04/12/2016 00:01 GMT+7 Email Print Like 0

ຟີແດນ ກາສໂຕຣ - ເພື່ອນຜູ້ຍິ່ງໃຫຍ່ ຂອງ ປະຊາຊົນ ຫວຽດນາມ

ສະຫາຍ ຟີແດນ ກາສໂຕຣ ຣຸດສ, ຜູ້ນຳທີ່ຍິ່ງໃຫຍ່ ຂອງ ການປະ ຕິວັດ ກູບາ ໄດ້ເຖິງແກ່ມໍລະນະກຳ ເມື່ອເວລາ 22 ໂມງ 29 ນາທີ ຂອງ ວັນທີ 25 ພະຈິກ (ຕາມເວລາຖ້ອງຖິ່ນ) , ໃນໄວ 90 ປີ, ຊຶ່ງ ສ້າງຄວາມໂສກເສົ້າ ເສຍດາຍ ອາໄລອາວອນ ຕໍ່ຄວາມ ສູນເສຍ ຢ່າງໃຫຍ່ຫຼວງ ທີ່ມີຕໍ່ປະ ຊາຊົນ ກູບາ ກໍ່ຄືຂະບວນການ ຝ່າຍຊ້າຍ ໃນທົ່ວໂລກ. ເປັນເວລາຫລາຍສິບປີ ຜ່ານມາ, ສຳລັບຊາວ ຫວຽດ ນາມ ແຕ່ລະຄົນ, ປະເທດກູບາ ແລະ ສະຫາຍ ຟີແດນ ກາສໂຕຣ ຣຸດສ ໄດ້ກາຍເປັນສັນຍາລັກ ຂອງ ລັດທິວິລະຊົນ ປະຕິວັດ, ນ້ຳ ໃຈ ແຫ່ງການຕໍ່ສູ້ຢ່າງພິລະອາດຫານ ເພື່ອເສລີພາບ ແລະ ຄວາມ ຜາສຸກ. ຍາມໃດປະຊາ ຊົນ ຫວຽດນາມ ກໍໃຫ້ການ ສະໜັບສະ ໜູນປະຊາຊົນ ກູບາ, ຕໍ່ສະຫາຍ ຟີແດນ ກາສໂຕຣ ຣຸດສ ຄວາມ ເຊື່ອໝັ້ນ, ເຄົາລົບ, ຮັກແພງ ແລະ ເຫັນໃຈຢ່າງເລິກເຊິ່ງ. 
ໃນປະຫວັດສາດ, ກູບາ ເປັນປະເທດທຳອິດ ຮັບຮອງ ແນວໂຮມ ແຫ່ງຊາດປົດປ່ອຍພາກໃຕ້ ຫວຽດນາມ (ເດືອນ ທັນວາ 1961), ເປັນປະເທດທຳອິດສ້າງຕັ້ງຄະນະກຳມະການສາມັກຄີ ກັບ ຫວຽດ ນາມ (ເດືອນ ກັນຍາ 1963), ເປັນປະເທດທຳອິດ ແລະ ໜຶ່ງດຽວ ໄດ້ສ້າງຕັ້ງສະຖານທູດ ຄຽງຂ້າງກັບແນວໂຮມແຫ່ງຊາດປົດປ່ອຍ ພາກໃຕ້ ຫວຽດນາມ ຢູ່ເຂດປົດປ່ອຍ (ເດືອນ ກໍລະກົດ 1967).
 
ໃນໄລຍະນັ້ນ, ປະເທດກູບາ ຕ້ອງ ປະສົບກັບ ຄວາມຫຍຸ້ງຍາກ ນາໆ ປະການ, ຊີວິດການເປັນຢູ່ ຂອງ ປະຊາຊົນ ຕ້ອງປະເຊີນ ກັບການຂາດເຂີນ, ກຳລັງອິດທິປໍລະປັກ ໄດ້ຫວ່ານຂ່າວວ່າ ປະ ຊາຊົນ ກູບາ ຂາດນຳ້ຕານ, ນ້ຳນົມ ແມ່ນຍ້ອນ ຟີ​ແດນ ເອົາໄປ ໃຫ້ຫວຽດນາມ ໝົດ. ໃນການໂຮມຊຸມນຸມມິດຕິງ ຂອງ ປະຊາຊົນ ກູບາ ຈຳນວນຫຼາຍໝື່ນຄົນ ຢູ່ນະຄອນຫຼວງ ລາຮາວານ, ສະຫາຍ ຟີ​ແດນ ໄດ້ເວົ້າວ່າ: “ໜ້າເສຍດາຍທີ່ພວກເຮົາ ປະຊາຊົນກູບາ ມີນ້ຳຕານ, ນ້ຳນົມບໍ່ພໍ ເພື່ອຝາກໃຫ້ປະຊາຊົນ ຫວຽດນາມ, ຖ້າມີບໍ່ພຽງແຕ່ນຳ້ຕານ, ນຳ້ນົມເທົ່ານັ້ນ, ແມ່ນແຕ່ເລືອດ ພວກເຮົາ ກໍ່ ຈະມອບໃຫ້ປະຊາຊົນ ຫວຽດນາມ ໄດ້”.

ສະຫາຍ ຟີ​ແດນ ກາສ​ໂຕຣ (13/8/1926 - 25/11/2016). ພາບ: EPA/VNA


ທ່ານນາຍົກລັດຖະມົນຕີ ຟ້າມວັນດົ່ງ ຕ້ອນຮັບທ່ານ ຟີ​ແດນ ກາສ​ໂຕຣ ເນື່ອງໃນໂອກາດມາຢ້ຽມຢາມ
ເຂດປົດປ່ອຍພາກໃຕ້ ຫວຽດນາມ ຢູ່ ກວາງຈີ້ (15/9/1973). ພາບ: ເອກະສານ VNA


ສະຫາຍ ຟີ​ແດນ ກາສ​ໂຕຣ ມາຢ້ຽມຢາມເມືອງ ດົງຮ່າ (ກວາງຈີ້) ໃນເວລາຫາກໍ່ໄດ້ປົດປ່ອຍ.​ ພາບ: ເອກະສານ VNA


ສະຫາຍ ຟີ​ແດນ ກາສ​ໂຕຣ ມາຢ້ຽມຢາມທີ່ໝັ້ນ ເຕີນເລີມ ແລະ ຣົກມຽວ. ພາບ: ເອກະສານ VNA


ສະຫາຍ ຟີ​ແດນ ກາສ​ໂຕຣ ມາຢ້ຽມຢາມທີ່ໝັ້ນ ເຕີນເລີມ ແລະ ຣົກມຽວ. ພາບ: ເອກະສານ VNA


ສະຫາຍ ຟີ​ແດນ ກາສ​ໂຕຣ ຍົກສູງຄັນທຸງຂອງກອງທະຫານ ແຄແຊງ,
ທະຫານປົດປ້ອຍ ຈີ້ທຽນເຫວ້. ພາບ: ເອກະສານ VNA



ສະຫາຍ ຟີ​ແດນ ກາສ​ໂຕຣ ພ້ອມກັບທ່ານນາຍົກລັດຖະມົນຕີ ຟ້າມວັນດ່ົ່ງ ແລະ
ບັນດານັກຮົບຂຶ້ນກັບກອງທະຫານ ແຄແຊງ, ທະຫານປົດປ່ອຍ ຈີ້ທຽນເຫວ້. ພາບ: ເອກະສານ VNA



ທ່ານພົນເອກ ຫວໍຫງວຽນຢາບ ຕ້ອນຮັບທ່ານນາຍົກລັດຖະມົນຕີ ຟີ​ແດນ ກາສ​ໂຕຣ ເນື່ອງໃນໂອກາດມາຢ້ຽມຢາມ
ຫໍພິພິດທະພັນກອງທັບປະຊາຊົນ ຫວຽດນາມ (12/9/1973). ພາບ: ເອກະສານ VNA


ສະຫາຍ ຟີ​ແດນ ກາສ​ໂຕຣ ແລະ ປະຊາຊົນນະຄອນຫຼວງ ລາຮາວານ ຕ້ອນຮັບທ່ານນາຍົກລັດຖະມົນຕີ ຟ້າມວັນດົ່ງ
ເນື່ອງໃນໂອກາດມາຢ້ຽມຢາມ ກູບາ (22/3/1974). ພາບ: ເອກະສານ VNA
 

ສະຫາຍ ຟີ​ແດນ ກາສ​ໂຕຣ ຣຸດສ ຕ້ອນຮັບນາຍົກລັດຖະມົນຕີ ຫວໍວັນກຽດ
ທີ່ນະຄອນຫຼວງ ລາຮາວານ (10/7/1993). ພາບ: ມິງດ້າວ/VNA


ສະຫາຍ ເລຂາທິການໃຫຍ່ ໂດ໋ເມື່ອຍ, ປະທານປະເທດ ເລດຶກແອງ ແລະ ນາຍົກລັດຖະມົນຕີ ຫວໍວັນກຽດ
ຕ້ອນຮັບສະຫາຍ ຟີ​ແດນ ກາສ​ໂຕຣ ຣຸດສ ເນື່ອງໃນໂອກາດມາຢ້ຽມຢາມ ຫວຽດນາມ
ຢ່າງເປັນ ທາງການ (8-12/12/1995). ພາບ: ມິງດ່ຽນ/VNA


ສະຫາຍ ຟີ​ແດນ ກາສ​ໂຕຣ ຣຸດສ ເຂົ້າຢ້ຽມ ທ່ານ ຟ້າມວັນດົ່ງ,
ທີ່ປືກສາ ຄະນະບໍລິຫານງານສູນກາງພັກ ກອມມູນິດ ຫວຽດນາມ 
ເນື່ອງໃນໂອກາດມາຢ້ຽມຢາມ ຫວຽດນາມ ຢ່າງເປັນທາງການ (8-12/12/1995). ພາບ: ມິງດ່ຽນ/VNA



ສະຫາຍ ຟີ​ແດນ ກາສ​ໂຕຣ ຣຸດສ ຢ້ຽມຢາມບໍລິສັດຕັດຫຍິບ ດຶກຢາງ, ຮ່າໂນ້ຍ (8-12/12/1995).ພາບ: ມິງດ່ຽນ/VNA


ສະຫາຍ ຟີ​ແດນ ກາສ​ໂຕຣ ຣຸດສ ຢ້ຽມຢາມທ່ານພົນເອກ ຫວໍຫງວຽນຢາບ
ທີ່ເຮືອນຂອງເພິ່ນ ຢູ່ຮ່າໂນ້ຍ (22/2/2003). ພາບ: ຍານຊ໋າງ/VNA


ສະຫາຍ ຟີ​ແດນ ກາສ​ໂຕຣ ຣຸດສ ຢ້ຽມຢາມມະຫາວິທະຍາໄລສັບພະວິຊາ ຮ່າໂນ້ຍ (23/2/2003). ພາບ: ດຶກຕາມ/VNA


ສະຫາຍ ຟີ​ແດນ ກາສ​ໂຕຣ ຣຸດສ ຕ້ອນຮັບ ປະທານປະເທດ ຫງວຽນມິງຈຽດ
ທີ່ນະຄອນຫຼວງ ລາຮາວານ (28/9/2009).​ ພາບ: VNA


ສະຫາຍເລຂາທິການໃຫຍ່ ຫງວຽນຝູ໋ຈ້ອງ ເຂົ້າຢ້ຽມ ສະຫາຍ ຟີ​ແດນ ກາສ​ໂຕຣ ຣຸດສ  
ທີ່ນະຄອນຫຼວງ ລາຮາວານ (11/4/2012). ພາບ: VNA


ສະຫາຍ ຟີ​ແດນ ກາສ​ໂຕຣ ຣຸດສ ຕ້ອນຮັບ ນາຍົກລັດຖະມົນຕີ ຫງວຽນເຕິນຢຸງ ແລະ ທ່ານນາງ ຫງວຽນ ທິກີມເງິນ
ຮອງປະທານສະພາແຫ່ງຊາດ ທີ່ນະຄອນຫຼວງ ລາຮາວານ (26/3/2014). ພາບ: VNA


ະທານປະເທດ ເຈິ່ນດ້າຍກວາງ ມອບຮູບພາບໃຫ້ ສະຫາຍ ຟີ​ແດນ ກາສ​ໂຕຣ ຣຸດສ 
ເນື່ອງໃນໂອ ກາດ ຢ້ຽມຢາມກູບາ ລະຫວ່າງວັນທີ 15-17 ພະຈິກ 2016. ພາບ: VNA

ປີ 1967 ກູບາ ໄດ້ຕັ້ງຊື່ວ່າ “ປີ ຫວຽດນາມ ວິລະຊົນ”. ປີ 1972, ສະຫາຍ ຟີ​ແດນ ໄດ້ຢືນຢັນອີກເທື່ອໜຶ່ງວ່າ: “ນຳ້ໃຈສາມັກຄີຂອງ ພວກເຮົາ, ຄວາມໄວ້ເນື້ອເຊື່ອໃຈຂອງ ພວກເຮົາ ສຳລັບ ປະຊາຊົນ ແລະ ການນຳ ຫວຽດນາມ ແມ່ນບໍ່ມີເງື່ອນໄຂ ແລະ ເດັດຂາດ”.
 
ເດືອນ ກັນຍາ 1973, ສະຫາຍ ຟີ​ແດນ ເປັນປະມຸກລັດຕ່າງປະ ເທດຜູ້ທຳອິດ ແລະ ໜຶ່ງດຽວ ມາຢ້ຽມຢາມເຂດປົດປ່ອຍພາກໃຕ້ ຫວຽດນາມ ໃນໄລຍະສົງຄາມຍັງບໍ່ທັນສິ້ນສຸດ. ພາບຜູ້ບັງຄັບບັນ ຊາການສູງສຸດໃນຊຸດທະຫານສີຂຽວ, ຢືນເທິງຂຸມໂລກົດ ຂອງ ສັດຕູ, ຍົກສູງຄັນທຸງ ຂອງ ແນວໂຮມແຫ່ງຊາດປົດປ່ອຍ, ເປັນ ການປຸກລະດົມກຳລັງໃຈເປັນຢ່າງຍິ່ງໃຫ້ແກ່ນັກຮົບ ຫວຽດນາມ ໃນຂະນະນັ້ນ.

ໃນການຢ້ຽມຢາມ ຫວຽດນາມ ຄັ້ງທຳອິດ, ສະຫາຍ ຟີ​ແດນ ໄດ້ ເວົ້າວ່າ“ເພື່ອຫວຽດນາມ, ກູບາ ພ້ອມແລ້ວອຸທິດເລືອດເນື້ອ ຂອງ ຕົນ”, ຄຳເວົ້າດ່ັງກາ່ວ ໄດ້ເຮັດໃຫ້ປະຊາຊົນ ກູບາ ແລະ ຫວຽດ ນາມ , ກໍ່ຄືຜູ້ທີ່ຮັກຫອມສັນຕິພາບຫຼາຍລ້ານຄົນໃນໂລກ ຮູ້ສຶກ ສະເທືອນໃຈ. ຍິ່ງກວ່ານັ້ນແມ່ນໄລຍະນັ້ນ ທີ່ປະເທດ ກູບາ ຖືກ ຂວ້ຳບາດທາງເສດຖະກິດ,  ປະສົບຄວາມຫຍຸ້ງຍາກໃນຫຼາຍດ້ານ, ແຕ່ຍັງໃຫ້ການຊ່ວຍເຫຼືອ ຫວຽດນາມ ດ້ວຍນ້ຳໃຈເປັນອ້າຍນ້ອງ ກັນ. ສະຫາຍ ຟີ​ແດນ ແລະ ປະຊາຊົນ ກູບາ ໄດ້ຖືການສູ້ຕໍ່ຕ້ານ ຈັກກະພັດ ອາເມລິກາ ຂອງ ຫວຽດນາມ ຄືເປັນຂອງຕົນເອງ.

ໃນກອບການຢ້ຽມຢາມ ຫວຽດນາມ ຄັ້ງທຳອິດ ຂອງ ສະຫາຍ ຟີ​ແດນ, ກູບາ ໄດ້ມອບກິດຈະການກໍ່ສ້າງດ້ານເສດຖະກິດ-ສັງຄົມ 5 ແຫ່ງໃຫ້ຫວຽດນາມ ດ້ວຍມູນຄ່າປະມານ 80 ລ້ານ ໂດລາ ສະ ຫະລັດ, ລວມມີ: ໂຮງແຮມ ຖັ໋ງເລີ້ຍ (ໜອງໄຕ, ຮ່າໂຮ້ຍ), ໂຮງໝໍ ຫວຽດນາມ-ກູບາ​ (ດົ່ງເຮີຍ, ກວາງບິ່ງ), ຖະໜົນ ຊວນມາຍ, ນິຄົມ ລ້ຽງງົວພັນ ບາວີ່, ໂຮງງານລ້ຽງ ໄກ່ ເລືອງໝີ໋; ມອບງົວພັນ, ໄກ່ ພັນ ແລະ ເງິນ 6 ລ້ານໂດລາສະຫະລັດ ເພື່ອຊື້ ອຸປະກອນທີ່ ທັນ ສະໄໝ,​ ສົ່ງນັກຊ່ຽວຊານກ່ຽວກັບຂົວທາງມາ ຫວຽດນາມ ເພື່ອ ເຂົ້າຮ່ວມໃນການເປີດກວ້າງເສັ້ນທາງ ໂຮ່ຈີມິນ ກັບທະຫານ ເຈື່ອງເຊີນ; ຊ່ວຍບຳລຸງສ້າງນັກສຶກສາ ຫວຽດນາມ ກວ່າ 1.000 ຄົນໃນລະດັບມະຫາວິທະຍາໄລ ແລະ ເໜືອມະຫາວິທະຍາໄລ,​ ໃຫ້ການສະໜັບສະໜູນ ຫວຽດນາມ ໃນການເຂົ້າຮ່ວມ ສະຫະປະ ຊາຊາດການແບ່ງປັນດັ່ງກ່າວເຕັມໄປດ້ວຍນ້ຳໃຈເຜື່ອແຜ່ ແລະ ທັນກັບເວລາ.

ເດືອນທັນວາ 1995 ແລະ ເດືອນ ກຸມພາ 2003, ສະຫາຍ ຟີ​ແດນ  ໄດ້ມາຢ້ຽມຢາມ ຫວຽດນາມ ເປັນເທື່ອທີສອງ ແລະ ທີສາມ. ໃນ ການຢ້ຽມຢາມສອງຄັ້ງດັ່ງກ່າວ, ນຳ້ໃຈມິດຕະພາບ ແລະ ການ ຮ່ວມມືອ້າຍນ້ອງລະຫວ່າງ ຫວຽດນາມ ແລະ ກູບາ ສືບຕໍ່ ຍາດ ໄດ້ຜົນງານໃໝ່ຫລາຍດ້ານ. ສະຫາຍ ຟີ​ແດນ ໄດ້ຢືນຢັນ ຢູ່ ເລື້ອຍໆ ວ່າ ປະຊາຊົນ ຫວຽດນາມ ຈະເປັນເພື່ອນ, ອ້າຍ ນ້ອງ ທີ່ໃກ້ຊິດ, ຮັກແພງຂອງປະຊາຊົນ ກູບາ ແລະ ເຊື່ອໝັ້ນວ່າ ນຳ້ໃຈ ສາມັກຄີ, ມິດຕະພາບ ແລະ ການຮ່ວມມືຮອບດ້ານ ລະ ຫວ່າງ ກູບາ ແລະ ຫວຽດນາມ ຈະໄດ້ຮັບການປັບປຸງ ແລະ ພັດທະນາ ຂຶ້ນຢ່າງບໍ່ຢຸດຢັ້ງ.
 
ເພື່ອເສີມຂະຫຍາຍນຳ້ໃຈອັນລຳ້ຄ່າລະຫວ່າງ ພັກ ແລະ ປະຊາ ຊົນສອງປະເທດ, ໃນເຄິ່ງສະຕະວັດຜ່ານມາ, ໂດຍ ບໍ່ສົນໃຈເຖິງ ການ ປ່ຽນແປງຂອງສະຖານະການການເມືອງໂລກ, ນຳ້ໃຈ ສາ ມັກຄີ ແລະ ຄວາມມິດຕະພາບລະຫວ່າງ ຫວຽດນາມ-ກູບາ ໄດ້ ຮັບ ການປັບປຸງຢ່າງບໍ່ຢຸດຢັ້ງ, ກາຍເປັນແບບຢ່າງຂອງນຳ້ໃຈສັດ ຊື່ບໍລິສຸດ, ເປັນສັບສົມບັດອັນລຳ້ຄ່າທີ່ພັກ ແລະ ປະຊາຊົນ ສອງປະເທດມີການປົກປັກຮັກສາ ແລະ ພັດທະນາຢ່າງ ບໍ່ຢຸດຢັ້ງ. 

ຕອນເຊົ້າວັນທີ 28 ພະຈິກ 2016, ບັນດາຜູ້ນຳພັກ, ລັດ, ລັດຖະບານ ຫວຽດນາມ ມາຍັງສະຖານທູດ ກູບາ ປະຈຳຫວຽດນາມ
ເພື່ອລົງນາມ ປຶ້ມໄວ້ອາໄລ ເຖິງດວງວິນຍານ ສະຫາຍ ຟີ​ແດນ ກາສ​ໂຕຣ ຣຸດສ. ພາບ: ສະຫາຍ ເລຂາທິການໃຫຍ່ ຫງວຽນຝູ໋ຈ້ອງ
ແບ່ງປັນຄວາມເສົ້າສະຫຼົດໃຈກັບທ່ານ ເອກອັກຄະ ລັດຖະທູດ ກູບາ Herminio López Diaz. ພາບ: ຈີ໋ຢຸງ/VNA

 

ປະທານປະເທດ ເຈິ່ນດ້າຍກວາງ ແບ່ງປັນຄວາມ ເສົ້າສະຫຼົດໃຈ
ກັບທ່ານເອກອັກຄະລັດຖະທູດ ກູບາ Herminio López Diaz. ພາບ: ຢວານເຕີນ/VNA



ນາຍົກລັດຖະມົນຕີ ຫງວຽນຊວນຟຸກ ໄດ້ລົງນາມ ປຶ້ມໄວ້ອາໄລ
ເຖິງດວງວິນຍານ
ສະຫາຍ ຟີ​ແດນ ກາສ​ໂຕຣ ຣຸດສ ຢູ່ສະຖານທູດກູບາ ປະຈຳ ຫວຽດນາມ. ພາບ: ຖົ໋ງເຍີດ/VNA



ວັນດຽວກັນ, ທີ່ຈະຕຸລັດປະຕິວັດໂຈເຊ ມາກຕີ ຢູ່ນະຄອນຫຼວງ ລາຮາວານ, ທ່ານນາງ ຫງວຽນທິກີມເງິນ,
ກຳມະການກົມການເມືອງ, ປະທານສະພາແຫ່ງຊາດ, ປະທານສະມາຄົມມິດຕະພາບຫວຽດນາມ-ກູບາ
ໄດ້ ນຳຄະນະຜູ້ແທນພັກ ແລະ ລັດຖະບານ ຫວຽດນາມ ເຂົ້າໄວ້ອາໄລສະຫາຍ ຟີ​ແດນ ກາສ​ໂຕຣ ຣຸດສ. ພາບ: ຈ້ອງດຶກ/VNA



ປະທານສະພາແຫ່ງຊາດ ຫງວຽນທິກີມເງິນ ເຂົ້າໄວ້ອາໄລສະຫາຍ ຟີ​ແດນ ກາສ​ໂຕຣ ຣຸດສ. ພາບ: ຈ້ອງດຶກ/VNA


ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຟ້າມບິ່ງມິນ ໄດ້ລົງນາມ ປຶ້ມໄວ້ອາໄລ
ເຖິງດວງວິນຍານ
ສະຫາຍ ຟີ​ແດນ ກາສ​ໂຕຣ ຣຸດສ ຢູ່ສະຖານທູດກູບາ ປະຈຳ ຫວຽດນາມ. ພາບ: ຢວານເຕີນ/VNA


ສະຫາຍ ຟີ​ແດນ ກາສ​ໂຕຣ ຣຸດສ, ອະດີດ​ເລຂາທິການທີ​ໜຶ່ງ ຄະ ນະ​ ບໍລິຫານ​ງານ ​ສູນ​ກາງ​ພັກ ​ກອມ​ມູນິດ​ກູ​ບາ, ປະທານ​ສະພາ​ແຫ່ງ​ລັດ ​ແລະ ສະພາ​ລັດຖະມົນຕີ​ ແຫ່ງ ສາທາລະນະ​ລັດກູ​ບາ,  ຜູ້ນຳ ຂອງ ປະຊາຊົນ ກູບາ, ເກີດວັນທີ 13 ສິງຫາ 1926 ທີ່ເຂດ Biran, ແຂວງ Oriente ເກ່ົາ,​ ປະຈຸບັນ ແມ່ນແຂວງ Holguin ທາງພາກຕາເວັນອອກ ກູບາ. ສະຫາຍ ຟີ​ແດນ ກາສ​ໂຕຣ ຣຸດສ ໄດ້ເຖິງແກ່ມໍລະນະກຳ ໃນວັນທີ 25 ພະຈິກ 2016, ລວມອາຍຸໄດ້ 90 ປີ.
ດ້ວຍຜົນງານ ແລະ ການປະກອບສ່ວນຢ່າງໃຫຍ່ຫຼວງ ຂອງ ສະ ຫາຍ ຟີ​ແດນ ກາສ​ໂຕຣ ຣຸດສ, ພັກ ແລະ ລັດຖະບານ ຫວຽດ ນາມ ໄດ້ປະດັບຫຼຽນໄຊ ຊາວວ່າງ (ດາວຄຳ) ເມື່ອປີ 1982 ແລະ ຫຼຽນໄຊ ໂຮ່ຈີມິນ ເມື່ອປີ 1989 ໃຫ້ສະຫາຍ ຟີ​ແດນ ກາສ​ໂຕຣ ຣຸດສ.
ຫວຽດນາມ ໄດ້ຕົກລົງໄວ້ທຸກລະດັບຊາດໃຫ້ ສະຫາຍ ຟີ​ແດນ ກາສ​ໂຕຣ ຣຸດສ ໃນວັນທີ 4 ທັນວາ 2016. ໃນ​ໄລຍະ​​ນີ້, ບັນດາ​ອົງການ​ສຳນັກງານ​ໃນ​ທົ່ວ​ປະ​ເທດແລະ ບັນດາ​ອົງການ​ຕາງ​ໜ້າຂອງ ຫວຽດນາມ ປະຈຳ​ຕ່າງປະ​ເທດໃຫ້ລົດ​ທຸງ​ລົງ​ເຄິ່ງ​ເສົາ, ໄວ້​ທຸກຕາມການກຳນົດ, ບໍ່ໃຫ້ມີການຈັດ​ຕັ້ງ​​ການ​ເຄື່ອນ​ໄຫວມ່ວນຊື່ນ ບັນ​ເທີງ ສາທາລະນະ. 

ປະຕິບັດໂດຍ: VNA/VNP
ບັນດາບົດທີ່ຖືກນຳສະເໜີ