14/09/2017 16:20 GMT+7 Email Print Like 0

ລົດຖີບໄມ້ໄຜ່ຂອງຄົນຫວຽດ

ເລືອກຕົ້ນໄມ້ໄຜ່ເປັນວັດຖຸດິບ ຜະລິດລິດໂຄງລົດຖີບ ເພື່ອສົ່ງອອກ ດ້ວຍຄວາມຫວັງຢາກ ແນະນຳ ຜະລິດຕະພັນໜຶ່ງ ທີ່ໃກ້ຊິດກັບປະຊາຊົນ ຢູ່ເຂດບ້ານນາຫວຽດນາມ  ອອກສູ່ ເພື່ອນມິດໃນໂລກ, ທ່ານ ຟ້າມມິງຈີ໋ ໃນເບື້ອງຕົ້ນ ໄດ້ບັນລຸ ບັນດາຜົນສຳເລັດທີ່ແນ່ນອນ ເມື່ອບັນດາຜະລິດຕະພັນ ທີ່ມີເຄື່ອງໝາຍການຄ້າ ລົດຖີບໄມ້ໄຜ່ຫວຽດ (Viet Bamboo Bike) ຂອງລາວ ໄດ້ຜູ້ບໍລິໂພກ ຢູ່ຫຼາຍປະເທດນຳໃຊ້.
ການຮຽນຈົບປະລິນຍາໂທສະເພາະຂະແໜງລົດຍົນ ທີ່ມະຫາວິທະຍາໄລ Stuttgart (ເຢຍລະມັນ) ໄດ້ຊ່ວຍໃຫ້ທ່ານ ດຶກ ມີພື້ນຖານຄວາມຮູ້ເປັນຢ່າງດີ ໃນການອອກແບບ ໂຄງລົດຖີບ ກໍຄືຄົ້ນຄວ້າກ່ຽວກັບຄຸນລັກສະນະ ຂອງຕົ້ນໄມ້ໄຜ່. ແຕ່ທ່ານ ຈີ໋ ກໍຕ້ອງເສຍເວລາເຖິງ 8 ເດືອນ ເພື່ອການທົດລອງ ລຳໄມ້ໄຜ່ ນັບຫຼາຍສິບຊະນິດ ທີ່ແຕກຕ່າງກັນ ຈຶ່ງສາມາດ ເລືອກໄດ້ຕົວແບບໂຄງລົດຖີບທຳອິດທີ່ຕົວເອງພໍໃຈ.

ຕາມທ່ານ ຟ້າມມິງຈີ໋ແລ້ວ, ຄວາມຕ້ອງການແຖວໜ້າ ໃນການຜະລິດໂຄງລົດຖີບ ແມ່ນຄວາມປອດໄພ, ດ້ວຍເຫດນັ້ນ, ລາວໄດ້ເລືອກເຟັ້ນໄມ້ໄຜ່ ຢ່າງຮອບຄອບທີສຸດ.  ນັ້ນແມ່ນເລືອກບັນດາປະເພດໄມ້ໄຜ່ທີ່ມີຂະໜາດພໍເໝາະ, ມີຄວາມທົນທານ ໜຽວແໜ້ນ ແລະ ຍືດຫຍຸ່ນສູງ. ຖັດຈາກນັ້ນ ແມ່ນຂອດການກັນມອດປວກ, ອອກແບບໂຄງລົດ ແລະ ທົດລອງບັນດາຕົວເລກເຕັກນິກຂອງໂຄງລົດຖີບໃນຕົວຈິງ. ສຳຄັນທີສຸດແມ່ນການເຊື່ອມຕໍ່ ຂໍ້ໄມ້ໄຜ່ເຂົ້າກັນເປັນໂຄງລົດ ຍ້ອນນັ້ນແມ່ນບ່ອນຮັບນຳ້ໜັກໃນເວລາລົດເຄື່ອນໄຫວ. 

ການຮຽນຈົບປະລິນຍາໂທສະເພາະຂະແໜງລົດຍົນ ທີ່ມະຫາວິທະຍາໄລ Stuttgart (ເຢຍລະມັນ) ໄດ້ຊ່ວຍໃຫ້ທ່ານ ດຶກ
ມີພື້ນຖານຄວາມຮູ້ເປັນຢ່າງດີ ໃນການອອກແບບ ໂຄງລົດຖີບ ກໍຄືຄົ້ນຄວ້າກ່ຽວກັບຄຸນລັກສະນະ ຂອງຕົ້ນໄມ້ໄຜ່.



ໂຄງລົດຖີບຂອງ Viet Bamboo Bike ໄດ້ຜະລິດຈາກ ລຳຕົ້ນໄມ້ໄຜ່ຂອງຫວຽດນາມ.


ຕັດໄມ້ໄຜ່ຕາມຂະໜາດທີ່ກຳນົດມາກ່ອນ.


ສ້າງຮູບໂຄງລົດ.  


ຂໍ້ເຊື່ອມຕໍ່ບັນດາລຳໄຜ່ເຂົ້າກັນເປັນໂຄງລົດ ເປັນບ່ອນ ຮັບນຳ້ໜັກໃນເວລາລົດເຄື່ອນໄຫວ.





ຂອດການຝົນ ແລະ ຂັດຂໍ້ເຊື່ອມຕໍ່ໃຫ້ກ້ຽງ. 


ພັນເຊືອກເຂົ້າໂຄງລົດ. 


ກະຕ່າລົດເຮັດດ້ວຍໄມ້ໄຜ່. 


ໂຄງລົດມີຫຼາຍສີສັນທີ່ແຕກຕ່າງກັນ.


ໂຄງລົດຖີບ WOLF ໄດ້ເຮັດດ້ວຍໄມ້. 


ທ່ານຟ້າມມິງຈີ໋ ກັບຜະລິດຕະພັນຂອງຕົນ. 

ໂຄງລົດຖີບທີ່ເຮັດຈາກໄມ້ໄຜ່ຂອງ ຟ້າມມິງຈີ໋ ໄດ້ນຳໄປ ກວດສອບຄຸນນະພາບ ແລະ ໄດ້ຮັບຮອງບັນລຸມາດຕະຖານ ISO 4210 ຂອງ SGS - ສະວິດ ແລະ DIN - ເຢຍລະມັນ (ມາດຕະຖານກ່ຽວກັບຄຸນນະພາບໂຄງລົດຖີບ ໂດຍບັນດາ ບໍລິສັດກວດກາເອກະລາດທົ່ວໂລກເປັນຜູ້ກວດສອບ).

ລົດຖີບໄມ້ໄຜ່ຂອງ Viet Bamboo Bike ມີນຳໜັກເບົາ, ແຕ່ສາມາດຂົນສົ່ງນຳ້ໜັກຂອງເຈົ້າຂອງ ໃນເວລາຖີບລົດ ຢູ່ສະຖານທີ່ຄ້ອຍຫີນ ແລະ ມີຄວາມທົນທານ ກວ່າ 20 ປີ.

ຫຼັງຈາກງານວາງສະແດງລົດ 2 ລໍ້ ຢູ່ຫວຽດນາມຖືກຈັດຂຶ້ນ ໃນທ້າຍປີ 2015, ມີບໍລິສັດແຫ່ງໜຶ່ງຂອງເຢຍລະມັນ ໄດ້ຊື້ ລົດຖີບໂຄງໄມ້ໄຜ່ ຫຼາຍຊະນິດຂອງ Viet Bamboo Bike ຈຳນວນ 150 ໜ່ວຍ. ນັບຕັ້ງແຕ່ນັ້ນມາ, ຜະລິດຕະພັນ ໂຄງລົດຖີບ ຂອງທ່ານ ຟ້າມມິງຈີ໋ ໄດ້ສົ່ງອອກໄປ ຫຼາຍປະເທດ ອື່ນໆອີກເຊ່ັນ: ຝຣັ່ງ, ສະວິດ, ອົສຕາລີ, ຍີ່ປຸ່ນ ດ້ວຍລາຄາແຕ່ 6-40 ລ້ານດົ່ງ/ຄັນ. ການທີ່ປະດິດສ້າງຂຶ້ນ ໂຄງລົດຖີບ ຕາມຄວາມນິຍົມມັກ, ທັງເປັນຜະລິດຕະພັນ ທີ່ເປັນມິດ ຕໍ່ສິ່ງແວດລ້ອມ, ໃນເວລາດຽວກັນນັ້ນກໍແມ່ນ ແນະນຳ ສີມືອາຊີບ ອັນຄ່ອງແຄ່ວ ຂອງຄົນຫວຽດອອກສູ່ໂລກ ແມ່ນສິ່ງທີ່ ຟ້າມມິງຈີ໋ ຢາກມຸ່ງສູ່.

ປັດຈຸບັນ, ມີຫຼາຍແຫ່ງຢູ່ໃນໂລກ ໄດ້ຜະລິດລົດຖີບໂຄງໄມ້ໄຜ່, ເພາະສະນັ້ນ, ເພື່ອໃຫ້ມີການຮັບຮອງຈາກຕະຫຼາດ, ທ່ານ ຟ້າມມິງຈີ໋ ແລະ ເພື່ອນຮ່ວມງານ ໄດ້ສຸມໃສ່ໃນການ ປະດິດສ້າງ, ດັດແປງ ແລະ ຜະລິດອອກ ຫຼາຍຕົວແບບລົດຖີບ ໂຄງໄມ້ໄຜ່ ທີ່ມີຄຸນນະພາບ ແລະ ມີລັກສະນະ ດ້ານສະຫງວນ ຄວາມງາມສູງ. ປັດຈຸບັນ, Viet Bamboo Bike ມີຫຼາຍ ຕົວແບບລົດຖີບເຊັ່ນ: ກຼາດຊິກ, ທັນສະໄໝ, ລົດໄຕ່ພູ ແລະ ລົດຖີບກິລາ.

ການຕົບແຕ່ງຢູ່ເທິງໂຄງລົດກໍມີຄວາມອຸດົມຫຼາກຫຼາຍທີສຸດ, ແຕ່ການປະໃຫ້ໂຄງລົດມີສີທຳມະຊາດ, ພຽງທານຳ້ສີກັນນຳ້, ກັນປວກມອດແລ້ວ, ນາຍຊ່າງຂອງຫວຽດນາມ ຍັງໃຫ້ການ ປະດິດສ້າງຕື່ມອີກ ດ້ວຍການ ຂູດຊັ້ນເປືອກນອກບາງໆ ຫຼື ທາສີນຳ້ຫຼາຍສີ, ໃຊ້ປາກກາໄຟ ໃນການຂຽນຊື່, ແຕ້ມ ພາບແຕ້ມ ຢູ່ເທິງໂຄງລົດ ເພື່ອປະດິດສ້າງຂຶ້ນ ບັນດາ ໂຄງລົດຖີບມີຄວາມງາມທີ່ເປັນເອກະລັກ.

ຜ່ານມາ, Viet Bamboo Bike ຫາກໍ ນຳສະເໜີ ຕົວແບບ ລົດຖີບຈຳນວນໜຶ່ງທີ່ບໍ່ໃຊ້ສາຍໂສ້ຄື ລົດຖີບທົ່ວໄປ ຫາກໃຊ້ ເສັ້ນ curoa. ເສັ້ນ curoa ນີ້ ບໍ່ຕ້ອງການມີສາຍໂສ້ຄືກັບ ລົດຖີບທົ່ວໄປ, ເພາະສະນັ້ນ ຍິ່ງເປັນມິດກັບສິ່ງແວດລ້ອມ ກວ່າອີກ.



Viet Bamboo Bike ມີຫຼາຍຕົວແບບລົດຖີບເຊັ່ນ: ກຼາດຊິກ, ທັນສະໄໝ, ລົດໄຕ່ພູ ແລະ ລົດຖີບກິລາ. 


ລົດຖີບຫິມະ 3 ລໍ້. 


ລົດຖີບສຳລັບເດັກນ້ອຍ. 






ບັນດາຜະລິດຕະພັນລົດຖີບມີໂຄງໄມ້ໄຜ່ຕາມຄວາມນິຍົມມັກ, ທັງເປັນຜະລິດຕະພັນທີ່ເປັນມິດຕໍ່ສິ່ງແວດລ້ອມ,
ໃນເວລາ ດຽວກັນນັ້ນກໍແມ່ນ ແນະນຳ ສີມືອາຊີບ ອັນຄ່ອງແຄ່ວ ຂອງຄົນຫວຽດອອກສູ່ໂລກ. 



ຜະລິດຕະພັນລົດຖີບໄມ້ໄຜ່ (Viet Bamboo Bike) ໄດ້ຜູ້ບໍລິໂພກຢູ່ຫຼາຍປະເທດໃນໂລກນິຍົມມັກ.

ນອກຈາກບັນດາຜະລິດຕະພັນລົດຖີບໄມ້ໄຜ່, Viet Bamboo Bike ຍັງຜະລິດລົດຖີບເຮັດຈາກໄມ້ ແລະ ລົດຖີບ ສຳລັບ ເດັກນ້ອຍນຳອີກ. ປັດຈຸບັນ, ຜະລິດຕະພັນ ລົດຖີບໂຄງໄມ້ໄຜ່ ໄດ້ປະກອບສິ້ນສ່ວນຕ່າງໆຕື່ມເຊັ່ນ: ເຂົາລົດຖີບ, ຄໍລົດ, “ຟວກ” (fork) ລົດ ກໍໄດ້ເຮັດຈາກບັນດາຕອນໄມ້ໄຜ່ທີ່ຄົງທົນ ໜຽວແໜ້ນ.

ໃນປະນາຄົດ, Viet Bamboo Bike ຈະ ນຳສະເໜີ ບັນດາຜະລິດຕະພັນເຄິ່ງອຸດສາຫະກຳ, ນຳໃຊ້ຂອບຫຼໍ່ ເພື່ອຫຼຸດຜ່ອນເວລາເຮັດດ້ວຍມື, ເທື່ອລະກ້າວ ເຮັດໃຫ້ ລາຄາຂອງຜະລິດຕະພັນໄດ້ຫຼຸດລົງ ແລະ ເຂົ້າເຖິງ ຜູ້ບໍລິໂພກ ຢູ່ພາຍໃນ ແລະ ຕ່າງປະເທດດ້ວຍຈຳນວນຫຼາຍກວ່າອີກ.
ບົດ: ເຊີນເງ້ຍ - ພາບ: ດັ້ງກິມເຟືອງ
ບັນດາບົດທີ່ຖືກນຳສະເໜີ