03/04/2017 08:36 GMT+7 Email Print Like 0

ພິທີໄຫວ້ບູຊາພະບິດາຂອງຊາດຫວຽດນາມ ຫຼາກລອງກວນ ແລະພະມານດາຂອງຊາດຫວຽດນາມ ເອົາເກີ


ພິ​ທີ​ໄຫວ້​ບູ​ຊາພະ​ບິ​ດາ​ຂອງ​ຊາດ​ຫວຽດ​ນາມ ຫຼາກ​ລອງກວນ 
ແລະ ພິ​ທີ​ຖະ​ຫວາຍ​ທູບ​ທຽນ​ບູ​ຊາພະ​ມານ​ດາຂອງ​ຊາດ​ຫວຽດ​ນາມ ເອົາ​ເກີ
      ຕອນ​ເຊົ້າ​ວັນ​ທີ 2/4 ( ກົງ​ກັບວັນ​ທີ 6/3 ຕາມ​ຈັນ​ທະ​ປະ​ຕິ​ທິນ) ຢູ່​ພະ​ວິ​ຫານ​ບູ​ຊາ ພະ​ບິ​ດາ​ຂອງ​ຊາດ​ຫວຽດ​ນາມ ຫຼາກ​ລອງກວນ ເທິງ​ພູ ຊິມ ແລະ ພະ​ວິ​ຫານ​ບູ​ຊາພະ​ມານ​ດາຂອງ​ຊາດ​ຫວຽດ​ນາມ ເອົາ​ເກີ ເທິງ​ພູຫວັ້ນ​ທີ່​ຂຶ້ນ​ກັບ ເຂດ​ປູ​ຊະ​ນີ​ຍະ​ສະ​ຖານ​ປະ​ຫວັດ​ສາດ​ວິ​ຫານ​ຮຸ່ງ, ນະ​ຄອນ​ຫວຽດ​ຈີ່ ແຂວງ​ຟູ້​ເຖາະ ໄດ້​ດຳ​ເນີນ​ພິ​ທີ​ໄຫວ້​ບູ​ຊາພະ​ບິ​ດາ​ຂອງ​ຊາດ​ຫວຽດ​ນາມ ຫຼາກ​ລອງກວນ  ແລະ ພິ​ທີ​ຖະ​ຫວາຍ​ທູບ​ທຽນ​ບູ​ຊາພະ​ມານ​ດາຂອງ​ຊາດ​ຫວຽດ​ນາມ ເອົາ​ເກີ. ການ​ນຳ​ແຂວງ​ຟູ້​ເຖາະ ແລະ ພໍ່​ແມ່​ພີນ້ອງຮ່ວມ​ຊາດ​ໄດ້​ສະ​ແດງ​ຄວາມ​ເຄົາ​ລົບ​ນັບ​ຖື ແລະ ຄວາມ​ຮູ້​ບຸນ​ຄຸນ​ທີ່​ມີ​ຕໍ່​ບັນ​ພະ​ບຸ​ລຸດ​ຂອງ​ຊາດ ຊຶ່ງ​ແມ່ນ​ບັນ​ດາ​ຜູ້​ທ​ີ່​ມີ​ຄຸນ​ງາມ​ຄວາມ​ດີ​ໃນ​ການ​ໃຫ້​ກຳ​ເນີດວົງ​ຄະ​ນະ​ຍາດ​ຊາວ​ຫວຽດ​ນາມ ແລະ ໄດ້​ສ້າງ​ຕັ້ງ​ປະ​ເທດ​ຊາດ​ຫວຽດ​ນາມ.
     ແລະ ກໍ​ນອນ​ໃນ​ຂອບ​ເຂດ ພິ​ທີ​ໄຫວ້​ບູ​ຊາ​ເຈົ້າ​ຊີ​ວິດ​ຮຸ່ງ- ງາມ​ບຸນ​ວິ​ຫານ​ຮຸ່ງ 2017, ຕອນ​ຄ່ຳ​ວັນ​ທີ ¼ , ( ກົງ​ກັບວັນ​ທີ 5/3 ຕາມ​ຈັນ​ທະ​ປະ​ຕິ​ທິນ), ງານ​ບຸນ​ປະ​ເພ​ນີ​ຢູ່​ທ້ອງ​ຖະ​ໜົນ​ຫວຽດ​ນາມ ປີ 2017 ໄດ້​ຖືກ​ໄຂ​ຂຶ້ນ​ຢູ່​ສະ​ໜາມຫຼວງ ສວນ​ສາ​ທາ​ລະ​ນະ ວັນ​ລາງ ແລະ ຖະ​ໜົນ​ສາຍ​ຕ່າງໆ​ໃນ​ນະ​ຄອນ​ຫວຽດ​​ຈີ່. ຫຼັງ​ຈາກນັ້ນ ກໍ​ຈັດ​ໃຫ້​ມີ​ລາຍ​ການ​ສະ​ແດງ​ສິ​ລະ​ປະ “ ກົກ​ເຄົ້າ​ເຫງົ້າ​ກໍ​ສັກ​ກະຫຼະ​ບູ​ຊາ-ດິນ​ແດນ​ແຫ່ງ​ບັນ​ພະ​ບຸ​ລຸດ ” ຢ່າງ​ຟົດ​ຟື້ນມ່ວນ​ຊື່ນ.
(ແຫຼ່ງຄັດຈາກ VOV)
                                                                                            
ບັນດາບົດທີ່ຖືກນຳສະເໜີ