07/05/2017 09:33 GMT+7 Email Print Like 0

ນາຍົກລັດຖະມົນຕີຫງວຽນຊວນຟຸກ: ຍາມໃດຫວຽດນາມກໍ່ຖືເປັນສຳຄັນເພີ່ມທະວີການພົວພັນຄູ່ຮ່ວມມືຍຸດທະສາດກັບຍີ່ປຸ່ນ

      ທ່ານເອກອັກຄະລັດຖະທູດ Kunio Umeda ໄດ້ແຈ້ງບາງເນື້ອໃນກະກຽມໃຫ້ການຢ້ຽມຢາມຍີ່ປຸ່ນ ຂອງທ່ານນາຍົກລັດຖະມົນຕີ ຫງວຽນຊວນຟຸກ ເພື່ອບັນລຸໝາກຜົນດີທີ່ສຸດ.
      ຕອນບ່າຍວັນທີ 05/05, ຢູ່ສຳນັກງານນາຍົກລັດຖະມົນຕີ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ໃຫ້ການຕ້ອນຮັບທ່ານເອກອັກຄະລັດຖະທູດຍີ່ປຸ່ນ ປະຈຳຫວຽດນາມ Kunio Umeda. 

(ທ່ານນາຍົກລັດຖະມົນຕີ ຫງວຽນຊວນຟຸກ
ຕ້ອນຮັບທ່ານເອກອັກຄະລັດຖະທູດຍີ່ປຸ່ນ ປະຈຳຫວຽດນາມ)
      ນະທີ່ນີ້, ທ່ານເອກອັກຄະລັດຖະທູດ Kunio Umeda ໄດ້ແຈ້ງບາງເນື້ອໃນກະກຽມໃຫ້ການຢ້ຽມຢາມຍີ່ປຸ່ນ ຂອງທ່ານນາຍົກລັດຖະມົນຕີ ຫງວຽນຊວນຟຸກ ເພື່ອບັນລຸໝາກຜົນດີທີ່ສຸດ. ທ່ານເອກອັກຄະລັດຖະທູດ Kunio Umeda ໃຫ້ຮູ້ວ່າ: ຍີ່ປຸ່ນ ປາດຖະໜາຢາກຮ່ວມມືລົງທຶນເຂົ້າບັນດາໂຄງການພະລັງງານ, ສ່ວນໃນຂົງເຂດອຸດສາຫະກຳສຳຮອງ, ຍີປຸ່ນ ພ້ອມແລ້ວໜູນຊ່ວຍຫວຽດນາມ ໃນການພັດທະນາຂະແໜງອຸດສາຫະກຳໂອໂຕ, ສຸມໃສ່ບັນດາວິສາຫະກິດຂະໜາດກາງ ແລະ ນ້ອຍ.
        ສ່ວນທ່ານນາຍົກລັດຖະມົນຕີ ຫງວຽນຊວນຟຸກ ຢືນຢັນວ່າ, ຍາມໃດຫວຽດນາມ ກໍ່ຖືເປັນສຳຄັນການພົວພັນຄູ່ຮ່ວມມືກັບຍີ່ປຸ່ນ. ໃນການຢ້ຽມຢາມຍີ່ປຸ່ນ ໃນໄລຍະຈະມາເຖິງ, ຄາດວ່າ ທ່ານນາຍົກລັດຖະມົນຕີ ຫງວຽນຊວນຟຸກ ຈະມີການເຈລະຈາກັບທ່ານນາຍົກລັດຖະມົນຕີຍີ່ປຸ່ນ Shinzo Abe ແລະ ພົບປະການນຳສະພາແຫ່ງຊາດ, ວົງການນັກການເມືອງຍີ່ປຸ່ນ; ເຂົ້າຮ່ວມ ແລະ ກ່າວປາໄສທີ່ກອງປະຊຸມອະນາຄົດອາຊີ ກໍຄືເຂົ້າຮ່ວມ ແລະ ກ່າວປາໄສທີ່ກອງປະຊຸມສົ່ງເສີມການຄ້າໃຫຍ່ຢູ່ຍີ່ປຸ່ນ.
 (ແຫຼ່ງຄັດຈາກ VOV)
 
ບັນດາບົດທີ່ຖືກນຳສະເໜີ