25/04/2017 13:18 GMT+7 Email Print Like 0

ນາຍົກລັດຖະມົນຕີຫງວຽນຊວນຟຸກໄປຮອດພະນົມເປັນ, ເລີ່ມຕົ້ນການຢ້ຽມຢາມລາຊະອານາຈັກກຳປູເຈຍຢ່າງເປັນທາງການ


(ທ່ານນາ​ຍົກ​ລັດ​ຖະ​ມົນ​ຕີ​ຫງວຽນ​ຊວນ​ຟຸກ​ໄປ​ຮອດ​ພະ​ນົມ​ເປັນ,
ເລີ່ມ​ຕົ້ນ​ການ​ຢ້ຽມ​ຢາມ​ລາ​ຊະ​ອາ​ນາ​ຈັກ​ກຳ​ປູ​ເຈຍ​ຢ່າງ​ເປັນ​ທາງ​ການ)
      ​ຕອນ​ບ່າຍ​ວັນ​ທີ 24/04, ທ່ານ​ນາ​ຍົກ​ລັດ​ຖະ​ມົນ​ຕີ ຫງວຽນ​ຊວນ​ຟຸກ ພ້ອມ​ກັບ​ພັນ​ລະ​ຍານຳ​ໜ້າ​ຄະ​ນະ​ຜູ້​ແທນ​ຂັ້ນ​ສູງ​ລັດ​ຖະ​ບານ​ຫວຽດ​ນາມ ໄດ​້​ເດີນ​ທາງ​ຮອດ​ສະ​ໜາມ​ບິນ Pochentong, ນະ​ຄອ​ນ​ຫຼວງ ພະ​ນົມ​ເປັນ, ເລີ່ມ​ຕົ້ນ​ການ​ຢ້ຽມ​ຢາມ​ປະ​ເທດ​ລາ​ຊະ​ອາ​ນາ​ຈ​ັກ ກຳ​ປູ​ເຈຍ ຢ່າງ​ເປັນ​ທາງ​ການ ໃນ​ລະ​ຫວ່າງວັນ​ທີ 24 – 25/04, ຕາມ​ຄຳ​ເຊີນ​ຂອງ​ທ່ານ​ນາ​ຍົກ​ລັດ​ຖະ​ມົນ​ຕີ Samdech Techo Hun Sen ແລະ ພັນ​ລະ​ຍາ. ອອກຕ້ອນ​ຮັບ​ທ່ານ​ນາ​ຍົກ​ລັດ​ຖະ​ມົນ​ຕີ ຫງວຽນ​ຊວນ​ຟຸ​ກ ແລະ ພັນ​ລະ​ຍາ ຢູ່​ສະ​ໜາມ​ບິນ​ສາ​ກົນ Pochentong, ຝ່າຍ​ກຳ​ປູ​ເຈຍ ມີ​ທ່ານ​ລັດ​ຖະ​ມົນ​ຕີ​ກະ​ຊວງ​ທ່ອງ​ທ່ຽວ Thong Khon, ການ​ນຳ​ກະ​ຊວງ​ການ​ຕ່າງ​ປະ​ເທດ ແລະ ຮ່ວມ​ມື​ສາ​ກົນ​ກຳ​ປູ​ເຈຍ, ເອກ​ອັກ​ຄະ​ລັດ​ຖະ​ທູດ​ກຳ​ປູ​ເຈຍ ປະ​ຈຳ​ຫວຽດ​ນາມ, ເອກ​ອັກ​ຄະ​ລັດ​ຖ​ະ​ທູ​ດ​ຫວຽດ​ນາມ ປະ​ຈຳ​ກຳ​ປູ​ເຈຍ.
      ຕອນ​ບ່າຍ​ວັນ​ທີ 24/04, ທ່ານ​ນາ​ຍົກ​ລັດ​ຖະ​ມົນ​ຕີ ຫງວຽນ​ຊວນ​ຟຸກ ແລະ ພັນ​ລະ​ຍ​າ​​ໄດ້​ເຂົ້າ​​ພົບກະ​ສັດ​ກຳ​ປູ​ເຈຍ Norodom Sihamoni ຢ​ູ່​ພະ​ລາ​ຊະ​ວັງ. ທ່ານ​ນາ​ຍົກ​ລັດ​ຖະ​ມົນ​ຕີ​ປາດ​ຖະ​ໜາ​ວ່າ, ກະ​ສັດ​ກຳ​ປູ​ເຈຍ Norodom Sihamoni ສືບ​ຕໍ່​ສະ​ໜັບ​ສະ​ໜູນ​ເພື່ອ​ໃຫ້​ການ​ພົວ​ພັນ​ຮ່ວມ​ມື​ມິດ​ຕະ​ພາບ​ອັນ​ດີ​ງາມ​ລະ​ຫວ່າງ 2 ປະ​ເທດ​​ນັບ​ມື້​ນັບ​ພັດ​ທະ​ນາ​ຢ່າງ​ແຮງ, ແທດ​ຈິງ ແລະ ມີ​ປະ​ສິດ​ທິ​ຜົນ. ທ່ານ​ນາ​ຍົກ​ລັດ​ຖະ​ມົນ​ຕີ ຫງວຽນ​ຊວນ​ຟຸກ ຢືນ​ຢັນ​ວ່າ, ຍາມ​ໃດ​ຫວຽດ​ນາມ ກ​ໍ​ຖື​ເປັນ​ສຳ​ຄັນ​ການ​ພົວ​ພັນ​ຖານ​ບ້ານ​ໃກ້​ເຮືອນ​ຄຽ​ງ​ອັນ​ດີ​ງາ​ມ, ມີດ​ຕະ​ພາບ​ທີ່​ເປັນ​ມູນ​ເຊື້ອ, ການ​ຮ່ວມ​ມື​ຮອບ​ດ້ານ, ໝັ້ນ​ຄົງ​ຍາວ​ນານ​ກັບ​ກຳ​ປູ​ເຈຍ.
      ສ່ວນກະ​ສັດ​ກຳ​ປູ​ເຈຍ Norodom Sihamoni ໄດ້​ເຊື່ອ​ໝັ້ນ​ຕໍ່​ຜົນ​ສຳ​ເລັດ​ອັນ​ດີ​ງາມ​ຂອງ​ໃນ​ການ​ຢ້ຽມ​ຢາມ​ກຳ​ປູ​ເຈຍ ຂອງ​ທ່ານ​ນາ​ຍົກ​ລັດ​ຖະ​ມົນ​ຕີ ຫງວຽ​ນ​ຊວນ​ຟ​ຸກ ຈະ​ຊຸກ​ຍູ້​ການ​ພົວ​ພັນ​ລະ​ຫວ່າງ 2 ປະ​ເທດ ໃຫ້​ພັດ​ທະ​ນາ​ຢ່າງ​ດີ​ງາມ​ໃນ​ໄລ​ຍະ​ຈະ​ມ​າ​ເຖິງ. ກະ​ສັດ​ກຳ​ປູ​ເຈຍ Norodom Sihamoni ປາດ​ຖະ​ໜາ​ວ່າ, ການ​ພົວ​ພັນ​ລະ​ຫວ່າງ 2 ປະ​ເທດ​ຈະ​ນັບ​ມື້​ນັບ​ໄດ້​ຮັບ​ການ​ພັດ​ທະ​ນາ​ເພື່ອ​ຄວາມ​ວັດ​ທະ​ນາ​ຖາ​ວອນ​ຂອງ 2 ປະ​ເທດ.
(ແຫຼ່ງຄັດຈາກ VOV)
ບັນດາບົດທີ່ຖືກນຳສະເໜີ