26/12/2016 11:58 GMT+7 Email Print Like 0

ທ່ານຮອງນາຍົກລັດຖະມົນຕີເຂົ້າຮ່ວມພິທີປະກາດແຜນກຳນົດແລະລົງມືກໍ່ສ້າງ 2 ໂຄງການຈຸດສຸມ


ທ່ານ​ຮອງ​ນາຍົກລັດຖະມົນຕີ ​ເວື​ອງດິ່ງ​ເຮ້
(ພາບ: TTXVN)
 
      ຕອນ​ເຊົ້າ​ວັນ​ທີ 25/12, ຢູ່​ແຂວງ ທ໋າຍງວຽນ ​ໄດ້​ຈັດ​ຕັ້ງ​ພິທີ​ປະກາດ​ແຜນ​ສັງ​ລວມພັດທະນາ​ເຂດ​ທ່ອງ​ທ່ຽວ​ແຫ່ງ​ຊາດ​ໜອງ ນູ໋ຍກົກ ​ເຖິງ​ປີ 2025, ທິດ​ທາງ​ເຖິງ​ປີ 2030; ລົງ​ນາມ​ໃນ​ສັນຍາ​ຮ່ວມ​ມື​ລົງທຶນ ​ແລະ ວາງ​ສີ​ລາ​ກໍ່ສ້າງ​ທາງ​ໜອງ ນູ໋ຍກົກ. ກ່າວ​ຄວາມ​ເຫັນ​ນະ​ພິທີ, ທ່ານ​ຮອງ​ນາຍົກລັດຖະມົນຕີ ​ເວື​ອງດິ່ງ​ເຮ້ ຖື​ວ່າ, ຈຸດໝາຍ​ພັດທະນາ​ການທ່ອງທ່ຽວ ​ແຕ່​ຕ້ອງ​ຖື​ເປັນ​ສຳຄັນ​ທີ່​ສຸດ​ເລື່ອງ​ອະນຸລັກ​ຮັກສາ​ຊັບພະຍາກອນ, ສິ່ງ​ແວດ​ລ້ອມ​ຊີວະ​ພາບ​ຂອງ​ໜອງ ​ແລະ ບໍລິ​ເວນ​ໜອງ ນູ໋ຍກົກ. ທ່ານ​ຮອງ​ນາຍົກລັດຖະມົນຕີ​ເວື​ອງດິ່ງ​ເຮ້ ​ໃສ່​ໃຈ​ແຂວງ ທ໋າຍງວຽນ​ກຳ​ແໜ້ນ​ທິດ​ທາງ​ດັ່ງກ່າວ​ເພື່ອ​ພັດທະນາ​ເຂດ​ທ່ອງ​ທ່ຽວ​ແຫ່ງ​ຊາດ​ໜອງ ນູ໋ຍກົກ ບໍ່​ພຽງ​ແຕ່​ຮັບປະກັນ​ດ້ານ​ໂຄງ​ລ່າງ, ຫາກ​ຍັງ​ຮັບປະກັນ​ສະພາບ​ແວດ​ລ້ອມ​ແຫ່ງ​ການ​ພັດທະນາ​ການທ່ອງທ່ຽວ, ພິ​ເສດ​ແມ່ນ​ຕ້ອງ​ມີ​ຫຼາຍ​ຜະລິດ​ຕະພັນ​ທ່ອງ​ທ່ຽວ​ທີ່​ມີ​ຄຸນ​ນະພາ​ບສູງ, ມີ​ຄວາມ​ແຕກ​ຕ່າງ​ກັນ ​ແລະ ​ເຂັ້ມ​ຄົ້ນ​ໄປ​ດ້ວຍ​ສີສັນວັດທະນະທຳ​ຂອງ​ບັນດາ​ເຜົ່າ​ເຂດ ຫວຽດບັກ ​ແລະ ​ເຂດ​ພູ​ພຽງ​ທາງ​ພາກ​ເໜືອ​ເວົ້າ​ລວມ. ທ່ານ​ຮອງ​ນາຍົກລັດຖະມົນຕີ ​ເວື​ອງດິ່ງ​ເຮ້ ຫວັງ​ວ່າ ທ໋າຍງວຽນ ຈະ​ກາຍ​ເປັນ​ສະຖານ​ທີ່​ສ້າງ​ຄວາມ​ດຶງ​ດູດ ​ແລະ ມີ​ຊື່​ສຽງ​ຢູ່​ພາຍ​ໃນ​ປະ​ເທດ ​ແລະ ສາກົນ. ທ່ານ​ເນັ້ນ​ໜັກ​ວ່າ: ​ໂດຍ​ແມ່ນ​ແຂວງ​ທີ່​ນອນ​ໃນ​ແຜນ​ກຳນົດ​ເຂດ​ນະຄອນຫຼວງ, ​ເປັນ​ແຂວງ​ຢືນ​ທີ​ສາມ​​ໃນ​ທົ່ວ​ປະ​ເທດ ກ່ຽວ​ກັບ​ການ​ກໍ່ສ້າງ, ພັດທະນາ​ແຫຼ່ງຊັບພະຍາກອນ​ມະນຸດ, ມີ​ເງື່ອນ​ໄຂ​ເພື່ອ​ພັດທະນາ, ທ໋າຍງວຽນ ຕ້ອງ​ກາຍ​ເປັນ​ແຂວງ​ທີ່​ສວຍ​ງາມ, ຮັ່ງມີ, ​ເຂັ້ມ​ແຂງ​ທາງ​ດ້ານ​ເສດຖະກິດ, ໝັ້ນຄົງ​ດ້ານ​ປ້ອງ​ກັນຊາ​ດ ​ແລະ ປ້ອງ​ກັນ​ຄວາມ​ສະຫງົບ ບໍ່​ພຽງ​ແຕ່​ຂອງ​ເຂດ​ພູ​ພຽງ, ພູດ​ອຍທາງ​ພາກ​ເໜືອ​ເທົ່າ​ນັ້ນ, ຫາກ​ຂອງ​ທັງ​ທົ່ວ​ປະ​ເທດ​ອີກ​ດ້ວຍ.
(ແຫຼ່ງຄັດຈາກ VOV)
ບັນດາບົດທີ່ຖືກນຳສະເໜີ