼີ ພ້ອມດ້ວຍຄະນະໄດ້ເດີນທາງ ກັບຄືນປະເທດ, ສິ້ນສຸດການຢ້ຽມຢາມ ຫວຽດນາມ ຢ່າງເປັນທາງການ ຕາມຄຳເຊື້ອເຊີນຂອງທ່ານ ຫງວຽນຊິງຮຸ່ງ ປະທານສະພາແຫ່ງຊາດ ຫວຽດນາມ ດ້ວຍຜົນສໍາເລັດຢ່າງຈົບງາມ. 


ທ່ານ​ ຫງວຽນ​ຊິງ​ຮຸ່ງ, ປະທານ​ສະພາ​ແຫ່ງ​ຊາດ ຕ້ອນຮັບ​ທ່ານ Chung Ui-Hwa, ປະທານສະພາ​ແ​ຫ່ງຊາດ ສ.​ເກົາຫຼີ.
ພາບ: ທົ້ງ​ເຍີ​ດ/VNA


ທ່ານ​ ຫງວຽນ​ຊິງ​ຮຸ່ງ, ປະທານ​ສະພາ​ແຫ່ງ​ຊາດ ພົບ​ປະ​ເຈລະຈາ​
ກັບ
ທ່ານ Chung Ui-Hwa, ປະທານສະພາແ​ຫ່ງຊາດສ.​ເກົາຫລີ. ພາບ: ທົ້ງ​ເຍີ​ດ/VNA

 

ທ່ານ ຫງວຽນ​ຊິງ​ຮຸ່ງ, ​ປະທານ​ສະພາ​ແຫ່ງ​ຊາດ​ໄດ້​ຕ້ອນຮັບ, ​ພົບ​ປະ​ເຈລະຈາ ​ແລະ ຈັດ​ງານ​ລ້ຽງ​ແກ່​​​​ທ່ານ Chung Ui-Hwa, ​ປະທານສະພາ​ແ​ຫ່ງຊາດ ສ.​ເກົາຫຼີ.  ນີ້​ແມ່ນ​ການມາ​ຢ້ຽມຢາມ ຫວຽດນາມ ຢ່າງ​ເປັນ​ທາງ​ການ​ຄັ້ງ​ທຳ​ອິດ​ຂອງ​ການ​ນຳ​ຂັ້ນ​ສູງ ສ.​ເກົາຫຼີ ​ໃນ​ປີ 2015 ​ແລະ ກໍ່​ເປັນ​ຄະນະ​ຜູ້​ແທນ​ຂັ້ນ​ສູງ​ ສະພາ​ແຫ່ງ​ຊາດຂອງ​ຕ່າງປະ​ເທດຄະນະທຳ​ອິດ​ທີ່​ມາ​ຢ້ຽມຢາມ ​ແລະ ​ເຮັດ​ວຽກຢູ່​ທີ່​ສຳນັກງານ​ສະ​ພາ​ແຫ່​ງຊາດຫຼັງ​ໃໝ່ ບາ​ດິ່ງ, ຮ່າ​ໂນ້ຍ. 

ທ່ານ​ Chung Ui-Hwa, ປະທານສະພາ​ແ​ຫ່ງຊາດ ສ.​ເກົາ ຫຼີ ກໍ່​ໄດ້​ເຂົ້າ​ຢ້ຽມ​ຂໍ່າ​ນັບ​ທ່ານ ຫງວຽນ​ຝູ້ຈ້ອງ, ​ ເລຂາທິການໃຫຍ່​ ​ແລະ ທ່ານ​ເຈືອງ​ເຕິ​ນຊາງ, ປະທານ​ປະ​ເທດ ໃນບັນດາ​ການ​ພົບ​ປະ​ເຈລະຈາ, ການ​ເຂົ້າ​ຢ້ຽມ​ຂໍ່ານັບ​, ​ການ​ນຳ​ພັກ, ລັດ, ສະພາ​ແຫ່ງ​ຊາດ ຫວຽດນາມ ​ໄດ້​ສະ​ແດງ​ຄວາມ​ຊົມ​ເຊີຍຢ່າງ​ສຸດ​ອົກ​ສຸດ​ໃຈ ​ແລະ  ຍິນ​ດີ​ຕ້ອນ ຮັບ​ທ່ານ Chung Ui-Hwa ມາ​ຢ້ຽມຢາມ ຫວຽດ ນາມ ​ໃນຂະນະການ​ພົວພັນ ​ລະຫວ່າງ​ສອງ​ປະ​ເທດ ຫວຽດ ນາມ-​ສ.​ເກົາຫຼ​ີ ພວມ​ພັດທະນາ​​ຢ່າງ​ດີງາມທີ່​ສຸດ ​ແລະ ກໍ່​ຖືກ​ກັບ​ໄລຍະ​ເວລາ ຫວຽດນາມ ພວມຫ້າງຫາ​ກະກຽມ​​ໃຫ້​ແກ່​ການຈັດ​ຕັ້ງ​ກອງ​ປະຊຸມ​ໃຫຍ່​ສະຫະພັນ​ລັດຖະສະພາ​ໂລກ ຄັ້ງ​ທີ 132 (IPU)​ໃນ​ຕໍ່ໜ້າ​ນີ້.

ທ່ານ​ ຫງວຽນ​ຝູ໋ຈ້ອງ, ເລຂາທິການ​ໃຫຍ່ ຕ້ອນຮັບ ທ່ານ Chung Ui-Hwa,
ປະທານສະພາ​ແ​ຫ່ງຊາດ ສ.​ເກົາຫຼີ. ພາບ: ຈີ້ຢຸງ/VNA


ທ່ານ​ ເຈືອງ​ເຕິ​ນຊາງ, ປະທານ​ປະ​ເທດ ​ ຕ້ອນຮັບ ທ່ານ Chung Ui-Hwa,
ປະທານສະພາ​ແ​ຫ່ງຊາດ ສ.​ເກົາຫຼີ. ພາບ: ຫງວຽນ​ຄາງ/VNA


ທ່ານ​​ ເລ​ແທັງ​ຫາຍ, ເລຂາ​ຄະນະ​ພັກນະຄອນ ​ໂຮ່ຈີ​ມິນ ຕ້ອນຮັບທ່ານ Chung Ui-Hwa,
ປະທານສະພາ​ແ​ຫ່ງ ຊາດ ສ.​ເກົາຫຼີ. ພາບ: ​ແທັງ​ຫວູ/VNA

 

ທ່ານ​ປະທານ ສະພາ​ແ​ຫ່ງຊາດ ສ.​ເກົາຫຼີ ​ແລະ ບັນດາ​ການ​ນຳ​ຂອງຫວຽດນາມ ​ໄດ້​ຕີ​ລາຄາ​ສູງ​ຕໍ່​ກັບບັນຫາ​ທີ່​ທັງ​ສອງ​ປະ​ເທດ​ໄດ້​ອອກ​ຖະ​ແຫຼ​ງການ​ຮ່ວມຢ່າງ​ເປັນ​ທາງ​ການ ສິ້ນ​ສຸດ​ການ​ເຈລະຈາ​ສັນຍາ​ການ​ຄ້າ​ເສລີ ລະຫວ່າງ ຫວຽດນາມ-ສ.​ເກົາຫຼີ ​ເມື່ອ​ເດືອນ​ທັ​ນວາ 2014 ຜ່ານ​ມາ ຊຶ່ງ​ມັນ​ຈະສ້າງ​ເງື່ອນ​ໄຂ​ເພື່ອ​ເພີ່ມ​ມູນ​ຄ່າ​ການ​ຄ້າ​ສອງ​ຝ່າຍ​ບັນລຸເປົ້າ​ໝາຍ 70 ຕື້ USD ​​ໃນ​ປິ 2020.

ທັງສອງ​ຝ່າຍ​​ໄດ້​ໃຫ້​ຄຳ​ໝັ້ນ​ສັນຍາ​ຈະ​ສືບ​ຕໍ່​ຍູ້​ແຮງ​ການ​ພົວພັນ​ຮ່ວມ​ມື​ລະຫວ່າງ​ສະພາ​ແຫ່ງ​ຊາດ ສອງ​ປະ​ເທດ ​ໃນ​ການ​ແບ່ງປັນບົດຮຽນດ້ານ​ນິຕິບັນຍັດ ​ແລະ ຄວບ​ຄຸມ​ການ​ປະຕິ​ບັດ​ບັນດາ​ຂໍ້​ຕົກລົງ​ລະຫວ່າງ​ສອງປະ​ເທດ; ນໍາ​ເອົາການ​ພົວພັນ​ຮ່ວມ​ມື​ຄູ່​ຮ່ວມມື​ຍຸດ​ທະ​ສາດ ລະຫວ່າງ​ສອງ​ປະ​ເທດ​ ນັບ​ມື້​ເຂົ້າ​ສູ່​ລວງ​ເລິກ, ພັດທະນາ​ທຸກດ້ານ, ທຸກ​ຂົງ​ເຂດ​ຢ່າງ​ດີງາມ.

​ເນື່ອງ​ໃນ​ໂອກາດ​ມາ​ຢ້ຽມຢາມ ຫວຽດນາມ ຢ່າງ​ເປັນ​ທາງ​ການ, ທ່ານ Chung Ui-Hwa ​ ປະທານ ສະພາ​ແ​ຫ່ງ   ຊາດ ສ.​ເກົາຫຼີ ​​ໄດ້​ມີ​ການ​ເຄື່ອນ​ໄຫວ​ຈຳ​ນວນ​ໜຶ່ງ​ຄື: ​ເຂົ້າ​ສຸສານ, ​​ຄິດອາ​ໄລ​​ຫາ​ທ່ານ​ປະທານ ​ໂຮ່ຈີ​ມິນ, ​ໄປ​ຢ້ຽມ ຢາມ​ທີ່ຢູ່ ​ແລະ ບ່ອນ​ເຮັດ​ວຽກ​ຂອງ​ເພິ່ນ​ໃນ​ເຂດ​ ຮ່ອງ ຮອຍປະ​ຫວັດ​ສາດ ທຳນຽບປະທານ​ປະ​ເທດ; ​ໄປຢ້ຽມ ຢາມ, ພົບ​ປະ​ກັບພີ່​ນອ້ງ​ຊາວ​ເກົາ​ຫຼີ​ໃຕ້ ທີ່​ພວມ​ດຳລົງ​ຊີວິດ​ ​ແລະ ອອກ​ແຮງ​ງານຢູ່ ຫວຽດນາມ; ​ໄປ​ຢ້ຽມ ຢາມ​ໂ​ຮງ ຮຽນສ.​ເກົາຫຼີ​ ຢູ່ ຫວຽດນາມ; ​ໄປ​ທ່ຽວຊົມອ່າວ ຫ້າລອງ ​ ມໍລະດົກ​​ໂລກທາງທຳ​ມະ​ຊາດ​.​
 
ທ່ານ​ Chung Ui-Hwa, ປະທານ ສະພາ​ແ​ຫ່ງຊາດ ສ.​ເກົາຫຼີ ​ກໍ່​​ໄດ້​ໄປ​ຢ້ຽມຢາມ​ວິ​ສາ​ຫະກິດ ສ.​ເກົາຫຼີ ຈຳ​ນວນ​ໜຶ່ງ​ທີ່​ພວມດໍາ​ເນີນ​ທຸລະ​ກິດ​ຢູ່ ຫວຽດ​ນາມ; ພົບ​ປະ, ​ໂອ້​ລົມ​ສົນທະນາ​ກັບ​ນັກ​ສຶກສາ​ຂອງ​ມະ​ຫາ​ວິທະຍາ​ໄລ​ວິ ທະ ຍາ​ຊາດ ​ສັງຄົມ ​ແລະ ມະນຸດ​ວິທະຍາ​ຂອງນະຄອນ ​ໂຮ່ຈີ​ມິນ, ພົບ​ປະ​ກັບກ​ານນຳ​ນະຄອນ ກ່ອນ​ທີ່​ຈະ​ສິ້ນ​ສຸດ​ຢ່າງ​ຈົບງາມການມາ​ຢ້ຽ​ມຢາມ ຫວຽດນາມ ຢ່າງ​ເປັນ​ທາງ​ການຄັ້ງ​ນີ້. 


ທ່ານ Chung Ui-Hwa, ປະທານສະພາ​ແ​ຫ່ງຊາດ ສ.​ເກົາຫຼີ ຢ້ຽມຢາມ​ທີ່ຢູ່ ​
ແລະ ບ່ອນ​ເຮັດ​ວຽກ​ຂອງ​ເພິ່ນ​ໃນ​ເຂດ​ ຮ່ອງຮອຍປະ​ຫວັດ​ສາດ ທຳນຽບປະທານ​ປະ​ເທດ. ພາບ: ​ທົ້ງ​ເຍີ​ດ/VNA

ທ່ານ Chung Ui-Hwa, ປະທານສະພາ​ແ​ຫ່ງຊາດ ສ.​ເກົາຫຼີ ພົບ​ປະກັບນັກ​ສຶກສາ​ຂອງ​ມະ​ຫາ​ວິທະຍາ​ໄລ​
ວິທະຍາ​ຊາດ ​ສັງຄົມ ​ແລະ ມະນຸດ​ວິທະຍານະຄອນ ​ໂຮ່ຈີ​ມິນ. ພາບ: ​ແທງັ​ຫວູ/VNA

ທ່ານ Chung Ui-Hwa, ​ປະທານສະພາ​ແ​ຫ່ງຊາດ ສ.​ເກົາຫຼີ ໂອ້​ລົມ​ກັນກັບນັກ​ສຶກສາ​
ຂອງ​ມະ​ຫາ​ວິທະຍາ​ໄລ​ວິທະຍາ​ຊາດ ​ສັງຄົມ ​ແລະ ມະນຸດ​ວິທະຍານະຄອນ ​ໂຮ່ຈີ​ມິນ. ພາບ: ​ແທງ​ຫວູ/VNA

ປະຕິບັດ​ໂດຍ: VNA/VNP

   
ບັນດາບົດທີ່ຖືກນຳສະເໜີ