27/01/2017 12:22 GMT+7 Email Print Like 0

ປະທານສະພາແຫ່ງຊາດເຂົ້າຮ່ວມພິທີໄຂຖະໜົນດອກໄມ້ຫງວຽນເຫ້ວຍາມບຸນເຕັດປີລະກາ2017

ທ່ານ​ນາງ​ປະ​ທານ​ສະ​ພາ​ແຫ່ງ​ຊາດ ຫງວຽນ​ທິ​ກິມ​ເງິນ
ຢ້ຽມ​ຊົມຖະ​ໜົນ​ດອກ​ໄມ້ ຫງວຽນ​ເຫ້ວ
(​ພາບ: sggp.org.vn)
          ຕອນ​ຄ່ຳ​ວັນ​ທີ 25/01 (ກົງ​ກັບ​ວັດ​ທີ 28 ເດືອນ 12 ໄລ່​ຕາມ​ຈັນ​ທະ​ປະ​ຕິ​ທິນ), ຢູ່​ຸ​ຖະ​ໜົ​ນ​ຍ່າງ ຫງວຽນ​ເຫ້ວ, ຄະ​ນະ​ກຳ​ມະ​ການ​ປະ​ຊາ​ຊົນ​ນະ​ຄອນ​ໂຮ່​ຈິ​ມິນ ໄດ້​ຈັດ​ພິ​ທີ​​​ໄຂຖະ​ໜົນ​ດອກ​ໄມ້ ຫງວຽນ​ເຫ້ວ​ ຍາມ​ບຸນເຕັດປີ​ລະ​ກາ 2017, ດ້ວຍ​ຫົວ​ຂໍ້ “ນະ​ຄອນ​ທີ່​ໃສ່​ຊື່​​ປະ​ທານ​ໂຮ່​ຈິ​ມິນ -  ຄວາມ​ຫວັງ​ທີ່​ສະ​ຫວ່າງ​ສະ​ໄຫວ”. ​ໂດຍ​ມີ​ການ​ເຂົ້າ​ຮ່ວມ​ຂອງທ່ານ​ນາງ​ປະ​ທານ​ສະ​ພາ​ແຫ່ງ​ຊາດ ຫງວຽນ​ທິ​ກິມ​ເງິນ. ນີ້​ແມ່ນ​ປີ​ທີ 14 ຖະ​ໜົນ​ດອກ​ໄມ້​ຫງວຽນ​ເຫ້ວ​ ໄດ້​ຮັບ​ການ​ຈັດ​ຕັ້ງ​ເນື່ອງ​ໃນ​ໂອ​ກາດ​​ຕ້ອນ​ຮັບບຸນ​ເຕັດ​ຂອງ​ນະ​ຄ​ອນ. ນີ້ິ້​ແມ່ນ​ຈ​ຸດ​ຄວາມ​ງາ​ມ​ດ້ານ​ວັດ​ທະ​ນະ​ທຳ, ແມ່ນ​ສະ​ຖານ​ທ​ີ່​ລະ​ຫຼິ້ນ​​ບັນ​ເທິງຕ້ອນ​ຮັບ​ບຸ​ນ​ເຕັດ​ຂອງ​ປະ​ຊາ​ຊົນ​ນະ​ຄອນ ແລະ ນັກ​ທ່ອງ​ທ່ຽວ​ສາ​ກົນ ໃນ​ຍາມ​ບຸນ​ເຕັດ​ວຽນ​ມາ. ຖະ​ໜົນ​ດອກ​ໄມ້​ ຫງວຽນ​ເຫ້ວ 2017 ຈະ​ຮັບ​ໃຊ້​ປະ​ຊາ​ຊົນ ແລະ ນັກ​ທ່​ອງ​ທ່ຽວ​ແຕ່​ວັນ​ທີ 25/01 – 31/01. ກ່ອນ​ໜ້ານັ້ນ, ທ່ານ​ນາງປະ​ທານ​ສະ​ພາ​ແຫ່ງ​ຊາດ ຫງວຽນ​ທິ​ກິມ​ເງິນ ພ້ອມ​ກັບ​ຄະ​ນະ​ຜູ້​ແທນ​ການ​ນຳ​ນະ​ຄອນ​ໂຮ່​ຈິ​ມິນ ໄດ້​ໄປ​ຖະ​ຫວາ​ຍດອກ​ໄມ້​ປະ​ທານ​ໂຮ່​ຈິ​ມິນ ຢູ່​ສວນ​ສາ​ທາ​ລະ​ນະ ອະນຸສາວະລີ ປະ​ທານ​ໂຮ່​ຈິ​ມິນ.
 (ແຫຼ່ງຄັດຈາກ VOV)
ບັນດາບົດທີ່ຖືກນຳສະເໜີ