15/12/2016 10:01 GMT+7 Email Print Like 0

ປະທານສະພາແຫ່ງຊາດ ຫງວຽນທິກິມເງິນ ສິ້ນສຸດການເຂົ້າຮ່ວມກອງປະຊຸມປະທານສະພາແຫ່ງຊາດຍິງສາກົນຄັ້ງທີ 11


ກອງ​ປະ​ຊຸມ​ສຸດຍອດ​ບັນ​ດາ​ປະ​ທານ​ສະ​ພາ​ແຫ່ງ​ຊາດ​ຍິງ​ສາ​ກົນຄັ້ງ​ທີ 11
 
      ຕອນ​ເຊົ້າ​ວັນ​ທີ 14/12, ທ່ານ​ນາງ​ປະ​ທານ​ສະ​ພາ​ແຫ່ງ​ຊາດ ຫງວຽນ​ທິກ​ິມ​ເງິນ ແລະ ຄະ​ນະ​ຜູ້​ແທນ​ຂັ້ນ​ສ​ູງ​ສະ​ພາ​ແຫ່ງ​ຊາດ ຫວຽດ​ນາມ, ໄດ້​ເດີນ​ທາງ​ກັບມາ​ປະ​ເທດ, ສິ້ນ​ສຸດ​ການ​ເຂົ້າ​ຮ່ວມກອງ​ປະ​ຊຸມ​ສຸດຍອດ​ບັນ​ດາ​ປະ​ທານ​ສະ​ພາ​ແຫ່ງ​ຊາດ​ຍິງ​ສາ​ກົນຄັ້ງ​ທີ 11 ເຊິ່ງ​​ດຳ​ເນີນ​ແຕ່​ວັ​ນ​ທີ 11 – 13/12 ຢູ່​ນະ​ຄອນຫຼວງ Abu Dhabi ຂອງ​ ​ສະ​ຫະ​ລັດ ອາ​ຣັບ ເອ​ມີ​ເຣດ (UAE), ຕາມ​ຄຳ​ເຊື້ອ​ເຊີນ​ຂອງ​ທ່ານ Saber Chowdhury, ປະ​ທານ​ສະ​ຫະ​ພັນ​ລັດ​ຖະ​ສະ​ພາ​ສາ​ກົນ (IPU) ແລະ ທ່ານ Amal Al Qubaisi, ປະ​ທານ​ສະ​ພາ​ແຫ່ງ​​ຊາດ ສະ​ຫະ​​ລັດ ອາ​ຣັບ ເອ​ມີ​ເຣດ. ນີ້​ແມ່ນກອງ​ປະ​ຊຸມ​ທຳ​ອິດທີ່ ຫວຽດ​ນາມ ມີ​ປະ​ທານ​ສະ​ພາ​ແຫ່ງ​ຊາດ​ຍິງ ເຂົ້າ​ຮ່ວມ. ກອງ​ປະ​ຊຸມ​ສຸດຍອດ​ບັນ​ດາ​ປະ​ທານ​ສະ​ພາ​ແຫ່ງ​ຊາດ​​ຍິງ​ສາ​ກົນ​ຄັ້ງ​ທີ 11 ໄດ້​ຮັບ​ຮອງ​ເອົາ​ຖະ​ແຫຼງ​ການ  ​ Abu Dhabi “ສາ​ມັກ​ຄີ​ເພື່ອ​ສ້າງ​ຮູບ​ປະ​ທຳ​ໃຫ້​ອະ​ນາ​ຄົດ, ເພື່ອ​ໜ່ວຍ​ພິ​ພົບ​ທີ່​ດີ​ງາມ​ກ່​ວາ”. ຄະ​ນະ​ຜູ້​ແທນ​ສະ​ພາ​ແຫ່ງ​ຊາດ ຫວຽດ​ນາມ ໂດຍ​ທ່ານ​ນາງ​ປະ​ທານ​ສະ​ພາ​ແຫ່ງ​ຊາດ ຫງວຽນ​ທິ​ກິມ​ເງິນ ນຳ​ໜ້າ​ເຂົ້າ​ຮ່ວມກອງ​ປະ​ຊຸມ​ຄັ້ງ​ນີ້​ສືບ​ຕໍ່​ສະ​ແດງ​​ໃຫ້​ເຫັນນະ​ໂຍ​ບາຍ​ຢ່າງ​ຕັ້ງ​ໜ້າ, ເປັນ​ເຈົ້າ​ການ​ເຊື່ອມ​ໂຍງ​ເຂົ້າ​ກັບ​ສາ​ກົນ, ເສີມ​ຂະ​ຫຍາຍ​ບົດ​ບາດ ແລະ ທີ່​ຕັ້ງ​ຂອງ ຫວຽດ​ນາມ ແລະ ສ​ະ​ພາ​ແຫ່ງ​ຊາດ ຫວຽດ​ນາມ ບົນ​ເວ​ທີ​​ປາ​ໄສລັດ​ຖະ​ສະ​ພາ​ພາກ​ພື້ນ ແລະ ສາ​ກົນ, ພ້ອມ​ທັງ​ຢັ້ງ​ຢືນ​​ເຖິງນະ​ໂຍ​ບາຍ​ຄວາມ​ສະ​ເໝີ​ພາບ​ລະ​ຫວ່າງ​ຍິງ​ຊາຍ​ຂອງ​ພັກ ແລະ ລັດ ຫວຽດ​ນາມ. ກ່າວ​ຄຳ​ເຫັນ​ທີ່​ວາ​ລະ​ປະ​ຊຸມ​ປຶກ​ສາ​ຫາ​ລື​ສະ​ເພາະ​ກ່ຽວ​ກັບ​ຖະ​ແຫຼງ​ການ Abu Dhabi, ທ່ານ​ນາງ ຫງວຽນ​ທິ​ກິມ​ເງິນ ຖື​ວ່າ: ຮ່າງ​ຖະ​ແຫຼງ​ການ​ມີ​ເນື້ອ​ໃນ​ດຸ່ນ​ດ່ຽງ, ຮອບ​ດ້ານ, ສະ​ແດງ​​ໃຫ້​ເຫັນບັນ​ດາ​ທ່າ​ອ່​ຽງ​ໃຫຍ່​ພວມ​​ສ້າງ​ຮູບ​ປະ​ທຳ​ອະ​ນາ​ຄົດ​ຂອງ​ໂລກ​ໃນ​ບັນ​ດາ​ຂົງ​ເຂດ​ການ​ເມືອງ, ເສດ​ຖະ​ກິດ, ສັງ​ຄົມ, ສິ່​ງ​ແວດ​ລ​້ອມ, ເຕັກ​ໂນ​ໂລຢ​ິ… ພ້ອມ​ກັນ​ນັ້ນ, ຮ່າງ​ຖະ​ແຫຼງ​ການກໍ່​ສະ​ແດງ​ໃຫ້​ເຫັນ​ເຈດ​ຈຳ​ນົງ, ຄຳ​ໝັ້ນ​ສັນ​ຍາ​ຂອງ​ບັນ​ດາ​ປະ​ທານ​ສະ​ພາ​ແຫ່ງ​ຊາດ​ຍິງ ໃນ​ການ​ຮ່ວມ​ແຮງ​ຮ່ວມ​ໃຈ​ແກ້​ໄຂ​ສິ່ງ​ທ້າ​ທາຍ​ທົ່ວ​ໂລກ​ສ​ຳ​ລັບ​ສັນ​ຕິ​ພາບ, ຄວາມ​​ໝັ້ນ​ຄົງ ແລະ ການ​ພັດ​ທະ​ນາ​ແບບ​ຍືນ​ຍົງ.
        ກ່ອນ​ໜ້າ​ນັ້ນ, ຕອນ​ຄ່ຳ​ວັນ​ທີ 13/12 (ຕາມ​ເວ​ລາ​ທ້ອງ​ຖິ່ນ), ທ່ານ​ນາງ​ປະ​ທານ​ສະ​ພາ​ແຫ່ງ​ຊາດ ຫງວຽນ​ທິ​ກິມ​ເງິນ ​ໄດ້ພົບ​ປະ​ກັບ​ບັນ​ດາ​ພະ​ນັກ​ງານ​ສະ​ຖານ​ທ​ູ​ດ ແລະ ຜູ້​ຕາງ​ໜ້າ​ບັນ​ດາ​ປະ​ຊາ​ຄົມ​ຊາວ ຫວຽດ​ນາມ ​ອາ​ໄສຢູ່ ​ສະ​ຫະ​ລັດ ອາ​ຣັບ ເອ​ມີ​ເຣດ (UAE).
(ແຫຼ່ງຄັດຈາກ VOV)
ບັນດາບົດທີ່ຖືກນຳສະເໜີ