05/02/2014 00:01 GMT+7 Email Print Like 0

ບໍລິສັດຫຸ້ນສ່ວນນ້ຳນົມຫວຽດນາມ

ບໍລິສັດຫຸ້ນສ່ວນນ້ຳນົມຫວຽດນາມ(Vinamilk) ແມ່ນບໍລິສັດຜະລິດນ້ຳນົມ ແຖວໜ້າຂອງຫວຽດນາມ, ປະຈຸບັນໄດ້ມີໜ້າຢູ່ຕະຫຼາດ 26 ແຫ່ງ ຂອງ ປະເທດຕ່າງໆຢູ່ໃນໂລກ. ຕາມຜົນການສຳຫຼວດຂອງ ບໍລິສັດ Kantar Wordpanel ຊຶ່ງເປັນບໍລິສັດແຖວໜ້າຂອງໂລກກ່ຽວກັບການຄົ້ນຄວ້າ ຕະຫຼາດແລ້ວ, ໃນຈຳນວນ 100 ຄອບຄົວຫວຽດນາມ ຈະມີ 94 ຄອບຄົວ ນຳໃຊ້ໜຶ່ງຜະລິດຕະພັນຂອງ Vinamilk.

 

Vinamilk ໄດ້ຮັບຮອງວ່າ ເປັນ 1ໃນ 200 ວິສາຫະກິດດີເດັ່ນທີ່ສຸດທະວີບອາຊີເມື່ອປີ 2010, ຢືນທີ 4 ໃນຕາຕະລາງຈັດອັນດັບ VNR 500 ປີ 2012, ຢືນແຖວໜ້າໃນບັນຊີລາຍຊື່ 50 ບໍລິສັດດີເດັ່ນທີ່ສຸດໃນຕະຫຼາດຫຼັກຊັບຫວຽດນາມປີ 2013.

ຄຽງຂ້າງນັ້ນ, ຄຸນຄ່າເຄື່ອງໝາຍການຄ້າຂອງ Vinamilk ຍິ່ງໄດ້ຍົກລະດັບ ໃນຂະນະບໍລິສັດ ມີຄວາມສະຕິຮູ້ສຶກໄດ້ ບົດບາດ ຂອງຕົນຕໍ່ການພັດທະນາດ້ານສະຖານະຮ່າງກາຍ ແລະ ກຳລັງຄວາມຄິດຂອງຊາວຫວຽດນາມຢູ່ສະເໝີ. ໃນຕະຫຼອດສອງ ທົດສະວັດແຕ່ປີ 1993 ມາຮອດປັດຈຸຸບັນ, Vinamilk ພ້ອມກັບສະຖາບັນບຳລຸງລ້ຽງ ແຫ່ງຊາດໄດ້້ເປັນເພື່ອນຮ່ວມທາງ ໃນການ ປະຕິບັດໂຄງ ການ ຕ້ານ ແລະ ປ້ອງກັນ ຂາດທາດບຳລຸງແຫ່ງຊາດ ໃຫ້ແກ່ເດັກນ້ອຍຫວຽດນາມ. Vinamilk ກໍ່ໄດ້ປະສານ ສົມທົບ ພ້ອມກັບບັນດາຂະແໜງການທີ່ມີບົດບາດໜ້າທີ່ການ ສ້າງຕັ້ງກອງທຶນນ້ຳນົມທີ່ໃສ່ຊື່: “ບືນສູງຂຶ້ນ ຫວຽດນາມ” ດ້ວຍຈຸດໝາຍມອບນ້ຳນົມ 8 ລ້ານຈອກເຖິງມືເດັກນ້ອຍ ຜູ້ມີສະພາບແວດລ້ອມປະສົບກັບຄວາມຫຍຸ້ງຍາກຢູ່ທົ່ວທຸກຫົນແຫ່ງ ຂອງປະເທດຊາດ ແນໃສ່ປະກອບສ່ວນຊ່ວຍເຫຼືອເຂົາເຈົ້າໃຫ້ມີໂອກາດຂະຫຍາຍຕົວຢ່າງຮອບດ້ານກວ່າເກົ່າ.

ພວກຂ້າພະເຈົ້າມີໂອກາດໄດ້ມາຢ້ຽມຢາມໂຮງງານຜະລິດນ້ຳນົມຫວຽດນາມ Vinamilk ຊຶ່ງເປັນໂຮງງານຜະລິດນ້ຳນົມ ທັນສະໄໝທີ່ສຸດຢູ່ໃນໂລກ, ຕັ້ງຢູ່ເຂດອຸດສາຫະກຳ ໝີ້ເຟືອກ 2, ເມືອງເບັນກາດ, ແຂວງບິ່ງເຢືອງ. ໂຮງງານໄດ້ຮັບການ ເຄື່ອນໄຫວໂດຍອັດຕະໂນມັດ 100% ແຕ່ຂັ້ນຕອນນຳເຂົ້າແຫຼ່ງວັດຖຸດິບ ເຖິງຂັ້ນຕອນຜະລິດເປັນຜະລິດຕະພັນສຳເລັດຮູບ. ໂຮງງານໄດ້ນຳໃຊ້ເຕັກໂນໂລຢີຮ່ວມກັນ ແລະ ອັດຕະໂນມັດຂອງ Tetra Pak ຊຶ່ງເປັນກຸ່ມບໍລິສັດແຖວໜ້າຂອງໂລກ ສະໜອງ ສະເພາະ ວິທີແກ້ໄຂຕ່າງໆ ກ່ຽວກັບການປຸງແຕ່ງ ແລະ ຫຸ້ມຫໍ່ສະບຽງອາຫານໃຫ້ແກ່ 170 ປະເທດຢູ່ໃນໂລກ ເພື່ອບັນຊາການ ເຄື່ອນໄຫວ ກໍ່ຄືຕິດຕາມ ແລະ ກວດກາຄຸນນະພາບ, ນັບທັງສະໜອງບັນດາຕົວເລກທີ່ຈຳເປັນ ເພື່ອສາມາດຍົກສູງປະສິດ ທິຜົນການຜະລິດ ແລະ ບົວລະບັດຢູ່ຕະຫຼອດເວລາ. ລະບົບພາຫະນະເຄື່ອງຈັກທັງໝົດ, ພິເສດແມ່ນບັນດາໂຣເບິດ(ຮຸ່ນຈັກ) LGV ລ້ວນແຕ່ໄດ້ຮັບການເຄື່ອນໄຫວໂດຍອັດຕະໂນມັດ ແລະ ໄດ້້ຄວບຄຸມດ້ວຍລະບົບເຄື່ອງຄອມພິວເຕີເຄືອຂ່າຍແມ່.
 

ໃນຈຳນວນ 100 ຄອບຄົວຫວຽດນາມ ຈະມີ 94 ຄອບຄົວ ນຳໃຊ້ໜຶ່ງຜະລິດຕະພັນຂອງ Vinamilk.

ຕ່ອງໂສ້ຜະລິດນົມຂອງ Vinamilk.

ຕ່ອງໂສ້ງຜະລິດນົມທີ່ທັນສະໄໝ ມີກຳລັງການຜະລິດນົມ 400 ລ້ານລິດຕໍ່ປີຂອງ Vinamilk.

ເຂດຜະລິດນົມຂອງ Vinamilk.

ຂັ້ນຕອນກວດກາຄຸນນະພາບຂອງຜະລິດຕະພັນນົມສົດເປັນກ່ອງ.

ສາງຮັກສາຄຸນນະພາບຂອງຜະລິດຕະພັນກ່ອນທີ່ໄດ້ນຳມາສູ່ຕະຫຼາດ.
 
«
   ນາມມະຍົດທີ່ພົ້ນເດັ່ນຈຳນວນໜຶ່ງຂອງ Vinamilk:
- ຫຼຽນໄຊແຮງງານຊັ້ນ III (ປີ 1985), ຊັ້ນ II (ປີ 1991), ຊັ້ນ I (ປີ1996)
- ວິລະຊົນແຮງງານ (ປີ 2000)
- ເປັນໜຶ່ງໃນຈຳນວນ 15 ບໍລິສັດທີ່ຫວຽດນາມ(UNDP)
- ເປັນໜຶ່ງໃນຈຳນວນ 200 ວິສາຫະກິດ ຂະໜາດກາງ ແລະ ນ້ອຍ ຢູ່ທະວີບອາຊີ ໂດຍ Forbes Asia ເລືອກເຟັ້ນ (ປີ 2010)
- ເປັນໜຶ່ງໃນຈຳນວນ 10 ເຄື່ອງໝາຍການຄ້າ ທີ່ໄດ້ຮັບຄວາມນິຍົມຊົມຊອບທີ່ສຸດຫວຽດນາມ (Nielsen Singapore 2010)
- ເປັນໜຶ່ງໃນຈຳນວນ 5 ວິສາຫະກິດເອກະຊົນໃຫຍ່ທີ່ສຸດຕະຫຼາດ ຫວຽດນາມ (VNR 500)
                                              »
ປະຈຸບັນ, ກຳລັງການຜະລິດໄລຍະ 1 ຂອງໂຮງງານນ້ຳນົມຫວຽດນາມແມ່ນ 400 ລ້ານລິດ ນ້ຳນົມຕໍ່ປີ, ເທົ່າກັບ ກຳລັງການຜະລິດຂອງ 9 ໂຮງງານນ້ຳນົມໃນປະຈຸບັນຂອງ Vinamilk ຮວ່ມເຂົ້າກັນ. ມາຮອດປີ 2015, Vinamilk ຈະຜັນຂະຫຍາຍໄລຍະ 2 ເພື່ອຮອດປີ 2017 ຈະບັນລຸກຳລັງການຜະລິດນ້ຳນົມ 800 ລ້ານລິດຕໍ່ປີ. ດ້ວຍກຳລັງການຜະລິດດັ່ງກ່າວ, ພຽງ ຕ້ອງການໂຮງງານນ້ຳນົມຫວຽດນາມແຫ່ງດຽວນີ້ ກໍ່ສາມາດຕອບສະໜອງ ຄວາມຮຽກຮ້ອງ ຕ້ອງການກ່ຽວກັບນ້ຳນົມໃຫ້ແກ່ຕະຫຼາດທຸກແຫ່ງຢູ່ຫວຽດນາມ. ນອກຈາກນັ້ນ, ໂຮງງານ ກໍ່ຍັງມີລະບົບສາງສະຫຼາດທຳອິດ ແລະ ໃຫຍ່ທີ່ສຸດຫວຽດນາມ, ສາມາດທົນກັບ ແຜ່ນດິນໄຫວ; ມີລະບົບສາງບັນຈຸ ແລະ ເຄື່ອງຈັກຂົນສິນຄ້າ ເຕັກໂນໂລຢີໃໝ່ ແລະ ທັນສະໄໝທີ່ສຸດໃນປັດຈຸບັນ.

ນອກຈາກບັນດາພື້ນຖານຜະລິດຢູ່ພາຍໃນປະເທດ, Vinamilk ກໍ່ຍັງມີໂຮງງານປຸງແຕ່ງ ນົມຜົງ Miraka ຕັ້ງຢູ່ປະເທດ ນິວຊີແລນ, ຜະລິດສະເພາະນົມຜົງລົດນ້ຳມັນ ຄຸນນະພາບສູງ ດ້ວຍກຳລັງການຜະລິດ 32.000 ໂຕນຕໍ່ປີ ແລະ ໄດ້ຮັບການອອກແບບ ເພື່ອໃນອະນາຄົດ ສາມາດປຸງແຕ່ງນ້ຳນົມວັດຖຸດິບ 210 ລ້ານລິດຕໍ່ປີ.

ປະຈຸບັນນີ້, Vinamilk ສາມາດເກັບຊື້ຈຳນວນການຜະລິດນ້ຳນົມກວ່າ 60% ຈາກຊາວກະສິກອນ. ເພື່ອຮັບປະກັນສົ່ງອອກໃຫ້ແກ່ຊາວກະສິກອນ ແລະ ລະດົມກຳລັງໃຈຊາວກະສິກອນລ້ຽງງົວນົມ, Vinamilk ໄດ້ຮວ່ມກັນກັບກວ່າ 5000 ຄອບຄົວ; ລົງທຶນ, ແນະນຳເຕັກນິກການລ້ຽງສັດໃຫ້ແກ່ຊາວນາ ເພື່ອສາມາດບັນລຸປະສິດທິຜົນສູງສຸດ ແລະ ດີທີ່ສຸດ ກ່ຽວກັບຄຸນນະພາບ. ພ້ອມກັນນັ້ນ, Vinamilk ກໍ່ຍັງໃຫ້ການລົງທຶນເປີດກວ້າງ ນິຄົມລ້ຽງງົວນົມ 5 ແຫ່ງຢູ່ແຂວງຕ່າງໆຄື: ຕວຽນກວາງ, ແທງຮວາ, ເງ້ອານ, ບິ່ງດິ້ງ ແລະ ເລີມດົ່ງ ດ້ວຍຈຳນວນງົວ ປະມານ 8000 ໂຕ ທີ່ໄດ້ຮັບການນຳເຂົ້າຈາກຕ່າງ ປະເທດ, ໃນນັ້ນມີ 50% ແມ່ນງົວພັນນົມ, ໃຫ້ນ້ຳນົມປະມານ 90 ໂຕນຕໍ່ມື້. ຕາມການສະຖິຕິ 8 ເດືອນຕົ້ນປີ 2013, Vinamilk ບັນລຸວົງເງິນສົ່ງອອກ 136 ລ້ານ ໂດລາສະຫະລັດ. ຄາດວ່າ, ໝົດປີ 2013 ຈະບັນລຸໄດ້ວົງເງິນສົ່ງອອກປະມານ 230 ລ້ານ ໂດລາສະຫະລັດ, ເພີ່ມຂຶ້ນ 28% ເມື່ອທຽບກັບ ປີ 2012.

ເນື່ອງຈາກປະຕິບັດຕາມບັນດາມາດຕະຖານຂອງຫວຽດນາມ, ມາດຕະຖານ Codex (ມາດຕະຖານສາກົນໃນການຄ້າອາຫານ ການກິນ) ໃນທຸກຂັ້ນຕອນການຜະລິດຢ່າງເດັດຂາດ, ດັ່ງນັ້ນ, ບັນດາຜະລິດຕະພັນນົມຂອງ Vinamilk ໄດ້ຂ້າມຜ່ານການ ກວດກາຢ່າງເຄັ່ງຄັດ ກ່ຽວກັບອາຫານການກິນ ຂອງບັນດານັກນຳເຂົ້າ ແລະ ພິຊິດໄດ້ຕະຫຼາດໃຫຍ່ຫຼາຍແຫ່ງຢູ່ໃນໂລກຄື: ອາເມລິກາ, ອົດສຕາລີ, ການາດາ, ລັດເຊຍ, ຍີ່ປຸ່ນ, ໄທ, ສ.ເກົາຫຼີ, ຕວກກີ, ອີຣັກ, ສີລັງກາ, ຟີລິບປິນ ແລະ ບັນດາປະເທດ ຢູ່ພາກພື້ນຕາເວັນອອກກາງ. ບັນດາຜະລິດຕະພັນນົມຂອງ Vinamilk ຜະລິດສຳລັບການສົ່ງອອກແມ່ນ: ນົມຝຸ່ນສຳລັບ ເດັກນ້ອຍ, ແປ້ງບຳລຸງ, ນົມຂຸ້ນ, ນົມສົດ, ນ້ຳເຕົ່າຮູ້, ນົມສົ້ມ ແລະ ອື່ນໆ…

ຄາດວ່າ, ໃນໄລລະທີ່ຈະມາເຖິງ, Vinamilk ຈະລົງທຶນຕາມລວງເລິກເພື່ອໃຫ້ກາຍເປັນໜຶ່ງວິສາຫະກິດຜະລິດນົມ ໃນ 50 ແຫ່ງ ໃຫຍ່ທີ່ສຸດໂລກ ດ້ວຍຈຳນວນຕົວເລກຂອງວິສາຫະກິດແມ່ນ 3 ຕື້ ໂດລາສະຫະລັດ ໃນປີ 2017. ເພື່ອກະກຽມໃຫ້ແກ່ແຜນການ ດັ່ງກ່າວ, Vinamilk ໄດ້ ແລະ ພວມສືບຕໍ່ລົງທຶນກໍ່ສ້າງໂຮງງານຜະລິດຕື່ມອີກເປັນລວາດໆ ແນໃສ່ຜະລິດບັນດາຜະລິດຕະພັນ ຄຸນນະພາບສູງ, ຕອບສະໜອງຄວາມຮຽກຮ້ອງຕ້ອງການທີ່ນັບມື້ນັບສູງຂອງຕະຫຼາດ.
ບົດ: ຫງວຽນຫວູແທ່ງດາດ - ພາບ: ດັ້ງກິມເຟືອງ
ບັນດາບົດທີ່ຖືກນຳສະເໜີ