18/12/2014 15:47 GMT+7 Email Print Like 0

ບ່າວຕີ໋ນມິນເຈົາ-ຍີ່ຫໍ້ຄຳ ທີ່ມີຊື່ສຽງ ຂອງຊາວ ຫວຽດນາມ

ພາຍຫຼັງເວລາ 25 ປີ ແຫ່ງການສ້າງຕັ້ງ ແລະ ຂະຫຍາຍຕົວ, ບໍລິສັດເງິນຄຳ ແລະ ເພັດພອຍ ມິນເຈົາ ຈຳກັດ ໄດ້ຢືນຢັນ ຊື່ສຽງຂອງຕົນ ໃນວົງການ ຜະລິດເຄື່ອງປະດັບເອ້ ດ້ວຍເງິນຄຳ ຂອງຫວຽດນາມ ກັບບັນດາ ຜະລິດຕະພັນ ທີ່ມີຄຸນນະພາບສູງຊຶ່ງ ບັນລຸມາດຕະຖານສາກົນ.
 
ໃນເບື້ອງຕົ້ນ, ບ່າວຕີ໋ນມິນເຈົາ ພຽງແມ່ນຮ້ານຂາຍຄຳນ້ອຍໆ ມີຊື່ວ່າ ກິມຕີ໋ນ ຕັ້ງຢູ່ເທິງຄຸ້ມຖະໜົນແບກມາຍ ໂດຍການ ຮ່ວມທຶນຂອງທ່ານ ຫວູມິນເຈົາ ແລະ ເພື່ອນຜູ້ໜຶ່ງ. ມາຮອດທ້າຍປີ 1989, ທ່ານຫວູມິນເຈົາ ເປີດຮ້ານຂາຍຄຳ ຂອງ ຕົນເອງ ແລະ ຕັ້ງຊື່ວ່າ ບ່າວຕີ໋ນ ທີ່ຄຸ້ມຖະໜົນເຈີ່ນເຍີນຕົງ, ຮ່າໂນ້ຍ. ເມື່ອປີ 1995, ບໍລິສັດເງິນຄຳ ແລະ ເພັດພອຍ ມິນເຈົາຈຳກັດ ໄດ້ຮັບການສ້າງຕັ້ງຢ່າງເປັນທາງການ.

ນັບແຕ່ມື້ເລີ່ມຕົ້ນເຂົ້າສູ່ການເຄື່ອນໄຫວ, ທາງບໍລິສັດ ໄດ້ຢຶດໝັ້ນ ກັບຫຼັກນຳທີ່ວ່າ: “ຮັກສາຄວາມໄວ້ວາງໃຈ ສຳຄັນກວ່າ ຮັກສາ ເງິນຄຳ”, ພ້ອມກັນນັ້ນກໍແຕ່ງຕັ້ງພະນັກງານ ໄປເຂົ້າຮ່ວມ ບັນດາຊຸດອົບຮົມກ່ຽວກັບວິຊາການ ຢູ່ພາຍໃນ ແລະ ຕ່າງປະເທດ ເພື່ອ ໝູນໃຊ້ເຂົ້າໃນຂັ້ນຕອນການຜະລິດ, ປະດິດສ້າງ ບັນດາ ຜະລິດຕະພັນ ທີ່ເປັນເອກະລັກສະເພາະ ແລະ ມີຄຸນນະພາບ ດ້ານ ສິລະປະກຳສູງ, ເທົ່າທຽມກັບເຄື່ອງປະດັບເອ້ ຂອງບັນດາ ປະເທດ ກ້າວໜ້າ ຄື: ອີຕາລີ, ຝຣັ່ງ ແລະ ອາເມລິກາ.

ເພື່ອສາມາດຕອບສະໜອງ ຄວາມຮຽກຮ້ອງຕ້ອງການ ທີ່ຫຼາກຫຼາຍຂອງລູກຄ້າ, ບ່າວຕີ໋ນມິນເຈົາໄດ້ລົງທຶນນຳເຂົ້າ ພາຫະນະເຄື່ອງຈັກ ຈາກບັນດາປະເທດ ທີ່ມີພື້ນຖານ ປະດິດຄຳ ແລະ ເພັດພອຍ ຢືນຢູ່ແຖວໜ້າໂລກຄື: ອາເມລິກາ, ເຢຍລະມັນ, ອີຕາລີ. ພິເສດວ່າ, ບ່າວຕີ໋ນມິນເຈົາ ເປັນວິສາຫະກິດແຫ່ງທຳອິດ ຢູ່ຫວຽດນາມ ນຳເຄື່ອງຈັກ ວິໄຈຄຳ SCL-IV GOLD ANALYSING UNIT ດ້ວຍ ເຕັກໂນໂລຢີ ເຄື່ອງວັດແທກການເຮືອງແສງ ເຣີນແກນ ລຸ້ນ ລ່າສຸດ ຊຶ່ງໄດ້ຮັບການສະໜອງຈາກ ບໍລິສັດ OTEC ຂອງປະເທດ ສາທາລະນະລັດ ສະຫະພັນເຢຍລະມັນ ເຂົ້າໃຊ້ການ.


ປີ 2014, ບ່າວຕີ໋ນມິນເຈົາ ໄດ້ຮັບໃບຮັບຮອງ ເປັນ ເຄື່ອງໝາຍການຄ້າ ທີ່ມີຄວາມໄວ້ເນື້ອເຊື່ອໃຈ
ຈາກກົມ ລິຂະສິດ ທາງປັນຍາຫວຽດນາມ. ພາບ: ເອກະສານຂອງບ່າວຕີ໋ນມິນເຈົາ


ບ່າວຕີ໋ນມິນເຈົາ ເປັນສະຖານທີ່ມີຄວາມໄວ້ເນື້ອເຊື່ອໃຈ ຕໍ່ລູກຄ້າຢູ່ສະເໝີ. ພາບ: ເອກະສານຂອງບ່າວຕີ໋ນມິນເຈົາ

ຫ້ອງການປະດິດສ້າງຄຳເອ້ຢ້ອງ ຂອງບ່າວຕີ໋ນມິນເຈົາ. ພາບ: ເຕິດເຊີນ/VNP

ບ່າວຕີ໋ນມິນເຈົາ ຍາມໃດກໍຖືສຳຄັນ ການປະດິດສ້າງດ້ວຍມື ແນໃສ່ ສ້າງຄວາມປານີດແນບນຽນ
ແລະ ເປັນເອກະລັກສະເພາະ ໃຫ້ແກ່ຜະລິດຕະພັນແຕ່ລະອັນ. ພາບ: ເຕິດເຊີນ/VNP


ຄວາມລະອຽດແນບນຽນ ແລະ ພິຖີພິຖັນ ໄດ້ສະແດງອອກມາ ຢ່າງຈະແຈ້ງ ໂດຍຜ່ານ
ເຕັກນິກການຕິດເພັດພອຍ ໃສ່ເຄື່ອງ ເອ້. ພາບ: ເຕິດເຊີນ/VNP

ບັນດາຜະລິດຕະພັນຄຳຂອງບ່າວຕີ໋ນມິນເຈົາ ລ້ວນແຕ່ໄດ້ຜ່ານ ການກວດກາຢ່າງເຄັ່ງຄັດ
ດ້ວຍລະບົບເຄື່ອງຈັກສະເພາະ. ພາບ: ເອກະສານຂອງບ່າວຕີ໋ນມິນເຈົາ


ການອອກແບບຄຳໄດ້ບັນດານັກອອກແບບປະຕິບັດ ຢູ່ເທິງບັນດາຊອບແວສະເພາະ. ພາບ: ເຕິດເຊີນ/VNP

ຫ້ອງການວິເຄາະຄຳ. ພາບ: ເອກະສານຂອງບ່າວຕີ໋ນມິນເຈົາ
ໃນຈຳນວນຍີ່ຫໍ້ ຜະລິດຕະພັນຂອງ ບ່າວຕີ໋ນມິນເຈົາ, ຄຳຣົ່ງ ທັງລອງ 999.9 BTMC ທີ່ບັນລຸມາດຕະຖານສາກົນ ແລະ ຄຳຄຸນນະພາບບ່າວຕີ໋ນມິນເຈົາ ໄດ້ຮັບການ ເລືອກເຟັ້ນ ເປັນ ສິນຄ້າຫວຽດນາມ ທີ່ມີຄຸນນະພາບສູງ ຈາກຜູ້ ບໍລິໂພກ ໃນຫຼາຍປີ ລຽນຕິດ. ຄຳຣົ່ງທັງລອງ 999.9 BTMC ມີລັກສະນະ ຊຳລະເງິນ ສູງ, ສຸດທີ່ສະດວກໃນການນຳໃຊ້, ລົງທຶນ ແລະ ສະສົມ. ຜະລິດຕະພັນຄຳເອ້ຢ້ອງ ຂອງບໍລິສັດ ມີຄວາມຫຼາກຫຼາຍ ດ້ານຮູບແບບ ແລະ ມີລາຄາຂາຍ ຢ່າງ ແທດເໝາະ, ດັ່ງນັ້ນ ນັບມື້ນັບໄດ້ດຶງດູດໃຈລູກຄ້າ ເປັນຈຳນວນຫຼວງຫຼາຍ. ປະຈຸບັນ, ບໍລິສັດໄດ້ມີສາຂາຈຳໜ່າຍ 102 ແຫ່ງ ດຳເນີນທຸລະກິດຄຳ ຢູ່ທາງພາກເໜືອຂອງຫວຽດນາມ.

ດ້ວຍທິດນຳທີ່ວ່າ: “ເພື່ອລູກຄ້າ, ພວກຂ້າພະເຈົ້າພ້ອມແລ້ວທີ່ຈະ ຮັບໃຊ້” ແລະ ຖັນແຖວພະນັກງານ ມີຄວາມ ຊຳນານງານ ແລະ ໃກ້ຊິດ, ຜະລິດຕະພັນຂອງ ບ່າວຕີ໋ນມິນເຈົາ ບໍ່ພຽງແຕ່ ໄດ້ຮັບ ຄວາມໄວ້ເນື້ອເຊື່ອໃຈ ຈາກລູກຄ້າຢູ່ ພາຍໃນປະເທດ ເທົ່ານັ້ນ ຫາກຍັງກໍເປັນການ ເລືອກເຟັ້ນຂອງນັກທ່ອງທ່ຽວ ຕ່າງປະເທດ ເມື່ອມາປະເທດ ຫວຽດນາມ ອີກດ້ວຍ.

ບ່າວຕີ໋ນມິນເຈົາເປັນວິສາຫະກິດແຫ່ງທຳອິດ ຢູ່ພາກເໜືອ ຫວຽດນາມ ທີ່ທະນາຄານແຫ່ງລັດ ໄດ້ມອບໃບອະນຸຍາດ ຜະລິດຄຳແທ່ງ ດ້ວຍຈຳນວນຫຼາຍ ແລະ ໄດ້ຮັບຈໍລະຈອນ ໃນ ທົ່ວປະເທດ, ປະກອບສ່ວນເຮັດໃຫ້ລາຄາຄຳ ຢູ່ໃນທ້ອງ ຕະຫຼາດ ເປັນປົກກະຕິ.

ເນື່ອງຈາກມີຜະລິດຕະພັນຄຸນນະພາບສູງ ແລະ ໄດ້ຮັບຄວາມ ໄວ້ເນື້ອເຊື່ອໃຈຈາກລູກຄ້າ, ບ່າວຕີ໋ນມິນເຈົາຈຶ່ງຍາດໄດ້ ລາງວັນ ອັນສູງສົ່ງຫຼາຍລາງວັນ ຂອງພາຍໃນ ແລະ ຕ່າງປະເທດ ຊຶ່ງພົ້ນເດັ່ນຄື: ຂັນຄຳ ຜະລິດຕະພັນທີ່ມີຄຸນນະພາບ ສູງ, ຂັນຄຳ ໜຶ່ງໃນສິບຜະລິດຕະພັນທີ່ມີຄຸນນະພາບ ແລະ ໄດ້ຮັບຄວາມ ໄວ້ວາງໃຈຂອງຫວຽດນາມ, ໃບຍ້ອງຍໍຂອງ ນາຍົກລັດຖະມົນຕີ ແລະ ຫຼຽນໄຊແຮງງານຊັ້ນສາມ. ນອກຈາກນັ້ນ, ບ່າວຕີ໋ນມິນເຈົາ ຍັງເປັນວິສາຫະກິດໜຶ່ງດຽວ ໃນລະບົບບັນດາວິສາຫະກິດລາຍໃຫຍ່ ຂອງຫວຽດນາມ ແລະ ອາຊີຕາເວັນອອກສຽງໃຕ້ ໄດ້ຮັບກຽດ ຈາກຄະນະກຳມະ ການເລືອກເຟັ້ນ ຂອງອົງການກຳນົດທິດ ຫົວຄິດປະດິດສ້າງ ວິສາຫະກິດສາກົນ(BIB) ເລືອກເຟັ້ນ ແລະ ມອບລາງວັນ ສາກົນໃນ 3 ປີລຽນຕິດ ຄື: ຂັນຄຳຜະລິດຕະພັນ ສາກົນ ປີ 2005; ຂັນດາວຄຳຂາວຄຸນນະພາບສາກົນ ປີ 2006 ແລະ ຂັນເພັດຄຸນນະພາບສາກົນປີ 2007. 
 
ຜະລິດຕະພັນຈຳນວນໜຶ່ງຂອງບ່າວຕີ໋ນມິນເຈົາ:


















ໄປຄຽງຄູ່ກັບວຽກງານພັດທະນາ ການດຳເນີນທຸລະກິດ, ບ່າວຕີ່ນມິນເຈົາ ກໍເປັນທີ່ຮູ້ຈັກຄືດັ່ງ ວິສາຫະກິດແຫ່ງໜຶ່ງ ທີ່ມີ ການເຄື່ອນໄຫວຢ່າງຂະຫຍັນຂັນແຂງ ໃນວຽກງານທຳບຸນ ກຸສົນ, ຖືສຳຄັນ ການສ້າງວັດທະນະທຳບໍລິສັດ ແລະ ໃຫ້ ຄວາມເອົາໃຈໃສ່ເບິ່ງແຍງ ດູແລ ເຖິງຊີວິດວັດຖຸ ແລະ ຈິດໃຈ ຂອງພະນັກງານບຸຄະລະກອນກວ່າ 300 ຄົນ. ນີ້ແມ່ນ ກຳນົດທິດ ມີລັກສະນະຍຸດທະສາດ ຊ່ວຍໃຫ້ບ່າວຕີ໋ນມິນເຈົາ ຂະຫຍາຍຕົວຢ່າງໝັ້ນຄົງໃນຕະຫຼອດ 25 ປີຜ່ານມາ ແລະ ສ້າງທ່ວງທ່າ ໃຫ້ແກ່ຊຸມປີຈະມາເຖິງອີກດ້ວຍ.  
ບົດ: ເງີນຮ່າ - ພາບ: ເຕິດເຊີນ
ບັນດາບົດທີ່ຖືກນຳສະເໜີ