17/12/2014 10:04 GMT+7 Email Print Like 0

ວິສາຫະກິດ ຫວຽດນາມ ແລະ ຝລັ່ງ ເພີ່ມທະວີການເຊື່ອມຕໍ່, ຮ່ວມມືດ້ານເສດຖະກິດ


(ພາບປະກອບ)

ວັນ​ທີ 14/12, ສະຖານທູດ​ຫວຽ​ດນາມ ປະຈຳ​ຝລັ່ງ ໄດ້​ຈັດ​ກອງ​ປະຊຸມ​ໂຕະມົນ “ເສດຖະກິດ​ຫວຽດນາມ ແລະ ຝລັ່ງ: ໝາກຜົນ​ປີ 2014 ແລະ ແງ່​ຫວັງ​ພັດທະນາ​ປີ 2015”. ບັນດາ​ຜູ້​ແທນ​ເຂົ້າ​ຮ່ວມ​ກອງ​ປະຊຸມ​ສຳ​ມະ​ນາ​ຖື​ວ່າ, ການ​ພົວພັນ​ດ້ານ​ເສດຖະກິດ ແລະ ການ​ຄ້າ​ລະຫວ່າງ​ຫວຽດນາມ - ຝລັ່ງ ແມ່ນ​ຍັງ​ບໍ່​ທັນ​ເໝາະ​ສົມ​ກັບ​ການ​ພົວພັນ​ອັນ​ດີງາມ​ລະຫວ່າງ 2 ປະ​ເທດ, ພິ​ເສດ​ແມ່ນ​ການ​ພົວພັນຄູ່​ຮ່ວມມືຍຸດ​ທະ​ສາດ​ໄດ້​ຮັບ​ການ​ກຳນົດ​ແຕ່​ເດືອນ 09/2013. ເຖິງ​ວ່າ, ການ​ແລກປ່ຽນ​ເສດ​ຖະກິດ​ລະຫວ່າງ 2 ປະ​ເທດ ບັນລຸ​ບາງຜົນ​ງານ​ຢ່າງ​ແນ່ນອນ​ກໍ່ຕາມ, ແຕ່​ຍັງ​ມີ​ຄວາມ​ສາມາດ​ບົ່ມ​ຊ້ອນ​ຫຼາຍ​ຢ່າງບໍ່​ທັນ​ໄດ້​ຮັບ​ການ​ຂຸດ​ຄົ້ນ​ເທື່ອ. ທ່ານ Bruno Rigal, ທະນາຄານ Natixis ຖື​ວ່າ: ຄາດ​ວ່າ,ເສດຖະກິດ​ຫວຽດນາມ  ໃນ​ປີ 2015 ຈະ​ຟື້ນ​ຟູ​ໃນ​ລະດັບ​ສູງ​ກວ່າ ຍ້ອນ​ລັດຖະບານ​ພວມ​ຊີ້​ນຳ​ການ​ປົວ​​ແປ​ງສະພາບ​​ແວ​ດລ້ອມ​ແຫ່ງການ​ລົງທຶນ ແລະ ດຳ​ເນີນ​ທຸລະ​ກິດຢ່າງ​ຂ້ຽວຂາດ, ເພື່ອ​ແນ​ໃສ່​ສ້າງ​ເງື່ອນ​ໄຂ​ດຶງ​ດູດ​ການ​ລົງທຶນ ແລະ ເປີດ​ກວ້າງ​ຕະຫຼາດ​ສົ່ງ​ອອກ, ຜ່ານ​ນັ້ນ​ຊຸກຍູ້​ການ​ເຕີບ​ໂຕ. ທ່ານ Bruno Rigal ຢືນຢັນ​ວ່າ: ນີ​ຈະ​ແມ່ນ​ກາລະ​ໂອກາດ ແລະ ຄວາມ​ສາມາດ​ບົ່ມ​ຊ້ອນ​ໃຫ້​ບັນດາ​ວິ​ສາ​ຫະກິດ​ຝລັ່ງ. ໃນ​ຂະນະ​ນັ້ນ, ທ່ານ Jacquers Faurvel, ກຸ່ມ​ບໍລິສັດ​ແຈກ​ຢ່າ​ຍ​ຂາຍຍ່ອຍ Casino, ກຸ່ມ​ບໍລິສັດ​ທີ່​ໄດ້​ລົງທຶນ​ເຂົ້າ​ຮ້ານ​ຄ້າ Big C ຫວຽດນາມ ໃຫ້​ຮູ້​ວ່າ: ເມື່ອ​ລົງທຶນ​ເຂົ້າ​ຫວຽດນາມ, ຍາມ​ໃດ​ກຸ່ມ​ບໍລິ​ສັດ Casino ກໍ່​ໄດ້​ຮັບ​ການ​ສະໜັບສະໜູນ​ຈາກ​ບັນດາ​ການ​ນຳ​ທ້ອງ​ຖິ່ນ​ຂອງຫວຽດນາມ. ທ່ານ​ເວົ້າ​ວ່າ “ຜົນ​ສຳ​ເລັດຂອງ​ພວກ​ຂ້າພະ​ເຈົ້າ​ຊີ້​ໃຫ້​ເຫັນ​ວ່າ ບັນດາ​ນັກ​ລົງທຶນ​ຕ່າງປະ​ເທດ ຍາມ​ໃດ​ກໍ່​ສາມາດ​ຊອກ​​ເຫັນ​ກາລະ​ໂອກາດ ແລະ ທີ່​ຕັ້ງ​ຂອງ​ຕົນ​ຢູ່​ຫວຽດນາມ”.

(​ແຫຼ່ງຄັດ​ຈາກ VOV)

ບັນດາບົດທີ່ຖືກນຳສະເໜີ