24/06/2017 13:01 GMT+7 Email Print Like 0

ທ່ານເລຂາທິການໃຫຍ່ພົບປະກັບຜູ້ມີສິດເລືອກຕັ້ງເມືອງຮາຍບ່າຈຶງ,ຮ່າໂນ້ຍ

      ຕອນເຊົ້າວັນທີ 23/6, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຟູ໋ຈ້ອງ, ໄດ້ພົບປະກັບຜູ້ມີສິດເລືອກຕັ້ງເມືອງ ຮາຍບ່າຈຶງ, ຮ່າໂນ້ຍ.

ທ່ານເລຂາທິການໃຫຍ່ ຫງວຽນຟູ໋ຈ້ອງ ພົບປະກັບຜູ້ມີສິດເລືອກຕັ້ງເມືອງ ຮາຍບ່າຈຶງ (ພາບ: vietnamnet)
      ນະທີ່ນີ້, ທ່ານເລຂາທິການໃຫຍ່ ຫງວຽນຟູ໋ຈ້ອງ ໃຫ້ຮູ້ວ່າ, ກອງປະຊຸມສະໄໝສາມັນເທື່ອທີ 3 ສະພາແຫ່ງຊາດຊຸດທີ 14 ໄດ້ປະສົບຜົນສຳເລັດຢ່າງຈົບງາມ. ພິເສດ, ກອງປະຊຸມຄັ້ງນີ້ໄດ້ຮັບຮອງເອົາປະມວນກົດໝາຍອາຍາ. ນອກນັ້ນສະພາແຫ່ງຊາດຍັງໄດ້ປຶກສາຫາລື, ປະກອບຄວາມເຫັນໃສ່ບັນດາບັນຫາຫຍຸ້ງຍາກ, ສຳຄັນອື່ນໆອີກ. ທ່ານເລຂາທິການໃຫຍ່ ຫງວຽນຟູ໋ຈ້ອງ, ຖືວ່າບັນດາບັນຫາພາຍຫຼັງຖືກຍົກອອກມາຊັກຖາມຕ້ອງມີການປ່ຽນແປງ, ຫັນປ່ຽນຢ່າງຕັ້ງໜ້າໃນພາກຕົວຈິງ.
        “ສິ່ງສຳຄັນແມ່ນໃນໄລຍະຈະມາເຖິງຕ້ອງນຳເອົາມະຕິເຂົ້າໃນຊີວິດການເປັນຢູ່ຄືແນວໃດ, ບັນດາສິ່ງທີ່ໄດ້ໝັ້ນໝາຍແລ້ວນັ້ນແມ່ນສາມາດປະຕິບັດໄດ້ບໍ, ຈະສືບຕໍ່ຕິດຕາມກວດກາອີກຫຼືບໍ? ຄວາມເປັນຫ່ວງຂອງຜູ້ມີສິດເລືອກຕັ້ງກໍ່ແມ່ນຄວາມເປັນຫ່ວງຂອງພວກຂ້າພະເຈົ້າ ແລະ ພວກເຮົາເວົ້າຫຼາຍກ່ຽວກັບສິ່ງດັ່ງກ່າວ. ສິ່ງສຳຄັນແມ່ນມີການຫັນປ່ຽນໃນພາກຕົວຈິ່ງແຫ່ງການດຳລົງຊີວິດໄດ້ຫຼືບໍນັ້ນຈຶ່ງແມ່ນສິ່ງທີ່ຕ້ອງການ“.
        ຕອນບ່າຍຂອງວັນດຽວກັນ, ທ່ານເລຂາທິການໃຫຍ່ ຫງວຽນຟູ໋ຈ້ອງ, ໄດ້ມີການພົບປະກັບຜູ້ມີສິດເລືອກຕັ້ງເມືອງ ບາດິ່ງ, ຮ່າໂນ້ຍ.
(ແຫຼ່ງຄັດຈາກ VOV)
ບັນດາບົດທີ່ຖືກນຳສະເໜີ