13/12/2014 10:13 GMT+7 Email Print Like 0

ທ່ານປະທານປະເທດ ຕ້ອນຮັບທ່ານປະທານ ຄະນະກຳມະການ ສາມັກຄີ ອິນເດຍ-ຫວຽດນາມ, ລັດ Bengal ຕາເວັນຕົກ

ທ່ານ​ປະທານ​ປະ​ເທດ​ຫວຽດນາມ ເຈືອງ​ເຕິ​ນຊາງ​ຕ້ອນຮັບ
ປະທານຄະນະ​ກຳມະການ​ຄວາມ​ສາມັກ​ຄີ ອິນ​ເດຍ-ຫວຽດນາມ
(ພາບ: VNA)

ຕອນ​ບ່າຍ​ວັນ​ທີ 11/12, ທີ່​ການ​ຕ້ອນຮັບ​ທ່ານ Geetesh Sharma, ປະທານຄະນະ​ກຳມະການ​ຄວາມ​ສາມັກ​ຄີ ອິນ​ເດຍ-ຫວຽດນາມ, ລັດ Bengal ຕາ​ເວັນ​ຕົກ, ທ່ານ​ປະທານ​ປະ​ເທດ​ຫວຽດນາມ ເຈືອງ​ເຕິ​ນຊາງ ໄດ້​ສະ​ແດງ​ຄວາມ​ພາກ​ພູມ​ໃຈ ຕໍ່​ສາຍ​ພົວພັນ​ມິດຕະພາບ​ລະຫວ່າງ 2 ປະ​ເທດ ໂດຍ​ທ່ານ​ປະທານ​ໂຮ່ຈິ​ມິນ ແລະ ທ່ານ​ນາຍົກລັດຖະມົນຕີ Ne-ru ​​ເພີ່ມ​ພູນ​ຄູນ​ສ້າງ​ ເຊິ່ງ​ການ​ນຳ ແລະ ປະຊາຊົນ 2 ປະ​ເທດ​ໄດ້ຮັກສາ ແລະ ເສີມ​ຂະຫຍາຍມາ​ຮອດ​ປະຈຸ​ບັນ​​. ທ່ານ​ປະທານ​ປະ​ເທດ​ຫວຽດນາມ ເຈືອງ​ເຕິ​ນຊາງ ເນັ້ນ​ໜັກ​ວ່າ: ບັນດາ​ຄວາມ​ມານະ​ພະຍາຍາມ​ຂອງ​ການ​ນຳ 2 ປະ​ເທດ​ໃນ​ການ​ຍູ້​ແຮງ​ສາຍ​ພົວພັນ​ມິດຕະພາບ​ທີ່​ເປັນ​ມູນ​ເຊື້ອ ຫວຽດນາມ-ອິນ​ເດຍ ໃນ​ທຸກ​ຂົງ​ເຂດ​ນັບແຕ່​ດ້ານ​ການ​ເມືອງ, ການ​ທູດ, ວັດທະນະທຳ, ການ​ສຶກສາ, ການ​ຕ່າງປະ​ເທດ​ປະຊາຊົນ, 2 ປະ​ເທດ​ຍາມ​ໃດ​ກໍ່​ສະຫງວນ​ການ​ສະໜັບສະໜູນ​ເຊິ່ງກັນ ແລະ ກັນ​ໃນ​ບັນດາ​ເວທີ​ປາ​ໄສ​ສາກົນ. ທ່ານ​ປະທານ​ປະ​ເທດ​ຫວຽດນາມ ເຈືອງ​ເຕິ​ນຊາງ ເຊື່ອ​ໝັ້ນ​ວ່າ: ດ້ວຍ​ຄວາມ​ມານະ​ພະຍາຍາມ​ຂອງ 2 ປະ​ເທດ​ບັນດາຂົງ​ເຂດ​ຮ່ວມ​ມື​ຈະ​ນັບ​ມື້​ນັບ​ເປີດ​ກ້ວາງ ແລະ ລົງ​ເລິກ, ໃນ​ນັ້ນ​ມີການ​ເປີດສາຍ​ການບິນ​ໂດຍ​ກົງ​ເຊື່ອ​ມຈອດ​ບັນດາ​ນະຄອນ​ໃຫຍ່​ຂອງ​ອິນ​ເດຍ ແລະ ບັນດາ​ນະຄອນ​ໃຫຍ່​ຂອງ​ຫວຽດນາມ.

(​ແຫຼ່ງຄັດ​ຈາກ VOV)

ບັນດາບົດທີ່ຖືກນຳສະເໜີ